Published:Updated:

சூப்பர் 10 பெண்கள் - உலக அளவில் 2017-ம் ஆண்டின் குறிப்பிடத்தக்க பெண் ஆளுமைகள்

சூப்பர் 10 பெண்கள் - உலக அளவில் 2017-ம் ஆண்டின் குறிப்பிடத்தக்க பெண் ஆளுமைகள்
பிரீமியம் ஸ்டோரி
News
சூப்பர் 10 பெண்கள் - உலக அளவில் 2017-ம் ஆண்டின் குறிப்பிடத்தக்க பெண் ஆளுமைகள்

உலகம்கானப்ரியா

சூப்பர் 10 பெண்கள் - உலக அளவில் 2017-ம் ஆண்டின் குறிப்பிடத்தக்க பெண் ஆளுமைகள்

முசூன் அல்மெல்லெஹான் (Muzoon Almellehaan)

19 வயதான இந்த இளம்பெண், யூனிசெஃப்பின் `இளைய நல்லுறவுத் தூதர்’.  சிரியா அகதியான இவர், மலாலாவின் செயல்களால் ஈர்க்கப்பட்டு, சிரியாவில் பெண் கல்விக்கான விழிப்பு உணர்வுச் செயல்பாடுகளில் ஈடுபட்டார். 2013-ம் ஆண்டு, உள்நாட்டுப் போர் காரணமாகச் சிரியாவைவிட்டு வெளியேற நேர்ந்தது. 2015-ம் ஆண்டு, ஐந்து வருட விசா பெற்று இங்கிலாந்தில் குடியேறினார். மீண்டும் தன் சொந்த நாடான சிரியாவுக்குச் செல்லும் நாளை எதிர்பார்த்துக்கொண்டிருக்கும் இவரது லட்சியம், சிறந்த பத்திரிகையாளர் ஆவதே. வாவ் பெண்!

சூப்பர் 10 பெண்கள் - உலக அளவில் 2017-ம் ஆண்டின் குறிப்பிடத்தக்க பெண் ஆளுமைகள்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

பெக்கி விட்சன் (Peggy Whitson)

665 நாள்களை விண்வெளியில் கழித்தவர். 57 வயதான இவரே அதிக நாள்கள் விண்வெளியில் இருந்த ஒரே பெண்.  உயிரியல், உயிரித் தொழில்நுட்பம், மருத்துவம், புவி அறிவியல் ஆராய்ச்சிகளில் பெரும் பங்களித்துள்ளார். முதல் பெண் தலைமை விண்வெளி வீரரும் இவரே. இரும்பு மனுஷி!

சூப்பர் 10 பெண்கள் - உலக அளவில் 2017-ம் ஆண்டின் குறிப்பிடத்தக்க பெண் ஆளுமைகள்

ஏஞ்சலா மெர்கல் (Angela Merkel)

ஜெர்மனியின் முதன்மைத் தலைவரான இவர், தடைகள் பல கடந்து மீண்டும் இந்த ஆண்டு ஜெர்மனியின் `சான்சலர் (Chancellor) ஆகியுள்ளார். ஐரோப்பிய யூனியனில் அரசின் தலைமைப் பொறுப்பில் நீண்டகாலம் இருக்கும் ஒரே பெண்மணி இவர்தான். சல்யூட் மெர்கல்!

சூப்பர் 10 பெண்கள் - உலக அளவில் 2017-ம் ஆண்டின் குறிப்பிடத்தக்க பெண் ஆளுமைகள்

ஷெரில் சாண்ட்பெர்க் (Sheril Sandberg)

ஃபேஸ்புக்கின் வருவாய் அதிகரிப்பில் முதன்மை இயக்குநர் ஷெரில் சாண்ட்பெர்க்கின் பங்கு வியக்கத்தக்கது. `லீன் இன்’ எனும் லாபம் இல்லா அமைப்பை நிறுவி, பெண்கள் முன்னேற்றத்துக்கான உதவிகள் செய்துவருகிறார். தன்னம்பிக்கை மனுஷி!

சூப்பர் 10 பெண்கள் - உலக அளவில் 2017-ம் ஆண்டின் குறிப்பிடத்தக்க பெண் ஆளுமைகள்

பேட்டி ஜென்கின்ஸ் (Patty Jenkins)

பலரது மனதைக் கொள்ளை யடித்த `வொண்டர் வுமன்’ கதாபாத்திரத்தை உருவாக்கியவர். அமெரிக்காவின் முதல் `சூப்பர் ஹீரோ பெண் இயக்குநர்’ என்ற பெருமைக்குரியவர். `மான்ஸ்டர்’, `தோர்’ உள்பட பல படங்களில்  இவரது உழைப்பு, பெருமை சேர்த்தது. பவர்ஃபுல் லேடி!

சூப்பர் 10 பெண்கள் - உலக அளவில் 2017-ம் ஆண்டின் குறிப்பிடத்தக்க பெண் ஆளுமைகள்

ஆஷ்லி கிரஹாம் (Ashley Graham)

உலகின் முதல் `ப்ளஸ் சைஸ்’ மாடல். பல போராட்டங்களுக்குப் பிறகு, `அமெரிக்காவின் அடுத்த டாப் மாடல்’ எனும் ரியாலிட்டி ஷோவின் ஜட்ஜாக உள்ளார். தன்னைப்போல் உடலமைப்பைக்கொண்டு சாதிக்கத் துடிக்கும் பெண்களுக்கு ஊக்கமளித்துவருகிறார். உள்ளம் கவர் அழகி!

சூப்பர் 10 பெண்கள் - உலக அளவில் 2017-ம் ஆண்டின் குறிப்பிடத்தக்க பெண் ஆளுமைகள்

சிம்மமாண்டா கோசி அடிச்சி (Chimamanda Ngozi Adichie)

இளம் நைஜீரிய எழுத்தாளர். புதுமையான படைப்புகளுக்காக `மேக் ஆர்தர் ஜீனியஸ் கிராண்ட்’ விருது வென்றவர். ஆப்பிரிக்காவின் மிகச்சிறந்த எழுத்தாளர் என்று போற்றப்படுகிற இவர், பெண்ணியத் துக்கு ஆதரவாகப் பேசி வருகிறார். தடம் பதிக்கும் போராளி!

சூப்பர் 10 பெண்கள் - உலக அளவில் 2017-ம் ஆண்டின் குறிப்பிடத்தக்க பெண் ஆளுமைகள்

இவான்கா ட்ரம்ப் (Ivanka Trump)

மாடல், எழுத்தாளர், ஆடை வடிவமைப்பாளர், தொழிலதிபர், அரசியல்வாதி எனப் பன்முகம் கொண்ட இவான்கா, அமெரிக்கா வின் முதல் குடிமகள். 14-வது வயதில் மாடலிங் துறைக்கு வந் தவர். தன் தந்தைக்கு முதன்மை ஆலோசகரும் இவரே. அண்மையில் இந்தியா வந்த இனியவர்!

சூப்பர் 10 பெண்கள் - உலக அளவில் 2017-ம் ஆண்டின் குறிப்பிடத்தக்க பெண் ஆளுமைகள்

மியூஷியா ப்ராடா (Miuccia Prada)

உலகப்புகழ் ஹேண்ட்பேக் பிராண்டான `ப்ராடா’ நிறுவனத்தின் துணைத்தலைமை நிர்வாகி. 2.8 பில்லியன் டாலர் வருமானத் தைப் பார்க்கிறது இந்த நிறுவனம். இதில் இவருக்கு 28 சதவிகிதப் பங்கு. `மியூ மியூ’ எனும் ஃபேஷன் பிராண்டும் இவருடையதே. பிசினஸ் பியூட்டி!

சூப்பர் 10 பெண்கள் - உலக அளவில் 2017-ம் ஆண்டின் குறிப்பிடத்தக்க பெண் ஆளுமைகள்

பியான்சி (Beyonce)

அமெரிக்க கவர்ச்சிக்கன்னி. பாடகர், பாடலாசிரியர், நாட்டியக் கலைஞர் என அனைத்திலும் சிறந்து விளங்கும் இவர், ஒரு பெண்ணியவாதியும்கூட. `100 Days of Kindness’ பிரசாரம் மூலம், திருநங்கைகளுக்கு ஆதரவு திரட்டிவருகிறார். சேவையிலும் கொள்ளை கொள்ளும் அழகி!