Published:Updated:

என் டைரி 221 - - சிநேகிதிக்கு.. சிநேகிதிக்கு..

என் டைரி 221 - - சிநேகிதிக்கு.. சிநேகிதிக்கு..

என் டைரி 221 - - சிநேகிதிக்கு.. சிநேகிதிக்கு..

என் டைரி 221 - - சிநேகிதிக்கு.. சிநேகிதிக்கு..

Published:Updated:

 
என் டைரி - 221
என் டைரி 221 - -  சிநேகிதிக்கு.. சிநேகிதிக்கு..
என் டைரி 221 - -  சிநேகிதிக்கு.. சிநேகிதிக்கு..

ஒட்டுமொத்த விகடனுக்கும் ஒரே ஷார்ட்கட்!

'மன'மில்லா மருமகள்...மணக்காத மகன் வாழ்க்கை !

ஆசைக்கும் ஆஸ்திக்கும் ஒரே மகனைப் பெற்று, பெற்றோரை மதிக்கும் பிள்ளையாக வளர்த்து ஆளாக்கி, இன்று அவனுடைய வாழ்க்கையே கேள்விக்குறியாகிப் போக, பரிதவித்து நிற்கும் பரிதாபத் தாய் நான்.

நன்றாகப் படித்த என் அருமை மகன், இன்று பெரிய நிறுவனம் ஒன்றில் உயர் பதவி வகிக்கிறான். தூரத்து உறவுக்காரரின் உதவியோடு பெண் பார்த்தோம். "அருமையாகச் சமைப்பாள். எல்லா வேலையையும் இழுத்துப் போட்டுச் செய்வாள்" என்று பெண்ணின் அத்தை பெருமையாகச் சொன்னார். தழைய தழைய கூந்தலும், தலைநிறைய பூவுமாக மகாலட்சுமியே மருமகளாக வரப்போவதாக மகிழ்ச்சியில் துள்ளினேன்.

என் டைரி 221 - -  சிநேகிதிக்கு.. சிநேகிதிக்கு..

திருமணமும் விமரிசையாக முடிந்து, வலது காலை எடுத்து வைத்து நுழைந்த அன்றே, என் மகனிடம் முகம் கொடுத்து பேசவில்லை மருமகள். யாரையும் நேருக்கு நேர் பார்ப்பதில்லை. தனக்குத் தானே சிரித்துக் கொள்வதும், எல்லோரையும் எதிரிபோல் பார்ப்பதும், கண்டபடி ஏதேதோ உளறுவதும், எப்போதும் தலை விரிகோலமாக திரிவதுமாக எங்களையெல்லாம் திகிலில் ஆழ்த்திவிட்டாள். சமையலாவது தெரியுமா என்றால், அடுப்பை பற்றவைத்து, வெறும் சட்டியை வைத்துவிட்டு போய்விடுவாள். எந்த வேலையும் முழுமையாக செய்யத் தெரியவில்லை. வெளியே அழைத்துப் போனால் பார்ப்பவர்களிடமெல்லாம் சண்டை.

அவளுடைய உறவினர்கள், நண்பர்கள் என்று விசாரித்தபோது, அவள் மனநோயால் பாதிக்கப்பட்டு, வருடக்கணக்கில் மருந்து, மாத்திரைகளைச் சாப்பிட்டு வருவதும், 'திருமணம் செய்தால் சரியாகிவிடும்' என்ற நம்பிக்கையில் திருமணம் நடத்தியதாகவும் தெரிந்து, கதிகலங்கிப் போனோம்.

இதுபற்றி, சம்பந்தியிடம் கேட்டபோது, எங்களின் பரிதவிப்பைச் சற்றும் உணராமல், "வேணும்னா டைவர்ஸ் பண்ணிடுங்க" என்று மகளை அழைத்துப் போய்விட்டார்.

பதினைந்து நாட்கள் கழித்து சம்பந்தி வீட்டுக்குச் சென்றபோது, மருமகள் மட்டும் தனியாக இருந்தாள். அவளுடைய செய்கைகளில் துளியும் மாற்றமில்லை. எங்களைக் கண்டபடி அசிங்கமாகத் திட்டி அனுப்பிவிட்டாள். அவளுடைய பெற்றோரும் "இப்படி திடீர்னெல்லாம் வீட்டுக்கு வராதீங்க" என்று போன் மூலம் மிரட்டலாகச் சொன்னார்கள். வேறு வழியில்லாமல், கோர்ட்டில் விவாகரத்து வழக்கு நடக்கிறது.

திருமணமான ஒரே வாரத்தில் குடும்பத்தின் ஒட்டுமொத்த நிம்மதியையும் இழந்து, ஊருக்குள்ளும் அவமானப்பட்டு நிற்கிறோம். படித்த பெண், பார்ப்பதற்கும் நன்றாக இருக்கிறாள் என்பதை மட்டுமே பார்த்த நாங்கள், முழுமையாக விசாரித்து அறியாது போனதால் வந்த தண்டனை இது!

வாழ்க்கை போனது ஒரு பக்கமிருக்க... வழக்கு எப்படி போகுமோ... மகனின் வாழ்க்கை என்னாகுமோ... என்றெல்லாம் ஏராளமான கேள்வி களுடன் கதறுகிறது என் நெஞ்சம். என் மன உளைச்சலுக்கு மருந்திடுங்கள் தோழிகளே..!

- ஊர், பெயர் வெளியிட விரும்பாத வாசகி

சிநேகிதிக்கு... சிநேகிதிக்கு...

என் டைரி 221 - -  சிநேகிதிக்கு.. சிநேகிதிக்கு..

"காதலித்து திருமணம் செய்துகொண்ட அருமை மகளுடன் பேச்சு வார்த்தைகூட இல்லாமல் போனது. இரண்டு குழந்தைகள் பிறந்ததும்தான் எல்லோரும் ஒன்றானோம். மருமகன் விபத்தில் இறந்துவிட, மகளுக்குத் துணையாக அவளுடனே தங்கி, மகளை கம்ப்யூட்டர் வகுப்பில் சேர்த்து, மேற்படிப்பையும் தொடரச் செய்தோம். கடந்த ஆறு மாதங்களாக அவளின் போக்கில் அதிரடி மாற்றங்கள்... கம்ப்யூட்டர், செல்போன் என்று பழியாக் கிடப்பதுடன், ஆண் நண்பர்களை வீட்டுக்கும் அழைத்து வந்து அரட்டை அடிக்கிறாள். அதேசமயம், மறுமணம் செய்து கொள்ள மறுக்கிறாள். இது ஏதாவது விபரீதத்தில் கொண்டு போய்விடுமோ என்று வேதனையில் துடிக்கிறோம். குழப்பத்துக்கு விடை தாருங்கள் தோழிகளே!''

இளமையின் தனிமை, இனக்கவர்ச்சிக்கும் வழிவகுத்துவிடும் என்ற உங்களின் பயத் திலும் நியாயம் இருக்கவே செய்கிறது. எனவே, நட்பு என்ற போர்வையில் உங்கள் வீட்டுக்குள் நுழையும் வாலிபர்களை வரவிடாமல் தடுக்க என்ன வழியோ... முதலில் அதை பக்குவமாகச் செய்யுங்கள் - உங்கள் மகளும் ஏற்றுக்கொள்ளும் வகையில்!

என் டைரி 220-ன் சுருக்கம்...

'பெண் குழந்தையை வைத்திருக்கிறாய்.உன்னுடைய நடவடிக்கைகள் அவளை பாதித்துவிடக் கூடாது. இன்னல்களும், துயரங்களும் நிரந்தரமானவை அல்ல. அவை பாலத்தினடியில் ஓடும் தண்ணீரைப் போல் கடந்துவிடும்'என்று உதாரணம் காட்டி பாசத்துடன் எடுத்துச் சொல்லுங்கள். அதற்கு நிச்சயம் பலன் இருக்கும் என்பதில் சந்தேகமே இல்லை. ஏனெனில், தவறான பாதையை அவள் தேர்ந்தெடுக்க நினைத்திருந்தால்... ஆரம்பத்திலேயே உங்களைத் துணைக்கு அழைத்திருக்க மாட்டாளே!

ஜி.கே.எஸ்.பரிமளா மூர்த்தி, கோபிசெட்டிபாளையம்

மறைமுகமாக இல்லாமல், உங்கள் முன்பாகவே நட்பு ரீதியாக எல்லோருடனும் அவள் பேசுவது உங்களுக்கே தவறாக நினைக்கத் தோன்றவில்லை எனும்போது... மற்றவர்களின் புறணிப் பேச்சுக்கு ஆளாக நேரிடுமே என்ற வீண் கற்பனைகள் வேண்டாம்! காயப்பட்டிருக்கும் அவள் மனதுக்கு ஒரு வகையில் இதுபோன்ற செயல்கள் பெரும் ஆறுதலாக இருக்கலாம். 'என் சந்தோஷத்தைக் கெடுத்துடாதீங்க'என்று உங்கள் மகளே சொல்லும்போது, அவளுக்கு மறுமணம் செய்து வைக்கும் முயற்சியைத் தள்ளிப் போடுங்கள்.

மனபாரத்தை பகிர்ந்து கொள்ள, நல்ல நட்பை நாடியிருக்கலாம். குழந்தைகளை அரவணைக்க நீங்கள் இருக்கிறீர்கள் என்ற தைரியத்திலும், நிம்மதியிலும்தான் அவள் குழந்தைகளை கண்டுக் கொள்ளாமல் இருந்திருக்கலாம். தனக்கென நல்ல வேலையை தேடிக் கொண்டு, இரண்டு பிள்ளைகளையும் நல்லபடியாக படிக்க வைத்து உயர்ந்த அந்தஸ்துக்கு நிச்சயம் வருவாள் என்ற நம்பிக்கையை மகள் மீது வையுங்கள்.

கணவனை இழந்து, உற்றார் உறவினர்களின் துணையுடன் பிள்ளைகளை நல்ல முறையில் ஆளாக்கிய எத்தனையோ பெண்மணிகளை என் வாழ்வில் கண்டு பூரித்திருக்கிறேன்! அதேபோல் உங்கள் மகள் வாழ்வும் நல்லபடியாக அமைய இறைவனை வேண்டுகிறேன்!

வசந்தா பரமசிவம்,
புனலூர்

என் டைரி 221 - -  சிநேகிதிக்கு.. சிநேகிதிக்கு..
 
என் டைரி 221 - -  சிநேகிதிக்கு.. சிநேகிதிக்கு..
என் டைரி 221 - -  சிநேகிதிக்கு.. சிநேகிதிக்கு..
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism