Published:Updated:

‘உலகிலேயே சிறந்த ஹாஸ்யம் எது?’

‘உலகிலேயே சிறந்த ஹாஸ்யம் எது?’
பிரீமியம் ஸ்டோரி
‘உலகிலேயே சிறந்த ஹாஸ்யம் எது?’

வாழ்வை மாற்றிய புத்தகம்ஆர்.வைதேகி

‘உலகிலேயே சிறந்த ஹாஸ்யம் எது?’

வாழ்வை மாற்றிய புத்தகம்ஆர்.வைதேகி

Published:Updated:
‘உலகிலேயே சிறந்த ஹாஸ்யம் எது?’
பிரீமியம் ஸ்டோரி
‘உலகிலேயே சிறந்த ஹாஸ்யம் எது?’

‘`சில வருடங்களுக்கு முன்புவரை நான் நிறைய புத்தகங்கள் படித்துக்கொண்டிருந்தேன். சமீப காலமாகப் புதிதாக எந்தப் புத்தகத்தையும் படிக்கவில்லை. நல்ல சாப்பாடு சாப்பிட்டதும் அதன் சுவை மாறிவிடக்கூடாதென சிறிது நேரத்துக்கு வேறு எதையும் சாப்பிட நினைக்க மாட்டோமில்லையா? அதுபோல கடைசியாகப் படித்த அந்தப் புத்தகத்தின் தாக்கம் எனக்குள் இன்னும் அப்படியே இருக்கிறது. அந்தப் புத்தகம் சோ எழுதிய ‘மகாபாரதம் பேசுகிறது’. இரண்டு பெரிய வால்யூம்களைக்கொண்ட புத்தகம். பொதுவாக பெரிய புத்தகங்களைப் பார்த்தால் கொஞ்சம் யோசிப்பேன். அதைப் படித்து முடிக்கும்வரை நாம் இருப்போமா என்கிற எண்ணம் வரும். அதைத்தாண்டி முக்கியமான பெரிய புத்தகங்களைப் படிக்க நேரும்போது அதைப் படித்துத் தெரிந்துகொள்கிற வரை நான் இருக்க வேண்டும் என வேண்டிக்கொள்வேன். ‘மகாபாரதம் பேசுகிறது’ கூட அப்படியொரு வேண்டுதலுடன் படித்து முடிக்கப்பட்டதுதான்.

மனோரமா ஆச்சியிடம் இந்தப் புத்தகத்தைப் பற்றிச் சொல்லிப் படிக்கச் சொல்லியிருந்தாராம் சிவகுமார் சார். பொதுவாக புத்தகங்கள் பற்றிப் பேசிக்கொண்டிருந்தபோது மனோரமா அம்மா,  இந்தப் புத்தகத்தை என்னையும் வாங்கிப் படித்துப் பார்க்கச் சொன்னார். நான் அதைப் படித்து, எனக்குப் பிடித்துப் போய் நிறைய பேருக்கு அன்பளிப்பாக வாங்கிக் கொடுத்திருக்கிறேன். இதிகாசங்களில் எனக்கு மிகவும் பிடித்தது மகாபாரதம்தான். நடைமுறை வாழ்க்கையோடு தொடர்புடையதாகவே அதை நான் பார்க்கிறேன்.

‘உலகிலேயே சிறந்த ஹாஸ்யம் எது?’

திருமூலர் புத்தகங்கள் எல்லாம் சரியான பொழிப்புரை இல்லாவிட்டால் புரியாது. நானெல்லாம் எட்டாவதுதான் படித்திருக்கிறேன். எனக்கு அம்மாதிரியான புத்தகங்கள் படித்ததும் புரியாது. அந்த  எண்ணத்தை மாற்றிய பிரமாதமான புத்தகமும் இதுதான்.

பெரிய வால்யூம்ஸ் என்றாலும் படிக்க ஆரம்பித்ததும் கீழே வைக்கவே மனமில்லை. அதைப் படிப்பதே வேலையாக இருந்ததால் ஒரே வாரத்தில் முடித்துவிட்டேன். அதன் பிறகு மூன்று முறை படித்தேன். முதல் முறை படித்தவுடனேயே சோ சாருக்கு போன் செய்து, ‘இந்தப் புத்தகத்தை என்னால் மறக்கவே முடியாது. அவ்வளவு பிடித்தது’ என்று சொன்னேன். அவர் சொன்ன பதில் ஆச்சர்யத்தைக் கொடுத்தது. ‘எல்லாம் உங்களுடைய ஆசீர்வாதம்’ என்றார். ‘சின்னவங்களோட ஆசீர்வாதமும் இருந்தால்தான் இப்படியெல்லாம் எழுத முடியும்’ என்றார். எங்கெல்லாம் மகாபாரதம் எழுதப்படுகிறதோ, அங்கெல்லாம் வியாசரே இருப்பதாக ஒரு நம்பிக்கை உண்டு. இந்தப் புத்தகத்தைப் படித்த பிறகு நானும் அதை உணர்ந்தேன்.

ஒட்டுமொத்த விகடனுக்கும் ஒரே ஷார்ட்கட்!

‘உலகிலேயே சிறந்த ஹாஸ்யம் எது?’

புத்தகத்தில் தர்மநீதி என்றொரு பகுதி வரும். தர்மருக்கும் யட்சனுக்கும் ஓர் உரையாடல் நிகழும். தர்மரின் சகோதரர்களை எல்லாம் யட்சன் பிடித்துவைத்துக்கொண்டு, ‘நான் கேட்கும் கேள்விகளுக்கு எல்லாம் பதில் சொன்னால்தான் விடுவேன்’ என்பார். எல்லா பதில்களையும் சொன்ன பிறகு ‘உனக்கு எந்தச் சகோதரர் வேண்டும்?’ என்பார். நகுலன் - சகாதேவன் ஜோடியில் ஒருவரைக் கேட்பார்.  ‘நீ ஏன் உன் தாய்க்குப் பிறந்தவர்களைக் கேட்காமல் மாதுரியின் குழந்தைகளைக் கேட்கிறாய்?’ என்பார். ‘என் அம்மாவுக்கு நான் இருக்கிறேன். அந்தத் தாய்க்கும் ஒரு மகன் இருக்கட்டுமே’ என்பார். அவரது தாராள மனதைப் பாராட்டி, அத்தனை சகோதரர்களையும் விடுவிப்பார். இந்தப் பகுதி எல்லோருக்குமானது. இதில் கேட்கப்பட்ட கேள்விகளில் ஒன்று, ‘உலகிலேயே சிறந்த ஹாஸ்யம் எது?’  அதற்கு ‘நாளைக்கு மரணத்தைச் சந்திக்கப் போகிறவன், இன்று இறந்தவனைப் பார்த்து வருத்தப்படுவது’ என்கிற பதில் வரும். எவ்வளவு அர்த்தம் பொதிந்த பதில்.

இந்தப் புத்தகத்தைப் படிக்கிறபோது ‘கர்ணன்’ படத்தைத் தொடர்புபடுத்திப் பார்த்து, கண்ணதாசன் சாரை நினைத்து வியந்திருக்கிறேன்.  ‘தாய்க்கு நீ மகனில்லை... தம்பிக்கு நீ அண்ணனில்லை... ஊர் பழி ஏற்றாயடா’ என பத்து வரிகளில் கர்ணனைப் பற்றிச் சொல்லியிருப்பார். அந்த வரிகளிலேயே மொத்தக் கதையும் சொல்லப்பட்டிருக்கும்.

மகாபாரதத்தை மட்டும் எத்தனை வெர்ஷன் படித்தாலும் ஒவ்வொரு முறையும் புதிதாகப் படிக்கிற உணர்வைத் தரும். என் அம்மா உள்பட பலருக்கு இந்தப் புத்தகத்தைப் படிக்கச் சொல்லிப் பரிந்துரைத்திருக்கிறேன். என் அம்மாவுக்குப் புத்தகம் படிக்கிற பழக்கமே கிடையாது. ‘அப்படி என்னதான் விழுந்து விழுந்து படிக்கிறே’ என என்னைக் கேட்டபோது, ‘எனக்காகப் பத்து பக்கம் மட்டும் படிங்க’ எனச் சொல்லிக் கொடுத்தேன். அம்மா அந்தப் புத்தகத்தையே எனக்குத் திருப்பிக் கொடுக்கவில்லை. ‘என்கிட்டயே இருக்கட்டும். நீ வேற வாங்கிக்கோ’ என்றார்.

எந்த ஒரு புத்தகமும் அதை வாசிக்கிறவருக்குப் புரியும்வகையில் இருக்க வேண்டும். எல்லாருக்கும் புரிகிற மாதிரி எழுதப்பட்ட இந்தப் புத்தகம் என்னைப் பொறுத்தவரையில் ஒரு பொக்கிஷம். எல்லோரும் உணர வேண்டிய அனுபவமும் கூட!’’

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism