போன தடவை சிறுநீரகக்கல் பத்தியும் அதுக்கான கை வைத்தியத்தையும் இந்தப் பாட்டி விலாவாரியா சொல்லியிருந்தேன். இந்தத் தடவை கல்லடைப்பு, கல்லீரல் வீக்கம், மண்ணீரல் வீக்கத்தால பாதிக்கப்படறவங்களுக்கு சில வைத்தியம் சொல்றேன்... கேட்டுக்கோங்க!

அமுக்கிராங்கிழங்கு சூரணம் அரை ஸ்பூன் எடுத்து, தேன்ல கலந்து காலை நேரத்துல சாப்பிட்டு வந்தா... இந்தக் கோளாறெல்லாம் காணாமப்போயிரும்.

கீழாநெல்லி, கரிசலாங்கண்ணி ரெண்டையும் சம அளவு எடுத்து அரைச்சி, அதுல நெல்லிக்காய் அளவு எடுத்து, பசும்பால்ல கலந்து சாப்பிட்டு வந்தா... கல்லடைப்பு, கல்லீரல் வீக்கமெல்லாம் சரியாயிரும்.

கோவை இலை 100 கிராம், சீரகம் 20 கிராம், சின்ன வெங்காயம் 3... இது மூணையும் ஒண்ணா சேர்த்து இடிச்சி, சாறு பிழிஞ்சுக்கோங்க. இதக் காலைல, சாயங்காலம் வெறும் வயித்துல சாப்பிட்டு வந்தாலும் கல்லடைப்பு நோயெல்லாம் சரியாயிரும். இதச் சாப்பிடும்போது பேதியாகும். அதுக்காக பயப்படத் தேவையில்ல. இதை மூணு நாள் குடிச்சுட்டு, மூணு நாள் இடைவெளிவிட்டு திரும்ப மூணு நாள் குடிக்கணும். குணம் தெரியற வரை இதேமாதிரி இடைவெளி விட்டு விட்டுக் குடிக்கணும்.

கொடிகள்ளியை எடுத்து தீயில வதக்கி சாறு பிழிஞ்சி ஒரு ஸ்பூன் எடுக்கணும். அதோட விளக்கெண்ணெய் ஒரு ஸ்பூன் சேர்த்து காலைல வெறும் வயித்துல சாப்பிடணும். இதச் சாப்பிடும் போதும் பேதியாகும். கவலைப்படக் கூடாது. மூணு நாள் சாப்பிட்டு, மூணு நாள் இடைவெளி விட்டு நோய் தீருற வரை குடிக்கணும்.

அடுத்தாப்புல நாஞ்சொல்லப்போற விஷயத்தைக் கேட்கவே கொஞ்சம் கஷ்டமாத்தான் இருக்கும். ஆனா, வைத்தியம்னு வந்துட்டா அருவருப்பெல்லாம் படக்கூடாது... ஆமா! அதாவது, பசுமாட்டு சிறுநீர் ஒரு பாலாடை அளவு, நொச்சிச்சாறு ஒரு பாலாடை அளவு எடுத்து ரெண்டையும் கலந்து தெனமும் காலையில சாப்பிட்டு வந்தீங்கனா... கல்லடைப்பாவது, கல்லீரல் வீக்கமாவது... எல்லாம் காணாமப் போயிரும். இதச் சாப்பிடும்போது புளி, காரம், மாமிசம் சேர்க்கக் கூடாது.

கடைசியா, ஒரு சாதாரண வைத்தியம் சொல்றேன்... கேட்டுக்கோங்க. தினமும் பப்பாளிப்பழம் சாப்பிட்டு வந்தீங்கனாலும் இந்த கல்லீரல் வீக்கம், மண்ணீரல் வீக்கம், கல்லடைப்பு எல்லாம் சரியாயிரும்.

- இன்னும் சொல்றேன்...