Published:Updated:

டியர் டாக்டர் -சித்திரைக்கு பயந்து சிசேரியன் செய்வது சரியா?

டியர் டாக்டர் -சித்திரைக்கு பயந்து சிசேரியன் செய்வது சரியா?

டியர் டாக்டர் -சித்திரைக்கு பயந்து சிசேரியன் செய்வது சரியா?

டியர் டாக்டர் -சித்திரைக்கு பயந்து சிசேரியன் செய்வது சரியா?

Published:Updated:

டியர் டாக்டர்
டியர் டாக்டர் -சித்திரைக்கு பயந்து சிசேரியன் செய்வது சரியா?
டியர் டாக்டர் -சித்திரைக்கு பயந்து சிசேரியன் செய்வது சரியா?

ஒட்டுமொத்த விகடனுக்கும் ஒரே ஷார்ட்கட்!

சித்திரைக்கு பயந்து சிசேரியன் செய்வது சரியா?

ஆரோக்கியம் குறித்த உங்களின் அத்தனை சந்தேகங்களுக்கும் மருத்துவ நிபுணர்கள் விளக்கம் தருகிறார்கள். கேள்விகளை 'டியர் டாக்டர்' என்று தலைப்பிட்டு 'அவள் விகடன்' முகவரிக்கு அனுப்புங்கள். மருத்துவப் பதிவுகள் எதையும் சேர்த்து அனுப்ப வேண்டாம்.

''எனக்கு இது முதல் பிரசவம். சித்திரை மாதத்தில்தான் நாள் குறித்திருக்கிறார் என்னுடைய டாக்டர். ஆனால், 'சித்திரை மாதத்தில் குழந்தை பிறந்தால், குடும்பத்து பெரியவர்களுக்கு ஆகாது' என்ற நம்பிக்கையின் அடிப்படையில், சிசேரியன் மூலம் குறிப்பிட்ட நாட்களுக்கு முன்பாக குழந்தையை வெளியே எடுத்துவிடலாம் என்று என்னைக் கேட்காமலேயே குடும்பத்தினர் முடிவெடுத்துள்ளனர். டாக்டரும் இதற்குச் சம்மதித்திருக்கிறார். இதனால், எனக்கோ... குழந்தைக்கோ ஏதேனும் பாதிப்பு வந்து விடுமோ என்று அஞ்சுகிறேன்...''

டியர் டாக்டர் -சித்திரைக்கு பயந்து சிசேரியன் செய்வது சரியா?

டாக்டர் வீணா ஜெகராம், மகளிர் மற்றும் மகப்பேறு சிறப்பு மருத்துவர், திருச்சி

''பெரியவர்களையே அவதிக்குள்ளாக்கும் அக்னி நட்சத்திர வெயில் காலத்தில் பிஞ்சு சிசு பிறந்து சிரமப்பட வேண்டாம் என்ற அக்கறையை ஒட்டித்தான் அப்படியரு கருத்து உருவாகியிருக்கும் என்று தோன்றுகிறது. பொதுவாக அதிக உஷ்ணமான சூழல், பச்சிளம் குழந்தை தேகத்தின் 'நீர் இருப்பை' பாதிக்கும். 'டிஹைட்ரேஷன்' (Dehydration) எனப்படும் நீர் இழப்பும், மூச்சுக்காற்றின் உஷ்ணமும் குழந்தைக்குச் சிரமத்தை தரும். அம்மை உள்ளிட்ட வெக்கை நோய்கள் பரவும் காலமும் அதுதான் என்பது பெரியவர்களின் கவலைக்குக் கூடுதல் காரணமாக இருக்கலாம்.

தாயின் உடல் எந்த சீதோஷ்ண நிலைக்கும் ஈடுகொடுக்கும் வகையில் உரிய போஷாக்கும் பராமரிப்பும் இருந்தால்... குழந்தை பிறப்பு எந்த மாதத்திலிருந்தாலும் கவலைப்படத் தேவையில்லை (பிறப்புறுப்பில் சிறு தையலை மேற்கொண்டவர்களுக்கு வியர்வையால் இன்ஃபெக்ஷன் ஏற்பட வாய்ப்பு இருக்கிறது. இதைத் தவிர்க்க, சுகாதார பராமரிப்பும், மகப்பேறு மருத்துவரின் ஆலோசனையோடு உரிய ஆன்டிபயாட்டிக் மருந்துகளை எடுத்துக்கொள்வதுமே போதுமானது).

டியர் டாக்டர் -சித்திரைக்கு பயந்து சிசேரியன் செய்வது சரியா?

சித்திரை மட்டுமல்ல... நல்ல நாள், நல்ல நேரம் என்று பிரசவ காலத்தை தீர்மானிப்பதில் குடும்பத்தினர் ஆதிக்கம் செலுத்துவது தற்போது அதிகமாகிவிட்டதால், வேறு சங்கடங்கள் இல்லையெனில் மகப்பேறு மருத்துவர்களும் உடன்படுவது பரவலாக நடக்கிறது. அந்த வகையில்தான், எந்தப் பக்கவிளைவும் இல்லை என்ற உறுதியில் மட்டுமே, குடும்பத்தினரின் விருப்பத்துக்கு ஏற்ப உங்கள் மகப்பேறு மருத்துவர், பிரசவத்தை முன்னதாக தீர்மானித்திருப்பார். 37 வாரங்கள் பூர்த்தி, சரியான எடை இரண்டும் குழந்தை பிறப்பை தீர்மானிக்கப் போதுமானது. அதேசமயம், இம்மாதிரியான பிரசவங்கள் அனைத்துமே அறுவை சிகிச்சையாக இருக்க வேண்டிய கட்டாயமில்லை. நார்மல் டெலிவரிக்கான வாய்ப்புகளையும் மருத்துவரால் அளிக்க முடியும். ஆனால், சம்பந்தப்பட்ட கர்ப்பிணியின் விருப்பத்துக்கு மாறாக பிரசவத்தை எதிர்கொள்வது பலவகையிலும் சிக்கல்களை உருவாக்கலாம். எனவே, முதலில் உங்கள் மகப்பேறு மருத்துவரிடம் இந்தக் குழப்பங்களைப் போக்கிக் கொள்ளுங்கள். பிறகு, கணவரின் உதவியோடு குடும்பத்தினரிடமும் பேசி ஒரு முடிவெடுங்கள்.''

டியர் டாக்டர் -சித்திரைக்கு பயந்து சிசேரியன் செய்வது சரியா?
-
டியர் டாக்டர் -சித்திரைக்கு பயந்து சிசேரியன் செய்வது சரியா?
டியர் டாக்டர் -சித்திரைக்கு பயந்து சிசேரியன் செய்வது சரியா?
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism