Published:Updated:

பெண்கள் முன்னேற்றத்துக்கு உதவுமா புதிய பட்ஜெட்?

பெண்கள் முன்னேற்றத்துக்கு உதவுமா புதிய பட்ஜெட்?
பிரீமியம் ஸ்டோரி
பெண்கள் முன்னேற்றத்துக்கு உதவுமா புதிய பட்ஜெட்?

பார்வைரமணி மோகனகிருஷ்ணன்

பெண்கள் முன்னேற்றத்துக்கு உதவுமா புதிய பட்ஜெட்?

பார்வைரமணி மோகனகிருஷ்ணன்

Published:Updated:
பெண்கள் முன்னேற்றத்துக்கு உதவுமா புதிய பட்ஜெட்?
பிரீமியம் ஸ்டோரி
பெண்கள் முன்னேற்றத்துக்கு உதவுமா புதிய பட்ஜெட்?

ந்த அரசின் கடைசி பட்ஜெட்டை நிதியமைச்சர் அருண் ஜெட்லி சமீபத்தில் அறிவித்ததை அடுத்து, அதுகுறித்த விவாதங்கள் சலசலத்துக்கொண்டிருக் கின்றன. இச்சூழலில் பெண்களுக்கான பட்ஜெட்  திட்டங்களை விளக்குகிறார் பொருளாதார நிபுணர் கௌரி ராமச்சந்திரன்... 

பெண்கள் முன்னேற்றத்துக்கு உதவுமா புதிய பட்ஜெட்?

பணிக்குச் செல்லும் பெண்களுக்கு இனிப்பு!

``பேறுகால விடுப்பு 12 வாரங்களில் இருந்து 26 வாரங்களாக அதிகரிக்கப்பட்டிருக்கிறது. 26 வாரங்கள்வரை தாய்ப்பால் கொடுத்து, ஆரோக்கியமுள்ள குழந்தையை வளர்த்தெடுக்க இந்த விடுப்பு உதவும்.

புதிதாகப் பணியமர்த்தப்படும் பெண் ஊழியர்களுக்கு 8% மட்டுமே பி.எஃப் பிடித்தம் செய்யப்பட்டு, 12%  பங்களிப்பை அரசு வழங்கும் என்கிற அறிவிப்பு வெளியாகி இருக்கிறது. இதனால், பெண்களின் ‘டேக் ஹோம்’ சம்பளத்தொகை அதிகமாகும்.
 
கிராமப்புறப் பெண்களுக்கு என்ன?

சிறு குறு தொழில்களுக்கான கடன் வழங்கும் முத்ரா வங்கிக் கடன் திட்டத்தின் மூலம் பயன்பெற்றவர்களில் 76% பெண்களாக இருக்கிறார்கள். இந்தத் திட்டத்தை ஊக்குவிக்க மூன்று லட்சம் கோடி ரூபாய் ஒதுக்கியிருப்பது சாதகமான அம்சம். வேளாண் துறையில் பெண்கள் பெறும் கடன்கள் சீராகத் திருப்பிச் செலுத்தப்படுகின்றன என்பதால், இம்முறை வேளாண் கடனுக்காக ஒரு லட்சம் கோடி ரூபாய் கூடுதலாக ஒதுக்கப்பட்டிருக்கிறது. எட்டுக் கோடி கிராமப்புற மக்களுக்கு ‘உஜ்வாலா’ திட்டத்தின் மூலமாக இலவச காஸ் கனெக்‌ஷன் கொடுக்கப்படும் என்று அறிவிக்கப்பட்டிருக்கிறது. சுயஉதவிக் குழுக்களுக்கான கடன் தொகை 37% அதிகரிக்கப்பட்டு, அதாவது `75 ஆயிரம் கோடி வழங்கப்படும் என அறிவிக்கப்பட்டிருக்கிறது’’ என்றார் கௌரி ராமச்சந்திரன். 

ஒட்டுமொத்த விகடனுக்கும் ஒரே ஷார்ட்கட்!

பெண்கள் முன்னேற்றத்துக்கு உதவுமா புதிய பட்ஜெட்?

இந்த அறிவிப்புகள் ஒருபுறம் இருக்க, இந்த பட்ஜெட்டில் நிறைய குளறுபடிகளும் இருக்கின்றன.

பெண் சுகாதார ஊழியர்களின் சம்பளம் குறைக்கப்படுமா?

தேசிய சுகாதார மிஷனுக்கு வழங்கப்படும் நிதி குறைக்கப்பட்டிருக்கிறது. இதுதான் ‘ஆஷா’ எனப்படும் சமூக சுகாதார ஊழியர்களுக்கான சம்பளத்தை வழங்குகிறது. இதில் பணிபுரிபவர்கள்தாம், ஆறு லட்சம் கிராமங்களுக்கு முதன்மை சுகாதாரப் பாதுகாப்பைக் கொண்டுசெல்பவர்கள். இதில் 8 லட்சத்து 60 ஆயிரம் பெண்கள் ஈடுபட்டிருக்கிறார்கள். இவர்கள் தங்களுக்கு வழங்கப்படும் 1,500 ரூபாய் சம்பளத்தை 6,000 ரூபாயாக உயர்த்தும்படி குஜராத்தில் மிகப்பெரிய அளவில் போராட்டத்தைக் கடந்த ஆண்டு முன்னெடுத்தனர். போராட்டம்  இன்னும் செவிமடுக்கப்படாமல் இருக்கிறது. இப்போது நிதி குறைக்கப்பட்டிருப்பதன் மூலம், இவர்களுக்கு வழங்கப்பட்டு வந்த அந்தக் குறைந்தபட்ச சம்பளமும் இனி குறைக்கப்படுவதற்கான அபாயம் இருக்கிறது.

அங்கன்வாடி தொழிலாளர்களின் நிலை என்ன?


ஒருங்கிணைந்த குழந்தை மேம்பாட்டு சேவைகள் திட்டத்துக்கு ரூ.1,000 கோடி மட்டுமே சென்ற ஆண்டிலிருந்து அதிகரிக்கப் பட்டிருக்கிறது. இதற்குக் கீழ் செயல்படும், அங்கன்வாடி தொழிலாளர்களும் சம்பள உயர்வுக்காகப் போராடி வருகிறார்கள். அவர்களுக்கான சம்பளமும் உயர்த்தப்படாது என்பது தெளிவாகத் தெரிகிறது.

நிர்பயா நிதியில் பாதியளவுகூட பயன்படுத்தப் படவில்லை!

சிறு குறு தொழில்களுக்குக் கடன் வழங்கும் முத்ரா வங்கி சராசரியாக 40 ஆயிரம் ரூபாய் கடன்தொகை வழங்குகிறது. இது மிகச்சிறு தொழிலைத் தொடங்கக்கூட போதுமானதாக இருக்காது.

நாடெங்கும் பெண்களுக்கு எதிரான குற்றங்களைக் குறைப்பதற்காக ஒதுக்கப்படும் நிர்பயா நிதி, 550 கோடியில் இருந்து 1,794 கோடி ரூபாயாக உயர்த்தப்பட்டிருக்கிறது. ஆனால், 2013-ல் இருந்து கடந்த நிதியாண்டு வரை நிர்பயா நிதியின் கீழ் செயல்படும் 18 திட்டங்களுக்காக ஒதுக்கப்பட்ட 3,100 கோடி ரூபாய் நிதியில், பாதியளவு தொகைகூட அவற்றுக்காகப் பயன்படுத்தப்படவில்லை.

மொத்தத்தில் பட்ஜெட் அறிவிப்புகள் பெண் கல்விக் கானவையாகவோ, அவர்களின் அறிவுத்தள முன்னேற்றத்துக் கானவையாகவோ இல்லை என்கிற குற்றச்சாட்டும் வலுவாக வைக்கப்படுகிறது.

“சுயஉதவிக் குழுக்களுக்கு நிதி வழங்குவதோ, காஸ் கனெக்‌ஷன் கொடுப்பதோ ஒரு சிறிய அளவிலான மாற்றம்தான். மீண்டும் மீண்டும் பெண்களைத் `தையல் கற்றுக்கொள்', `சமையல் செய்', `குழந்தைகளைப் பார்த்துக்கொள்' என்கிற வட்டத்துக்குள் தள்ளுவதாகவே அரசின் திட்டங்கள் இருக்கின்றன. ஆனால், அரசின் உதவிகள் ஏதும் இல்லாமலேயே பெண்கள் மிகப்பெரிய பாய்ச்சலை அடைந்துகொண்டிருக்கிறார்கள். வரலாறு காணாத அளவில் இந்தியப் பெண்கள் கல்வி பயிலவும் மேற்படிப்பு படிக்கவும் சென்றுகொண்டிருக்கிறார்கள்.

அரசு உண்மையாகவே பெண்களுக்கு ஏதாவது செய்ய வேண்டும் என்று நினைத்திருந்தால், பெண்களின் மேற்படிப்பை ஊக்குவிக்கும் விதமான திட்டங்களைக் கொண்டுவந்திருக்க வேண்டும். தமிழ்நாடு போன்ற மாநிலங்களில் பெண்கள் அதிகளவில் படிக்கிறார்கள். அவர்களை மேற்கொண்டு ஊக்குவிக்க வேண்டும். போஸ்ட் மெட்ரிக் ஸ்காலர்ஷிப்பை பெண்களுக்குக் கொண்டுவரலாம். ஆனால், அவற்றையெல்லாம் விடுத்து, ஆணாதிக்கச் சமூகத்தில் பெண்களை அடிமையாகவே வைத்திருக்கும் வேலைதான் பட்ஜெட் என்ற பெயரில் செய்யப்படுகிறது” என்கிறார் பொருளாதார நிபுணர் ஜெயரஞ்சன்.  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism