Published:Updated:

வாக்காளர் அடையாள அட்டை

வாக்காளர் அடையாள அட்டை
பிரீமியம் ஸ்டோரி
வாக்காளர் அடையாள அட்டை

அறிவோம் அனைத்தும்ஞா.சுதாகர்

வாக்காளர் அடையாள அட்டை

அறிவோம் அனைத்தும்ஞா.சுதாகர்

Published:Updated:
வாக்காளர் அடையாள அட்டை
பிரீமியம் ஸ்டோரி
வாக்காளர் அடையாள அட்டை

னநாயகத் திருவிழா அல்லது ஜனநாயகக் கேலிக்கூத்து - இந்தியத் தேர்தல்கள் பற்றி உங்களின் கருத்து இந்த இரண்டில் எதுவாக வேண்டுமானாலும் இருக்கலாம். ஆனால், இந்த ஜனநாயக தேசத்தில் மக்கள்தாம் நிஜ நாயகர்கள் என்பதை நிச்சயம் யாரும் மறுக்க முடியாது. அந்த நட்சத்திர அந்தஸ்தை நமக்கு வழங்கும் ஓர் ஆவணம்தான் வாக்காளர் அடையாள அட்டை.  இந்த அட்டையை எப்படிப் பெறுவது? 

வாக்காளர் அடையாள அட்டை

வாக்காளர் அடையாள அட்டையைப் பெறுவதற்கு வாக்காளர் பட்டியலில் நம் பெயரைச் சேர்க்க வேண்டும். 18 வயது நிறைவடைந்த எந்தவொரு இந்தியக் குடிமகனும் இதற்குத் தகுதியானவர்தான். அலுவலகங்களுக்கு நேரில்  சென்றுதான் விண்ணப் பிக்க வேண்டும் என்பதில்லை; ஆன் லைனிலும் விண்ணப் பிக்கலாம்.

ஒட்டுமொத்த விகடனுக்கும் ஒரே ஷார்ட்கட்!

வாக்காளர்களின் வகைகள்

1. பொது வாக்காளர்கள்

2. வெளிநாடுவாழ் வாக்காளர்கள் (NRI)

3. தேசப் பணிகளில் ஈடுபட்டிருக்கும் வாக்காளர்கள்  

வாக்காளர் அடையாள அட்டை

(இவர்கள் ‘சர்வீஸ் வோட்டர்ஸ்’ என அழைக்கப்படுகிறார்கள். அரசாங்கப் பணிகள், ராணுவம், சில மத்திய காவல் துறை பிரிவுகள் போன்ற இடங்களில் பணிபுரிபவர்கள்...)

இவர்களில் பொது வாக்காளர்களுக்கு மட்டுமே வாக்காளர் அடையாள அட்டை வழங்கப்படும். வெளிநாடுவாழ் இந்தியர்கள் தங்கள் பாஸ்போர்ட்டைக் காட்டி வாக்களிக்கலாம். அரசு ஊழியர்கள் தபால் ஓட்டுகள் மூலம் வாக்களிக்கலாம்.

ஆஃப்லைனில் விண்ணப்பிக்க...

இந்தியத் தேர்தல் ஆணையம் அவ்வப்போது வாக்காளர் பட்டியலில் பெயர் சேர்க்க / நீக்க உங்கள் பகுதியில் சிறப்பு முகாம்களை நடத்தும். அங்கு  சென்றும் நேரடியாக விண்ணப்பிக்கலாம்.

வாக்காளர் அடையாள அட்டை

ஆன்லைன் வழிமுறை

1. ஒவ்வோர் ஆண்டும் ஜனவரி மாதம் திருத்தப்பட்ட புதிய வாக்காளர் பட்டியல் வெளியாகும். அடுத்த பட்டியல் 2019-ம் ஆண்டு வெளியாகும். எனவே, இப்போது நீங்கள் 18 வயதை நிறைவு செய்திருந்தாலோ, 2019 ஜனவரி 1-ம் தேதிக்குள் 18 வயது நிறைவடைந்துவிடும் என்றாலோ, இந்த வருடம் வாக்காளர் பட்டியலில் பெயர் சேர்க்க விண்ணப்பிக்கலாம்.

2. ஆன்லைன் மூலம் விண்ணப்பிக்க இந்தியத் தேர்தல் ஆணையத்தின் வாக்காளர் சேவை இணையதளமான www.nvsp.in-க்குச் செல்ல வேண்டும். புதிதாக விண்ணப்பிக்க, வாக்காளர் பட்டியலில் திருத்தங்கள் மேற்கொள்ள என எல்லாவற்றுக்கும் இந்தத் தளத்திலேயே விண்ணப்பங்கள் கிடைக்கின்றன.

3. புதிதாக வாக்காளர் பட்டியலில் பெயர் சேர்க்க படிவம் 6-ஐ பூர்த்தி செய்ய வேண்டும். அதற்கான இணைய முகவரி: www.nvsp.in/Forms/Forms/form6

4. படிவத்தைப் பூர்த்தி செய்வதற்கான வழிமுறைகள், இணைக்கவேண்டிய சான்றிதழ்கள் உள்ளிட்ட அனைத்து விவரங்களும் விண்ணப்பத்திலேயே குறிப்பிடப்பட்டிருக்கும். புகைப்படம், ஏதேனும் ஒரு வயது சான்று மற்றும் இருப்பிடச் சான்று ஆகியவற்றை மட்டும் இணைக்க வேண்டும். இதற்குக் கட்டணம் எதுவும் செலுத்த வேண்டியதில்லை.

5. விண்ணப்பத்தைச் சரியாகப் பூர்த்திசெய்துவிட்டால் போதும். பிறகு நமக்கு ஒரு Reference ID வழங்கப்படும். இதை வைத்து நம் விண்ணப்பத்தின் நிலையை www.nvsp.in/Forms/Forms/TrackStatus என்ற இணைய முகவரியில் தெரிந்துகொள்ளலாம்.

6. வாக்காளர் பட்டியலில் நம் பெயர் இணைக்கப்பட்டுவிட்டால், அந்த விவரங்கள் நாம் அளித்துள்ள மொபைல் எண்ணுக்குக் குறுஞ்செய்தி அனுப்பப்படும். இணையதளத்திலும் பார்த்துக்கொள்ளலாம்.

வாக்காளர் அடையாள அட்டை

வாக்காளர் அடையாள அட்டை தொலைந்துவிட்டால்?

தமிழக அரசின் இ-சேவை மையங்கள் மூலம் விண்ணப்பித்து புதிய அடையாள அட்டைகளைப் பெற்றுக்கொள்ள முடியும். பழைய கறுப்பு / வெள்ளை அடையாள அட்டை வைத்திருப்பவர் களும் அரசின் இ-சேவை மையங்கள் மூலம் புதிய வண்ண அடையாள அட்டையைப் பெற்றுக்கொள்ளலாம்.

எதற்கு, எந்த விண்ணப்பம்?

வாக்காளர் பட்டியலில் பிழைகளைச் சரிசெய்ய, வெளிநாடு வாழ் இந்தியர்கள் பதிவு செய்ய என நிறைய சந்தேகங்கள் உங்களுக்குத் தோன்றலாம். அவற்றுக்குக் கீழ்க்கண்ட விண்ணப்பங்கள் மூலம் விண்ணப்பிக்கலாம்.

படிவம் 8: வாக்காளர் பட்டியலில் இருக்கும் பிழைகளைத் திருத்த...

படிவம் 8A: ஒரே தொகுதிக்குள் முகவரி மாற்றம் செய்ய...

படிவம் 6: வேறு தொகுதி வாக்காளர் பட்டியலில் பெயர் சேர்க்க / புதிதாக விண்ணப்பிக்க...

படிவம் 7: போலி வாக்காளர்கள் / இறந்த நபர்கள் / முகவரி மாறியவர்களை வாக்காளர் பட்டியலில் இருந்து நீக்க...

படிவம் 6A:
வெளிநாடுவாழ் இந்தியர்கள் விண்ணப்பிக்க...

வாக்காளர் அடையாள அட்டை

தமிழகத் தேர்தல் ஆணையத்தின் ஆப்

தேர்தல் ஆணையத்தின் சேவைகளை மக்கள் பெற உதவுவதற்காக ‘TN Elections’ என்ற ஆப் செயல்பட்டுவருகிறது. தேர்தல் நேரங்களில் உதவுவதற்காக 1950 என்ற கட்டணமில்லா தொலைபேசி சேவையும் இருக்கிறது.