பப்லுவின் பலே 'அவதார்' !

"பாலிமர் டி.வி-யில 'என் ஸ்டைல்' புரோகிராம்ல வர்ற அமிர்தாராம், லாங் லாங் அகோ... ஸோ லாங் அகோ... சன் டி.வி-யில 'தாகம் தாகம்' நிகழ்ச்சிய தொகுத்து வழங்கின பொண்ணுதானே ரீட்டா?!''

- சி.பி.ஐ. டிபார்ட்மென்ட்ல சீஃப் போஸ்ட்ல இருக்க வேண்டிய (!) நம்ம வாசகி ஒருத்தவங்க, எனக்கு எஸ்.எம்.எஸ். பண்ண, அடுத்த அஞ்சாவது நிமிஷத்துல அமிர்தாராம்கிட்ட ஹேண்ட் ஷேக் பண்ணிட்டு, வழக்கம்போல "இத்தனை நாள் எங்க போனீங்க?''னு பல்லவியை ஆரம்பிச்சேன்.

"யெஸ் ரீட்டா! பத்து வருஷத்துக்கு முன்னால (அப்போ ரீட்டா குட்டிப் பெண்ணாக்கும்!) சன் டி.வி. 'தாகம் தாகம்' நிகழ்ச்சி பண்ணிட்டிருந்தேன். அப்புறம் 'தில்லானா தில்லானா' புரோகிராம் பண்ணினேன். அப்பறம் ஒரு லாங் பிரேக் விட்டுட்டு, ரெண்டு வருஷத்துக்கு முன்னால விஜய் டி.வி-யில 'சமையல்... சமையல்' புரோகிராம்ல ரீ-என்ட்ரி ஆனேன்.

இப்போ நானும் என் கணவர் ராம்ஜியும் சேர்ந்து ஒரு டான்ஸ் கம்பெனி நடத்தறோம். அங்க பெண்களுக்கு ஸ்பெஷலா 'பாலி டான்ஸ்' கிளாஸ் எடுக்கறோம். உடற்பயிற்சியும் நடனமும் கலந்த புது டைப் டான்ஸ் அது. கூடவே, அடிப்படையில எனக்கு டிரெஸ் டிசைனிங்ல ஆர்வம் இருந்ததால, இப்போ சினிமா ஆர்டிஸ்ட்ஸ் நிறைய பேருக்கு காஸ்ட்யூம் டிசைனராவும் இருக்கேன். தவிர, நிறைய ஷோக்களுக்கும் காஸ்ட்யூம் டிசைனிங் பண்ணித் தர்றேன். அந்த அடிப்படையிலதான் ஃபேஷன் பத்தி ஒரு நிகழ்ச்சி பண்ணலாமேனு 'என் ஸ்டைல்' புரோகிராம் கான்செப்டோட பாலிமர் டி.வி-யை அணுகினேன். 'க்ளிக்' ஆக... இப்போ புரோகிராம் காம்பயர் கம் டைரக்டர் நான்தான்!''னு நான்-ஸ்டாப்பா பயோகிராஃபி சொன்ன அமிர்தா,

"இந்த ஷோ-ல ரெண்டு செக்மென்ட் இருக்கு ரீட்டா. ஒரு வி.ஐ.பி-யை 'பொட்டீக்'குக்கு கூட்டிப் போய், அப்டுடேட் ஃபேஷன் பத்தி பேசுவோம். அடுத்த வாரம், அவங்க யூஸ் பண்ற காஸ்மெட்டிக் பொருட்கள், வாட்ரோப், கார், புடிச்ச ஸ்டைல்னு இது எல்லாத்தை பத்தியும் பகிர்ந்துக்குவாங்க. நமீதா, சங்கீதா, அபர்ணா, ரகசியா, சானாகான், சந்தியா, நிலானு இந்த ஷோல கலந்துகிட்டவங்க எல்லாருமே ஃபேஷன் அம்பாஸிடர்ஸ்தான்! டீன்-ஏஜ் மற்றும் மிடில் ஏஜ் பொண்ணுங்கதான் இந்த ஷோவோட டார்கெட்!''னு சொல்ற அமிர்தா, அமெரிக்கால 'அரண்'ங்கற பேர்ல ஒரு 'பொட்டீக்'-ஐயும் நடத்திட்டு வர்றாங்களாம்!

அமிர்தாராமோட கணவர் ராம்ஜி வேற யாருமில்ல... டான்ஸ் மாஸ்டர் ராம்ஜிதான். அட, 'காதல்கோட்டை'யில வெள்ளரிக்கா பாட்டுக்கு ஆடினாரே அவரேதான்!

ஜெயா டி.வி யில ஒளிபரப்பாகற 'ஓவியா' சீரியலோட டைட்டில் கார்ட்ல 'இயக்குநர் - அருந்தவராய்'னு பேர் மின்ன, 'இந்தப் பேர் நமக்கு ஏற்கெனவே தெரியுமே... ஆனா, ஆளு யாருனு சட்டுனு ஞாபகத்துக்கு வரமாட்டேங்குதே'னு மண்டைக்குள்ள உருள, அந்த வீக் எண்ட் அருந்தவராய்கிட்ட அப்பாயின்ட்மென்ட் ஃபிக்ஸ் பண்ணிட்டேன்!

"என்னை உனக்கு அவ்ளோ ஞாபகம் இருக்கா...?''னு சந்தோஷப்பட்டவர், எனக்காக கொஞ்சம் அவரோட ஆட்டோ பயோகிராஃபியை ரீவைண்ட் பண்ணினார்!

"தூர்தர்ஷன்ல 'அம்மாவுக்கு கல்யாணம்', சன்ல 'நிஷாகந்தி', 'புதிய வாசல்கள்', நடிகை ரேவதி தயாரிச்ச 'நிறங்கள் - நிஜங்கள்', ராஜ். டி.வி-யில 'தாம்பத்யம்', 'பைரவி', ஏவி.எம். தயாரிப்புல ஜெயா டி.வி-யில வந்த 'ரோஜா'னு... இந்த ஹிட் சீரியல்கள் எல்லாம் என்னோட டைரக்ஷன்தான்!''னு பெருமையா சொன்னவர்கிட்ட, 'ஓவியா' பத்தி கேட்டேன்!

"இது ஒரு த்ரில்லர் சீரியல் ரீட்டா. அமானுஷ்யம்தான் இதோட அடிப்படை. 'ஓவியா'வா அம்மு நடிக்கறாங்க. அவங்களுக்குள்ள நடக்கிற அமானுஷ்யங்கள், அதனால் ஏற்படற மாற்றங்கள், விளைவுகள்னு... இதுதான் கதை. நோட் பண்ணிக்க வேண்டிய விஷயம், 'த்ரில்லர்'ங்கறதுக்காக வன்முறையை காட்ட மாட்டோம்!''னு சர்டிஃபிகேட் தந்ததுடன், "இந்த சீரியலோட முடிவை ஜட்ஜ் பண்ணப்போறது ரசிகர்களும்தான்!''னு டெயில் பீஸ் சொன்னார் அருந்தவராய்!

"ரீட்டா... சூப்பரா ஒரு ஸ்கூப் நியூஸ் சொல்லேன்...''னு உரிமையா கேட்ட பழனி வாசகி ரம்யாவுக்கு இந்த ஸ்கூப் டெடிக்கேட்டட்! அதாகப்பட்டது... நடிகர், டான்ஸர், நிகழ்சித் தொகுப்பாளர்னு கலக்கிட்டு இருக்கற பப்லு என்கிற ப்ரித்திவிராஜ், இப்போ சீரியல் தயாரிப்பாளர் 'அவதார்' எடுத்திருக்கார். 'எஸ்.எம்.எஸ் (சவாலை முடிந்தால் சமாளி)' மற்றும் 'டிரிபிள் செவன்'... இந்த ரெண்டு சீரியலும் அவரோட தயாரிப்புல கூடிய சீக்கிரம் பாலிமர் டி.வி-யில வரப்போகுதுது! இந்த சீரியல்களுக்கு கதாசிரியரும், அவரே!

களைச்சு சளைச்சு வீட்டுக்குப் போனா, ஸ்வீட் நியூஸ் சொன்னாங்க இந்த ரீட்டாவோட அம்மா!

"இனி உன் பேவரைட் சீரியல் 'திருமதி செல்வம்', 'தென்றல்' ரெண்டையும் அப்பப்ப பார்க்காம விட்டுட்டு, வீட்டுக்கு வந்து எங்கிட்ட கதை கேட்கக் கூடாது. முக்கியமா, போன் பண்ணி, 'அம்மா செல்போனை டி.வி. முன்னாடி வையேன்... கதை கேட்டுக்கறேன்'னு எல்லாம் சொல்லக்கூடாது''னு ஆர்டர் போட்டுட்டாங்க அம்மா!

'இதுல என்ன ஸ்வீட் நியூஸ்?'னு கேட்கறீங்களா?

அதாவது, உங்க மொபைல்ல இருந்து 52222ங்கிற நம்பருக்கு போன் பண்ணினா, இந்த ரெண்டு சீரியலோட கடைசி ரெண்டு நாள் எபிசோடின் கதைச் சுருக்கத்தை கேட்கலாம். பட், ஒரு சின்ன கண்டிஷன். வோடஃபோன் மொபைல்ல இருந்துதான் அழைக்க முடியும்!

என்ன... ஸ்வீட் நியூஸ்தானே?!

கீப்

"ஜி தமிழ் தொலைக்காட்சியில் ஒளிபரப்பாகும் 'ஃபிரியா விடு' என்ற நிகழ்ச்சியில் சிரிப்புக்காக இவர்கள் செய்யும் சேட்டைகள் அநாகரீகத்தின் உச்சம். மார்ச் ஒன்றாம் தேதியன்று ஒளிபரப்பான காட்சியில், பெரிய சூட்கேஸை தலையில் சுமந்து செல்பவரின் பேன்ட் அவிழ்வது போல நடித்து, அவருக்கு உதவ வருபவர்களை

காமெடி செய்த காட்சி காட்டப்பட்டது. இப்படி மனிதாபிமானத்தோடு உதவுபவர்களை கேலிக்குரியவர்களாக காண்பிப்பது, உதவ வேண்டும் என்கிற எண்ணத்தையே மாற்றிவிடுமோ என்ற அச்சத்தை ஏற்படுத்துகிறது. இப்படி வரம்பு மீறிப் போகும் நிகழ்ச்சிகளை தடை செய்யவேண்டும்'' என்று கொதித்தெழுகிறார் கோவையிலிருந்து கே.ஜெ, சௌம்யா.

'ஒருவழியா கடமை முடிஞ்சுடுச்சு! 'ஹப்பா..!'னு ரிலாக்ஸ் பண்ணலாம்'னு பார்த்தா... 'ஸ்கூப் மட்டும் பத்தாது... சீக்கிரமா மேட்டரையும் எழுதிக் கொடு ரீட்டா...!'னு என் தலையில எடிட்டர் குட்ட, அடுத்த நிமிஷம் பப்லு முன்னால நான் ஆஜர்!

" 'எஸ்.எம்.எஸ்', ஒரு சீரியல் 'ப்ளஸ்' கேம் ஷோ ரீட்டா. ஒரு பிஸினஸ் மேன், தான் நடத்தற சேனலோட புரோகிராமிங் வேலைகளுக்கு கிரியேட்டிவ் ஆட்கள் வேணும்னு விளம்பரம் பண்றார். ஆறு பேரை செலக்ட் பண்ணி, அவங்கள்ல ஒருத்தரை ஃபைனலா செலக்ட் பண்ண, ஒரு போட்டி வைக்கறார். ஜெயிச்சா, கோடி ரூபாய் பரிசும் காத்திட்டு இருக்கு. ஆனா, அந்த போட்டி மத்த யாருக்கும் தெரியக்கூடாதுனு ஒரு கண்டிஷன். இதனால போட்டியாளர்களுக்கு பர்சனல் வாழ்க்கையிலயும் பல பிரச்னைகள். இந்த த்ரில்லர் பந்தயங்கள்லதான் கதை நகரும்! அதனால, சீரியல் பார்க்கறதோட ஒரு கேமையும் என்ஜாய் பண்ண ஃபீல் கிடைக்கும்! இந்த வித்தியாச முயற்சி மக்களுக்கும் பிடிக்கும்!''னு நம்பிக்கையா சொல்ற பப்லு சாரோட 'டிரிபிள் செவன்' சீரியல், ஒவ்வொரு வாரமும் ஒரு கதைனு கலக்கப்போகுதாம்! ஒவ்வொரு கதைக்கும் ஒரு இயக்குனராம்!

கீப்

சன் டி.வியில் சன் குடும்பங்கிற பேரில், சேனல் ஆரம்பித்த இத்தனை வருடங்களில் வந்த நிகழ்ச்சிகள், சீரியலுக்காக பல விருதுகள் தரப் போறாங்க.. அதில் பெஸ்ட் சப்போட்டிங் ஆக்ட்ரஸ்-க்கான பப்லு-வின் சாரி, அரசி சீரியலில் கங்கா கேரக்டருக்காக, நாமினேட் பண்ணியிருக்காங்க.. அதுக்காக மறுபடியும் கங்கா அவதாரம் எடுத்து நாமினேஷக்கு கலந்துக்க போயிருக்கார் பப்லு. வர ஏப்ரல் 14ம் தேதி விருது வழங்கும் விழாவை சன் டி.வியில் பார்க்கலாம். டொய்ங்.. டொய்ங்.. டொய்ங்.

நீ நினைக்கிற மாதிரி சீரியலுக்கு புது ஆள் கிடையாது ரீட்டா' என்று முன்னுரை தந்தவர் தன் பயோடேட்டா-வைச் சொன்னார்.

1989-யில் பிலிம் இன்ஸ்டியூட்-ல ஆக்டிங் கோர்ஸ் படிச்சு முடிச்சதும் கே.எஸ்.சேதுமாதவன்-கிட்ட அசிஸ்டெண்டா சேர்ந்தேன். தமிழில் முதன் முதலா மறுபக்கம்-ங்கிற படம் தங்க தாமரை விருது வாங்கிச்சே, அதில் அசோசியேட் டைரக்டரா ஒர்க் பண்ணினேன்.

படம் து.மாரியப்பன்