பேச வர்றவங்கள ரெண்டு பக்கமுமா பிரிச்சு உட்கார வெச்சுடறாங்க. 'வெங்காயம் விற்பவர்கள் ஸ்s ஆனியன் விற்பவர்கள்'னு காரசாரமா (!) ஒரு தலைப்பைப் பிடிச்சுடறாங்க. அந்தப் பக்கம் உள்ளவங்க வெதும்ப, இந்தப் பக்கம் உள்ளவங்க ததும்ப, 'நீங்க சொல்லுங்க நீங்க சொல்லுங்க'னு தொகுப்பாளர்/ளினி தன் பங்குக்கு சாம்பிராணி போடனு, நாராயணா... சேனல்கள்ல இந்த 'டாக் ஷோ'க்கள் தொல்லை தாங்க முடியலப்பா!

இருக்கற கொடுமை போதாதுனு, 'அவங்க மட்டும்தான் தலைப்பு வச்சுப் பேசுவாங்களா? நாங்க மாட்டோமா..?!'னு கிளம்பி வந்தாங்க திருநெல்வேலி, மனோன்மணீயம் சுந்தரனார் பல்கலைக்கழக 'மாஸ்டர் மைண்ட்ஸ்' (முதுகலை புத்திசாலிகளாம்)! 'சரி என்ன தலைப்பு கொடுக்கலாம்...?'னு நாம யோசனையைப் போட...

''ஹல்ல்லோ... இது வாலன்டைன்ஸ் டே ஸ்பெஷலாக்கும். அதனால... தலைப்பெல்லாம் ஏற்கெனவே நாங்களே கண்டுபிடிச்சாச்சு (!). 'பொண்ணுங்க அவங்க கட்டிக்கப்போற மாப்பிள்ளைங்ககிட்ட எதிர்பார்க்கறது... கல்வியா, செல்வமா, வீரமா?' - இதுதான் தலைப்பு. நீங்க 'டம்மி' நாட்டாமையா இருந்தா போதும்"னு சிஞ்சு நமக்கு வரவேற்புரை (!) வழங்க,

'பட்'னு பிக்-அப் பண்ணினாங்க சுதா. ''என்னோட சாய்ஸ் கல்விதான்! அவர் (ஓ.கே... ஓ.கே) நிறைய படிச்சிருக்கணும். கம்ப்யூட்டர்ல இருந்து சாட்டிலைட் வரை எல்லா டெக்னிக்கல் அப்டேட்ஸும் தெரிஞ்சிருக்கணும். டெக்னிக்கல் போலவே டிரெடிஷனும் ரொம்ப முக்கியம். அதனால, திருக்குறளை எல்லாம் தலைகீழாக்கூட சொல்லத் தெரியணும்''னு சுதா லிஸ்ட் போட்டுட்டே போக, ''மொத்தத்துல, 'அகராதி'யா ஒரு ஆள் வேணும்னு சொல்ற..!''னு சிஞ்சு கொடுத்தாங்க ஒரு சூப்பர் பல்பு.

ஆனா அதைக் கண்டுக்காம, ''அப்புறம்...''னு சுதா ஆரம்பிக்க, ''அடப்பாவி... நீ இன்னும் முடிக்கலியா..?''னு சிஞ்சு டெரரானாலும் சுதா கண்டினியூ...

''அப்புறம்... 'சுற்றும் பூமியோட விட்டம் தெரியும்; சூரியன், பூமியோட தூரம் தெரியும், கங்கை நதியின் நீளம் தெரியும், வங்கக் கடலின் ஆழம் தெரியும்... ஐ லவ் யூ லவ் யூ சொல்லத்தானே அய்யோ என்னால் முடியவில்லை!'னு அஜித் பாடற மாதிரி, எல்லாம் தெரிஞ்சிருந் தாலும் எங்கிட்ட மட்டும் அவர் ஒரு குழந்தை மாதிரி இருக்கணும்!''னு சுதா செம்ம ஃபீலிங் காட்ட,

''போதும் நிறுத்திடுடீடீடீ!''னு ஏரியாவே சூடாகிருச்சு! கூல் பண்ண வந்த ஆஷா, '''செல்வம்'தான் எனக்கு முக்கியம். அவன் (!) பில்கேட்ஸா இருந்தா ட்ரிபிள் ஓ.கே. பிர்லாவா இருந்தா டபுள் ஓ.கே. சஞ்சய் ராமசாமியா இருந்தாக்கூட ஓ.கே. தென்... என்னை ஷாப்பிங் கூட்டிட்டுப் போகும்போது, 'இந்தக் கடையில என்ன வேணும்?' னெல்லாம் கேட்கக்கூடாது. 'இந்தக் கடைகள்ல உனக்கு எந்தக் கடை வேணும் டியர்?!'னு கேட்கணும். வீக் எண்ட்க்கு எல்லாம் கோவா, மால்தீவ்ஸ்னு ஐலைன்ட்ஸுக்கு கூட்டிட்டுப் போகணும். சம்மர் வெக்கேஷனுக்கு சட்டிலைட் டூர் ஃபிக்ஸ் பண்ணணும்''னு ஆஷா அடுக்க,

''ஆத்தா... அங்காள பரமேஸ்வரி... தாங்க முடியலியே..."னு ஆளாளுக்கு வேண்டுதல் வைக்க... சட்டுனு உள்ள புகுந்து அடுத்த 'டர்ன்' அடிச்சாங்க ஷாலினி.

'' 'கோழை நூறு பேரோட வந்தாலும் ஒரு ஆளு. வீரன் ஒரு ஆளா நின்னாலும் நூறு பேறு'... என்னோட ஃபியான்ஸ் ஒரு வீரனாதான் இருப்பாரு பாருங்க..!''னு 'தெனாவட்Õடா பஞ்ச் டயலாக் எல்லாம் சொல்லி ஆரம்பிச்ச ஷாலினி, அக்மார்க் திருநெல்வேலி தமிழச்சி!

''அவங்க குடும்பமே ஒரு வீரக் குடும்பமா இருப்பாங்க. அவருக்கு கராத்தேயில இருந்து சிலம்பு சண்டை வரைக்கும் எல்லாம் தெரிஞ்சிருக்கும். புலியை 'பென்Õனால விரட்டிடுவாரு, பாம்பை பென்சிலால அடிச்சிடுவாரு! என்னை யாராச்சும் கிண்டல் பண்ணினா, குடலை உருவிடுவாரு. எல்லாத்துக்கும் மேல, என் குழந்தைங்களுக்கு ஒரு நல்ல ரோல் மாடலா இருப்பாரு...''னு ஷாலினி முடிக்க,

''கல்வி, செல்வம், வீரம்... இதெல்லாத்தையும் விட அழகுதான் முக்கியம் எனக்கு! யெஸ்... மனசால அவன் அழகனா இருக்கணும்!''னு ஷீஜா சிம்ப்பிள் அண்ட் ஸீவீட்டா முடிக்கப் பார்த்தாங்க.

ஆனா, ''அழகுக்கு இலக்கணம் முருகக் கடவுள்தான். அதனால, உனக்கு பழனியாண்டி மாதிரி ஃபியான்ஸ் கிடைக்க ப்ளெஸ் பண்றேன்!''னு அதுலயும் லிடியா ஒரு ஆப்பு வைக்க, அவங்களுக்கு எல்லாரும் ஆதரவுக் குரல் கொடுக்க, அவங்களை எல்லாம் ஷீஜா துரத்தி, விரட்டி விளையாட ஆரம்பிக்க, கலவரத்தோட கலைஞ்சது சபை!

ஸ்ஸப்பா... காலம் கலிகாலம். இல்ல, இல்ல... இவங்களுக்கு 'வரப் போறவங்களுக்கு' எல்லாம் 'கிலி'காலம்!

- இரா.பரணீதரன்
படங்கள் ஆ.வின்சென்ட் பால்