Published:Updated:

மதிப்புக்கு மதிப்பு உறவு!

மதிப்புக்கு மதிப்பு உறவு!
பிரீமியம் ஸ்டோரி
News
மதிப்புக்கு மதிப்பு உறவு!

ஆண் குழந்தையை வளர்ப்பது எப்படி? யாழ் ஸ்ரீதேவி

``பெண்ணை எப்படி மதிக்க வேண்டும் என்பதற்கு ஒவ்வொரு குழந்தைக்கும் அப்பாவே ரோல் மாடல். வீட்டிலுள்ள பெண்களுக்குத் தன் அப்பா தரும் மரியாதையைப் பார்த்தே, மகனும் கற்றுக்கொள்வான். பிற்காலத்தில் வீட்டுக்கு வெளியே ஒரு பெண் தன் கருத்துடன் முரண்படும்போதும், தன் சொல்லுக்கு அடிபணியாதபோதும், தன்னை எதிர்க்கும்போதும் அவற்றைத் தனக்கு அவமானமாகவே உணர்வான். இந்த மனநிலை ஆபத்தானது’’ என்கிற உளவியல் நிபுணர் அபிலாஷா, ஆண் குழந்தை வளர்ப்புக்கான வழிமுறைகளைத் தொடர்கிறார்...

மதிப்புக்கு மதிப்பு உறவு!

தரக்குறைவான பேச்சைத் தடுக்க வேண்டும்!

``பள்ளிக்குச் செல்லும் ஆண் பிள்ளைகள், சக மாணவிகளைத் தரக்குறைவாகப் பேசினால் அதை அவர்களின் மனநிலையைப் புரிந்துகொள்வதற்கான வாய்ப்பாக எடுத்துக்கொண்டு, ‘அப்படிப் பேசுவது தவறு’ என்று எடுத்துரைக்க வேண்டும். ஒவ்வொரு பெண் குழந்தையும் பெண்ணும் மரியாதைக்கு உரியவர்கள் என்பதை அழுத்தமாகச் சொல்லி, பெண் என்பதன் அடிப்படையில் ஒருவரின் மீது எழுப்பப்படும் கமென்ட்டுகள் ஆணுக்கு அழகல்ல என்பதையும் புரியவைக்க வேண்டும்.

கூச்சம், குழப்பம் ஏற்படுத்தாதீர்கள்!

தங்களின் ஏக்கத்துக்காக ஆண் குழந்தைக்குப் பாவாடை சட்டை, பின்னல், பொட்டு என்று அலங்காரம் செய்து ரசிப்பார்கள். இன்னும் சிலர் ஆசைக்காகக் பெண் பெயராலேயே அவனை அழைப்பார்கள். விவரம் தெரிந்த குழந்தைக்கு, இவையெல்லாம் கூச்சத்தையும் குழப்பத்தையும் ஏற்படுத்தும் விஷயங்கள் என்பதால் நிச்சயமாகத் தவிர்க்க வேண்டும்.

‘பிளேபாய்’ கமென்ட்டுகள் தவறு!


ஆண் குழந்தைகள், தங்கள் வகுப்பு சிநேகிதிகள் பற்றி குழந்தைத்தன்மையுடன் பெற்றோரிடம் வந்து சொல்லும்போது, ‘இவனுக்குத்தான் எத்தனை கேர்ள் ஃப்ரெண்ட்ஸ்’, ‘எப்பப் பார்த்தாலும் பொண்ணுங்ககூடத்தான் இருப்பான்’ என அவனை ஒரு லிட்டில் பிளேபாயாகக் கொண்டாடும், கேலி செய்யும் கமென்ட்டுகள் தவறானவை. பால் பேதமற்று குழந்தைகள் இயல்பாகப் பேச, பழக அழகான உலகத்தை உருவாக்கிக்கொடுக்கும் பொறுப்பிலிருந்து பெற்றோர் தவறும் முக்கியமான இடம் இது'' என்கிறார்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz