"எந்த சீரியல்ல பார்த்தாலும் இந்த நீலிமா பொண்ணுதான் ரீட்டா... பின்னி பெடலெடுக்குது!" - வாசக தோழி ஒருத்தங்க வாயார பாராட்ட, 'நீலிமா... வேர் ஆர் யூ மா?!'னு விட்டேன் ஸ்கூட்டியை!

"சன் டி.வி. நைட் ஸ்லாட்கள்லயே 'இதயம்', 'தென்றல்', 'செல்லமே'னு மூணு சீரியல்கள், இன்னும் பல சேனல்கள்லயும் பல சீரியல்கள்... நான் ரொம்ம்ம்ப பிஸி ரீட்டா!"னு 'தென்றல்' ஷுட்டிங் டீ பிரேக்ல ஜாலி பந்தா விட்டிருந்த நீலிமாகிட்ட, "எல்லா சீரியல்லயும் வீட்டுல மாப்பிள்ள தேடற பொண்ணாவே வர்றீங்களே... ரியல் லைஃப்ல எப்போ கல்யாணம்?"னு கேட்டா, இடியா சிரிக்கறாங்க நீலிமா!

"எனக்குக் கல்யாணமாகி ஒன்றரை வருஷம் ஆகப்போகுது. என் ஹஸ்பண்ட் இசைவாணனும் இதே மீடியா ஃபீல்ட்லதான் இருக்காருங்கறதால, எங்களுக்குள்ள நல்ல அண்டர்ஸ்டாண்டிங் இருக்கு. லைஃபும் ஸ்மூத்தா போயிட்டிருக்கு"னு சொன்ன நீலிமாகிட்ட,

"பெரிய திரையிலயும் இப்போ நீலிமா பிஸி போல!"னு சொன்னா, சட்டுனு பிரைட்டாகுது பொண்ணு.

"யெஸ் ரீட்டா! 'சந்தோஷ் சுப்ரமணியம்', 'ஜக்குபாய்'னு சில படங்கள் பண்ணினேன். இப்போ 'வெண்ணிலா கபடி குழு' டைரக்டர் சுசீந்தரன் சார் எடுக்கற 'நான் மகான் அல்ல' படத்துல, கார்த்திக்- காஜல் அகர்வால் ரெண்டு பேருக்கும் ஃப்ரெண்டா ஒரு ரோல் பண்றேன்!"னு சொன்ன நீலிமாவுக்கு 'வாழ்த்துக்கள்' சொல்லிட்டு ஜூட்!

வெள்ளித்திரையிலயும் கலக்குங்க!

"இந்த 'போஸ்' வெங்கட் பையன ரொம்ப நாளா ஆளையே காணாமே ரீட்டா..?!"

- இது இன்னொரு சீனியர் வாசகியோட கவலை. டிங், டிங்... வெங்கட் வீட்டோட காலிங் பெல்லை அழுத்தினேன். தம்பதி சகிதமா வரவேற்றாங்க சோனியாவும் வெங்கட்டும்! "என்னையா தேடி வந்திருக்க?! உன் ஏரியா கவரேஜ்ல இருந்து நான் வெளிய வந்து நாலு வருஷமாச்சே ரீட்டா?!"னு ஆச்சர்யமான வெங்கட்கிட்ட,

"அதான் ஏன்னு கேட்டுட்டுப் போகலாம்னு வந்தேன்"னு உரிமையா கோபப்பட்டேன்.

"சினிமாவுல சில நல்ல சான்ஸ்கள் வந்தது ரீட்டா. அதான் சின்னத்திரைக்கு பிரேக் விட்டுட்டேன். இப்போகூட 'சிங்கம்' படத்துல சூர்யாவோட ஒரு நல்ல ரோல் பண்றேன். சினிமா பாஷையில சொல்லணும்னா, 'குணச்சித்திர நடிகர்'. அப்பறம் 'ஆறாவது வனம்' படத்துல ஆன்ட்டி ஹீரோவா நடிக்கிறேன். 'பிள்ளையார் தெரு கடைசி வீடு' படத்துல வில்லன் ரோல். மலையாளப் படங்கள்லயும் நிறையா அழைப்பு கள் வந்துட்டு இருக்கு. இன் னொரு இன்ட்ரஸ்ட்டிங் நியூ ஸும் கேட்டுக்கோ... கூடிய சீக்கிரம் ஒரு படம் டைரக்ட் பண்ணப் போறேன். டிஸ்க ஷன் நடந்துட்டு இருக்கு!"னு அடுக்கின வெங்கட்கிட்ட, "அப்போ சீரியல் அவ்ளோ தானா?"னு கேட்க,

"சீரியல்தான் என்னை அடையாளம் காட்டினது. அதனால, சினிமால ரிட்டையர்மென்ட் வாங்கியதும் மறுபடியும் சீரியல்தான்!" அவர் ஸ்டேட்மென்ட் கொடுத்தப்போ, ஸ்நாக்ஸோட வந்தாங்க சோனியா.

"தினமும் 'செல்லமே', 'மாதவி'னு சேனல் நேயர்களுக்கு தரிசனம் தந்துடறீங்களே..!"னு சோனியா பக்கம் திரும்பினா, "ஃபர்ஸ்ட் ஸ்டாண்டர்ட் படிக்கற என் பையன் தேஜஸ்வின், விஜய்யோட ஃபேன்... இல்ல இல்ல ஏ.சி! பேச்சுல இருந்து டான்ஸ் வரைக்கும் விஜய்யை இமிட்டேட் பண்றதுதான் அவனுக்கு ஃபுல்டைம் ஜாப். என் பொண்ணு பவதாரிணிக்கு, ஒண்ணே கால் வயசுதான் ஆகுது. இப்போவே டி.வி. முன்னாடி நின்னுட்டு டான்ஸ் ஆடறா ரீட்டா!"னு சேனல் பிட்ஸ் கலெக்ட் பண்ண போன எனக்கு 'குட்டீஸ் குறும்பு' மேட்டர் கொடுத்துட்டாங்கப்பா சோனியா!

அப்பன் - ஆத்தாளுக்கு தப்பாம பொறந்த குட்டீஸ்கள்!

"நம்ம டிடி (திவ்யதர்ஷனி) இப்போ 'ஜோடி நம்பர் ஒன் - சீஸன் ஃபோர்'ல (விஜய் டி.வி) காம்ப்யர் இல்ல... டான்ஸர்! சூப்பர்ல ரீட்டா!"

- காலேஜ் பொண்ணான நம்ம யூத் வாசகி ஒருத்தங்க உற்சாகமா சொல்ல... டிடியை போன்ல பிடிச்சு, "என்ன இந்த திடீர் மாற்றம் டிடி?!"னு சர்ப்ரைஸ் விலகாம கேட்டேன். "ஒரு சேஞ்சுக்குத்தான் ரீட்டா. இந்த முறை நான் டன்ஸரா களம் இறங்கியிருக்கறதால, புரோக்ராம் காம்ப்யர் வேலையை, எங்க அக்கா ப்ரியதர்ஷினி பண்றா!"னு தகவல் சொன்னவங்ககிட்ட,

"எப்டி போகுது டான்ஸ் பிராக்டீஸ்?"னேன்.

"இதுல சதீஷ்தான் என் ஜோடி. அவர்தான் டான்ஸ் மாஸ்டரும்கூட. ஈஸியான ஸ்டெப்ஸ்னா என்னனே அவருக்குத் தெரியாது போல. ட்ரில் வாங்கறார். அவருக்கு ஈடுகொடுத்து ஆடறதே ரொம்ப ச்சேலஞ்சிங்கா இருக்கு!"னு சந்தோஷமா அலுத்துக்கிட்ட டிடி, இப்போ சென்னை, அண்ணா ஆதர்ஷ் காலேஜ்ல எம்.பி.ஏ. டிராவல் அண்ட் டூரிஸம் மேனேஜ்மென்ட் ஸ்டூடன்ட்!

"என்னைவிட, என் கிளாஸ்மேட்ஸ் அனுபமா, கார்த்திகா, பார்கவிதான் நான் போட்டியில ஜெயிக்கணுங்கறதுல ஆர்வமா இருக்காங்க. இந்த செமஸ்டர்ல எப்படியோ மூணாவது ரேங்க் வாங்கிட்டேன். அடுத்த செமஸ்டர்லயும், ஜோடி நம்பர் ஒன் சீஸன் - ஃபோர்லயும் என்ன ரிசல்ட்னு பொறுத்திருந்து பார்ப்போம்! அதுவரைக்கும், ஒரு சின்ன பிரேக்!"னு முடிச்சாங்க டிடி!

காம்ப்யர் டச்!

கலைஞர் டி.வி-யில மதியம் ஒளிபரப்பாக இருக்கற 'வாடகை வீடு' சீரியல் பிரஸ் மீட்ல, ரீட்டா சீஃப் கெஸ்ட் (நான் சொல்வதெல்லாம் உண்மை, உண்மையைத் தவிர வேறெதுவுமில்லை)! 'மனசு முழுக்க கற்பனைகளும், கனவுகளும் இருந்தாலும் மாசக் கடைசியில டவுன் பஸ்ஸுக்கு சில்லறை தேடற நடுத்தரவர்கத்துக் கதை. ஒரு காம்பவுண்டுக்குள்ள வாடகை வீடுகள்ல வசிக்கற குடும்பங்கள்தான் கதையை நகர்த்தப்போற கரு!'னு சிம்பிளா முன்னுரை கொடுத்தாங்க சீரியல் டீம். கூடவே, 'எபிஸோட்டை கவனமாகப் பாருங்கள். இறுதியில் கேட்கப்படும் கேள்விக்கு விடையனுப்புபவர்களுக்கு பரிசுகள் காத்திருக்கின்றன!'ங்கற பழைய ட்ரெண்ட்டை இதுல பிக் -ப் பண்ணப் போறாங்களாம்! அப்போ போஸ்ட் கார்டு, பென் எல்லாம் ரெடியா?!