Published:Updated:

நம்பிக்கை மனுஷிகள்..

நம்பிக்கை மனுஷிகள்..

நம்பிக்கை மனுஷிகள்..

நம்பிக்கை மனுஷிகள்..

Published:Updated:

நம்பிக்கை மனுஷிகள்...
இர.ப்ரீத்தி
நம்பிக்கை மனுஷிகள்..
நம்பிக்கை மனுஷிகள்..

ஒட்டுமொத்த விகடனுக்கும் ஒரே ஷார்ட்கட்!

'எந்த வியர்வைக்கும் வெற்றிகள் வேர் வைக்குமே..!'

கிராமத்துப் பெண்கள் என்றதுமே... காட்டு வேலையும், கதை பேசுவதும், விவரம் தெரியாத வெள்ளந்தித்தனமும், பொங்கிப்போடும் களியும், அடையும்தான் நினைவில் ஓடுகிறதா..?

உங்களின் அந்தப் பிம்பத்தைப் புரட்டிப் போடுகிறார்கள் தென் மாவட்டத்துக் கிராமங்களைச் சேர்ந்த இந்த மூன்று பெண்களும்!

வானத்தை வசப்படுத்தும் சாதனைகள் அல்ல இவர்களுடையது... ஆனால், வாழ்க்கைக்குத் தேவையான தன்னம்பிக்கையைக் கொண்டு வரக்கூடிய சாதனைகள்!

ஆவணி நாச்சியார், பஞ்சாயத்து தலைவி, காஞ்சாபுரம், ஸ்ரீவில்லிபுத்தூர்

"ஆறு வருஷத்துக்கு முன்ன என் வீட்டுக்காரர் திடீர்னு நெஞ்சுவலியில இறந்தப்போ... உடைஞ்சு போன நான், 'இனி நமக்கு என்ன இருக்கு'னு மூலையில உட்கார்ந்துட்டேன். என் மாமியாரும், சின்னவரும் (கொழுந்தனார்), புள்ளைகளும்தான் என்னத் தேத்தி, பஞ்சாயத்து எலெக்ஷன்ல நிக்க வச்சாங்க. ஏழாவது வரைக்கும் மட்டுமே படிச்ச என்னாலயும் ஒரு ஊரையே கட்டிக் காக்க முடியும்னு நம்பி, எங்கிட்ட பொறுப்பை ஒப்படைச்சிருக்க எங்க ஊர் சனத்துக்காகத்தான் இன்னிவரைக்கும் ஒரு வைராக்கியத்துல பஞ்சாயத்துத் தலைவரா இருந்துட்டு இருக்கேன்.

நம்பிக்கை மனுஷிகள்..

ஆரம்பத்துல எனக்கு தலையும் புரியல, வாலும் புரியல. ஃபைல், கிய்ல்னெல்லாம் என்னென்னமோ சொன்னாக. என் மகதான் அதையெல்லாம் எனக்குப் படிச்சு, விளக்குவா. அப்புறம் கொஞ்சம் கொஞ்சமா நானே எல்லாத்தையும் கத்துக்கிட்டேன். ஊருக்குள்ள அடிக்கடி நோவு வர்றதுக்கு சாக்கடையும் குப்பையும்தான் மொதக் காரணம்னு, அதயெல்லாம் தேங்கவிடாம வழி பண்ணினதோட, சாக்கடைக்காக அதிக வாய்க்கா கட்டித் தர்றது, துப்புரவு தொழிலாளர்கள நியமிச்சு அதைக் கண்காணிக்க சொல்றதுனுனெல்லாம் ஊருக்கு உருப்படியா ஏதோ நாலு நல்ல காரியம் பண்ணுனேன். கவர்மென்ட்டு எனக்கு 'நிர்மல் புரஸ்கர்' விருது கொடுத்து தட்டிக்கொடுத்துச்சு. படிச்சவங்ககிட்ட கேட்டு, மின்சாரத்தை சேமிக்கற மாதிரி ஊருக்குள்ள நவீன லைட்கள் போட்டுக் கொடுத்தேன். அதைப் பாராட்டி எங்க மாவட்ட கலெக்டரு என் பேரை இப்போ 'உத்தமர் காந்தி விருது'க்கு சிபாரிசு செய்திருக்காரு. சத்தியமா சொல்றேங்க... எனக்கு விருதுங்கறதுக்கு அர்த்தமே, அதை வாங்கினப்பதான் தெரியும்! இப்போ இன்னும் நெறைய வாங்கணும்னு வைராக்கியம் வந்திருக்குங்க!"

ராஜேஸ்வரி, சுயஉதவிக் குழு தலைவர், கம்மாப்பட்டி, சிவகாசி

நம்பிக்கை மனுஷிகள்..

"எங்க கிராமத்துல மொத்தம் 200 பேருக்கு மேல இருக்கமாட்டோம். அப்படி ஒரு குக்கிராமத்துக்காரி நானு! இன்னிக்கு லோனு, வட்டி, வங்கி, சுயதொழில், லாபம்னு எல்லாம் தெரிஞ்சுக்கிட்டேன்னா, அதுக்குக் காரணம் எங்க சுயஉதவிக் குழுதான்! கூலி வேல பார்த்துட்டிருந்த எனக்கு, எங்க ஊருக்கு வந்த என்.ஜி.ஓ-காரங்கதான் சுயஉதவிக் குழு பத்தி சொல்லி, என்னையும் குழுவுல சேத்து விட்டாங்க. படிப்பறிவு, பட்டறிவுனு எதுவும் எனக்குக் கெடையாது. ஆனா, நெறைய தைரியம் இருந்ததால, குழு தலைவியா நியமிச்சாங்க.

நம்பிக்கை மனுஷிகள்..

மொதமொதலா லோன் வாங்கி அம்புட்டுக் காசை கண்ணுல பார்த்தப்போ, 'இந்த கஷ்ட ஜீவனத்துல இருந்து இதவச்சு எப்படியாச்சும் பொழைச்சுக்கணும்'னு வெறி வந்துச்சு மனசுக்குள்ள. எனக்குத் தெரிஞ்ச வேலைய செஞ்சாதானே அதுல நான் கரையேறமுடியும்! ஆடு வாங்கி வளர்த்தேன். அதை வித்து லாபம் பார்த்து, லோனை அடைச்சு... ஆடு வாங்கி, வித்து, லோனை அடைச்சுனு இதுவரை நான் நாலு லோனு வாங்கிட்டேன். இப்போ எங்கிட்ட முப்பது ஆடு நிக்குது! மாசத்துல பத்து குட்டி போடும். நான் பத்து ஆடு விப்பேன். பத்தாயிரம்கிட்ட நெருக்கி மாசம் சம்பாதிக்கறேன். கூலி வேல பார்த்த என் நெலம, இன்னிக்கு இவ்வளவு முன்னேறியிருக்கு! எங்க கிராமத்து பொம்பளைங்களுக்கும் இப்போ என்னைப் பார்த்து 'பொழச்சுக்கலாம்'னு நம்பிக்கை வந்திருக்கு!"

நம்பிக்கை மனுஷிகள்..

வசந்தா, 'சக்தி' திட்ட உறுப்பினர், கானாடுகாத்தான், காரைக்குடி

நம்பிக்கை மனுஷிகள்..

"எனக்கு ஏதாச்சும் துறுதுறுனு வேல பார்த்துக்கிட்டே இருக்கணும். ஆனா, என் மூணு மகனுங்களுக்கு கல்யாணமாகி மருமகள்க வந்ததுக்கு அப்பறம் ஒரு வேலயும் இல்லாமப் போயிருச்சு. அப்பதான், ஹெச்.எல்.எல்-காரங்க (ஹிந்துஸ்தான் லீவர் நிறுவனம்) கிராமப்புற பெண்களோட முன்னேற்றத்துக்காக நடத்திட்டிருக்க 'சக்தி' திட்டம் பத்தி தெரியவந்துச்சு. சோப்பு, ஷாம்பூ, பேஸ்ட்டுனு அவங்களோட பொருட்களை கிராமப்புறத்து விற்பனை செய்ய கிராமப் பெண்களையே ஏஜென்ட்டா போடுவாங்க. அப்படி ஒரு 'சக்தி ஏஜென்ட்'டா நானும் சேர்ந்தேன்.

வீடு வீடா போயி 'சோப்பு வாங்கறீங்களா?', 'பேஸ்ட்டு வாங்கறீங்களா..?'னு கேட்டப்போ, 'இவளுக்குஎதுக்கு இந்த வேண்டாத வேல'னு ஊருக்குள்ள வித்தியாசமா பார்த்தாங்க. அப்புறம் 'வாங்கித்தான் பார்ப்போமே...'னு வியாபாரத்துக்கு வந்தாங்க. இன்னிக்கு என்னோட ரெகுலர் கஸ்டமர்கள் ஆயிட்டாங்க.

முதல் வருஷமே, எங்க ஏரியாவுல நான் ரொம்ப சிறப்பா செய்றதா சொல்லி (பெஸ்ட் பெர்ஃபார்மர்), டெல்லியில இருந்து வந்த ஆபீஸருங்க எனக்கு வாட்ச்செல்லாம் பரிசா கொடுத்தாங்க.

மாசா மாசம் என் கையில கணிசமான தொகை மிஞ்சுது. பேரன், பேத்திகளுக்கு வேணுங்கறதை வாங்கிக் கொடுக்க முடியுது. 'நம்ம பணம்'னு பெருமை வருது! ஊரும் உறவும் என்ன மரியாதையா பார்க்குது!"

வெற்றிக்கு வந்தனங்கள்!

நம்பிக்கை மனுஷிகள்..
-படங்கள் சாய் தர்மராஜ், கே.குணசீலன்
நம்பிக்கை மனுஷிகள்..
நம்பிக்கை மனுஷிகள்..
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism