Published:Updated:

செல்ஃபி மொபைல்கள்

செல்ஃபி மொபைல்கள்
பிரீமியம் ஸ்டோரி
News
செல்ஃபி மொபைல்கள்

பர்ச்சேஸ் கைடுகார்க்கிபவா

செல்ஃபி மொபைல்கள்

ம் மொபைலை ஒரு நாளில் எதற்கெல்லாம் பயன்படுத்து கிறோம்? அழைப்புகளை எடுக்கப் பயன்படுத்துவதைவிட செல்ஃபி எடுக்கவும், வீடியோ எடுக்கவும்தானே அதிகமாகப் பயன்படுத்துகிறோம். எடுத்த படங்களைச் சமூக வலைதளங்களில் அப்லோடு செய்வது அடுத்த வேலை. ஆக, கேமராதான் மொபைலுக்கு முக்கியம் என நினைப்பவரா நீங்கள்? அப்படியென்றால் இந்தப் பரிந்துரைகள் உங்களுக்காகத்தான்.

செல்ஃபி மொபைல்கள்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

ஒன் ப்ளஸ் 5

35 ஆயிரம் ரூபாய் என்றாலும், வாங்கத் தயார் என்றால் `ஒன் ப்ளஸ் 5’ மொபைல் நல்ல சாய்ஸ். இதிலிருக்கும் டூயல் கேமரா,  DSLR-ல் எடுக்கப்படும் படங்களுக்கே சவால் விடும். `ஆண்ட்ராய்டா... ஹேங் ஆகுமே’ என்கிற கவலை ஒன் ப்ளஸ் ரசிகர்களுக்கு இல்லையென்றே சொல்லலாம்.

வசதிகள்

5.5 இன்ச் ஆப்டிக் AMOLED டிஸ்ப்ளே, Qualcomm® Snapdragon ™ 835 பிராசஸர், 3300 mAh பேட்டரி, 6/8 ஜிபி ரேம், கைரேகை சென்சார் வசதி.

செல்ஃபி மொபைல்கள்

ஹானர் 9ஐ

`மூணு கேமரா தருவீங்களா? அப்ப நான் நாலு கேமரா தர்றேன்’ எனப் போட்டிக்குத் தயாராகியிருக்கிறது ஹானர் மொபைல். இந்த மாடலில் முன்பக்கமும் டூயல் கேமரா. அதாவது, பின்பக்கம் இரண்டு, முன்பக்கம் இரண்டு என மொத்தம் நான்கு கேமராக்கள். முன்பக்க கேமராவில் `smart selfie toning flash’ என்கிற புது வசதியை அறிமுகப்படுத்தியிருக்கிறார்கள். குறைந்த வெளிச்சத்திலும் நல்ல படங்கள் எடுக்கவும் ஒளியில் இருக்கும் வித்தியாசத்தைக் குறைத்து, சீரான படங்கள் எடுக்கவும் இது உதவும். அதோடு, எடுத்த படங்களை எடிட் செய்ய ஏகப்பட்ட ஆப்ஷன்களையும் கொண்டுவந்திருக்கிறார்கள். செல்ஃபிக்காக டிசைன் செய்யப்பட்ட மொபைல்களில் முக்கியமானது ஹானர் 9ஐ. விலை 18 ஆயிரம் ரூபாய்.

வசதிகள்

5.9-inch 1080p, Edge to edge டிஸ்ப்ளே, 3340 mAh பேட்டரி, ஆக்டோ கோர் ப்ராஸசர், 4 ஜிபி ரேம், கைரேகை சென்சார் வசதி.

செல்ஃபி மொபைல்கள்

லெனோவோ கில்லர் நோட்

`லெனோவோவா... சூடாகுமே’ என்ற பஞ்சாயத்தை பைசல் செய்துவிட்டு, தனது அடுத்த அதிரடியைக் களமிறக்கியிருக்கிறது லெனோவோ. 15 ஆயிரம் ரூபாய் பட்ஜெட்டுக்கு கில்லர் நோட் நல்ல சாய்ஸ். கேமரா தொழில்நுட்பத்தில் இப்போதைய ஹாட் ட்ரெண்ட் டூயல் கேமராதான். கில்லர் நோட் பின்புறத்திலும் இரண்டு கேமராக்கள் உண்டு. முன்பக்கம் செல்ஃபிக்காகவே 13MP கேமரா. படங்களைத் துல்லியமாகக் காட்ட IPS டிஸ்ப்ளே என ஃபுல் மீல்ஸ் உணர்வைத் தருகிறது கில்லர் நோட். வாங்கியவர்களும் இதற்கு லைக்ஸ் போட, இப்போதைய மொபைல் மார்க்கெட்டில் வசூல் ராஜாவாக இருக்கிறது கில்லர் நோட்.

வசதிகள்

5.5 இன்ச் IPS திரை, 2.3 GHz மீடியாடெக் ஹீலியோ X23 டெக்கா கோர் ப்ராசஸர், 3 ஜிபி/4 ஜிபி ரேம், 13 மெகாபிக்சல் +5 மெகாபிக்சல் ட்யூவல் PDAF பின்புற கேமரா, 13MP முன்புற கேமரா மற்றும் ஃப்ளாஷ் வசதி, கைரேகை சென்சார் வசதி Dolby ATMOS மற்றும் TheaterMax, 4000 mAh பேட்டரி மற்றும் டர்போ சார்ஜிங் வசதி.

செல்ஃபி மொபைல்கள்

ரெட்மி நோட் 4

மொபைல் உலகின் இன்றைய சூப்பர் ஸ்டார் ரெட்மிதான். குறைந்த விலையில் அதிக வசதிகள் எனச் சொல்லியடிக்கிற கில்லி ரெட்மி. இதன் சமீபத்திய ஹாட் ஹிட் `நோட் 4’. ரூ.10 ஆயிரத்தை   ஒட்டியே விலை என்றாலும், கேமராவின் தரம் துல்லியம். 13MP பின்பக்க கேமராவும், 5MP முன் பக்க கேமராவும் இருக்கின்றன. எடுக்கும் படங்களை இன்னும் அழகாகக் காட்டுகிறது பக்கா ஸ்க்ரீன். செல்ஃபி லவ்வர்கள் பட்ஜெட்டுக்குள் மொபைல் வாங்க நினைத்தால் தாராளமாக நோட் 4-க்கு டிக் அடிக்கலாம்.

வசதிகள்:

5.5-inch 1080p, IPS LCD டிஸ்ப்ளே, 4100mAh  பேட்டரி, ஸ்னாப்ட்ராகன் 625 ப்ராஸசர், 3 ஜிபி/4 ஜிபி ரேம், கைரேகை சென்சார் வசதி.