Published:Updated:

@ வெற்றிக்கு பாஸ்வேர்ட்

@ வெற்றிக்கு பாஸ்வேர்ட்

@ வெற்றிக்கு பாஸ்வேர்ட்

@ வெற்றிக்கு பாஸ்வேர்ட்

Published:Updated:

வெற்றிக்கு பாஸ்வேர்ட்
தா.நெடுஞ்செழியன்
@ வெற்றிக்கு பாஸ்வேர்ட்
@ வெற்றிக்கு பாஸ்வேர்ட்

ஒட்டுமொத்த விகடனுக்கும் ஒரே ஷார்ட்கட்!

ப்ளஸ் டூ-வுக்குப் பிறகு... (29)

'வேலை என்பது வருமானத்துக்கான வழியாக மட்டும் இல்லாமல், சமூகத்துக்கான நம் ஆக்கப்பூர்வமான பங்களிப்பாகவும் இருக்கவேண்டும்' என்று நினைப்பவர்களுக்கான சரியான சாய்ஸ்... 'சோஷியல் ஸ்டெடீஸ்' எனும் படிப்பு! இப்படிப்பை வழங்குவதில் நாட்டின் சிறந்த கல்வி நிலையமாக கருத்தப்படுவது, மகாராஷ்ராவில் உள்ள 'டாட்டா இன்ஸ்டிடியூட் ஆஃப் சோஷியல் சயின்ஸ்' (Tata Institute of Social Sciences -TISS)

மும்பை மற்றும் துல்ஜாபூரில் செயல்படும் இந்த இன்ஸ்டிடியூட், 1936-ம் ஆண்டு தொராப்ஜி டாட்டாவால் ஆரம்பிக்கப்பட்டு, 1964-ல் அரசாங்கத்தின் நிகர்நிலை பல்கலைக்கழகமாக மாற்றியமைக்கப்பட்டது. சமுதாயத்தில் கல்வி, பொருளாதாரம், பாதுகாப்பு, வழிகாட்டல் என்று பல வகைகளிலும் உதவி தேவைப்படுகிற மக்களின் நல வாழ்வுக்கான ஆக்கப்பூர்வமான திட்டங்களை வகுக்க வல்ல, அவற்றை வெற்றிகரமாகச் செயல்படுத்தி காட்டவல்ல மாணவர்களை உருவாக்குவதே இக்கல்லூரியின் நோக்கம்!

வகுப்பறை பயிற்சிகளைவிட சேரிகள், கிராமங்கள், சீர்திருத்த மையங்கள், அநாதை இல்லங்கள், முதியோர் இல்லங்கள், சிறைச்சாலைகள், வெளிநாடுகள் என்று களப்பயிற்சிகள்தான் அதிகம். அரசாங்கத் திட்டங்கள் தொடர்பான பிராக்டிக்கல் ப்ராஜெக்ட்களை செய்து தருவதற்கும் இந்த மாணவர்களுக்கு வாய்ப்புகள் வழங்கப்படும்.

@ வெற்றிக்கு பாஸ்வேர்ட்

உதாரணமாக, 'ஊரக வளர்ச்சித் திட்டத்'தை அரசு செயல்படுத்தப் போகிறது என்றால், அந்தத் திட்டம் எந்த விதத்தில் மக்களுக்குப் போய்ச் சேர வேண்டும்; அதனால் எத்தனை சதவிகித மக்கள் பயனடைவார்கள்; ஏதேனும் பின்விளைவுகள் ஏற்படக்கூடுமா...? என்பது பற்றியெல்லாம் ஆராய்ச்சி செய்து அரசுக்கு பரிந்துரைக்கும் பொறுப்பு இக்கல்லூரி பேராசிரியர்கள்- மாணவர்கள் டீமிடம் வழங்கப்படும்.

இன்றைக்கு மாவோயிஸ்ட் தீவிரவாதிகளின் பிரச்னை பீகார், சட்டீஸ்கர், மேற்கு வங்கம் என்று பல மாநிலங்களில் பெரும் பிரச்னையாக உருவெடுத்துள்ளது. இதை, 'மாவோயிஸ்ட் தீவிரவாதிகள் நம் இந்தியாவில் உருவாகும் வாய்ப்புள்ளது' என்று இருபது ஆண்டுகளுக்கு முன்பே கண்டுபிடித்துச் சொல்லிவிட்டனர் இக்கல்லூரி மாணவர்கள். அந்த அளவுக்கு நம் நாட்டின் சமூக, பொருளாதார, அரசியல் நிகழ்வுகளின் மீது ஆழமான பார்வையுடைய வர்களாக தங்கள் மாணவர்களைச் செதுக்குகிறது இக்கல்லூரி.

இப்போது பல தனியார் சேவை நிறுவனங்கள் தொடங்கி, ஐ.நா. சபை வரை இந்தியாவின் அடித்தட்டு மக்களை பலப்படுத்தும் பல கோடி ரூபாய் ப்ராஜெட்டுகளுக்கான திட்டமிடலை இவர்களின் கைகளில் ஒப்படைப்பது, குறிப்பிடத்தக்கது. இவர்களின் இந்தத் தரம், திறமைக்காகத்தான் நாட்டின் முக்கிய தனியார் தொண்டு நிறுவனங்கள் அனைத்தும் இந்த மாணவர்களை படிப்பு முடித்த கையோடு தங்களின் பணிக்கு தவமிருந்து அழைத்துக் கொள்கின்றன... செய்யும் வேலை, சேவைக்கேற்ற மரியாதையான சம்பளத்துடன்!

இந்த மூன்று வருட படிப்பில் சேர்வதற்கு ப்ளஸ் டூ-வில் ஐம்பது சதவிகித மார்க், நுழைவுத்தேர்வு, குரூப் டிஸ்கஷன், பர்சனல் இன்டர்வியூ என அடுத்தடுத்த படிகள் உள்ளன. பணம் சம்பாதிக்கும் எண்ணம், பொழுதுபோக்கு என்று இந்த கோர்ஸைத் தேர்ந்தெடுத்திருப்பவர்கள் எல்லாம் பர்சனல் இன்டர்வியூவில் வடிகட்டப்பட்டு, இந்தியாவை முன்னேற்றப் பாதையில் கொண்டு செல்லும் நோக்கம், சேவை மனப்பான்மை உள்ள மாணவர்களுக்கு மட்டுமே அட்மிஷன் வழங்கப்படும்!

@ வெற்றிக்கு பாஸ்வேர்ட்
- மீண்டும் சந்திப்போம்...
@ வெற்றிக்கு பாஸ்வேர்ட்
@ வெற்றிக்கு பாஸ்வேர்ட்
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism