Published:Updated:

அம்மா, பாவாடை சட்டை கிழிஞ்சு போச்சுதே!

அம்மா, பாவாடை சட்டை கிழிஞ்சு போச்சுதே!

அம்மா, பாவாடை சட்டை கிழிஞ்சு போச்சுதே!

அம்மா, பாவாடை சட்டை கிழிஞ்சு போச்சுதே!

Published:Updated:

தென்றல், இரா.மன்னர்மன்னன்
அம்மா, பாவாடை சட்டை கிழிஞ்சு போச்சுதே!
அம்மா, பாவாடை சட்டை கிழிஞ்சு போச்சுதே!

ஒட்டுமொத்த விகடனுக்கும் ஒரே ஷார்ட்கட்!

"அம்மா, பாவாடை சட்டை கிழிஞ்சு போச்சுதே!"

அம்மா, பாவாடை சட்டை கிழிஞ்சு போச்சுதே!

''நாக்க மூக்க' என்று தமிழகத்தையே ஆட்டம் போட வைத்தவர் சின்னப்பொண்ணு.

'ஆடுங்கடா, மச்சான் ஆடுங்கடா' என்று முதியோரையும் இளசாக்கி, ஆடவிட்டவர் வேல்முருகன்.

நாட்டுப்புறப் பாடல்களை நாவில் ஏற்றித் தாலாட்டிக் கொண்டிருக்கும் இந்த இருவரும், கிராமியச் சிறப்பிதழுக்காக இங்கே சந்திக்கிறார்கள்...

வேல்முருகன் ''அக்கா... ஒங்களோட வாழ்நாள் சாதனையாவே சொல்லாம் 'நாக்க முக்க' பாட்டை. பச்ச புள்ளைங்ககூட எந்திருச்சு ஆடுதே.''

சின்னப்பொண்ணு ''உம்பாட்டுக்கும்தானேய்யா ஆடித் தீர்க்கறாங்க. நாம பாடறதெல்லாமே மக்களோட பாட்டு... அதனாலதான் அவங்களையும் அறியாம அந்த ஆட்டம் வருது.

ஆமாம் தம்பீ... நீங்க இந்தப் பாட்டையெல்லாம் எங்க படிச்சீங்க?''

வேல்முருகன் ''சின்ன வயசுல இருந்தேதான். ஒரு தடவை, வேப்ப மரத்தடி கிளாஸூல வாத்தியார் இல்லாத சமயம்... சத்தமா பாட ஆரம்பிச்சுட்டேன். திடீர்னு வந்து நின்ன வாத்தியாரு, ஹெட் மாஸ்டர்கிட்ட இழுத் துக்கிட்டு போயிட்டார். 'தொலைஞ்சோம்டா'னு நடுங்கிட்டு நின்னா... 'சார், பயபுள்ள நல்லா பாடுது. நம்ம ஸ்கூல்ல பாட வைக்கணும்'னு வாத்தியாரு சொன்னப்பதான் உசுரே வந்துச்சு.''

அம்மா, பாவாடை சட்டை கிழிஞ்சு போச்சுதே!

சின்னப்பொண்ணு ''அப்புறம்...?''

வேல்முருகன் '' 'தலைவாரி பூச்சூடி உன்னை'னு பாரதிதாசன் பாட்ட பாடினேன். கூட்டமே கை தட்ட... எங்கண்ணுல தாரை தாரையா தண்ணீ!

அப்படியே வளர ஆரம்பிச்சு, சினிமாக்குள்ளயும் நுழைஞ்சுட்டேன். 2004-ம் வருஷம் என்னோட தேசப்பக்தி பாட்டுக்கு... முன்னாள் ஜனாதிபதி அப்துல் கலாமோட பாராட்டு கிடைச்சுது. அதைத்தான் என் வாழ்நாள் சந்தோஷமா நெனக்கிறேன்.''

சின்னப்பொண்ணு ''ராசா... ராசா...! எங்கதை வேற மாதிரி. சிவகங்கை பக்கத்துல 'சூராணம்'தான் சொந்த ஊரு. வானம் பார்த்த பூமிங்கறதுனால மழைக்காக மொளப்பாரி வைச்சு பாடுவாங்க. எங்க அத்தை சுப்பம்மா ரொம்ப அருமையா பாடுவாங்க. அதக்கேட்டே... நானும் பாட ஆரம்பிச்சேன். பிறகு, கே.ஏ.குணசேகரன் அய்யா கொடுத்த மேடை... என்னை சினிமா அளவுக்கு வளர்த்தெடுத்திட்டுது.''

ஒரு தடவ, 'அம்மா, பாவாட சட்டை கிழிஞ்சு போச்சுதே'னு மேடையில பாடினப்ப ஓடி வந்த ஒரு அம்மா, 'எங்க வீட்டு நெலமையும் இதுதான் தாயி'னு கட்டிப்புடுச்சி அழுதுட்டாங்க. வறுமையை வெளிச்சம் போடற அந்தப் பாட்டை, எங்க பாடினாலும் கூட்டம் அழுதுடும்.''

வேல்முருகன் ''அதானேக்கா... நம்ம பாட்டுகளோட வலிமை. உழைக்கிற மக்களோட இன்பம், துன்பம் எல்லாம் கலந்துகட்டி பாடறோம். அது காதுகுள்ள நுழைஞ்சு மனச தொடுறப்ப... பாராட்டுறாங்க. அதுதானே நம்ம மாதிரியான பாடகர்களை இயக்குற சக்தியே!''

அதை ஆமோதித்து சின்னப்பொண்ணு தலையாட்ட... 'அம்மா, பாவாடை சட்டை கிழிஞ்சு போச்சுதே' என்று பாடியபடியே கலைந்தனர் இருவரும்!

அம்மா, பாவாடை சட்டை கிழிஞ்சு போச்சுதே!
-படம் 'ப்ரீத்தி' கார்த்திக்
அம்மா, பாவாடை சட்டை கிழிஞ்சு போச்சுதே!
அம்மா, பாவாடை சட்டை கிழிஞ்சு போச்சுதே!
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism