Published:Updated:

பிரம்மனுக்கே வேலை கொடுத்த கஞ்சனூர் !

பிரம்மனுக்கே வேலை கொடுத்த கஞ்சனூர் !

பிரம்மனுக்கே வேலை கொடுத்த கஞ்சனூர் !

பிரம்மனுக்கே வேலை கொடுத்த கஞ்சனூர் !

Published:Updated:

கரு.முத்து
படங்கள் எம்.ராமசாமி
பிரம்மனுக்கே வேலை கொடுத்த கஞ்சனூர் !
பிரம்மனுக்கே வேலை கொடுத்த கஞ்சனூர் !

ஒட்டுமொத்த விகடனுக்கும் ஒரே ஷார்ட்கட்!

பிரம்மனுக்கே வேலை கொடுத்த கஞ்சனூர் !

கனவுகளை நனவாக்கும் கடவுள் தரிசனம் !

குழந்தை பிறந்ததுமே அடித்துப் பிடித்து, நல்ல பள்ளிக்கூடத்தில் இடம் பிடித்து, கேட்பதையெல்லாம் செய்து கொடுத்து, பணத்தை வாரியிறைத்து படிக்க வைப்பதெல்லாம்... வாரிசுகளை நல்லதொரு வேலையில் அமர்த்தி, அவர்களுடைய எதிர்காலத்தை பிரகாசமாக்கத்தானே!

பிரம்மனுக்கே வேலை கொடுத்த கஞ்சனூர் !

ஆனால், படாதபாடுபட்டு படிக்க வைத்தாலும் வேலை கிடைக்கத் தாமதமானால்... ''ம்.. அத்தனை கஷ்டப்பட்டு படிக்க வெச்சதுக்கு, உருப்படியா ஒரு வேலை கிடைக்கலியே..." என்று ஏமாற்றமாகத்தான் இருக்கும்.

இது, இப்படி என்றால்... ''சின்னதா ஒரு முதலீட்டைப் போட்டு சொந்தத் தொழில் தொடங்கலாம்னு பார்த்தா... அதுக்கும் நேரம் வரமாட்டேங்குதே!" என்று புலம்புவார்கள் சிலர்.

வேறு சிலரோ... ''எல்லோரும் சொன்னாங்கனு இருந்ததையெல்லாம் வித்துட்டு, புதுசா ஒரு தொழிலைத் தொடங்கிட்டேன். ஆனா, ஒண்ணும் வளரமாட்டேங்குதே...'' என்று ஏங்கிக் கொண்டிருப்பார்கள்.

இத்தகையோருக்கெல்லாம்... புரவலராக மாறி அருள்பாலித்துக் கொண்டிருக்கிறார் 'கஞ்சனூர்' சுக்கிரன். தஞ்சாவூர் மாவட்டம், கும்பகோணம் வட்டம், ஆடுதுறை அருகில் இருக்கிறது கஞ்சனூர் (கம்ஸபுரம் என்பது கம்ஸனூர் ஆகி இப்போது கஞ்சனூர் என மருவிவிட்டதாம்). இங்கே மதுரை ஆதீனத்தின் கட்டுப்பாட்டில் இருக்கிறது கற்பகாம்பாள் உடனுறை அக்னீஸ்வரர் திருக் கோயில். தெற்கு நோக்கிய ராஜகோபுரத்தைக் கடந் தால்... கிழக்கு பார்த்த தனி சந்நிதியில் கற்பகாம் பாள் அருள் பொங்க காட்சியளிக்கிறாள். கொஞ்சம் தள்ளி லிங்க வடிவில் தனி சந்நிதியில் அக்னீஸ் வரன். இரண்டுக்கும் இடையில் இருக்கிறது பக்தர் கள் துயர் துடைக்கும் அந்தச் சந்நிதி. அது... ஈஸ்வரன், சுக்கிரனாக வடிவெடுத்து, உமையாளோடு வீற்றிருக் கும் அற்புத சந்நிதி. இறைவனே சுக்கிரனாக வீற்றிருப் பதால், கோயிலின் முக்கியத்துவம் கூடுகிறது.

பிரம்மனுக்கே வேலை கொடுத்த கஞ்சனூர் !

சந்நிதியில் மனம் உருகி இறைவனை பிரார்த்தித்துக் கொண்டிருந்தனர் ஒரு பெண்மணியும் இளம் பெண்ணும். வேண்டுதல் முடித்து கண் திறந்தவரிடம் பேச்சுக் கொடுத்தோம்.

''நான் திலகவதி. இது எம்பொண்ணு சிந்துஜா. இப்போ பி.இ. படிச்சுட்டு இருக்கா. இந்த வருஷம் படிப்பு முடிஞ்சதும், நல்ல வேலை கிடைக்கணும்னு வேண்டிக்கத்தான் வந்திருக்கேன். இந்த சுக்கிரன்... உத்தியோகம், தொழில் யோகத்தையெல்லாம் தர்ற சக்தி படைச்சவர். அவரை தரிசனம் செய்து வேண்டிக் கிட்டா நிச்சயம் வேலை கிடைக்கும்னு பலரும் சொன்னதாலதான் வந்திருக்கேன். நிச்சயம் எம்மக ளுக்கு நல்ல வேலையை அவர் தருவார்" என்று மனம் நிறைய நம்பிக்கைகளோடு சொன்னார் திலகவதி.

பிரம்மனுக்கே வேலை கொடுத்த கஞ்சனூர் !

காவிரியின் வடகரையில் இருக்கும் சிவத்தலங்களில் இது 36-ம் திருத்தலம். பிரம்ம தேவருக்கு, திருமணக் கோலம் காட்டினார்; அக்னிக்கு, பாண்டுரோக நோய் தீர்த்தார்; கம்ஸனுக்கு மூத்திர நோய் தீர்த்தார்; சந்திரனுக்கு அவன் பெற்ற சாபத்தை நீக்கினார்; கலிகாம நாயனாருக்கு திருமணம் நடத்தினார்; சித்திரசேனன் எனும் கந்தர்வனுக்கு சாபம் நீக்கினார்; விஷ்ணுவுக்கு சாபம் நீக்கினார்... என்று இங்கே அக்னீஸ்வரனின் அருள் கடாட்சம் பெற்றோரின் பட்டியல் பெரிதாகவே நீள்கிறது. இப்படி தேவாதி தேவர்களுக்கும்... தேவலோக பிரஜைகளுக்கும் வாழ்வில் ஏற்பட்ட இடர்பாடுகளையெல்லாம் நீக்கி, சுகபோகம் கிடைக்கச் செய்து சுக்கிரனாக வீற்றிருக்கும் அதே அக்னீஸ்வரர்தான்... தங்களின் துயரங்களையும் போக்குவார் என்று இங்கே சரண் புகுந்து கொண்டிருக்கிறார்கள் பக்தர்கள்.

சென்னை, பூந்தமல்லியிலிருந்து வந்திருந்த நளினி தீனதயாளன், ''சென்னை, மவுன்ட்ரோட்டுல சொந்தமா கட்டடம் இருக்கு. அதில்லாம சொந்தத் தொழிலும் இருக்கு. ஆனா, எதுவுமே சரியில்ல. வருமானம் வர்ற மாதிரி இருக்கு. ஆனா, ஒரு காசுகூட தங்க மாட்டேங்குது. அதான் சுக்கிரனோட அனுக்கிரகம் வேண்டி வந்திருக்கோம். எல்லாத்தையும் அவன்கிட்ட சொல்லி புலம்பிட்டோம். இனி, எங்க கஷ்டத்தை அவன் பார்த்துப்பான்கிற நம்பிக்கை வந்துடுச்சு. ஏன்னா... இங்க வந்துட்டு போன ஒவ்வொருத்தர் வாழ்க்கையிலயும் அற்புதமான மாற்றத்தை ஏற்படுத்துகிறவன் இவன்ங்கிறத கண்கூடா பார்த்துட்டுதானே நாங்களே இங்க வந்திருக்கோம்" என்று ஒருவித சிலிர்ப்போடு சொன்னார்.

கோயம்புத்தூரிலிருந்து மகன் தனபாலுடன் வந்திருந்தார் சின்னமணி. ''இங்க வந்து வேண்டின பிறகுதான் இவனுக்கு ஐ.சி.ஐ.சி.ஐ. பேங்க்ல, ஷேர் டிரேடிங் பிரிவுல வேலை கிடைச்சுது. அதுக்குப் பிறகு, இன்னும் பெரிய லெவலுக்கு அவன் போகணும்... சீக்கிரம் கல்யாணம் ஆகணும்னு வேண்டிக்கத்தான் மறுபடியும் வந்திருக்கோம். அவனுக்கு சுக்கிரதோஷம் இருக்கு. அதுக்கான பரிகார பூஜைகளையும் செய்யப் போறோம்" என்றார் சின்னமணி.

பிரம்மனுக்கே வேலை கொடுத்த கஞ்சனூர் !

தொழில், வேலை, திருமணம் என்று வேண்டியனவெல்லாம் அருளும் இந்த ஆலயத்தின் மகிமையை... புராணத்தில் இருந்து எடுத்துச் சொன்னார் கணேச குருக்கள். இவர், இந்த ஆலயத்தின் குருக்கள்களில் ஒருவர்.

''படைக்கும் வேலை தனக்கு வேண்டும் என்று பிரம்மா தவம் செய்தபோது, அவனுக்கு அனுக்கிரகம் செய்து, அந்த வேலையை அளித்தவர் இந்த இறைவன். தங்களுக்குத் தொல்லை கொடுக்கும் அரக்கர்கள் மூவரை வதம் செய்யவேண்டும் என்று முறையிடுவதற்காக தேவர்கள் கயிலாய மலையேற முற்பட்டனர். அது முடியாமல் போய்விட்ட நிலையில், 'பூலோகத்தில் ஸ்ரீமத்கம்சாகரம் (கஞ்சனூர்) என்ற ஊருக்குச் சென்று என்னை வழிபட்டாலே போதும்' என்று இறைவன் அருளினார். அவர்களும் அப்படியே வழிபட்டு தங்கள் வேண்டியதைப் பெற்றார்கள். கலிகாம நாயனாருக்கு திருமணம் நடத்தி வைத்ததும் இந்த இறைவன் என்பதால்... இங்கே வழிபடுவோருக்கு திருமண வரமும் கைக்கூடும்'' என்று சொன்ன குருக்கள்,

''சுக்கிரனை வழிபட வருவோர், அவருடைய சந்நிதியில் இருபது தீபம் ஏற்றி வைத்து, வெள்ளை மலர்கள் கொண்டு அர்ச்சித்து வழிபடுவதன் மூலம் உரிய பலனடையலாம். இருபது நாழிகை, அதாவது எட்டு மணி நேரம் இங்கு தங்கியிருந்து வழிபடுவது நலம். குறிப்பாக, வெள்ளிக்கிழமைகளில் காலை ஆறு மணி முதல், மதியம் இரண்டு மணி வரை சுக்கிரஓரையில் இங்கு வந்து வழிபடுவது நல்ல பலனைக் கொடுக்கும்'' என்று வழிபாட்டு முறைகள் மற்றும் நேரத்தையும் குறித்துச் சொன்னார்.

எப்படிச் செல்வது?

மயிலாடுதுறை - கும்பகோணம் சாலையில் ஆடுதுறையில் இறங்கினால், ஆறு கிலோ மீட்டர் தூரத்தில் இருக்கிறது கஞ்சனூர். ஆடுதுறையிலிருந்து மினிபஸ், ஆட்டோ, கார் கிடைக்கும். மயிலாடுதுறை, கும்பகோணம் ஆகிய ஊர்களில் இருந்து நகரப் பேருந்து வசதியும் உண்டு. அர்ச்சனை தட்டு உள்ளிட்டவை கோயிலில் கிடைக்கும். காலை 7.30 முதல் மதியம் 12.30 மணி வரை, மாலை 4.30 முதல் 9.00 மணி வரை நடை திறந்திருக்கும். ஒருநாள் பயணமாக வருகிறவர்கள்... அருகிலுள்ள சூரியனார்கோவில், திருமணஞ்சேரி ஆகிய தலங்களுக்கும் சென்று வரமுடியும்.

கஞ்சனூர் ஆலய அலுவலக தொலைபேசி எண் 0435-2473737.

பிரம்மனுக்கே வேலை கொடுத்த கஞ்சனூர் !
 
பிரம்மனுக்கே வேலை கொடுத்த கஞ்சனூர் !
பிரம்மனுக்கே வேலை கொடுத்த கஞ்சனூர் !
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism