Published:Updated:

சித்திரம் பேசுதடி வருகிறாள் ‘காமன் உமன்!’

சித்திரம் பேசுதடி வருகிறாள் ‘காமன் உமன்!’
பிரீமியம் ஸ்டோரி
News
சித்திரம் பேசுதடி வருகிறாள் ‘காமன் உமன்!’

ஆர்.கே.லக்ஷ்மண் பேத்தியின் புதிய அவதார்ஸ்ரீஅகத்திய ஸ்ரீதர்

‘`நன்றாக நினைவிருக்கிறது... 2005-ம் ஆண்டு ஒரு பத்திரிகையாளர் என் தாத்தாவைப் பேட்டி எடுத்துக்கொண்டிருந்தார். அப்போது அவர், ‘எனக்குப் பின் என் பேத்தி என் பணியைத் தொடர்வாள்’ என்று கூறினார். அவரது தீர்க்கதரிசனமான ஆசீர்வாதம் இப்போது நனவாகியிருக்கிறது!’’ 

சித்திரம் பேசுதடி வருகிறாள் ‘காமன் உமன்!’

ரிமானிகாவின் வார்த்தைகளில் தாத்தாவின் நினைவுகள் ஊஞ்சலாடுகின்றன. பிரபல கார்ட்டூனிஸ்ட் ஆர்.கே.லக்ஷ்மணின் பேத்தி. தன் தாத்தாவைப் பின்பற்றி கார்ட்டூன் உலகில் அடியெடுத்து வைத்துள்ளார். மும்பை பல்கலைக்கழகத்தில் சைக்காலஜி படித்துக்கொண்டிருப்பவரிடம் பேசினோம்.

‘`என் தாத்தா வரைந்த கேலிச்சித்திரங்களைச் சிறுவயதிலிருந்து பார்த்து வளர்ந்தேன். அவரது கார்ட்டூனில் ஒளிந்துகிடக்கும் கேலியைச் சட்டென்று புரிந்துகொள்வது கடினம். வஞ்சப்புகழ்ச்சி, கேலி, மனதை உருக்கும் சோகம், நல்லொழுக்கம், மரியாதை... இவையெல்லாம் அந்தச் சித்திரத்துக்கு நீங்காத உயிர் கொடுக்கும். அவரின் அந்தக் கற்பனையும் சிந்தனையும் சிறுவயதிலேயே என்னுள் ஆழ்ந்த தாக்கத்தை ஏற்படுத்தின. 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
சித்திரம் பேசுதடி வருகிறாள் ‘காமன் உமன்!’

தாத்தாவின் பிரபல கார்ட்டூன் கதா பாத்திரமான ‘தி காமன் மேன்’ (The Comman Man) ஒரு வரலாறு எனலாம். நாட்டின் சாதாரண குடிமகனின் எண்ண ஓட்டங்களை மிகவும் அழுத்தமாக உணர்த்திய கார்ட்டூன் கதாபாத்திரம் அது. அதேபோல நான், ‘தி காமன் உமன்’ (The Common Woman) என்ற கதாபாத்திரத்தை உருவாக்கியிருக்கிறேன். 

20 - 25 வயதுப் பெண்ணின் தோற்றத்தில் என் ‘காமன் உமன்’ இருப்பாள். தன் ஆணித்தரமான கருத்துகளைச் சுதந்திரமாக, தைரியமாக வெளிப்படுத்தும் முன்மாதிரிப் பெண் அவள். சமூக அவலங்கள் மற்றும் பெண்கள் சந்திக்கும் பிரச்னைகளைப் பேசுவாள்.  

சித்திரம் பேசுதடி வருகிறாள் ‘காமன் உமன்!’

ஒரு குழுவை ஏற்படுத்தி கம்ப்யூட்டரின்  உதவியுடன் பணியாற்றவிருக்கிறேன். ஒவ்வொரு மாதமும் ஒரு ‘காமன் உமன்’ கார்ட்டூன் கதையை வெளியிட உத்தேசித் துள்ளேன். பல பத்திரிகைகள் என் கார்ட்டூன் களை வெளியிட விருப்பம் தெரிவித்துள்ளன. முதலில் சமூக வலைதளங்களான முகநூல், ட்விட்டர் மற்றும் இன்ஸ்டாகிராமில் பதிவிட்டு கருத்துகளை அறிந்துகொண்டு, பின்னர் பத்திரிகைகளின் பக்கம் கவனம் செலுத்தவிருக்கிறேன். வாசகர்களின் வரவேற்பைப் பொறுத்து மற்ற மொழிகளிலும் பணிபுரியத் திட்டமிட்டுள்ளேன்!” - தேசத்தைக் கவனிக்கவைக்கும் மூளையும் முனைப்புமாக இருக்கிறார் ரிமானிகா.

நல்வரவு!