Published:Updated:

சிறகடிக்கும் ஃபெதர் ஃபேஷன் !

அமெரிக்காவில் இருந்து ரேணுகா ராஜசேகரன்

சிறகடிக்கும் ஃபெதர் ஃபேஷன் !

அமெரிக்காவில் இருந்து ரேணுகா ராஜசேகரன்

Published:Updated:
##~##

அமெரிக்காவில் இப்போது ஹாட் ஃபேஷன்... இறகு நகைகள்! காகம், மயில், புறா என்று பறவைகளின் இறகுகளைக் கோத்துக் கம்மலாகவும், கழுத்துச் செயினாகவும் அணிந்துகொள்கிறார்கள் யு.எஸ். யுவதிகள்!

கனமில்லாமல் இருப்பது, கவர்ச்சியாக இருப்பது, புதுமையாக இருப்பது போன்ற காரணங்கள்தான் இறகு நகைகள் அமெரிக்காவில் ஹிட் அடித்ததற்குக் காரணம். இப்போது... இறகு பதித்த மோதிரங்கள், வளையல்கள், க்ளிப்கள் எனவும் 'சிறகடிக்கிறார்கள்’ அந்த நாட்டுப் பெண்கள். டீன் டிக்கெட்கள் முதல் பாட்டிகள் வரை இது அனைவரின் ஃபேவரைட் ஆகியிருப்பதும் ஆச்சர்யம்தான்!

ஒட்டுமொத்த விகடனுக்கும் ஒரே ஷார்ட்கட்!

நலத் திட்டங்களுக்காக நிதி திரட்ட (ஃபண்ட் ரைஸிங்) மட்டுமே ஆரம்பிக்கப்பட்ட இந்த இறகு நகைகள் விற்பனை, தெரிந்தவர்களுக்கு... தெரிந்தவர்களுக்குத் தெரிந்தவர்களுக்கு... என குறுகிய வட்டத்திலேயே நிகழ்ந்து வருகிறது. இப்போதைக்கு இவற்றைத் தயாரித்து விற்பவர்கள்... முழுக்க முழுக்கப் பெண்கள் மட்டுமே. இவர்களில் பெரும்பாலானவர்கள் மாணவிகள்!

சிறகடிக்கும் ஃபெதர் ஃபேஷன் !

தீ போல் பரவிய இந்த ஃபேஷனால்... இப்போது அமெரிக்காவில் இறகு அணிகலன்களின் தேவை மிகப் பெரிய அளவில் உயர்ந்துள்ளது. ஆனால், அதை நிறைவுசெய்யும் தொழிற்கூடங்கள் இல்லை. 'பீக்காக் ஃபெதர் ஸ்டெட்’ என்று தேடித் திரியும் யுவதிகளின் ஆசைக்கு ஈடுகொடுக்க, அமெரிக்காவில் மயில்களும் இல்லை.

''அமெரிக்கர்களிடம் பொதுவாகவே சுயதொழில் ஈடுபாட்டு ஆர்வம் கிடையாது. எனவே, பெண்களிடத்தில் வளர்ந்திருக்கும் இறகு அணிகலன்கள் தேவையை நிறைவு செய்யும் தொழிற்கூடங்களை இங்கு இவர்கள் தோற்றுவிப்பது கடினம். மேலும், அவர்களுக்குப் பெரிய அளவிலான வியாபார ரீதியிலான அணிகலன் உற்பத்தி செய்யும் அனுபவமும் கிடையாது. அமெரிக்க கடைகளில் விற்கப்படும் அணிகலன்கள் யாவுமே சீனா, இந்தியா, ஐரோப்பா என வெளிநாடுகளிடமிருந்து வருபவையே'’ என்கிறார்கள் அமெரிக்க ஃபேஷன் உலகைக் கவனிப்பவர்கள்.

பெரிய பெரிய பிஸினஸ் மால் மற்றும் ஆன்லைன் கடைகளிலும் இவை கிடைக்கத் துவங்கியிருக்கின்றன. ஆனால், இவற்றின் விலை, மிக அதிகம். இந்தச் சூழ்நிலையை இந்தியர்கள் பயன்படுத்திக்கொண்டு, தரமான இறகு அணிகலன்களை, அமெரிக்கர்கள் விரும்பி வாங்கக் கூடிய விலைக்கு வெகு லாபகரமாகத் தயாரித்து விற்க முடியும்!

சிறகடிக்கும் ஃபெதர் ஃபேஷன் !

கீழே உதிரும் பறவை இறகுகளை, குறிப்பாக கோழி, வாத்து போன்றவற்றின் இறகுகளை... அலுமினியம், எஃகு, வெள்ளி, தங்கம், பிளாட்டினம் எனக் கோத்துக் கொடுத்து, அதற்குத் தகுந்த விலையை நிர்ணயம் செய்யலாம். சிப்பிகள், கொட்டை ஓடுகள், மணிகள் என்று இணைத்துக்கொண்டால்... கூடுதல் ஈர்ப்போடு... சூப்பர் சேல்ஸ் நிச்சயம்!

ஆனால், பணம் பார்க்கும் வெறியில், இங்கிருக்கும் மயில் உள்ளிட்ட பறவைகளை நம்மவர்கள் கொன்று குவிக்காமல் இருக்க வேண்டுமே!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism