Published:Updated:

'நான் மாமியார் ஆனால்..?'

'நான் மாமியார் ஆனால்..?'

'நான் மாமியார் ஆனால்..?'

'நான் மாமியார் ஆனால்..?'

Published:Updated:

'நான் மாமியார் ஆனால்..?'
'நான் மாமியார் ஆனால்..?'
'நான் மாமியார் ஆனால்..?'

ஒட்டுமொத்த விகடனுக்கும் ஒரே ஷார்ட்கட்!

கல்லூரிக் குயின்களின் கலகல 'ஃப்ளாஷ் ஃபார்வேர்ட்'!

'சீனியர் ஸ்பெஷலுக்கு 'கேம்பஸ்'ல என்ன ஸ்பெஷல் ஆர்ட்டிகிள் பண்ணலாம்..?'

- மதுரை, 'மாமியா மெஸ்' பிளேட்ல இருந்த பரோட்டாவைக்கூடச் சாப்பிடாம... தீவிர திங்க்கிங்ல இருந்தப்போ, கபாலத்துல கடப்பாரை வச்சு அடிச்ச மாதிரி ஸ்ட்ரைக் ஆச்சு ஒரு ஐடியா! (அது என்ன ஐடியா?)

குழாயடிச் சண்டையிலயிருந்து... அமெரிக்க பொருளாதாரம் வரை சும்மா ஏ டு இஸட் கிண்டி கெழங்கெடுத்து, பின்னி பெடலெடுக்கிற மதுரை, அமெரிக்கன் காலேஜ் கேர்ள்ஸ்கிட்ட ஓடிப்போய் அந்த கான்செப்ட்டைக் கொடுத்தோம் (அட... முதல்ல கான்சப்ட் என்னனு சொல்லுங்க).

"ஏய்... வெரி இன்ட்ரஸ்டிங்யா"னு வெறி கொண்டு தயாரானாங்க பொண்ணுங்க (ஸ்ஸ்ஸ்... பில்ட்-அப் போதும். மேட்டருக்கு வாங்கப்பா).

'நான் மாமியார் ஆனால்..?'

அதாகப்பட்டது... இன்னிக்கு காலேஜ் ஸ்டூடன்ட்டா இருக்கற பொண்ணுங்க... நாளைக்கு எப்படியும் ஒரு வீட்டுக்கு மருமகளா போவாங்க. அதுக்கு அப்பறம் அவங் களும் மாமியார் ஆவாங்க (என்ன ஒரு கண்டுபிடிப்பு?). அதனால, 'நான் மாமியார் ஆனால்..?'னு ஒரு தொலைநோக்குப் பார்வைக்கு கேர்ள்ஸ எல்லாரையும் அழைச்சுட்டுப் போயி, அவங்களோட 'மதர் இன் லா' மெகா திட்டத்தை எல்லாம் இங்க அச்சுல ஏத்தறதுதான் மேட்டரு (நெனச்சோம்... 'மாமியா மெஸ்'ல உக்கார்ந்து யோசிக்கும்போதே நெனச்சோம்).

லெட்ஸ் கோ ஃபார் த ஃப்ளாஷ் ஃபார்வேர்ட் ('ஃப்ளாஷ்பேக்'-க்கு ஆப்போசிட்டாம்பா!)

'நான் மாமியார் ஆனால்..?'

ஓபனிங் ஸ்டேட்மென்ட் கொடுத்தது, ப்ரின்ஸி! "எனக்கு மருமகளா வர்ற பொண்ணுகிட்ட கல்யாணத்துக்கு முன்னாடியே, விஜய் படத்துல வர்ற மாதிரி அக்ரிமென்ட்ல சைன் வாங்கிடுவோம்ல..?! அதன்படி சாயந்தரம் ஆறு மணிக்கப்புறம் டி.வி. ரிமோட் என் கைலதான் இருக்கணும்; பீரோ சாவிய அவ வச்சுக்கலாம், ஆனா, பீரோ லாக்கர் சாவி எங்கிட்டதான் இருக்கணும்; என் மகனோட பீச்சு, சினிமானு தனியா (!) சுத்தாம என்னையும் கூட்டிட்டுப் போகணும்; நான் போற பியூட்டி பார்லருக்கு (அப்பயுமா?!) அவளும் வந்து என் ஏஜ்ஜை டேமேஜ் பண்ணக்கூடாது..."னு பிரின்ஸி அடுக்கிட்டே போக,

"ஆத்தாடி... கற்பனையே இவ்வளவு டெரரா இருக்கே! ஆனா, ஒண்ணு... இதே கொலவெறியோட தேடினீனா... உனக்கு இந்த ஜென்மத்துல மருமக கெடைக் காது! அப்பறம் உன் பையன் வாழ்க்கை யெல்லாம் அனுமனுக்கு அசிஸ்டன்ட்டா இருக்கவேண்டியதுதான்!"னு சாபம் கொடுத்தாங்க தீபிகா!

'நான் மாமியார் ஆனால்..?'

"நான் ஒரு சிம்பிள் ஐடியா வச்சிருக்கேன்..."னு முன்ன வந்தாங்க ஆன்மரியா! "எனக்கு வரப்போற மாமியார் என்னய எப்படியெல்லாம் ராகிங் பண்ணுமோ (அஃறிணை டீலிங்தான் போல!), அதயெல்லாம் ஒவ்வொண்ணா நோட் பண்ணி, 'பென் ட்ரைவ்'ல சேவ் பண்ணி வச்சுக்குவேன். அப்பறம் எனக்கு வரப்போற மருமககிட்ட அதையெல்லாம் நானும் ஃபாலோ பண்ணுவேன்! எப்பூடி?!"னு ஆன்மரியா பெருமைப்பட...

"அது ஒண்ணும் இல்லீங்க... அசைன்மென்ட், ஆன்ஸர் பேப்பர்னு பழகி இப்போ 'காப்பி அடித்தல்ங்கறது, காபி குடித்தலைப் போல அன்றாட விஷயம்'னு அவ மூளைக்குள்ள ஏறிப்போச்சு!"னு அவங்க ளோட பயோகிராஃபி சொன்னாங்க ஃபெலிஸியா.

'நான் மாமியார் ஆனால்..?'

"நான் ஒங்கள மாதிரியெல்லாம் கிடையாதுப்பா. ஒற்றுமையா உட்கார்ந்து நானும் என் மருமகளும் சீரியல் பார்ப்போம்"னு சுடிதார் போட்ட கே.ஆர்.விஜயா கணக்கா சுல்தானா மாற,

"ஏய்ய்ய்... அது எதுக்குனு எங்களுக்குத் தெரியாதா..?! சீரியல்ல எல்லாம் 'மருமகள கொல்லும் மாமியார்', 'மாமியாரை பலிவாங்கும் மருமகள்'னுதானே காட்டறாங்க. அதான்... உன்னைய விட்டுட்டு தனியா அவ மட்டும் அந்த ட்ரிக்கை தெரிஞ்சுக்கிட்டு, ஒருநாள் ஒரே போடா போட்ருவாளோனுதானே இந்த 'ஒற்றுமை' பிளான்?!"னு அக்யூஸ்ட்டை அடையாளம் காட்டினாங்க 'க்ரைம் பிராஞ்ச்' மூளை பிரின்ஸி (கீப் இட் அப்)!

"அதுல பார்த்தீங்கனா... கல்யாணம் ஆன புதுசுல பையன் தன்னோட புது பொண்டாட்டிக்கு வாங்கிக் கொடுக்கற அல்வால இருந்துதான் ஆரம்பிக்கும் மாமியார், மருமகளுக்கான கோல்ட் வார்"னு ஆரம்பிச்ச நந்தினி,

"அதுசரி... புதுசா கல்யாணம் ஆன ஆம்பளைங்க மனைவிமார்களுக்கு எதுக்கு அல்வா வாங்கிட்டு போறாங்க தெரியுமா?!"னு 'இன்வென்ஷன் ஆஃப் அல்வா கல்ச்சர்' பத்தி 'லேடி பாக்யராஜ்' ரேஞ்சுக்கு ஒரு சூப்பர் மேட்டர் சொன்னாங்கப்பா!

"புதுசா கல்யாணமான ஆம்பளைங்க ஆரம்பத்துல பொண்டாட்டிக்கு முறுக்கு, மிக்ஸர்னுதான் வாங்கிட்டுப் போனாய்ங்க. அதைத் திங்கற சத்தம் ராத்திரியில 'கறுக் மொறுக்'னு வெளியில உக்கார்ந்திருக்கற அம்மாமார்களுக்கு கேட்டு, 'நேத்து வந்தவ... என் பையன முறுக்கு வாங்கி கொடுக்கற கிறுக்கனா மாத்திட்டாளே... எம் புள்ள மாறிட்டானே...!'னு எல்லாம் சாமியாடியிருக்காங்க. நம்ம பயலுகளும் சுதாரிச்சு அல்வா வாங்கிட்டுப் போய் கொடுக்க, 'வலுக் வலுக்'னு அதைச் சத்தமில்லாம சாப்பிட்டிருக்காங்க பொண்ணுங்க (கேர்ள்ஸ் எல்லாம் நோட் பண்ணிட்டீங்களா?!). அப்புடித்தான் வந்துச்சு இந்த அல்வா கல்ச்சர்(!)"னு நந்தினி முடிக்க, செம அப்ளாஸ்!

"வயசான காலத்துல நம்மளுக்கு என்னங்க வேணும்..? சின்னஞ்சிறுசுக... அதுக சந்தோஷந்தானே நம்மளுக்கு முக்கியம்...?"னு ஏதோ இப்பவே மாமியார் ஆயிட்ட மாதிரி பேசின வளர்மதி, "அதனால... நாம அவங்களுக்கு எந்தச் சுமையும் கொடுக்காம காசி, ராமேஸ்வரம்னு புண்ணியஸ்தலங்களப் பார்த்துட்டு, அப்படியே சிம்லா, டார்ஜிலிங்னு சுற்றுலா தலங்களையும் பார்த்துட்டு வரக் கிளம்ப வேண்டியதுதான்!"னு ரொம்ப நல்லவங்களாப் பேச,

'நான் மாமியார் ஆனால்..?'

"ஓ! உன்னோட செகண்ட் ஹனிமூன் பிளானுக்குதான் இவ்வளவு பில்ட் அப்-ஆ?!"னு போட்டு உடைச்சாங்க தீபிகா (அநியாயத்துக்கு அப்ரூவர் ஆகறாங்களே?!)!

"ஏண்டி இப்படியெல்லாம் வில்லி மாமியாராவே யோசிக்கறீங்க..."னு மறுபடியும் 'நானெல்லாம் ரொம்ப நல்லவ' அட்டண்டன்ஸ் கொடுத்த சுல்தானா,

"மாமியார் மருமகள்னா அன்பு, பாசம் கலந்த அம்மா-மகள் உறவு மாதிரி. அப்படி இருந்தாத்தான் கடைசி வரை சந்தோஷமா வாழ முடியும் (யாரங்கே... ஒரு கோலி சோடா கொண்டு வாங்க!). நம்ம பிள்ளைகள எப்படி ரசிச்சு ரசிச்சு வளர்க்கறோமோ, அதேமாதிரி இன்னொரு வீட்ல இருந்து நம்மள நம்பி வந்த பொண்ணையும் நம்ம மக மாதிரி பார்த்துக்கணும். 'மறு'மகளா பார்த்துக்கணும்..!" ஃபுல் ஸ்டாப் வைக்காமப் பேச,

"ஆஹா... இது அடுத்து வரப்போற விக்ரமன் படத்துக்கு டயலாக்கா கண்ணு?! போடுங்கப்பா கோரஸ... லாலே லா ல ல லா லா... லாலே லா லல லாலாலாலா..!"னு அவங்களை கேர்ள்ஸ் டரியலாக்க,

கூட்டுக் குலவை தாங்கமுடியாம 'எண்ட் கார்ட்' போட்டு எஸ்கேப் ஆயிட்டோம்ல?!

'நான் மாமியார் ஆனால்..?'
-இரா.கோகுல் ரமணன்
படங்கள் ஜெ.தான்யராஜு
'நான் மாமியார் ஆனால்..?'
'நான் மாமியார் ஆனால்..?'
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism