Published:Updated:

குட்டீஸ் குறும்பு !

குட்டீஸ் குறும்பு !

குட்டீஸ் குறும்பு !

குட்டீஸ் குறும்பு !

Published:Updated:

குட்டீஸ் குறும்பு !
குட்டீஸ் குறும்பு !
குட்டீஸ் குறும்பு !

ஒட்டுமொத்த விகடனுக்கும் ஒரே ஷார்ட்கட்!

ஒவ்வொன்றுக்கும் பரிசு 150

"திருப்பிப் போட்டா புது டிரஸ்!"

குட்டீஸ் குறும்பு !

ஒரு நாள் என்னையும்அறியாமல் நான் சேலையைத் திருப்பிக் கட்டிக்கொண்டு வந்து விட்டேன். அதை கவனித்துவிட்ட என் இரண்டு ரெட்டைவால் பசங்களும், "அச்சோ அம்மா... சேலைய திருப்பி கட்டியிருக்கீங்க..." என்று சொல்ல, நான் சமாளிப்பதற்காக, "சேலையைத் திருப்பி கட்டினா புது சேலை கிடைக்குமாம்..!" என்றேன். சிறிது நேரத்தில் பெரியவன் தன் பேன்ட்டை திருப்பிப் போட்டுக்கொண்டு வந்து நின்று, "எனக்கும் புது டிரெஸ் கிடைக்கும்லம்மா..?!" என்று வெகுளி யாய்க் கேட்க, அவனை அள்ளி அணைத்தபடி சிரித் தேன் நான். அதேசமயத் தில் குழந்தைகளிடம் நாம் செய்த தவறை சமாளிக் காமல் ஒப்புக்கொள்வதே உத்தமம் என்பதையும் புரிந்துகொண்டேன்!

- எஸ்.செல்வராணி, வேலூர்


மம்மியாண்டி!

குட்டீஸ் குறும்பு !

என் மகனின் ஸ்கூல் டைரியில், 'நடக்கவிருக்கும் மாறுவேடப் போட்டிக்கு விருப்பமுள்ள மாணவர்களின் பெயர்களை பெற்றோர்கள் பள்ளிக்கு வந்து கொடுக்கலாம்' என்று எழுதியிருந்தனர். என்னால் பள்ளிக்குச் செல்ல இயலாததால், "அம்மா கலந்துக்க சொன்னாங்கனு மிஸ்கிட்ட சொல்லுடா. பழனியாண்டி வேஷம் ஓ.கே-யானு கேட்டுட்டு வா" என்று கூறி அனுப்பினேன். மாலையில் வீடு திரும்பிய என் பையன் துள்ளிக் குதித்து ஓடி வந்து, "அம்மா... இதை எங்க மிஸ் உங்ககிட்ட கொடுக்கச் சொன்னாங்க" என்று ஒரு பேப்பரை நீட்டினான். பிரித்துப் படித்தால், 'ப்ரணவ் அம்மா அவர்களுக்கு, மாறுவேடப் போட்டி குழந்தைகளுக்குத்தான். பெற்றோருக்கு அல்ல!' என்று எழுதியிருந்தனர். புரியாமல் நான் அவனிடம், "மிஸ்கிட்ட என்னடா சொன்ன?" என்று கேட்க, "எங்கம்மா போட்டியில கலந்துக்கறாங்களாம்... ஆண்டி வேஷம் போட்டுக்கப்போறாங்களாம்னு சொன்னேன்" என்று மழலையில் அவன் ஒப்பிக்க, "அடப்பாவி!" என்று என்னை வைத்து காமெடி பண்ணிய என் மகனை அள்ளிக் கொஞ்சிக் கொண்டேன்!

- விஜி விஜயசங்கர், சென்னை-59


"மூக்கு ஒழுகாட்டி ஐஸ்க்ரீம்!"

குட்டீஸ் குறும்பு !

எங்கள் வீட்டுச் சுட்டி அஜய்க்கு அப்போது மூன்று வயது. ஒருநாள் கிச்சனில் வேலையாக இருந்த என்னிடம் அரக்கப் பரக்க ஓடிவந்தான். "அம்மா... என் மூக்கு ஒழுகுதானு பாருங்க" என்று தன் மூக்கை முடிந்தவரை விடைத்து எனக்கு ஃபோகஸ் செய்து காண்பிக்க, சிரிப்பு வந்துவிட்டது எனக்கு. "மூக்கு ஒழுகலடா" என்று நான் சொன்னதுதான் தாமதம்... "அப்படினா, எனக்கு ஐஸ்க்ரீம் வாங்கிக் கொடுங்க..." என்று என் சேலையைப் பிடித்து இழுக்க, இந்த டயலாக்கை கேட்டுக்கொண்டிருந்த என் அம்மா 'குபீர்' என சிரித்துவிட்டார். புரியாமல் அம்மாவைப் பார்க்க, "ஒருநாள் நீ இல்லாதப்போ ஐஸ்க்ரீம் கேட்டான். 'இப்போ சளி பிடிச்சிருக்கதால வேணாம்... இன்னொரு நாள் மூக்கு ஒழுகாம இருக்கும்போது கண்டிப்பா சாப்பிடலாம்'னு சொன்னேன். சத்தியம் செஞ்சு வாங்காத குறையா அதை ஏத்துக்கிட்டான். அதான் இப்போ ஐஸ் வண்டியைப் பார்த்ததும் அய்யாவுக்கு அது ஞாபகத்துக்கு வந்து உன்னை இழுக்கறான்!" என்று என் அம்மா விளக்க, இந்தக் காலத்து சுட்டிகளின் சாமர்த்தியத்தை வியந்து சிரித்தோம் நாங்கள்!

- வி.ராகிலா, சொக்கலிங்கபுரம்

குட்டீஸ் குறும்பு !
 
   
   
குட்டீஸ் குறும்பு !
குட்டீஸ் குறும்பு !