Published:Updated:

சிறு தொழிலுக்கும் உதவும் ஸ்வைப்!

சிறு தொழிலுக்கும் உதவும்  ஸ்வைப்!
பிரீமியம் ஸ்டோரி
News
சிறு தொழிலுக்கும் உதவும் ஸ்வைப்!

அனைத்தும் அறிவோம்சோ.கார்த்திகேயன்

தெருக்கடைகள் முதல் ஷாப்பிங் மால்கள் வரை பிஓஎஸ் (பாயின்ட் ஆஃப் சேல்) இயந்திரங்கள் என்று சொல்லப்படும் ஸ்வைப்பிங் மெஷின்கள் வந்துவிட்டன. சிறுதொழில் செய்யும் பெண்களுக்கும் இந்த மெஷின் பயனுள்ளதாகி வருகிறது. இதை எங்கு, எப்படி வாங்குவது? இதுகுறித்து தனியார் வங்கி அதிகாரி சந்தீப்பிடம் கேட்டோம்.  

சிறு தொழிலுக்கும் உதவும்  ஸ்வைப்!

எங்கு வாங்குவது?

“இந்தியாவில் பிஓஎஸ் இயந்திரங்களை எஸ்பிஐ, ஹெச்டிஎஃப்சி, ஐசிஐசிஐ போன்ற முன்னணி வங்கிகளும், சில நிதி நிறுவனங் களும் விநியோகித்து வருகின்றன. உங்களுக்கு எந்த வங்கியில் கணக்கு உள்ளதோ, அந்த வங்கி மூலம் பிஓஎஸ் இயந்திரங்களைப் பெறுவது நல்லது. நீங்கள் கணக்கு வைத்திருக்கும் வங்கியில் பிஓஎஸ் இயந்திரங்களை வாங்கினால், அதைப் பயன்படுத்தும்
போது, பரிவர்த்தனைத் தொகையானது உங்களுடைய வங்கிக் கணக்கிலேயே வரவு வைக்கப்படும். அதுவே நீங்கள் வேறு ஒரு வங்கி அல்லது நிதி நிறுவனத்திடம் பிஓஎஸ் இயந்திரங்களை வாங்கினால், ஏற்கெனவே நீங்கள் பயன்படுத்தும் வங்கிக் கணக்குடன், வேறு ஒரு வங்கிக் கணக்கையும் இணைத்துப் பரிவர்த்தனை செய்யவேண்டி வரும். 

எப்படி வாங்குவது?

உங்களுக்கு எந்த வங்கியில் கணக்கு உள்ளதோ அந்த வங்கிக் கிளைக்கு நேரடியாகச் சென்று பிஓஎஸ் இயந்திரத்துக்கான விண்ணப்பம் அளிக்கலாம். கடை உரிமையாளர், சிறு தொழில்புரிபவர் அல்லது பிரைவேட் லிமிடெட் என  வணிகத்துக்கு ஏற்றாற்போல ஆவணங்கள் வழங்கி, பிஓஎஸ் இயந்திரத்தைப் பெற்றுக்கொள்ளலாம்.

பிஓஎஸ் இயந்திரங்களைப் பொறுத்தவரை லேண்ட்லைனுடன் இணைக்கப்படும் இயந்திரம், ஜிபிஆர்எஸ் உடன் இணைக்கப்படும் இயந்திரம் எனப் பல வகைகள் உள்ளன. 150 ரூபாயில் இருந்து 650 ரூபாய் வரை மாத வாடகை செலுத்தி இதைப் பயன்படுத்தலாம். யார், உங்களுக்கு பிஓஎஸ் இயந்திரங்களை வழங்குகிறார்களோ, அவர்களே வங்கிக் கணக்குடன் இயந்திரத்தை இணைத்துக் கொடுத்துவிடுவார்கள். ஒவ்வொரு பரிவர்த்தனைத் தொகைக்கும் ஏற்ப 2-3 சத விகித அளவு சேவைக் கட்டணம் பிடித்தம் செய்யப்படும்” என்கிறார் சந்தீப்.

பணமில்லாப் பரிவர்த்தனைகளுக்கு முக்கியத்துவம் தரப்படும் இன்றைய சூழலில் ஸ்வைப்பிங் மெஷின் அவசியம் தேவை. இதைப் பயன்படுத்துவதன்மூலம் நம் வணிகத்தைப் பெருக்க முடியும்.  எல்லாத் துறைகளிலும் கால் பதித்து, சாதித்துக்கொண்டிருக்கும் பெண்கள் இனி எலெக்ட்ரானிக் பரிவர்த்தனைகளிலும் அசத்தத் தயார் ஆகலாம்! 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz