Published:Updated:

'பயணம் சேர்த்து வைத்த காதல் இது!'

'பயணம் சேர்த்து வைத்த காதல் இது!'
பிரீமியம் ஸ்டோரி
'பயணம் சேர்த்து வைத்த காதல் இது!'

வீட்டை விற்று உலகம் சுற்றும் பெங்களூரு தம்பதிவாழ்க்கைப் பயணம்எம்.ஆர்.ஷோபனா

'பயணம் சேர்த்து வைத்த காதல் இது!'

வீட்டை விற்று உலகம் சுற்றும் பெங்களூரு தம்பதிவாழ்க்கைப் பயணம்எம்.ஆர்.ஷோபனா

Published:Updated:
'பயணம் சேர்த்து வைத்த காதல் இது!'
பிரீமியம் ஸ்டோரி
'பயணம் சேர்த்து வைத்த காதல் இது!'

‘`இப்போதான்  காம்போடியா விலிருந்து வந்திருக்கோம். ரெண்டு வாரத்துல தாய்லாந்து போக ப்ளான் போட்டுட்டிருக்கோம்’’ என்று ருச்சிகா சங்கர் கூற, அதை ரசித்தபடி சிரிக்கிறார் அவினாஷா சாஸ்திரி. பெங்களூரைச் சேர்ந்த இந்த க்யூட் ஜோடி, 2016-ம் ஆண்டு முதல் பயணம் செய்வதையே தங்கள் வாழ்க்கை முறையாகக் கொண்டிருக்கிறார்கள்.  

'பயணம் சேர்த்து வைத்த காதல் இது!'

  ‘`நான் பிறந்தது டெல்லி. ஸ்கூல், காலேஜ் படிச்சதெல்லாம்  பெங்களூருல. `லா' படிச்சுட்டு, மூணு வருஷங்கள் வழக்கறிஞரா வேலைசெய்தேன். அந்த வாழ்க்கை பிடிக்கலை. வழக்கமான தினங்களில் இருந்து விலகி, 2014-ல் மலேசியாவுக்கு ஒரு ‘சோலோ ட்ரிப்’ போனேன்.  அங்கேதான் அவினாஷா எனக்கு அறிமுகமானார்” என்று ருச்சிகா தொடங்க, ஆர்வமாகத் தொடர்கிறார் அவினாஷா... “நாங்க பேசின முதல் விஷயமே, பயணம் பற்றிதான். தொடர்ந்து, ஆண் பெண் சமத்துவம், விதம்விதமான உணவுகளை விரும்பிச் சாப்பிடுகிற ஆர்வம், வேலை பற்றிய சிந்தனை கள்னு இப்படி பல விஷயங்களில் எங்க அலைவரிசை அனுசரித்துப் போச்சு. நண்பர்களா பழகிவந்த நிலையில், நான்தான் புரொபோஸ் பண்ணினேன். 2016-ல் எங்க திரு மணம் நடந்தது” என்று பூரிப்புடன் அவினாஷா கூற, அவரை கண்களால் காதல் செய்கிறார் ருச்சிகா.

‘`கல்யாணத்தை ரொம்ப சிம்பிளா நடத்தினோம். ஏன்னா, எங்க ஆர்வமெல்லாம் இந்த உலகத்தைச் சுற்றிப் பார்க்கறதுலதான் இருந்தது. பெங்களூருல இருக்கிற வீடு, வீட்டுப் பொருள்கள் எல்லாத்தையும் வித்தோம். ரொம்ப அத்தியாவசியமான பொருள்களை மட்டும் எடுத்துக்கிட்டு, நான் ஒரு பெட்டி, அவினாஷா ஒரு பெட்டினு உலகம் சுற்றக் கிளம்பிட்டோம். இந்த ஒரு வருஷத்துல வியட்நாம், கம்போடியா,  சிங்கப்பூர், தாய்லாந்து, தாய்வான், பிலிப்பைன்ஸ்னு ஆறு நாடுகளுக்குப் பயணம் செஞ்சுட்டு வந்திருக்கோம்’’ என்று உற்சாகமாகக் கூறுகிறார் ருச்சிகா. 

ஒட்டுமொத்த விகடனுக்கும் ஒரே ஷார்ட்கட்!

'பயணம் சேர்த்து வைத்த காதல் இது!'

‘`நீங்க  ஆபீஸ்ல உட்கார்ந்து  எட்டு மணி நேரம் வேலைபார்க்குறீங்க. நாங்க அதே எட்டு மணி நேரம் வேலையை வெவ்வேறு  நாடுகள்ல பண்றோம். நான் சாஃப்ட்வேர் புரொகிராமர். இப்போ ஃப்ரீலான்ஸரா அந்த வேலையைச் செய்துட்டிருக்கேன். ருச்சிகா சோஷியல் மீடியா ரைட்டிங், ஃப்ரீலான்ஸ் ஃபிலிம் மேக்கிங்னு பண்ணிட்டிருக்காங்க. நாங்க ‘செகண்டு பிரேக்ஃபாஸ்ட்' என்ற டிராவல் இணையதளம் ஒன்றை நடத்திட்டு வர்றோம். ‘லார்ட் ஆப் ரிங்ஸ்’ படத்துல ஒரு கதாபாத்திரம் பயணம் போறப்போ, ‘செகண்டு பிரேக்ஃபாஸ்ட் வேணும்’னு கேட்பாரே... அங்கேயிருந்து உருவானதுதான் இந்தப் பெயர். நாங்க எந்த நாட்டுக்குப் போனாலும், அங்கே ஒரு மாசத்துக்கு ஒரு வீடு எடுத்துத் தங்குவோம். எட்டு மணி நேரம் வேலை நேரம் போக, மற்ற நேரங்களில் ஊரைச் சுத்திப்பார்ப்போம்” என்று கூலாகக் சொல்கிறார் அவினாஷா.

'பயணம் சேர்த்து வைத்த காதல் இது!'

‘`பொதுவாக பயணம் போறவங்க டிஜிட்டல் உலகத்தைத் தள்ளி வெச்சுட்டு இயற்கையை ரசிக்கறதுலதான் அதிக ஆர்வம் காட்டுவாங்க. காரணம், வருஷத்துக்கு ஒருமுறை அல்லது இரண்டு முறை பயணம் செய்றவங்களுக்கு,  வழக்கமான வாழ்க்கை முறையில இருந்து ஒரு சின்ன விடுதலை தேவைப்படும். எங்களுக்குப் பயணம்தானே வாழ்க்கைமுறை? தினம் தினம் ஏதோ ஒரு புது விஷயத்தைப் பார்க்கிறோம், ரசிக்கிறோம். அதனால, டிஜிட்டல் உலகத்தில் இருந்து விலகணும்னு எங்களுக்குத் தோணலை. நாங்க செய்ற வேலைக்கு இன்டர்நெட்டும் வைஃபையும் அவசியம்’’ என்கிறார் ருச்சிகா. 

'பயணம் சேர்த்து வைத்த காதல் இது!'

அவினாஷா, ``வியட்நாம்ல ஒருநாள் மார்க் கெட்ல ருச்சிக்காவோட போனை ஒருத்தர் பிடுங்கிட்டு ஓடிட்டார். கூட்டம் கூடினப்போ, ‘அது ஐபோனா’னு கேட்டாங்க. ‘இல்லை’னு சொன்னதும், ‘அப்போ பரவாயில்லை’னு சொல்லிட்டு எல்லோரும் கலைஞ்சுட்டாங்க. இதெல்லாம் பயணங்கள்ல சாதாரணமா நடக்கிறதுதான். நான் ருச்சிகிட்ட, ‘ஏதோ ஒரு நாட்டுல நம்மளோட பாஸ்போர்ட், விசா எல்லாத்தையும் தொலைச்சுட்டு நிக்கப்போறோம், எல்லாத்துக்கும் தயாரா இருந்துக்கோ’னு அடிக்கடி சொல்வேன்’’ என்று முடிப்பதற்குள், ‘`அப்படி ஏதாவது நடந்தாலும், கைகோத்து என்கூட காலாலேயே இந்த உலகத்தைச் சுற்றிவர நீ இருக்கியே’’ என்று செல்லமாக அவரைக் கிள்ளுகிறார் ருச்சிகா.

நம்முடன் பயணிக்கவும், நம்மை பண்படுத்தவும் ஒருவர் இருந்தால், இந்த உலகமே ஒரு வீடுதான்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism