Published:Updated:

தாய் ஃப்ளவர்ஸ்

தாய் ஃப்ளவர்ஸ்
பிரீமியம் ஸ்டோரி
News
தாய் ஃப்ளவர்ஸ்

நீங்களும் செய்யலாம்சாஹா - படங்கள் : ப.பிரியங்கா

கற்பூரம் அடித்துச் சத்தியம் செய்தாலும் அவை செயற்கையானவை என்பதை யாரும் நம்ப மாட்டார்கள்... தோற்றத்திலும் தொட்டுணர்தலிலும் அப்படியோர் இயற்கைத்தன்மை மீராவின் கைவண்ணத்தில் உருவாகும் செயற்கைப் பூக்களுக்கு!

‘தாய் ஃப்ளவர்ஸ்’ என்று இவற்றுக்குப் பெயர் சொல்கிறார் மீரா. சென்னை, அண்ணாநகரைச் சேர்ந்த கைவினைக் கலைஞர்.

தாய் ஃப்ளவர்ஸ்

‘`பி.எஸ்ஸி., விலங்கியல் படிச்சிருக்கேன். கடந்த அஞ்சு வருஷங்களா தாய் ஃப்ளவர்ஸ் பண்றேன். பிளாஸ்டிக், துணி, பேப்பர், சோப்... இப்படி என்னென்னவோ மெட்டீரியல்ல செயற்கைப் பூக்கள் பண்ணலாம். ஆனா, அவற்றை நெருங்கிப் பார்த்தாலோ, தொட்டாலோ செயற்கைனு தெரிஞ்சுடும். தாய் ஃப்ளவர்ஸ் அப்படியில்லை. செயற்கைனு நீங்க சொன்னாகூட யாரும் நம்பமாட்டாங்க. அவ்வளவு தத்ரூபமா இருக்கும். `தாய் க்ளே' பயன்படுத்தி இதுல எல்லா வகை பூக்களுடைய டிசைன்களையும் கொண்டுவர முடியும். தொட்டுப் பார்க்கும்போதும் நிஜமான பூக்களைத் தொடற மாதிரியே இருக்கும்.  கீழே விழுந்தால் உடையாது. அழுக்கானால் அலசிப் பயன்படுத்தலாம்’’ - தாய் ஃப்ளவர்ஸின் பெருமை சொல்பவர், அவற்றைத் தயாரித்து விற்பனை செய்கிற தொழிலில் ஆர்வமுள்ளோருக்கு வழிகாட்டுகிறார்...

முதலீடு


இந்தக் கலைக்கு முக்கியமான தேவை தாய் க்ளே. சற்றே காஸ்ட்லியானது. ஊத்துக்குளி வெண்ணெய் பாக்கெட் போலவே கிடைக்கும். ஒரு பாக்கெட் 500 முதல் 600 ரூபாய். பாஸ்தா செய்கிற மெஷின் அடிப்படைத் தேவை. மைதாவை உபயோகித்து பாஸ்தா தயாரிக்கிற அதே மெஷின்தான். இதன் விலை 2 ஆயிரம் ரூபாய். அதற்குள் இந்த தாய் க்ளேவைப் போட்டு எடுத்து, பிரத்யேக டூல்ஸ் பயன்படுத்தி விருப்பமான வடிவங்களைக் கொண்டுவர வேண்டும். பூக்கள் என்பதால் வெவ் வேறு கலர்கள் அவசியம்.  மினியேச்சர் முதல்  மெகா சைஸ் பூக்கள் வரை செய்யலாம். இந்தப் பூக்களை வைத்து பொக்கேகூடத் தயாரிக்கலாம். மெஷின், மூலப்பொருள்கள் என எல்லாவற்றுக்கும் சேர்த்து 5 ஆயிரம் ரூபாய் முதலீடு தேவை.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
தாய் ஃப்ளவர்ஸ்

விற்பனை வாய்ப்பு

ஒற்றைப் பூவையே 300 ரூபாய்க்கு விற்க முடியும் என்பதுதான் தாய் ஃப்ளவர்ஸின் சிறப்பம்சம்.  அளவு பெரிதாக ஆக அதன் விலையும் கூடும். பொக்கே என்றால் 1,500 ரூபாயிலிருந்து விற்கலாம். ஒரே மாதத்தில் போட்ட முதலீட்டை எடுத்துவிடலாம்.

ஐந்து பூக்கள்கொண்ட பூங்கொத்தை  மூன்று முதல் நான்கு நாள்களுக்குள் செய்துவிடலாம். பூக்களை வெயில்படாமல் உலர வைக்க வேண்டும்.

விற்பனை வாய்ப்புகள் ஏராளம். அன்பளிப்பு களாகக் கொடுக்கச் சரியான சாய்ஸ். எல்லா ஃபேன்ஸி ஸ்டோர்களிலும் ஆர்டர் எடுக்கலாம். கார்ப்பரேட் அலுவலகங்கள், ஸ்டார் ஹோட்டல்களில் பெரிய பூங்கொத்துகள் முதல் பொக்கே வரை ஆர்டர் எடுக்கலாம். தினமும் ஒரு பூந்தொட்டி மாற்றுகிற இந்த மாதிரியான இடங்களில் மொத்தமாக ஆர்டர் எடுப்பது லாபகரமானது. இயற்கையான பூ அலங்காரம் தேவைப்படுகிற விசேஷங்கள், திருமண வரவேற்பு என எல்லாவற்றுக்கும் பொருத்த மானவை.

கற்றுக்கொள்ள..?

ஒவ்வொரு பூவும் ஒரு மாடல் என்பதால் தனித் தனியே கற்றுக்கொள்ள வேண்டியிருக்கும். பஞ்ச் ரோஸ் செய்ய 2 ஆயிரம் ரூபாய் கட்டணம். மினியேச்சர் பூக்கள் செய்ய 1,000 முதல் 1,500 ரூபாய் வரை கட்டணம். அடிப்படை கற்றுக்கொண்டால் போதும்... பொக்கே முதல் பூந்தொட்டி வரை செய்து அசத்தலாம். குறைந்தது மூன்று நாள்கள் பயிற்சி தேவைப் படும்.

கடன் வசதி கிடைக்குமா?

மகளிர் சுயஉதவிக் குழுக்களில் இருப்போருக்கு உள் கடன் பெற்று பிசினஸ் செய்ய வாய்ப்புகள் உண்டு.