இங்கிலீஷ் எப்பூடி?

நான் பி.யூ.சி. சேர்ந்த அன்று, முதல் வகுப்பிலேயே பௌதிக ஆசிரியர் பாடம் எடுக்க ஆரம்பித்துவிட்டார்... அதுவும் ஆங்கிலத்திலேயே! ஆசிரியர் அவ்வப்போது 'இஸ் இட் நாட்?' என்று கேட்டுக் கொண்டேயிருக்க, ஆங்கில மீடிய மாணவிகளோ 'யெஸ் மேம்' என்று அதற்கு பதில் அளித்துக் கொண்டிருந்தார்கள். தமிழ் மீடிய மாணவிகளெல்லாம் பம்மி அமர்ந்திருக்க, எங்கள் குரூப்பில் இருந்த தோழி ஒருத்தியோ... திடீரென, 'இஸ் இட் நாட்?' என்று மேம் கேட்கும் போதெல்லாம், 'யெஸ் மேம்' என்று பதிலளித்தாள். எங்களுக்கோ அவ்வளவு ஆச்சர்யம்.

வகுப்பு முடிந்ததும், ''எப்படி டீ?'' என்று நாங்கள் எல்லோருமே வியப்போடு கேட்க...

''மேம், 'இஸ் இட் நாட்'னு கேட்டா, நாம 'யெஸ்'னு சொல்ல ணும். அவ்ளோதான். அதுக்கு அர்த்தமெல்லாம் எனக்குத் தெரி யாது!'' என்று உண்மை விளம்பி னாள். அவளுடைய ஐ.க்யூவை (!) எண்ணி அசந்து, அவளை மொத்திவிட்டோம் மொத்தி!

- வி.மணிமேகலை, அவினாசி

வாக்கிங் நாய்... வகுப்புக்குள்ளே!

எங்கள் வீட்டுக்கு அருகிலேயே என்னுடைய காலேஜ். எங்கள் வீட்டு நாய் ஜாலி, தினமும் கல்லூரி வாசல் வரை என்னுடன் வந்துவிட்டு, திரும்பிவிடும். ஒரு நாள், 'போ போ...' என்று நான் விரட்ட விரட்ட, வகுப்பறை வரை தொடர்ந்து வந்தது. வகுப்புக்குள் ஒரு ஓரமாக படுத்துக்கொண்டது. அதற்குள் பெல் அடித்து, மேம் வந்து கிளாஸ் எடுக்க ஆரம்பித்துவிட... அனைவரும் கப்சிப்!

'எப்ப குரைச்சு, நம்மள மாட்டிவிடப் போகுதோ...' என்ற பதைபதைப்புட னேயே நொடிகள் நகர்ந்தன. ஒருவழி யாக பீரியட் முடிந்து பெல்லும் அடித்துவிட, 'அப்பாடி' என்று பெருமூச்சுவிட்டேன். ஆனால், மேம் வகுப்பிலிருந்து வெளியேறியபோது, அவரை முந்திக்கொண்டு என் ஜாலி ஓட, 'செத்தேன்!' என்று நினைத்துக் கொண்டேன். திகிலடைந்து விசாரித்த மேமிடம்... நான் உண்மையை ஒப்பித் தேன். மேமோ ஆச்சர்யத்துடன், ''முக் கால் மணி நேரமா கிளாஸ்ல எந்த சத்தமும் போடாம ஒரு நாய் உட்கார்ந் திருந்ததா... குட்!

நீங்களும்தான் இருக்கீங் களே?!'' என்று ஒரு 'குட்டு' வைத்து நகந்தார். அந்த அவமானத்தையும் மீறி வகுப்பில் வெடித்தது சிரிப்பொலி!

- இந்திராணி தங்கவேல், மும்பை

"குட்டாதீங்க மேம்... அடிங்க!"

என் தோழி ஒருத்தி பயங்கர 'ஹேர் ஸ்டைல் கான்ஷியஸ்'. எப்போது பார்த்தாலும் விதவிதமாக ஹேர் ஸ்டைல் செய்துகொண்டு வருவது, இன்டர்வெல்களில் பாத்ரூம் கண்ணாடியில் ஒருமுறை தலைசீவிக் கொள்வது, ஹேர்பின்களை சரிசெய்து 'டச் அப்' செய்து கொள்வது என்று அலப்பறையைக் கொடுப்பாள். ஒருநாள் எங்கள் வகுப்புக்கு மேம் வருவது தாமதமாகவே... பேச்சு, பாட்டு என்று சற்று அதிகமாகவே கூச்சல்போட்டுக் கொண்டிருந்தோம். வராண்டாவிலேயே அதையெல்லாம் கேட்டுவிட்டதால், கோபமாக வகுப்புக்குள் நுழைந்த மேம், அனைவருக்கும் குட்டு வைத்தார். அப்போது அந்த 'ஹேர் ஸ்டைல்' தோழியின் முறை வர, ''ப்ளீஸ் மேம்... குட்டாதீங்க... தலை கலைஞ்சுடும். வேணும்னா கையில அடிச்சுக்கோங்க...'' என்று பதற, கோபம் மறைந்து மேமே சிரித்து விட்டார்!

வடிவேலு ஜோக் அளவுக்கு இந்தக் கதை இப்போது என் குழந்தைகளிடம் ஹிட்!

- ஜே.அனிதா, திருச்சி