Published:Updated:

கொட்டித்தீர்க்க... புலம்பித்தள்ள... - இதோ சில இணையதளங்கள்

கொட்டித்தீர்க்க... புலம்பித்தள்ள... - இதோ சில இணையதளங்கள்
பிரீமியம் ஸ்டோரி
News
கொட்டித்தீர்க்க... புலம்பித்தள்ள... - இதோ சில இணையதளங்கள்

அட!ஸ்ரீஅகத்திய ஸ்ரீதர்

‘உறவுச் சிக்கல்கள், வீட்டுப் பிரச்னைகள், அலுவலக அவஸ்தைகள் என எந்தப் பிரச்னையாக இருந்தாலும் சரி, பெண்கள் இங்கே புலம்பித் தீர்க்கலாம். இது ஒரு சுமைதாங்கிபோல... உங்களின் கண்ணீர் முதல் குற்ற உணர்ச்சி வரை எதையும் இங்கே இறக்கிவைக்கலாம்’ என்று பெண்களை அழைக்கின்றன சில இணையதளங்கள்.

நாற்பது வயதைக் கடந்த பெண்கள், பெரும்பாலும் வெளியுலகத் தொடர்பற்று இருக்கும் நிலையில், தாங்கள் தனிமைப்படுத்தப்படுவதாக உணர்வதால் மன உளைச்சலுக்கு ஆளாகிறார்கள். இவர்கள் தங்கள் உணர்வுகளை நம்பகமானவர் களிடம் மனம்விட்டுப் பகிர்ந்துகொள்ள விரும்புவது இயல்பு. அதற்கான ஒரு வெளியாக நாங்கள் இருப்போம் என நம்பிக்கை கொடுக்கும் gleeden.com. findnewpassion.com போன்ற இணையதளங்களை மும்பை, பெங்களூரு மற்றும் டெல்லியில் வசிப்பவர்கள் பரவலாகப் பயன்படுத்துகிறார்கள். இந்த வலைதளங்களை நிர்வகிப்பவர்களும் பெண்களே.

கொட்டித்தீர்க்க... புலம்பித்தள்ள... - இதோ சில இணையதளங்கள்

இதில் தங்கள் எண்ணங்களைப் பகிர்ந்துகொள்ளும் பெண்களுக்கு சேவைக் கட்டணம் எதுவும் இல்லை. ஆண்களுக்கும் இந்தத் தளத்தில் அனுமதி உண்டு என்றாலும், அவர்களுக்குச் சில நிபந்தனைகளுடன், சேவைக் கட்டணமும் வசூலிக்கப்படுகிறது. அவர்களைப் பற்றிய விவரங்களை இணையத்தை நிர்வகிக்கும் குழு பரிசீலனை செய்த பிறகே, ஆண்கள் உறுப்பினராக முடியும்.  நவீன தொழில்நுட்பங்களைப் பயன்படுத்தி உறுப்பினர்களின் தனிப்பட்ட ரகசியத் தகவல்கள் பாதுகாக்கப்படுகின்றன.

பஞ்சாப் மாநிலம் லூதியானாவில் வசிக்கும் குடும்ப நல ஆலோசகர் ஷமினா தியோல் இந்த வலைதளங்கள் பற்றி தன் கருத்தை இப்படிச் சொல்கிறார்.

‘`போலியான பெயரில் பாதுகாப்பை ஏற்படுத்திக்கொண்டு இந்த இணையதளங்களைப் பெண்கள் பயன்படுத்தும் போக்கு அதிகரித்துள்ளது. சாகசமான பொழுதுபோக்காக உபயோகிப்பவர்களும் உண்டு. மற்றவர்களின் அந்தரங்க விஷயங்களை அறிந்துகொள்ளும் வக்கிரபுத்தி கொண்டவர்களும் இருக்கக்கூடும். எனவே, மிகுந்த எச்சரிக்கை உணர்வுடன் இதை ஆக்கபூர்வமாகப் பயன்படுத்த வேண்டும்’’ என்கிறார் ஷமினா.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz