Published:Updated:

போராட்டத்துக்கு கிடைத்த வெற்றி!

போராட்டத்துக்கு கிடைத்த வெற்றி!
பிரீமியம் ஸ்டோரி
போராட்டத்துக்கு கிடைத்த வெற்றி!

அறிவியல் பெண்கள்ர.சீனிவாசன்

போராட்டத்துக்கு கிடைத்த வெற்றி!

அறிவியல் பெண்கள்ர.சீனிவாசன்

Published:Updated:
போராட்டத்துக்கு கிடைத்த வெற்றி!
பிரீமியம் ஸ்டோரி
போராட்டத்துக்கு கிடைத்த வெற்றி!

லக அரங்கில் 1901-ம் ஆண்டிலிருந்து 2017-ம் ஆண்டு வரை, 48 பெண்கள் மட்டுமே நோபல் பரிசு பெற்றிருக்கிறார்கள். அவர்களில் அறிவியல் களத்தில் இதுவரை நான்கு பெண்கள் மட்டுமே நோபல் பரிசு வென்றிருக்கிறார்கள். அறிவியல், பெண்களுக்கான களம் இல்லை என்பதுபோன்ற பிற்போக்குச் சிந்தனைகளையும் தடைகளையும் தாண்டி, சாதனைப் படைத்திருக்கிறார்கள் இவர்கள்!

போராட்டத்துக்கு கிடைத்த வெற்றி!

மேரி கியூரி (Marie Curie)

1903-ம் ஆண்டுக்கான இயற்பியல் நோபல் பரிசு

1911-ம் ஆண்டுக்கான வேதியியல் நோபல் பரிசு


மேரி கியூரி தன் கணவர் பியரி கியூரியுடன் இணைந்து ஆராய்ச்சியில் ஈடுபட்டார். கதிரியக்கம் குறித்துக் கண்டறிந்த ஹென்றி பெக்யுரேல் (Henri Becquerel) என்பவரின் ஆராய்ச்சி பிடித்துப் போக, அவர் விட்டுச் சென்ற பணியைத் தொடர்ந்து செய்ய முடிவு செய்தனர் இருவரும். பிட்ச்ப்ளேன்ட் (Pitchblende) என்ற கனிமத் தாதிலிருந்து கதிரியக்கம் கொண்ட யுரேனியம் மட்டுமே எடுப்பார்கள். ஆனால், தங்களின் ஆராய்ச்சியின் மூலம் அந்தத் தாதில் யுரேனியத்தை விட அதிக அளவு கதிரியக்கக் குணமுடைய பொலோனியம் மற்றும் ரேடியம் இருப்பதைக் கண்டறிந்தனர். இந்த மைல்கல் சாதனைக்காக மேரி கியூரி, தன் கணவர் பியரி கியூரி மற்றும் இந்த ஆராய்ச்சிக்கு வித்திட்ட ஹென்றி பெகுயுரேல் ஆகியோருடன் இயற்பியலுக்கான நோபல் பரிசைப் பகிர்ந்து கொண்டார்.

போராட்டத்துக்கு கிடைத்த வெற்றி!

1906-ம் ஆண்டு கணவர் பியரி கியூரி இறந்து விட, துவண்டு போகாமல் ஆராய்ச்சியைத் தொடர்ந்தார் மேரி கியூரி. 1910-ம் ஆண்டு, வெற்றிகரமாக பொலோனியம் மற்றும் ரேடியம் உலோகங்களை பிட்ச்ப்ளேன்ட்டிலிருந்து பிரித்தெடுத்தார். இவரின் இந்தக் கண்டுபிடிப்பு மருத்துவத் துறையில் பெரும் மாற்றத்தை ஏற்படுத்த, 1911-ம் ஆண்டு, வேதியியலுக்கான நோபல் பரிசையும் வென்றார். இதன்மூலம், இரண்டு அறிவியல் துறைகளில் நோபல் பரிசு வென்ற முதல் நபர் என்ற பெருமையைப் பெற்றார்.

ஐரீன் ஜோலியட் கியூரி (Irène Joliot-Curie)

1935-ம் ஆண்டுக்கான வேதியியல் நோபல் பரிசு

போராட்டத்துக்கு கிடைத்த வெற்றி!

பிரான்ஸ் நாட்டைச் சேர்ந்த ஐரீன், மேரி கியூரி மற்றும் பியரி கியூரி தம்பதியின் மகள். அறிவியல் குடும்பம் என்பதால் சிறுவயதிலேயே ஆராய்ச்சிகளில் ஆர்வம். முதலாம் உலகப் போரின் போது, தன் தாயுடன் இணைந்து எக்ஸ்ரே மெஷின்களை மருத்துவமனைகளுக்கும் ராணுவத் தளங்களுக்கும் கொண்டுசெல்லும் பணியைச் செய்தார். பின்பு தன் கணவர் ஃப்ரெடெரிக் ஜோலியட்டுடன் இணைந்துசெய்த ஆராய்ச்சியின் மூலம் 1934-ம் ஆண்டு, முதன் முதலாகக் கதிரியக்கத் தன்மையுடைய கூறு களை செயற்கையாக உருவாக்கிக் காட்டினார். இந்தச் சாதனையைக் கௌரவப்படுத்தும் விதமாக, 1935-ம் ஆண்டுக்கான வேதியியல் நோபல் பரிசு இருவருக்கும் பகிர்ந்தளிக்கப்பட்டது.

டோரதி க்ரோஃபூட் ஹாட்ஜ்கின் (Dorothy Hodgkin)

1964-ம் ஆண்டுக்கான வேதியியல் நோபல் பரிசு

போராட்டத்துக்கு கிடைத்த வெற்றி!

எகிப்தில் பிறந்த பிரிட்டிஷ் குடிமகளான டோரதி, படிகங்கள் குறித்த ஆராய்ச்சியில் கற்றுத் தேர்ந்தபோதும், பெண் என்ற காரணத்தால் வாய்ப்பு கிடைக்காமல் போராடினார். ஒருவழியாக நீண்ட போராட்டத்துக்குப்பின் படிகங்கள் குறித்த ஆராய்ச்சியில் முழு மூச்சாக இறங்கினார். படிகங்கள் வழியே எக்ஸ்ரே கதிர்கள் செல்லும்போது, அது உருவாக்கும் படங்கள் அந்தப் படிகங்களின் தன்மையை வெளிச்சம் போட்டுக் காட்டுகிறது என்ற உண்மையைக் கண்டறிந்தார். இதன் மூலம், 1946-ம் ஆண்டு பெனிசிலின் கட்டமைப்பு மற்றும் 1956-ம் ஆண்டு மிகவும் சிக்கலான வைட்டமின் B12 கட்டமைப்பு எப்படி இருக்கும் என்று படம்பிடித்துக் காட்டினார். இவரின் இந்த மாயாஜால சாதனைக்காக 1964-ம் ஆண்டுக்கான நோபல் பரிசு வழங்கப்பட்டது.

அடா ஈ.யோனாத் (Ada E.Yonath)

2009-ம் ஆண்டுக்கான வேதியியல் நோபல் பரிசு

போராட்டத்துக்கு கிடைத்த வெற்றி!

1939-ம் ஆண்டு ஜெருசலேம் நகரில் பிறந்தவர் அடா ஈ. யோனாத். ஹீப்ரு பல்கலைக்கழகத்தில் வேதியியல் கற்றுத் தேர்ந்தவர். அதன் பின் வேய்ஸ்மன் இன்ஸ்டிடியூட் ஆப் சயின்ஸில் முனைவர் பட்டம் பெற்றார். அங்கேயே ஆராய்ச்சியாளராக பணியாற்றத் தொடங்கினார். பின்பு பல ஐரோப்பிய மற்றும் அமெரிக்கப் பல்கலைக்கழகங்களில் தன் பணியைத் தொடர்ந்தார்.

1970-களில் சக ஆராய்ச்சியாளர்களு டன், புரதத்தை உருவாக்கும் ரிபோசோம்கள் குறித்த ஆராய்ச்சியைத் தொடங்கினார் அடா. அது,கிட்டத்தட்ட முப்பதாண்டுகள் தொடர்ந்தன. இறுதியாக,எக்ஸ்ரே படிக
வியலைப் பயன்படுத்தி, ரிபோசோம்கள் எப்படி இருக்கும் என்று முப்பரிமாண முறையில் உயிர்கொடுத்து விளக்கினார். பின்னாளில், இது ஆன்டிபயாட்டிக் மருந்துகள் தயாரிக்க பெரிதும் உதவி செய்தது. இதற்காகவே 2009-ம் ஆண்டுக்கான வேதியியல் நோபல் பரிசு இவருடன் சேர்ந்து இன்னும் இருவருக்குப் பகிர்ந்தளிக்கப்பட்டது.