Published:Updated:

குட்டீஸ் குறும்பு!

குட்டீஸ் குறும்பு!

குட்டீஸ் குறும்பு!

குட்டீஸ் குறும்பு!

Published:Updated:

வாசகிகள் பக்கம்
ஓவியங்கள் சேகர்
குட்டீஸ் குறும்பு!
குட்டீஸ் குறும்பு!

ஒட்டுமொத்த விகடனுக்கும் ஒரே ஷார்ட்கட்!

குட்டீஸ் குறும்பு !

'தலையெழுத்தை நான் அழிச்சுட்டேனே!'

துக்கம் விசாரிக்க வந்தவர்கள் எனக்கு ஆறுதல் சொல்லிக் கொண்டிருந்தனர். என் நான்கு வயது பேரன், என் மடியில் அமர்ந்து கொண்டு, என் கண்ணீரை தன் பிஞ்சுக் கரங்களால் துடைத்து விட்டுக் கொண்டிருந்தான்.

குட்டீஸ் குறும்பு!

அப்போது ஒருவர், "தலையில எழுதினதை அழிச்சு எழுதவா முடியும்?"என்றார் சோகத்துடன். உடனே என் பேரன் தன் கையால் என் தலையை துடைத்து விட்டு, "நான் அழிச்சுட்டேன் பாட்டி, இனிமே அழாதே!"என்றான் கரிசனத்துடன்.

அங்கிருந்த அடர்ந்த இறுக்கத்தைக்கூட அவன் வெள்ளந்தி பேச்சு அழித்துவிட, அனைவரும் சிரித்து விட்டோம்!

- ரமணி, பெங்களூரு

அம்மாவுக்குப் பிடிக்காத கம்ப்ளெயின்ட்!

குட்டீஸ் குறும்பு!

கிராமத்தில் வசிக்கும் சித்தி, மலிவு விலையில் கிடைக்கும் புளியை வாங்கி, சுத்தம் செய்து வைத்திருப்பார். நாங்கள் அங்கு செல்லும்போது, எங்கள் அம்மாவும், சித்தியும் அதை பகிர்ந்து கொள்வார்கள். அன்று தன் வீட்டுக்கு ரெகுலராக வரும் காய்கறிப் பெண்ணிடம் இந்த விஷயத்தைச் சொல்லி, புளியை நிறுக்க படிக்கல் கேட்டார் சித்தி. சமமான இரு பங்குகளைப் பிரித்தபின் ஒரு சிறு புளி உருண்டை மிச்சமாக, அதை எங்கள் பங்கில் போட்டார் சித்தி. உடனே, என் சித்தி வீட்டு வாண்டு மஞ்சு, "புளியை வாங்குறது நாம; கஷ்டப்பட்டு கொட்டையெடுக்கறது நாம; எச்சாப்புளி (எக்ஸ்ட்ரா புளி) மட்டும் அவுங்களுக்கா?"என்று கோபமாகப் பொரிய, "ஆத்தா... புளிய யாரு வேணா வெச்சுக்கோங்க.... ஆனா, இந்தப் புள்ளய எனக்குக் கொடுத்துருங்க. இது புத்தியக் கேட்டுப் பொழச்சாலே நான் முன்னுக்கு வந்திருவேன்!"என்று அவளை அள்ளிக் கொஞ்சிக்கொண்டார் காய்கறிப்பெண்.

பின்குறிப்பு இறுதியில் ஏகமனதாக முடிவெடுத்து அந்த 'எச்சாப்புளி’யைக் காய்கறிக்காரப் பெண்மணிக்கே கொடுக்க, கஞ்சக்காரி மஞ்சு முகத்தில் மட்டும் ஈயாடவில்லை!

- எஸ்.லக்ஷ்மி, மதுரை

அம்மாவுக்குப் பிடிக்காத கம்ப்ளெயின்ட்!

குட்டீஸ் குறும்பு!

என் பெரிய மகளுக்கும், சின்ன மகளுக்கும் ஆறு வயது வித்தியாசம் என்பதால், பெரியவ-ளின் நோட், புக், அசைன்மென்ட் என எல்லா-வற்றையும் பிரித்துப் பிய்த்துவிடுவாள் சின்னவள். அன்றும் அதேபோல, "அம்மா... என் அசைன்மென்ட்ல தண்ணியக் கொட்டிட்டா"என்று பெரியவள் அழுது கொண்டே வர, சின்னவளை அழைத்த நான், "ஏன் எப்ப பார்த்தாலும் அக்காகிட்டயே வம்பிழுக்கற? இனி அக்காகிட்டயிருந்து உன்னைப் பத்தி எந்தக் கம்ப்ளெயின்ட்டும் வரக்கூடாது!"என்றேன் கண்டிப்புடன். உடனே அவள், "அக்கா நல்லா கேட்டுக்க... நீ என்னைப் பத்தி கம்ப்ளெயின்ட் பண்றது அம்மாவுக்கு பிடிக்கல. இனிமே செய்யாதே... ஓ.கே-வா?!"என அப்பாவியாகச் சொல்ல, சூழல் மாறி வீடே சிரிப்பிலாழ்ந்தது!

- எஸ்.கௌரிலக்ஷ்மி, ஸ்ரீரங்கம்

குட்டீஸ் குறும்பு!
 
குட்டீஸ் குறும்பு!
குட்டீஸ் குறும்பு!
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism