Published:Updated:

எட்டு துறைகளில் கொட்டும் வாய்ப்பு !

எட்டு துறைகளில் கொட்டும் வாய்ப்பு !

எட்டு துறைகளில் கொட்டும் வாய்ப்பு !

எட்டு துறைகளில் கொட்டும் வாய்ப்பு !

Published:Updated:

எட்டு துறைகளில் கொட்டும் வாய்ப்பு !
எட்டு துறைகளில் கொட்டும் வாய்ப்பு !
எட்டு துறைகளில் கொட்டும் வாய்ப்பு !

ஒட்டுமொத்த விகடனுக்கும் ஒரே ஷார்ட்கட்!

இந்த ஆண்டு எப்படி இருக்கும் ?

ம.பிரியதர்ஷினி

'நம்ம படிப்புக்கெல்லாம் எதிர்காலத்துல வேல்யூ இருக்குமா..?'

- வேலை தேடிக் கொண்டிருக்கும் இளைய சமுதாயத்தின் மனதில் எழும் முக்கிய கேள்வி இது. காரணம், ரியல் எஸ்டேட், ஐ.டி., அக்ரி என்று எந்தத் துறையும் இனி எழலாம், விழலாம் என்ற உறுதியில்லாத சூழலில்தான் இருக்கிறோம் நாம்.

எட்டு துறைகளில் கொட்டும் வாய்ப்பு !

இந்நிலையில், இந்த ஆண்டின் அதிக நம்பிக்கையைத் தரும் துறைகளைப் பற்றி இங்கே பேசுகிறார், சர்வதேச அளவில் இயங்கும் மனிதவள நிறுவனங்களான, சென்னையைச் சேர்ந்த 'மாஃபோ' (MAFOI), 'ரான்ஸ்டாட் இந்தியா' ஆகியவற்றின் மேனேஜிங் டைரக்டர் பாண்டியராஜன்.

''வேலை வாய்ப்பைப் பொறுத்தவரை 2009-ம் ஆண்டு, திருப்தியில்லாத ஓர் ஆண்டாகத்தான் முடிந்தது. ஆனால், 2010-ம் ஆண்டு என்பது... வேலை வாய்ப்பில் நிறைவான நம்பிக்கையையே தரும் என்று நம்புகிறோம். ஒவ்வொரு ஆண்டும் எங்களின் 'மெட்ஸ்' (மாஃபோ எம்ப்ளாய்மென்ட் சர்வே), மீடியாவுடன் இணைந்து அந்தந்த ஆண்டில் அதிக வேலை வாய்ப்பு தரவல்ல டாப் ரேங்க் துறைகளை சர்வே எடுத்தளிப்பது வழக்கம். இந்த ஆண்டுக்கான சர்வேயில் பின்வரும் எட்டு துறைகளிலும் அதிக வேலை வாய்ப்பு செழிக்கும் என்று கணிக்கப்பட்டுள்ளது'' என்று முன்னுரை தந்தவர், அவற்றை 'பிரீஃப்' செய்தார்.

டெக்னாலஜி துறை (Technology) "நம் உள்ளங்கைக்குள் புழங்கும் செல்போனில் துவங்கி, வான்வீதியில் உலாவும் சேட்டிலைட் வரை... டெக்னாலஜியின் பங்களிப்பு இன்றியமையாதது. அந்த வகையில், டெக்னாலஜி சம்பந்தப்பட்ட எல்லா துறையினருக்கும் முன் எப்போதும் போல இந்த ஆண்டிலும் காத்திருக்கிறது சிவப்புக் கம்பள வரவேற்பு. பெரியவர்கள் முதல் சிறியவர்கள் வரை அனைவரின் ஆர்வத்தையும் குத்தகைக்கு எடுத்துள்ள 'கேம் டெக்னாலஜி' துறையின் பணியிடங்களில், அதிகம் பேர் நிரப்பப்படுவர்.

எனர்ஜி துறை (Energy) சமீபத்தில் கோபன்ஹேகன் மாநாட்டில் அத்தனை நாடுகளும் கூடிப் பேசி விவாதித்த 'குளோபல் வார்மிங்' பிரச்னைக்குத் தீர்வு கொண்டு வரும் நடவடிக்கைகளை முடுக்கும் துறைதான் இது. இது க்ரீன் காலர் ஜாப்ஸ் (ஈக்கோ வொர்க்கர்ஸ்) எனும் ஸிஸ்ட்டில் வரும். அதாவது, புவி வெப்பமடைதல், புகை, தூசு, ஓசோன் படலத்தின் ஓட்டை போன்ற இயற்கை அழிவுகளில் இருந்து உலகை காக்கும் பணி களில் பயோ டெக்னாலஜிஸ்ட்கள், என்விரான்மென்டலிஸ்ட்கள், இன்ஜினீயர்கள், ஆடிட்டர்ஸ், அக்கவுன்ட்டன்ட்ஸ் என பலருக்கும் வேலை வாய்ப்பு காத்திருக்கிறது.

எட்டு துறைகளில் கொட்டும் வாய்ப்பு !

மேனுஃபேக்சரிங் துறை (Manufacturing) உற்பத்தித் துறையில் இன்னும் பல முன்னேற்றங்கள் வசமாகும். குறிப்பாக, வாகனங்களுக்கு பாகங்கள் தயாரிக்கின்ற ஆட்டோமொபைல் நிறுவனங்கள், கம்ப்யூட்டர் தொடர்பான பொருட்கள் தயாரிக்கின்ற நிறுவனங்கள், எலெக்ட்ரிக்கல் பாகங்கள், உணவு மற்றும் உற்சாக பானங்கள் மற்றும் கெமிக்கல் பொருட்களைத் தயாரிக்கின்ற அத்தனை நிறுவனங்களிலும் அவர்களின் உற்பத்தித் தேவை அதிகமாகும் என்பதால், லேபரர் வரை மேனேஜிங் கிரேடு வரை தங்கள் பணியாளர்களின் எண்ணிக்கையையும் அதிகப்படுத்துவார்கள்.

ஃபார்மசூட்டிகல், ஹெத் கேர் மற்றும் லைஃப் சயின்ஸ் துறை (Pharmaceutical, Health care and Life science) மருத்துவத்துக்காக இந்தியாவுக்கு வரும் வெளிநாட்டு நோயாளிகளின் எண்ணிக்கை நாளுக்கு நாள் அதிகமாகிக் கொண்டிருப்பதுடன், வெளிநாட்டில் கண்டுபிடித்த ஒரு மருந்தை சோதனை செய்ய, சர்வதேச மருத்துவ உலகம் இந்தியாவை 'டெஸ்டிங் கிரவுண்டா'க பயன்படுத்துவதும் இப்போது அதிகரித்திருப்பதால் மருத்துவத் துறையைச் சேர்ந்த ஆராய்ச்சியாளார்கள், பயோ டெக்னாலஜிஸ்ட்கள், கிளினிக்கல் ரிசர்ச் அசோஸியேட்கள், பயோ ஸ்டாட்டிஸ்டிகன்ஸ், மெடிக்கல் அட்வைசர்கள், பாரா மெடிக்ஸ்கள், டிரக்ஸ் சேஃப்டி அசோஸியேட்கள் போன்றவர்களுக்கு வாய்ப்பு, பணி முன்னேற்றம் வரிசை கட்டும்.

ஜவுளித் துறை (Textile) உலக மார்க்கெட்டில் இரண்டாவது இடத்திலும், காட்டன் தயாரிப்பில் முதல் இடத்திலும் இருக்கக்கூடிய இந்தியாவுக்கு எப்போதுமே வளமான எதிர்காலத்தை தரக் கூடியது ஜவுளித் துறை. எனவே, நிட்டிங், டையிங், பிராசஸிங் என பல்வேறு வேலை வாய்ப்புகளை அள்ளி வழங்கக் காத்திருக்கிறது இந்தத் துறை.

விருந்து உபசரிப்பு துறை (Hospitality) உலகின் முக்கிய சுற்றுலாத் தலமாக கருதப்படும் இந்தியாவில், ஹாஸ்பிட்டாலிட்டி செக்டார், டூரிஸம், ரெஸ்டாரன்ட்கள், கேட்டரிங் அண்ட் ஹோட்டல் மேனேஜ்மென்ட் என்று சுற்றுலாத் துறையை மையப்படுத்தி இயங்கும் அத்தனை துறைகளிலும் காத்திருக்கிறது பிரகாசமான வாய்ப்புகள்.

ரியல் எஸ்டேட் துறை (Real estate) பொருளாதார வீழ்ச்சியின் காரணமாக வீழ்ந்த ரியல் எஸ்டேட் துறை, இந்த ஆண்டு மீண்டெழும் என எதிர்பார்க்கப்படுகிறது. எனவே, நிலம் விற்பதில் தொடங்கி, கட்டடங்கள் எழுப்புவது வரை கான்ட்ராக்டர்கள், சிவில் இன்ஜினீயர்கள், எலெக்ட்ரிகல் இன்ஜினீயர்கள், டெக்னீஷியன்கள், ஐ.ஐ.டி. படித்தவர்களுக்கு எல்லாம் மீண்டும் வருகிறது வாய்ப்பு.

எட்டு துறைகளில் கொட்டும் வாய்ப்பு !

கல்வி மற்றும் டிரெய்னிங் துறை (Education and training) இது, எவர்க்ரீன் வேலை வாய்ப்பு இருக்கும் துறை. இப்போது பெருகி வரும் மாணவ சமுதாயத்துக்கு ஈடுகொடுக்கும் பொருட்டு, அதிகப்படியான பள்ளிகள், கல்லூரிகள் திறக்கப்பட்டு வருகின்றன. இதனால் ஆசிரியர்கள், கல்வி ஆய்வாளர்கள், கல்வி ஆலோசகர்கள், டியூஷன் சென்டர்கள், புத்தக நிலையங்கள் உள்ளிட்ட கல்வித் துறையை சார்ந்த அனைவருக்கும் நல்ல வாய்ப்பு காத்திருக்கிறது'' என்று எட்டையும் பட்டியலிட்ட பாண்டியராஜன்,

''இப்போது படிப்பை முடிக்கும் தருவாயில் இருப்பவர்களும், வேலை தேடுபவர்களும் மேற்கண்ட துறைகளின் பிரதிநிதிகள் என்றால், சந்தோஷப்படுங்கள்!'' என்று முடித்தார்.

- ம.பிரியதர்ஷினி

எட்டு துறைகளில் கொட்டும் வாய்ப்பு !
 
எட்டு துறைகளில் கொட்டும் வாய்ப்பு !
எட்டு துறைகளில் கொட்டும் வாய்ப்பு !
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism