Published:Updated:

வாழ்வை மாற்றிய புத்தகம் - “கண்களை மூடிக்கொண்டு பாருங்கள்!”

வாழ்வை மாற்றிய புத்தகம் - “கண்களை மூடிக்கொண்டு பாருங்கள்!”
பிரீமியம் ஸ்டோரி
வாழ்வை மாற்றிய புத்தகம் - “கண்களை மூடிக்கொண்டு பாருங்கள்!”

தொகுப்பாளினி பாவனாஆர்.வைதேகி - படம்: தே.அசோக்குமார்

வாழ்வை மாற்றிய புத்தகம் - “கண்களை மூடிக்கொண்டு பாருங்கள்!”

தொகுப்பாளினி பாவனாஆர்.வைதேகி - படம்: தே.அசோக்குமார்

Published:Updated:
வாழ்வை மாற்றிய புத்தகம் - “கண்களை மூடிக்கொண்டு பாருங்கள்!”
பிரீமியம் ஸ்டோரி
வாழ்வை மாற்றிய புத்தகம் - “கண்களை மூடிக்கொண்டு பாருங்கள்!”

``பாடப்   புத்தகங்களை விட,   மற்ற    புத்தகங்களைத்தான் அதிகம் படித்திருக்கிறேன். குழந்தைத்தனமாகக் குதூகலிக்கச் செய்த ஹாரி பாட்டரும் உண்டு; வாழ்க்கையைப் புரியவைத்த தத்துவப் புத்தகங்களும் உண்டு.

வாழ்வை மாற்றிய புத்தகம் - “கண்களை மூடிக்கொண்டு பாருங்கள்!”

மிச் ஆல்போம் எழுதிய நாவல் ‘ட்யூஸ்டேஸ் வித் மோரி’யை என் கல்லூரி நாள்களில் படித்திருக்கிறேன். கதையின் நாயகன் ஒரு புத்தகம் எழுதும் முயற்சிக்காக தனது முன்னாள் ஆசிரியரைச் சந்திக்க விரும்புகிறார். அந்த ஆசிரியர் நோய்வாய்ப்பட்டு இறக்கும் தறுவாயில் இருக்கிறார். ஒவ்வொரு செவ்வாயும் நடக்கும் அந்தச் சந்திப்புகளை நாவலின் அத்தியாயங்களாக எழுதியிருக்கிற ஆசிரியர், ‘சாகத் தெரிந்துவிட்டால், வாழக் கற்றுக்கொள்வாய்’ என்கிறார்.

‘நீங்கள் கண்களைத் திறந்து ஒரு விஷயத்தைப் பார்க்கிறீர்கள்... உங்களால் அதை நம்ப முடியவில்லையா? கண்களை மூடிக்கொள்ளுங்கள். உங்களால் உணர முடிந்தால் அது நிஜம்’ என்கிறார். ‘மக்களும் அப்படித்தான். கண்களைத் திறந்தபடி ஒருவரைப் பிடிக்கிறது, பிடிக்கவில்லை என்று சொல்வதற்குப் பதில், கண்களை மூடிக்கொண்டு பார்த்துச் சொல்லுங்கள். அப்போது ஒருவேளை உங்களுக்குப் பிடிக்கலாம். நீங்கள் வெளிச்சத்தில் இருக்கிறீர்களோ, இருட்டில் இருக்கிறீர்களோ... மனிதர்களை நம்பக் கற்றுக்கொள்ளுங்கள்... நம்பினால்தான் அவர்களைப் பற்றி உங்களுக்குத் தெரியும்’ என்கிறார்.

சாகக் கிடக்கும் ஒருவரால் அந்த இறப்பை எப்படி இவ்வளவு எளிமையாகப் பார்க்க முடியும் என்கிற பிரமிப்பு இந்தப் புத்தகத்தைப் படிக்கிற யாருக்கும் ஏற்படும். `பயத்துடன் வாழ்பவர்கள், பயத்துடன்தான் இறந்தும் போகிறார்கள். மரணத்தை ஏற்றுக்கொள்ளத் தெரிந்தவர்கள், வாழ்க்கையையும் ஏற்றுக்கொள்கிறார்கள்' என்கிற வரிகள், என்னை மிகவும் பாதித்தவை.

‘நான் என் வாழ்க்கையில் எல்லாவற்றையும் சந்தோஷமாக முடித்துவிட்டேன். எனக்கான முடிவு நெருங்கிவிட்டது... வாழ்ந்த வாழ்க்கைக்கு நன்றி செலுத்துகிறேன் என்று சொல்லும் பக்குவம் உங்களுக்கு இருந்தால், வாழும்போதும் வாழ்க்கை உங்களுக்குத் திருப்தியாகவும், மகிழ்ச்சியானதுமாகவே இருக்கும்’ என்பார் நாவல் ஆசிரியர்... எத்தனை யதார்த்தம்!

ஒட்டுமொத்த விகடனுக்கும் ஒரே ஷார்ட்கட்!

வாழ்வை மாற்றிய புத்தகம் - “கண்களை மூடிக்கொண்டு பாருங்கள்!”

`டோன்ட் ஹோல்ட் ஆன்  டூ லாங்... டோன்ட் லெட் கோ டூ ஸூன்' என்பார். இந்த வரிகளை இன்று என் வாழ்க்கையோடு பொருத்திப் பார்த்துக்கொள்கிறேன். `கோபத்தையோ, சண்டையையோ ரொம்ப நாள்கள்  மனதுக்குள் வைத்திருக்காதீர்கள்; அதே போல உங்கள் கனவுகளையும் லட்சியங்களையும் சீக்கிரம் கைவிட்டுவிடாதீர்கள்... நீங்கள் விரும்புகிறவர்களையும்' என்பதாகத்தான் எடுத்துக்கொள்கிறேன். இதையேதான் நான் சந்திக்கிறவர்களுக்கும் அடிக்கடி சொல்கிறேன்.

இந்தப் புத்தகத்தை ஒவ்வொருமுறை படிக்கும்போதும் அழுதிருக்கிறேன். கதையில் வரும் பேராசிரியர், என் தாத்தாவை நினைவுபடுத்துவார். அந்தப் புத்தகத்தைப் பற்றி தாத்தாவிடம் நிறைய விவாதித்திருக்கிறேன். என் தாத்தா இறந்தபோது கடைசியாகப் படித்தேன். அதன்பிறகு மறுபடி படிக்க எனக்குத் தைரியம் இல்லை. 

நாம் எப்படி அடுத்த வர்களைக் கவர முடியும்? இந்தக் கேள்வியும் இந்த நாவலில் வரும்.  `உன்னைவிட மேலே இருப்பவர்களிடம் நீ பந்தா காட்டாதே... அவர்கள் உன்னை எப்போதும் தாழ்வாகவே பார்ப்பார்கள். உனக்குக் கீழே இருப்பவர்களிடம் நீ பந்தா காட்டினாலும் அவர்கள் உன்னைப் பொறாமை யுடன்தான் பார்ப்பார்கள். எல்லோரும் சமம் என நீ நினைத்துக்கொண்டு உன் வாழ்க்கையை வாழ்' என்பார். இது எனக்கே பெர்சனலாக உதவியிருக்கிறது.

‘வீ பிகம் தி புக்ஸ் வீ ரீட்’ என ஆங்கிலத்தில் ஒரு பொன்மொழி உண்டு. இந்தப் புத்தகமும் என்னை அப்படித்தான் மாற்றியது.''

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism