Published:Updated:

ராசிபலன்கள்!

ராசிபலன்கள்!

ராசிபலன்கள்!

ராசிபலன்கள்!

Published:Updated:

26-03-2010
ராசிபலன்கள் !
ராசிபலன்கள்!
ராசிபலன்கள்!

ஒட்டுமொத்த விகடனுக்கும் ஒரே ஷார்ட்கட்!

‘ஜோதிட ரத்னா’ கே.பி.வித்யாதரன்

மார்ச் 17-ம் தேதி முதல் 30-ம் தேதி வரை

ராசிபலன்கள்!

மேஷம் உயர்ந்த சிந்தனையுடைய நீங்கள், எதையும் தாங்கும் இதயம் கொண்டவர்கள்.

குரு பகவான் லாப வீட்டில் நிற்பதால் எதிர்பார்ப்புகள் நிறைவேறும். நாடாளுபவர்களின் நட்பு கிடைக்கும். குடும்பத்தில் அமைதி நிலவும். கேட்ட இடத்தில் உதவிகள் கிடைக்கும். கைமாற்றாக கொடுத்த பணத்தை வசூலிப்பீர்கள். கணவர் உங்களுக்கு முக்கியத்துவம் தருவார். பழைய சொத்தை விற்று புது வீடு, மனை வாங்குவீர்கள். புதன் சாதகமான நட்சத்திரங்களில் செல்வதால் பழைய கடன் பிரச்னைகள் தீரும். சுக்கிரன் 12-ல் மறைந்திருப்பதால் வங்கிக் கடன் கிடைக்கும். நவீன ரக ஆடியோ, வீடியோ சாதனங்கள் வாங்குவீர்கள். சூரியன் 12-ல் மறைந்திருப்பதால் அரசு காரியங்களை அலைந்து முடிப்பீர்கள். பிள்ளைகளால் செலவுகள் வரலாம். வியாபாரத்தில் இரட்டிப்பு லாபம் உண்டு. உத்யோகத்தில் மேலதிகாரி உங்களை நம்பி சில முக்கிய பொறுப்புகளை ஒப்படைப்பார்.

சுப செலவுகள் அதிகரிக்கும் காலமிது.

ராசிபலன்கள்!

ரிஷபம் 'என் கடன் பணி செய்து கிடப்பதே' என்றிருக்கும் நீங்கள், புறம் பேசுவதை விரும்பமாட்டீர்கள்.

ராசிநாதன் சுக்கிரன் சாதகமாக இருப்பதால் எதையும் சாதிக்கும் துணிச்சல் வரும். பிரபலங்களின் ஆதரவும் கிட்டும். அந்நிய நாட்டில் இருப்பவர்கள் உதவுவார்கள். கணவருடன் உரிமையாக பேசி, அவரை நல்ல விதமாக மாற்றுவீர்கள். மாமனார், மாமியாரின் அனுசரணை அதிகரிக்கும். மகளுக்கு நல்ல வரன் அமையும். ஆடை, ஆபரணம் சேரும். செவ்வாய் வலுவாக நிற்பதால் உடன்பிறந்தவர்கள் உங்கள் நலனில் அதிக அக்கறை காட்டுவார்கள். 11-ல் சூரியன் நிற்பதால் அரசால் அனுகூலம் உண்டு. புது வேலை அமையும். குரு 10-ல் நிற்பதால் ஓய்வெடுக்க முடியாமல் உழைக்க வேண்டி வரும். நெருங்கிய சொந்தங்களுடன் நெருடல் வந்து நீங்கும். 5-ல் சனி இருப்பதால் மறதி, சோர்வு வரும். வியாபாரத்தில் போட்டிகளை சமாளித்து லாபம் சம்பாதிப்பீர்கள். உத்யோகத்தில் விமர்சனங்களைத் தாண்டி முன்னேறுவீர்கள்.

சாதித்துக் காட்டும் தருணமிது.

ராசிபலன்கள்!

மிதுனம் 'சிறு துரும்பும் பல் குத்த உதவும்' என்பதை அறிந்த நீங்கள், யாரையும் புறக்கணிக்க மாட்டீர்கள்.

சூரியன் 10-ல் நிற்பதால் எதிலும் வெற்றி கிட்டும். அதிகாரப் பதவியில் இருப்பவர்கள் உதவுவார்கள். அரசு காரியங்கள் விரைந்து முடியும். கணவரின் கோபம் குறையும். தந்தைக்கு உடல் நலம் சீராகும். ராசிநாதன் புதன் சாதகமான வீடுகளில் செல்வதால் பிள்ளைகளின் வருங்காலம் குறித்து யோசிப்பீர்கள். வெளிவட்டாரத்தில் மதிக்கப்படுவீர்கள். 4-ல் சனி இருப்பதால் வேலைச்சுமை, டென்ஷன், வாகனச் செலவுகள் ஏற்படக்கூடும். 2-ல் செவ்வாய் நிற்பதால் பேச்சில் காரம் வேண்டாம். சொத்து வாங்குவது, விற்பதில் சிக்கல்கள் வந்து நீங்கும். 7-ல் ராகுவும், ராசிக்குள் கேதுவும் நிற்பதால் பழைய கசப்பான அனுபவங்கள் நினைவுக்கு வரும். வியாபாரத்தில் ரகசியங்கள் யார் மூலம் கசிகிறது என்பதை அறிந்து அதற்கேற்ப செயல்படுவீர்கள். உத்யோகத்தில் மறைமுக எதிர்ப்புகள் வந்து நீங்கும்.

பழைய சிக்கல்கள் தீரும் நேரமிது.

ராசிபலன்கள்!

கடகம் உலக நடப்பை நன்கு அறிந்தவர்கள் நீங்கள்!

புதன் சாதகமான வீடுகளில் செல்வதால் தடைபட்ட வேலைகள் விரைந்து முடியும். எதிர்பார்த்த பணம் கைக்கு வரும். பிள்ளைகளால் செல்வாக்கு கூடும். வீடு கட்டும் பணியை தொடர கடன் கிடைக்கும். உங்கள் ஆலோசனைகளை கணவர் ஏற்றுக் கொள்வார். ராகு சாதகமாக இருப்பதால் ஷேர் மூலம் பணம் வரும். சொத்து சம்பந்தப்பட்ட வழக்கில் நல்ல தீர்ப்பு கிடைக்கும். வெளியூர் பயணங்களால் ஆதாயமடைவீர்கள். 8-ல் நிற்கும் குருவால் மறதி, ஏமாற்றம், உடல் உபாதை வந்து நீங்கும். வீடு, வாகனப் பராமரிப்புச் செலவுகள் அதிகரிக்கும். அந்தரங்க விஷயங்களை அந்நியர்களிடம் பகிர்ந்து கொள்ள வேண்டாம். சூரியன் 9-ம் வீட்டில் அமர்ந்ததால் தந்தையாரின் உடல் நிலை பாதிக்கப்படலாம். உறவினருடன் கருத்து மோதல் ஏற்படும். வியாபாரத்தில் லாபம் குறையாது. உத்யோகத்தில் ஒரே நேரத்தில் பல வேலைகளைப் பார்க்க வேண்டி வரும்.

வாக்கு சாதுர்யத்தால் வெற்றி பெறும் வேளையிது.

ராசிபலன்கள்!

சிம்மம் முன் வைத்த காலை பின் வைக்காத நீங்கள், எதையும் முகத்துக்கு நேராக பேசுவீர்கள்.

கேது வலுவாக நிற்பதால் இழுபறியாக இருந்த பல வேலைகள் உடனே முடியும். உங்களைச் சுற்றியிருப்பவர்களில் நல்லவர்கள் யார் என்பதை உணர்வீர்கள். கணவரிடம் பக்குவமாகப் பேசி அவரின் திறமையை வெளிக்கொணர்வீர்கள். புதன் சாதகமான வீடுகளில் செல்வதால் புதியவர்கள் நண்பர்களாவார்கள். குரு பகவான் 7-ல் நிற்பதால் மதிப்பு, மரியாதை கூடும். பணவரவு அதிகரிக்கும். வீட்டில் சுப நிகழ்ச்சிகள் நடக்கும். புண்ணிய தலங்களுக்குச் காணிக்கை செலுத்துவீர்கள். 17-ம் தேதி முதல் 18-ம் தேதி காலை 10 மணி வரை அவசர முடிவுகளைத் தவிர்ப்பது நல்லது. சூரியன் 8-ல் மறைந்ததால் மன இறுக்கம், உடல் உபாதை வந்து நீங்கும். அரசு காரியங்கள் சற்று தாமதமாகி முடியும். வியாபாரத்தில் சந்தை நிலவரம் அறிந்து புது ஏஜென்ஸி எடுப்பீர்கள். உத்யோகத்தில் அதிகாரிகள் மதிப்பார்கள்.

போராடி வெற்றி பெறும் காலமிது.

ராசிபலன்கள்!

கன்னி மனதில் பட்டதை 'பளிச்'சென்று பேசும் நீங்கள், தன்மானம் உள்ளவர்கள்.

யோகாதிபதி சுக்கிரன் தொடர்ந்து உச்சமாகி ராசியைப் பார்ப்பதால் உங்கள் செயலில் வேகம் அதிகரிக்கும். அழகு, இளமை கூடும். வீடு, வாகன வசதி பெருகும். வெள்ளியிலான பொருட்கள் வாங்குவீர்கள். உங்களிடம் கடன் வாங்கியவர்கள் பணத்தைத் திருப்பித் தருவார்கள். பிள்ளைகளின் இசை, ஓவிய விளையாட்டுத் திறனை ஊக்குவிப்பீர்கள். செவ்வாய் வலுவாக இருப்பதால் எதிர்பார்த்த விலைக்கு பழைய மனையை விற்பீர்கள். பழுதாகியிருந்த வாகனம் ஓடும். 7-ல் சூரியன் நிற்பதால் காரியத் தடை, முன்கோபம் வந்து நீங்கும். 18-ம் தேதி காலை 10 மணி முதல் 20-ம் தேதி மாலை 5 மணி வரை எதிலும் நிதானித்து செயல்படுங்கள். வியாபாரத்தில் வேலையாட்களிடம் கனிவாகப் பேசி வேலை வாங்குவது நல்லது. உத்யோகத்தில் அதிகாரிகளால் மதிக்கப்படுவீர்கள்.

சகிப்புத்தன்மையால் முன்னேறும் நேரமிது.

ராசிபலன்கள்!

துலாம் தன்னைச் சுற்றியிருப்பவர்களை சிரமப்படாமல் பார்த்துக் கொள்ளும் நீங்கள், கொள்கைப் பிடிப்பு அதிகம் உள்ளவர்கள்.

குரு பகவான் வலுவாக இருப்பதால் நினைத்ததை முடிப்பீர்கள். தெய்வ அருள் கிட்டும். திடீர் பணவரவு உண்டு. பூர்விக சொத்து கைக்கு வரும். மகனுக்கு எதிர்பார்த்த நிறுவனத்தில் வேலை கிடைக்கும். தோழிகள், உறவினர்கள் தேடி வந்து பேசுவார்கள். 20-ம் தேதி மாலை 5 மணி முதல் 22-ம் தேதி வரை பயணங்களில் கவனம் தேவை. சூரியன் 6-ல் நிற்பதால் தள்ளிப் போன வழக்குகளில் நல்ல தீர்ப்பு கிடைக்கும். அரசால் ஆதாயம் உண்டு. சகோதரர் பாசமழை பொழிவார். 6-ல் சுக்கிரன் தொடர்வதால் உடல் நலக் கோளாறு வந்து நீங்கும். புதன் சாதகமான நட்சத்திரத்தில் இருப்பதால் கமிஷன், புரோக்கரேஜ் வகைகளால் பணம் வரும். வியாபாரத்தில் அனுபவமிக்க வேலையாட்களை பணியில் அமர்த்துவீர்கள். உத்யோகத்தில் அதிகாரிகளைப் பகைத்துக் கொள்ள வேண்டாம். இடமாற்றம் உண்டு.

விட்டதை பிடிக்கும் வேளையிது.

ராசிபலன்கள்!

விருச்சிகம் 'உலகம் ஒரு சந்தை மடம்' என்பதை உணர்ந்த நீங்கள், அதிகம் ஆசைப்பட மாட்டீர்கள்.

சுக்கிரன் 5-ல் நிற்பதால் புதிய பாதை தெரியும். ஓரளவு பணம் வரும். குடும்பத்தில் உங்கள் வார்த்தைக்கு மதிப்பு கூடும். கணவரின் நம்பிக்கையைப் பெறுவீர்கள். விலை உயர்ந்த மின்சார சாதனங்களை வாங்குவீர்கள். மனதுக்குப் பிடித்தவர்களை சந்திப்பீர்கள். சனி பகவான் சாதகமாக இருப்பதால் பெரிய பதவியில் இருப்பவர்கள் உதவுவார்கள். சொத்து பிரச்னைக்கு நல்ல தீர்வு கிடைக்கும். 23, 24 ஆகிய தேதிகளில் முன்கோபத்தைத் தவிர்க்கவும். 4-ல் குரு நிற்பதால் இனந்தெரியாத கவலைகள், உடல் அசதி வந்து விலகும். சூரியன் 5-ல் இருப்பதால் வீண் டென்ஷன், உடல் உபாதை வந்து நீங்கும். வியாபாரத்தில் பங்குதாரர்கள், வேலையாட்களால் நிம்மதி இழக்க நேரிடலாம். உத்யோகத்தில் மூத்த அதிகாரிகள் ஆதரிப்பார்கள்.

அறிவுப்பூர்வமாக செயல்பட வேண்டிய காலமிது.

ராசிபலன்கள்!

தனுசு மனித நேயம் மிக்க நீங்கள், தன்னை நம்பி வந்தவர்களை கைவிடமாட்டீர்கள்.

சூரியன் சாதகமாக இருப்பதால் தன்னம்பிக்கை பிறக்கும். திட்டமிட்ட காரியங்கள் கைகூடும். குடும்பத்தில் நிம்மதி உண்டு. பிள்ளைகள் நீண்ட நாள் கேட்டுக் கொண்டிருந்ததை வாங்கித் தருவீர்கள். சுக்கிரன் சாதகமாக இருப்பதால் அடகிலிருந்த பழைய நகையை மீட்பீர்கள். பழைய கடனில் ஒரு பகுதியை பைசல் செய்வீர்கள். 8-ல் செவ்வாய் நிற்பதால் சொந்த பந்தங்களை அனுசரித்து நடந்து கொள்ளுங்கள். 25, 26 ஆகிய தேதிகளில் யாருக்காகவும் ஜாமீன் கையெழுத்திட வேண்டாம். சனி பகவான் வலுவாக இருப்பதால் கௌரவம் கூடும். ராசிக்குள் ராகுவும், 7-ல் கேதுவும் நிற்பதால் கணவன்-மனைவிக்குள் ஈகோ பிரச்னை ஏற்படலாம். 'எவ்வளவு பணம் வந்தாலும் எடுத்து வைக்க முடியவில்லையே' என்று ஆதங்கப்படுவீர்கள். வியாபாரத்தில் பழைய பாக்கிகள் வசூலாகும். உத்யோகத்தில் சக ஊழியர்களை உதாசீனப்படுத்த வேண்டாம்.

தடைகளை தாண்டும் தருணமிது.

ராசிபலன்கள்!

மகரம் யதார்த்தமான பேச்சால் ஈர்க்கும் நீங்கள், பேதம் பார்க்காமல் எல்லோரிடமும் எளிமையாகப் பழகுவீர்கள்.

சுக்கிரன் சாதகமாக இருப்பதால் தொட்ட காரியம் துலங்கும். பணபலம் உயரும். குடும்பத்தில் உங்கள் கை ஓங்கும். வி.ஐ.பி-க்களின் அறிமுகம் கிட்டும். கணவர் உங்களிடம் முக்கிய விஷயங்களைப் பகிர்ந்து கொள்வார். 3-ம் வீட்டில் சூரியன் அமர்ந்ததால் கோபம் தணியும். தாழ்வுமனப்பான்மை நீங்கும். அரசு வேலைகள் வேகமாக முடியும். உடல் உபாதை நீங்கும். தடைபட்டிருந்த வீடு கட்டும் பணியைத் தொடங்க பணம் கிடைக்கும். 27,28 ஆகிய தேதிகளில் விவாதங்களைத் தவிர்ப்பது நல்லது. குரு பகவான் 2-ல் நிற்பதால் மகளுக்கு மாப்பிள்ளை தேடுவதில் தீவிரம் காட்டுவீர்கள். உறவினர்களுடன் இருந்த மனக்கசப்பு நீங்கும். ராகு 12-ல் நிற்பதால் ஒருவித பதற்றம், தூக்கமின்மை வந்து போகும். வியாபாரத்தில் அதிரடி லாபம் உண்டு. புது பங்குதாரருடன் சேர்வீர்கள். உத்யோகத்தில் உங்கள் கருத்துக்கு ஆதரவு பெருகும்.

வெற்றிக் கனியை சுவைக்கும் நேரமிது.

ராசிபலன்கள்!

கும்பம் மற்றவர்களின் மனம் கோணாமல் பேசும் நீங்கள், 'தன் கையே தனக்கு உதவி' என்று நினைப்பீர்கள்.

செவ்வாய் வலுவாக இருப்பதால் எதையும் தைரியமாக செய்து முடிப்பீர்கள். சொன்ன சொல்லைக் காப்பாற்றுவீர்கள். பல முறை முயன்றும் முடிக்க முடியாத காரியங்களை முடித்துக் காட்டுவீர்கள். எதிர்பார்த்த வங்கிக் கடன் உதவி கிடைக்கும். ஜென்ம குருவால் நெருங்கிய சொந்தங்களுடன் நெருடல் வந்து நீங்கும். மனை, வாகனம் வாங்குவீர்கள். அஷ்டமத்துச் சனி நடப்பதால் அவ்வப்போது கணவர் கோபப்படலாம். வெளிவட்டாரத்தில் புதியவர்களை நம்பி ஏமாற வேண்டாம். புதன் சாதகமான வீடுகளில் செல்வதால் நிர்வாகத் திறன் கூடும். ராகு 11-ல் இருப்பதால் நீண்ட நாட்களாக நினைத்துக் கொண்டிருந்த புண்ணிய தலத்துக்கு செல்வீர்கள். 29,30 ஆகிய தேதிகளில் யாரையும் பகைத்துக் கொள்ள வேண்டாம். வியாபாரத்தில் ஆழம் தெரியாமல் காலை விடாதீர்கள். உத்யோகத்தில் அதிகாரிகளுடன் அளவாக பழகுங்கள்.

'துணிவே துணை' என்று நினைக்கும் காலமிது.

ராசிபலன்கள்!

மீனம் தன்மானம் அதிகம் கொண்ட நீங்கள், யார் தயவிலும் வாழ மாட்டீர்கள்.

சந்திரன் சாதகமான வீடுகளில் செல்வதால் தடைகள் நீங்கும். ஒரு சொத்தைக் காப்பாற்ற மற்றொரு சொத்தை விற்க வேண்டி வரும். குடும்பப் பொறுப்புகள் அதிகரிக்கும். வர வேண்டிய பணத்தை பல முறை கேட்டுப் பெறுவீர்கள். பிள்ளைகள் உங்கள் அருமையைப் புரிந்து கொள்வார்கள். மகளுக்கு நல்ல வரன் அமையும். வீடு, வாகனத்தை சீர் செய்வீர்கள். 7-ல் சனி நிற்பதால் எதிர்மறை எண்ணங்கள் தோன்றும். ராசிக்குள் சூரியன் இருப்பதால் படபடப்பு, வீண் அலைச்சல், உறவினர் பகை வந்து நீங்கும். அரசு விவகாரங்களில் அலட்சியம் வேண்டாம். சிக்கனமாக இருக்க வேண்டுமென்று நினைத்தாலும், அத்தியாவசிய செலவுகள் அதிகரிக்கும். வியாபாரத்தில் பங்குதாரர்களை மாற்றுவீர்கள். உத்யோகத்தில் முக்கிய கோப்புகளை கையாளும்போது அலட்சியம் வேண்டாம்.

விடாமுயற்சி தேவைப்படும் வேளையிது.

ராசிபலன்கள்!
 
ராசிபலன்கள்!
ராசிபலன்கள்!
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism