Published:Updated:

கலக்க வைக்கும் கலப்படம்

கலக்க வைக்கும் கலப்படம்

கலக்க வைக்கும் கலப்படம்

கலக்க வைக்கும் கலப்படம்

Published:Updated:

பளீர் நிறங்களில் பதுங்கியிருக்கும் பயங்கரம் !
கலக்க வைக்கும் கலப்படம்
கலக்க வைக்கும் கலப்படம்

ஒட்டுமொத்த விகடனுக்கும் ஒரே ஷார்ட்கட்!

கலங்க வைக்கும் கலப்படம் !

லாவண்யா

"அவள் விகடனைப் பிரிச்சா, 'கலப்படம்' பக்கத்துக்குத்தான் முதல்ல என் கை போகுது! நல்லாவே உஷார்படுத்தறீங்க எங்கள!"

- அறந்தாங்கி வாசகி கமலா ராமநாதன், 'வாய்ஸ் ஸ்நாப்'பில் பதிவு செய்திருந்த வார்த்தைகள் இவை.

கலக்க வைக்கும் கலப்படம்

இவரைப் போலவே இன்னும் பல வாசகிகளும் இந்தத் தொடருக்கான பாராட்டுக்களைத் தெரியப்படுத்தியிருந்தார்கள். உங்களுக்காக இந்த இதழிலும் கலப்படத்தை பிரித்து உதறுகிறார்... சென்னை, ஹேப்பி சூப்பர் மார்க்கெட்டின் உரிமையாளர் சத்தார்.

"காபித்தூளில் சிக்கரித்தூள் கலப்படம் செய்யப்படுகிறது. பொதுவாக, எல்லா காபித்தூள் பாக்கெட்டிலும், அதில் கலக்கப்பட்டிருக்கும் சிக்கரியின் சதவிகிதம் குறிப்பிடப்பட்டிருக்கும். ஆனால், அந்த அளவுக்கும் அதிகமாகவே சிக்கரியை சேர்த்தால்... அது கலப்படம்.

தேயிலைத் தூளில் முந்திரிப் பருப்பின் தோல் கலந்து விற்பது சர்வசாதாரணமாக நடக்கிறது. அதேபோல, ஏற்கெனவே உபயோகப்படுத்தப்பட்ட தேயிலைத் தூளுடன் சாயம் கலந்து புதிய தூளாகவும் விற்கப்படுகிறது.

கூட்டுப் பெருங்காயத்துடன் கால்போனி மற்றும் கருவேல மரத்தின் பிசின் ஆகிய பொருட்கள் கலக்கப்படுகின்றன.

கடலை மாவுடன், பட்டாணிப் பருப்பின் மாவு மற்றும் சோள மாவு, அரைக்கும்போதே கலக்கப்படுகிறது. இதன் காரணமாக உடலுக்கு பெரிதாக எந்தத் தீங்கும் இல்லை. ஆனால், விலை ஏய்ப்புக்காக இப்படிச் செய்கிறார்கள்.

இனிப்பு வகைகள், செயற்கை பழரசங்கள் மற்றும் ஜாம் போன்றவற்றுடன் அனுமதிக்கப்படாத நிறமூட்டிகள் கலக்கப்படுகின்றன. குளிர்பானங்களில் எத்தலின், கிளிக்கால், பாஸ்பரிக் போன்ற ஆசிட்கள் மற்றும் சாபரின் என்னும் போதைப் பொருளும் கலக்கப்படுகின்றன" என்று சொன்ன சத்தார்,

"இது தீபாவளி நேரம்... டாலடிக்கற பல நிறங்களில் ஸ்வீட்களை அடுக்கி வைத்திருப்பார்கள். பார்த்ததுமே வாங்கத் தோன்றும். ஆனால், இத்தகைய நிறங்களால் உடலுக்கு பெரிதாக எந்த நன்மையும் இல்லை. சொல்லப்போனால்... தீமைதான். எனவே, பலவித கலர் ஸ்வீட் முக்கியமா என்பதை உணர்ந்து, அதற்குத் தகுந்தாற் போல்... இனிப்புடன் தீபாவளியைக் கொண்டாடுங்கள்... வாழ்த்துகள்" என்று சொல்லி முடித்தார்.

கலக்க வைக்கும் கலப்படம்

மேற்கண்ட பொருட்களில் ஏற்படும் கலப்படங்களைக் கண்டறியும் முறைகளையும், அவற்றால் ஏற்படும் பாதிப்புகள் பற்றியும் வழக்கம் போலவே விரிவாக எடுத்து வைத்தார் சென்னையைச் சேர்ந்த வேதியியல் மற்றும் உணவுத்துறை பேராசிரியை கீதா.

"ஒரு சோதனைக் குழாயில் நீர் எடுத்து, அதில் காபித்தூளை தூவவும். சிக்கரித்தூள் கலந்த காபித்தூள் சிவப்பு நிறத்துடன் நீரில் மூழ்கும். தூய்மையான காபித்தூள் மேலே மிதக்கும். அளவுக்கு அதிகமான சிக்கரித்தூளால் வயிற்று வலி, தலைசுற்றல், மயக்கம் மற்றும் சில நேரங்களில் மூட்டுவலியும் ஏற்படும்.

தேயிலையை அரைக்கும்போதே முந்திரி பருப்பு தோலையும் சேர்த்து அரைத்துவிடுவார்கள். அதைச் சுலபத்தில் கண்டுபிடிக்க முடியாது. அதேசமயம், ஏற்கெனவே உபயோகப்படுத்தப்பட்ட டீத்தூளில் சாயமேற்றியிருப்பதைக் கண்டுபிடிக்க வழி இருக்கிறது. ஈரமான வடிதாளின் மீது டீ தூளைத் தூவும்போது, வண்ணங்கள் தோன்றினால், அது ஏற்கெனவே பயன்படுத்தப்பட்ட தூள் என்று அறியலாம். இத்தகைய கலப்படம், கல்லீரல் கோளாறுகளை ஏற்படுத்தும்.

நன்றாகத் தூள் செய்யப்பட்ட ஒரு கிராம் பெருங்காயத்துடன், ரெக்டிஃபைடு ஸ்பிரிட் சேர்த்துக் குலுக்கவும். அதனை வடிகட்டி, ஐந்து மில்லி எடுத்து, அதனுடன் பத்து சதவிகித ஃபெர்ரிக் குளோரைடு (10% திமீநீறீ3) சேர்த்துக் குலுக்கவும். இளம் பச்சை நிறம் தோன்றினால் பெருங்காயத்துடன் வேறு பிசின்களும் கலந்திருப்பது உறுதிபடுத்தப்படுகிறது. இதனால் அலர்ஜி, சீதபேதி ஏற்படலாம்.

கூல்டிரிங்ஸில் பொங்கித் ததும்பும் நுரைக்காகவும், கவர்ந்திழுக்கும் நிறம் மற்றும் அருந்தும்போது ஏற்படும் 'சுர்' என்ற உணர்வுக்காகவும் ஆசிட் கலப்படங்கள் நிகழ் கின்றன. சோதனைக் கூடத்தில் பரிசோதிக்கும்போது இதில் உள்ள கலப்படங்கள் எல்லாம் தெரிந்துவிடும்.

சிறிதளவு இனிப்பு, ஜாம் அல்லது பழரசத்தை எடுத்து, அதனுடன் சுடுநீரை ஊற்றி நன்கு கலக்கினால் சேர்க்கப்பட்டிருக்கும் வண்ணம் பிரிந்து வரும். அதனுடன் சில துளிகள் ஹெச்.சி.எல். எனப்படும் கெமிக்கலைச் சேர்த்தால், வெளிர் சிவப்பு நிறம் தோன்றும். அந்தப் பொருளில் 'மெட்டானில் எல்லோ' எனப்படும் கெமிக்கல் கலக்கப்பட்டிருக்கிறது என்பதை இதன் மூலம் அறியலாம்.

கலக்க வைக்கும் கலப்படம்

உணவுப் பொருட்களில் வண்ணங்கள் எந்த அளவில் இருக்கலாம்... எவையெல்லாம் இருக்கலாம் என்பதற்காக இந்திய அரசில் 'ப்ரிவென்ஷன் ஆஃப் ஃபுட் அடல்ட்ரேஷன்' என்ற சட்டப்பிரிவின் கீழ் சில கெமிக்கல்கள் அனுமதிக்கப்படுகின்றன. இவற்றை 'பெர்மிடட் கலர்' என்பார்கள். பிரில்லியன்ட் புளூ (ஊதா நிறம்), அமரந்த் மற்றும் எரித்தோஸின் (சிவப்பு நிறம்), டார்ட்ராஜின் (மஞ்சள்), ஃபாஸ்ட் கிரீன் (பச்சை) ஆகியவை அனுமதிக்கப்பட்ட கெமிக்கல்கள்.

தரமான கடைகளில் ஸ்வீட் வாங்கும்போது, அந்த ஸ்வீட்டில் என்னென்ன கெமிக்கல் கலக்கப்பட்டுள்ளது என்பதை அட்டைப் பெட்டியிலேயே குறிப்பிட்டிருப்பார்கள்.

ஸ்வீட் மற்றும் உணவுப் பொருட்களில் பளீரிடும் வண்ணங்கள் உண்டாக்குவதற்காக கெமிக்கல் சேர்க்கப்படுவதால், உடலுக்கு எந்த ஒரு நியூட்ரிஷியன் வேல்யூவும் கிடையாது. கண்ணைக் கவர்வதற்காக மட்டுமே கலக்கப்படுகின்றது.

அனுமதிக்கப்படாத வண்ணங்கள் சேர்க்கப்பட்டிருந்தால்... அது உடலுக்கு பயங்கர பாதிப்பை ஏற்படுத்தும். இத்தகைய வண்ணங்கள், 'நான்பெர்மிட்டட் கலர்ஸ்' என்று அழைக்கப்படுகின்றன.

அந்த வரிசையில் வரும் 'மெட்டானில் யெல்லொ மற்றும் லீட் குரோமேட்' (மஞ்சள் நிறம்) ஆகியவை கேன்சரை ஏற்படுத்தக்கூடிய கெமிக்கல்கள் என்பதை நாம் உணரவேண்டும். ரோடமின் பி (பிங்க் கலர்) எனப்படும் கெமிக்கல், குடல் பாதிப்பை ஏற்படுத்தும். ஆரஞ்சு டூ (ஆரஞ்ச் நிறம்) கிட்னியை பாதிக்கும். காங்கோ ரெட் (சிவப்பு நிறம்) என்பது கண்களில் பாதிப்பை ஏற்படுத்தும். இத்தகைய கெமிக்கல்களை 'கோல் டார் டைஸ்' (சிஷீணீறீ tணீக்ஷீ பீஹ்மீs) என்று சொல்வார்கள்.

சில வகை ஸ்வீட்களில் வெள்ளி ஜரிகை போன்று பளபளப்பதைப் பார்த்திருப்பீர்கள். இது கெமிக்கல் கொண்டு தயாரிக்கப்பட்ட சில்வர் ஃபாயில். இந்த சில்வர் ஃபாயில் அனுமதிக்கப்பட்ட வண்ணங்கள் என்ற அளவீட்டில் வருகிறது. அதேசமயம், இதன் விலை அதிகம் என்பதால், அலுமினியம் ஃபாயில் என்பதைக் கலப்படம் செய்கிறார்கள். அலுமினிய ஃபாயிலுடன் சேர்ந்த ஸ்வீட்டைச் சாப்பிடும்போது... அது வயிற்றுக் குழாயைப் பாதிக்கும். இரைப்பையில் சேதம் ஏற்படுத்தும். இதனால், ஜீரண சக்தியும் பாதிக்கப்படும்.

'சரி, கடையில்தான் வாங்கவில்லை... வீட்டிலேயே தயாரிக்கிறோம்' என்று நீங்கள் முன்வந்தால்... அது நூற்றுக்கு நூறு சரியான முடிவு. அதேசமயம், அங்கேயும் கேசரி பவுடர் மற்றும் ஜிலேபி பவுடர் போன்றவற்றை நீங்கள் கட்டாயம் உபயோகிப்பீர்கள். அந்தப் பொருட்களிலும் கலப்படம் நடத்தப்படுகிறது. இத்தகைய பவுடர்களில் கலப்படம் இருக்கிறதா என்பதைக் கண்டறிவது கடினம்" என்று சொன்ன கீதா,

"ஆகமொத்தம், வெறுமனே நிறத்துக்காக மட்டும் உணவுப் பொருட்களில் இப்படியெல்லாம் கெமிக்கல் கலக்கப்படுவதால் ஆபத்துகள்தான் அதிகம். எனவே, வண்ணங்களில் மயங்காமல்... இயல்பான நிறங்களிலேயே ஸ்வீட் மற்றும் உணவுப் பொருட்களைத் தயாரித்து உண்பதுதான் எப்போதுமே நல்லது" என்ற அறிவுரையையும் தந்தார்.

உணவுப் பொருட்களில் நடத்தப்படும் கலப்படம், அதனால் ஏற்படும் பிரச்னைகள் பற்றி கடந்த சில இதழ்களாகப் பார்த்தோம். இதுவரை பார்த்தது... கடுகளவே! ஆனால், இன்னும் இருப்பதோ கடலளவு!

ஆக, நம்மைச் சுற்றி பலவகைகளில் 'விஷ வலை' விரிக்கப்பட்டிருக்கிறது. கூடுமானவரையில், அவற்றைஎல்லாம் கண்டுபிடித்து நாம்தான் உஷாராக இருக்கவேண்டும். எதற்கெடுத்தாலும் கடைகளுக்கு ஓடி, ரெடிமேடாக கிடைக்கும் மாவு உள்ளிட்ட பொருட்கள், டின்களில் அடைக்கப்பட்ட உணவு வகைகள் என்று வாங்கிக் குவிக்காமல், முடிந்தவரை நாமே தயாரிக்கக்கூடிய பொருட்களை மட்டுமாவது தயாரித்துக் கொள்வது நல்லது. உதாரணத்துக்கு கோதுமை மாவு, மிளகாய்த்தூள்...

முடிவு உங்கள் மனதில்தான் - ஆம், எதற்கும் நீங்கள்தான் மனது வைக்க வேண்டும்!

படங்கள் வி.செந்தில்குமார்,
வீ.நாகமணி

கலக்க வைக்கும் கலப்படம்
 
   
   
கலக்க வைக்கும் கலப்படம்
கலக்க வைக்கும் கலப்படம்