Published:Updated:

கேபிள் கலாட்டா!

கேபிள் கலாட்டா!

கேபிள் கலாட்டா!

கேபிள் கலாட்டா!

Published:Updated:

 
ரிமோட் ரீட்டா
கேபிள் கலாட்டா!
கேபிள் கலாட்டா!

ஒட்டுமொத்த விகடனுக்கும் ஒரே ஷார்ட்கட்!

பதினாறு அடி பாயும் 'குட்டி'வாரிசு !
கேபிள் கலாட்டா!

''விஜய் டி.வி-யில 'யாமிருக்க பயமேன்' சீரியல் ஆரம்பிச்சாலும் ஆரம்பிச்சாங்க... நைட் டின்னருக்கு ஆம்லெட்கூட போட்டுத் தர மாட்டேங்கறாங்கப்பா, எங்க மம்மி! ஏன்னு யோசிக்கறீங்களா...? ஏன்னா... ஏன்னா... பக்தி சீரியலாம்!''

- இப்படி படுமொக்கையா ஒரு ஜோக் சொல்லித்தான் பேட்டியை ஆரம்பிச்சேன் விஜய் டி.வி-யோட புரோகிராம் ஹெட் பிரதீப் மில்ராய் பீட்டர்கிட்ட! 'ஹா ஹா ஹா!'னு சிரிச்சவர், சீரியல் பத்தின கதை சுருக்கத்தையும் சொன்னார்.

"பழனி முருகன் சிலையை உருவாக்கினது போகர்ங்கற சித்தர். இது புராணங்கள் கூறும் உண்மை. ஆனா, 'அதேமாதிரி இன்னொரு நவபாஷண சிலையையும் போகர் உருவாக்கியிருக்கார். அது பழனி மலைக்குள்ளதான் எங்கயோ இருக்கு'ங்கற நம்பிக்கையும் காலம் காலமா தொடர்ந்துட்டு வருது. அந்த 'இரண்டாவது சிலை'யை மையப்படுத்திதான் இந்த சீரியல் நகரும். கதைப்படி, இந்திராணி அம்மாவும் தினைக்காத்தான் என்ப வரும் அந்த சிலையை தங்களோட பரம்பரை சொத்தா நினைக்கறாங்க. இதனால அந்த ரெண்டு குடும்பத்துக்கும் பகை. இதுக்கு நடுவுல அந்த ஊர்ல நடந்த கொலையை விசாரிக்க புதுசா ஒரு இன்ஸ்பெக்டர் வர்றார். கூடவே, சிலையைத் தேடற கூட்டம் மலையில வாழற சித்தர்களைப் பார்க்கறாங்க. அவங்ககிட்ட நிறைய அமானுஷ்ய சக்திகள் இருக்கு. இதுக்கு மேல நீ சீரியல் பார்த்து தெரிஞ்சுக்கோ!" ஃபுல்ஸ்டாப் வச்ச பிரதீப்கிட்ட,

"ஆன்மிகத்தை, அது சார்ந்த நம்பிக்கையை வெச்சு சீரியல் எடுக்கறீங்க. கத்தி மேல் நடக்கற வேலை. எப்படிச் சமாளிக்கப் போறீங்க?"னு கேட்டேன்.

"இது இந்திரா சௌந்தரராஜன் சாரோட கதை ரீட்டா. அதனால, எதை, எங்கே, எப்படி ஜஸ்டிஃபை பண்ணணும்ங்கற பொறுப்பை எல்லாம் சார் அழகா பார்த்துப்பார். தவிர, இந்த கதையோட கருதான் புராண நம்பிக்கையை சார்ந்ததே தவிர, கதை நிகழ்வுகள் எல்லாம் முழுக்க முழுக்க கற்பனைதான். எல்லாத்துக்கும் மேல, முருகன் இருக்க பயமேன்?!"னு தெம்பா முடிச்சார் பிரதீப்!

விட்டா விஜய் டி.வி. ஆபீஸ்ல விபூதியே கொடுத்திருப்பாங்க! அவ்ளோ இன்வால்வ்மென்ட்டாம்!

கலைஞர் டி.வி. 'அபிராமி' சீரியலோட எக்ஸிக்யூட்டிவ் புரொட்யூசர் கீர்த்தனாதான் சீரியலோட கதாசிரியர்னு தெரியவர, அட்ரஸ் வாங்கிட்டு அவங்க வீட்டுக்குப் போனேன். "வா ரீட்டா!''னு வெல்கம் பண்ணினது... குட்டி பத்மினி மேடம்!

கேபிள் கலாட்டா!

"நீங்க எப்படி இங்க...?"னு நான் சர்ப்ரைஸாக, "கீர்த்தனா, என் மூத்த பொண்ணுதான்!"னு செகண்ட் சர்ப்ரைஸ் கொடுத்தாங்க மேடம்!

இனி ஓவர் டு கீர்த்தனா.

"நான், 'நியூயார்க் ஃபிலிம் அகாடமி'யில படிச்சு முடிச்ச கையோட, அம்மா, அப்பா ஏரியாவான சீரியல் பக்கம் கவனம் செலுத்தினேன் ரீட்டா. சன் டி.வி-யில வந்த 'கலசம்' சீரியல்ல எனக்கு புரொட்யூசர் பொறுப்பு கொடுத்தாங்க அப்பா. அடுத்ததா, 'அபிராமி' சீரியல் கதையை முழுசா எழுதி முடிச்சு அம்மாகிட்ட கொடுத்தேன். 'இந்த சீரியல்ல கௌதமி மேடம் நடிச்சா நல்லாயிருக்கும்'னு சொன்ன அம்மா, எட்டு மாசம் அலைஞ்சு அவங்க கால்ஷீட் வாங்கினாங்க. அப்பறம் சீரியலைத் தயாரிக்க அபிராமி ராமநாதனை அணுகினோம். அவருக்குக் கதை பிடிச்சுப்போக, இதோ... 'அபிராமி' சீரியல் வெற்றிகரமா ஓடிட்டு இருக்கு"னு சொன்ன கீர்த்தனா,

"சீரியல்ல வர்ற அந்தக் குட்டிப் பொண்ணு கல்யாணி யாரு தெரியுமா?"னு ஒரு கேள்வியைப் போட்டாங்க.

நான் கொஞ்ச நேரம் மண்டையைச் சொறிய.. "என் தங்கைதான் கல்யாணி!"னு சொன்ன கீர்த்தனாவுக்கு பெருமை பிடிபடல.

நியூயார்க் டெக்னாலஜி, புரொட்யூசர், ஸ்டோரி ரைட்டர்னு வளர்ந்துகிட்டிருக்கற கீர்த்தனா பொண்ணு, ஜெயா டி.வி-யில 'அருக்காணி டு அழகுராணி'ங்கற பேருல காலேஜ் கேர்ள்ஸ்களை வெச்சு ஷோ பண்ணப் போறாங்களாம்!

'குட்டி பதினாறு அடி பாயணும்'கிறதுதானே பழமொழி. கலக்குங்க ஜூனியர்!

வாசகிகள் விமர்சனம் !

கேபிள் கலாட்டா!

"பெரும்பாலும், ஹாலிவுட் படங்களில் பயத்தையும், அருவருப்பையும் தரக்கூடிய பறவையாக வெளவாலைக் காட்டுவதால், அதைப் பார்த்தாலே நமக்கு ஒருவித பீதி கிளம்பும். விஜய் டி.வி 'நடந்தது என்ன?' நிகழ்ச்சியில் வெளவாலைப் பற்றிய விவரித்த விஷயங்கள் நம் எண்ணத்தை 'தலைகீழாக' மாற்றிவிட்டது. வெளவால்களை ஆராய்ச்சி செய்து வரும் பேராசிரியர், 'பாட புத்தகங்களில்... வெளவால் முட்டையிடும், அதற்கு கண் தெரியாது என்று இருக்கும் தவறான செய்திகளை நீக்க வேண்டும். அது குட்டிப் போடும் பாலூட்டி இனத்தைச் சேர்ந்தது. உலகில் ஆயிரத்துக்கும் மேற்பட்ட வெளவால் இனங்கள் உள்ளன' என்று கூறியவர், தீப்பெட்டி சைஸில் இருந்த ஒரு டப்பாவைத் திறந்து, 'இதுதான் உலகிலேயே சிறிய வண்ணத்துப்பூச்சி வெளவால். இதன் எடை வெறும் 3 கிராம்' என்று ஆச்சரியத் தகவல் தந்தார்'' என வியந்து பாராட்டுகிறார் சத்திய மங்கலத்தில் இருந்து ஏ.ஜே.தில்ஷாத் பேகம்.

"விஜய் டி.வி. 'ஜுனியர் சூப்பர் சிங்கர்' நிகழ்ச்சியில் சிறப்பு விருந்தினர்களாக வந்த ஒரு வி.ஐ.பி. தம்பதி, தங்கள் அன்பை வெளிப்படுத்தும் விதமாக மேடையில் முத்தம் கொடுத்த காட்சி சற்றே மனதை நெருடியது. பொது நிகழ்ச்சிகளில் இதையெல்லாம் தவிர்த்திருக்கலாம்'' என்று ஆதங்கப்படுகின்றனர் சென்னை, அடையாறில் இருந்து பத்மாவும், மதுரையில் இருந்து விஜயலஷ்மி காமேஸ்வரனும்.

''ஒரு குழந்தை சுவரில் பென்சிலால் கிறுக்கிக் கொண்டிருக்கும். அதைப் பார்த்த குழந்தையின் அம்மா, 'கிறுக்கக்கூடாதுனு எத்தனை தடவை சொல்லி இருக்கேன்' என்று கண்டிப்பார். கணவனிடம் திரும்பி, 'குழந்தை கிறுக்குவதை பார்த்துக் கொண்டிருக்கிறாயே' என்றும் கோபப்படுவாள். உடனே கணவனும் சுவரில் கிறுக்குவான். கூடவே, 'இது நம்ம சொந்த வீடு, வாடகை வீடு இல்ல' என்பான். உடனே, 'லைஃப் இன்ஷ¨ரன்ஸ் ஃபார் ஹவுஸ் லோன்' என்று விளம்பரம் ஓடிவரும்.

குழந்தைக்கு, ஒரு அம்மா நல்ல விஷயத்தைச் சொல்லும்போது, அதை மீறி, அப்பாவும் அதே தவறைச் செய்வது போலக் காட்டுவது... குழந்தை களின் மனதில் குழப்பங்களை விதைத்து, தவறு களுக்குத் துணைபோவது போலத்தானே ஆகும்! விளம்பரம் செய்பவர்கள், இதையெல்லாம் யோசிக்கக் கூடாதா?'' என்று உரிமையோடு கேட்கிறார் செகந்திரா பாத்தில் இருந்து உஷா ராஜகோபாலன்.

ஒவ்வொன்றுக்கும் பரிசு 75

கேபிள் கலாட்டா!
 
கேபிள் கலாட்டா!
கேபிள் கலாட்டா!
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism