Published:Updated:

ஃப்ளாஷ்பேக்!

ஃப்ளாஷ்பேக்!

ஃப்ளாஷ்பேக்!

ஃப்ளாஷ்பேக்!

Published:Updated:

26-03-2010
ஃப்ளாஷ்பேக் !  
ஒவ்வொன்றுக்கும் பரிசு ரூ.150
ஃப்ளாஷ்பேக்!
ஃப்ளாஷ்பேக்!

ஒட்டுமொத்த விகடனுக்கும் ஒரே ஷார்ட்கட்!

வெத்தல பாக்கு வசந்தா!
ஃப்ளாஷ்பேக்!

பி.எஸ்சி., இரண்டாம் ஆண்டு படித்துக் கொண்டிருந்தபோது, ஒரு நாள் எங்கள் வீட்டில் ஹெவி பிரேக்ஃபாஸ்ட் என்பதால், வயிறு 'தம்' என்றிருந்தது. ''வெத்தலை போட்டுக்கோ... காலேஜ் போறதுக்குள்ள சரியாயிடும்...'' என்று என் பாட்டி கொடுத்த வெற்றிலையை போட்டுக் கொண்டு சிவந்த வாயுடன் கிளாஸுக்குச் சென்றேன். வகுப்பில் மேம் ஏதோ கேள்வி கேட்டு, ''வசந்தா... பதில் சொல்லு'' என்றார். எங்கள் வகுப்பில் இரண்டு 'வசந்தா'க்கள் என்பதால், யாரைக் கேட்கிறார் என்று புரியாமல் நாங்கள் இருவரும் குழம்ப, ''வெத்தலை பாக்கு வசந்தா... உன்னத்தான்'' என்று மேம் தெளிவாக புரியவைக்க, என் சிவந்த வாய் மேமின் கவனம் வரை போனதை எதிர்பார்க்காத நான் வியர்க்க... வகுப்பே சிரித்தது!

என் பாட்டி உபயத்தில் அன்றிலிருந்து கல்லூரியில் என் பெட் நேம் 'வெத்தலபாக்கு வசந்தா'வாகிப்போனது!

- எஸ்.வசந்தா, பெங்களூரு


'காமன்' கம்பார்ட்மென்ட்டில் 'ரதி'கள்!

ஃப்ளாஷ்பேக்!

நானும் என் தோழியும் கல்லூரிக்கு தினமும் ரயிலில் சென்று வருவோம். எப்போதுமே லேடீஸ் கம்பார்ட்மென்ட்டில் பயணம் செய்வது வழக்கம். அன்று என் தோழி சற்று தாமதமாக வந்ததால், அவசரத்தில் இருவரும் ஏதோ ஒரு பெட்டியில் அடித்துப் பிடித்து ஏறிவிட்டோம். பார்த்தால்... அங்கு நிறைய மாணவர்கள் அமர்ந்திருந்தனர். ''அய்யய்யோ... காமன் கம்ப்பார்ட்மென்ட்ல ஏறிட்டோம்டி'' என்று அதிர்ச்சியில் சற்று சத்தமாகவே புலம்பிவிட்டேன் நான். அதைக்கேட்ட ஒரு மாணவன், ''பரவாயில்ல... 'காமன்' கம்பார்ட்மென்ட்ல 'ரதி'களும் ஏறலாம்'' என்று டைமிங்காக அசத்த... அவன் நண்பர்கள் அனைவரும் சிரிக்க, பயத்தை மீறி நாங்களும் ரசித்து நமுட்டுச் சிரிப்பு சிரித்துக் கொண்டோம்!

- வி.ஜானகி, அய்யம்பேட்டை


'விலங்கு'களுக்கு டம்ளர் எதற்கு?

ஃப்ளாஷ்பேக்!

எங்கள் தமிழ்ப் பேராசிரியர், அவருடைய நகைச்சுவை பேச்சின் காரணமாக மாணவர்களிடம் ஏக பிரபலம். எங்கள் கல்லூரியில் குடிநீர் குழாய் இல்லாததால் ஒவ்வொரு வகுப்புக்கு வெளியேயும் ஒரு டிரம்மில் தண்ணீரும், டம்ளர்களும் வைக்கப்பட்டிருக்கும். ஒரு வகுப்பில் டம்ளர்கள் வைக்கப்படாததால், அந்தத் துறை மாணவர்கள் கோபத்துடன் முதல்வரிடம் முறையிட கும்பலாகச் சென்றனர். இடையே எதிர்ப்பட்ட தமிழ்ப் பேராசிரியர், மாணவர்களிடம் விஷயத்தை விசாரிக்க, அவர்களும் விளக்கினார்கள்.

பேராசிரியர், ''சரி நீங்கள் எந்தத் துறை மாணவர்கள்?'' என்று விசாரிக்க, ''விலங்கியல் துறை ஐயா'' என்று கோரஸாகக் கூறினார்கள் மாணவர்கள். உடனே அவர், ''அதனால்தான் பணியாளர் உங்களுக்கு டம்ளர் தேவையில்லை என்று நினைத்துவிட்டார் போல!'' என்று கூற, கோபத்துடன் சென்ற மாணவர்களிடம் குபீர் சிரிப்பு. பின், ''பியூனிடம் சொன்னாலே இந்தப் பிரச்னை சரியாகிவிடும். இதற்கு எதற்கு பிரின்ஸிபால்?'' என்று அந்த மாணவர்களை கூல் செய்து, கிளாஸுக்கு அனுப்பி வைத்தார்!

- ஆர்.விஜயலட்சுமி, கடலூர்

இந்தப் பகுதிக்கு உங்கள் கல்லூரி அனுபவங்களையும் எழுதி அனுப்பலாம். முகவரி 'ஃப்ளாஷ்பேக்'
அவள் விகடன், 757, அண்ணாசாலை சென்னை-600 02
ஃப்ளாஷ்பேக்!
 
ஃப்ளாஷ்பேக்!
ஃப்ளாஷ்பேக்!
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism