Published:Updated:

குடும்பச் சண்டைகளுக்கு குட்பை ...!

குடும்பச் சண்டைகளுக்கு குட்பை ...!

குடும்பச் சண்டைகளுக்கு குட்பை ...!

குடும்பச் சண்டைகளுக்கு குட்பை ...!

Published:Updated:

குடும்பச் சண்டைகளுக்கு குட்பை...
லாவண்யா
குடும்பச் சண்டைகளுக்கு குட்பை ...!
குடும்பச் சண்டைகளுக்கு குட்பை ...!

ஒட்டுமொத்த விகடனுக்கும் ஒரே ஷார்ட்கட்!

'கைமேல் பலன் கொடுக்கிறது கவுன்சிலிங் !'


குடும்பச் சண்டைகளுக்கு குட்பை ...!

போலீஸ் ஸ்டேஷன் இருக்கும் ஏரியாவை கடந்து போகக்கூட யோசித்த பெண்களின் மனநிலை எல்லாம், மிகப்பெரும்பாலும் இன்று மாறிவிட்டது. சொத்து விவகாரங்கள், குடும்ப வழக்குகள், புகார்கள் என்று கிராமங்களில்கூட காவல்நிலையத்துக்கு தைரியமாக செல்ல ஆரம்பித்துள்ளனர்.

இந்த விழிப்பு உணர்வை இன்னும் அகலப்படுத்தும் விதமாகவும், குடும்ப அமைப்பில் அவர்கள் தொடர்ந்து அடிமைகளாக நடத்தப்படும் அவலத்துக்கு முற்றுப்புள்ளி வைக்கவும்தான் 'குடும்ப வன்முறை தடுப்புச் சட்டம்' கொண்டு வரப்பட்டிருக்கிறது.

'மனைவி ஒரு புகார் கொடுத்தால் போதும்... கணவருக்கு உடனடி தண்டனை' என்ற இந்த சட்டத்தால் குடும்ப அமைப்பு என்ற போர்வைக்குள் அடி, உதை என்று அல்லல்பட்டுக் கொண்டிருந்த கோடான கோடி சகோதரிகளுக்கு தைரியம் கிடைத்திருக்கிறது.

அதேசமயம், இதன் மறுபக்கமாக... 'இந்தச் சட்டமே குடும்பங்களை சிதைத்துவிடுமோ!' எனும் அச்சப்படும் அளவுக்கு தாறுமாறாக புகார்கள் படையெடுத்துக் கொண்டிருக்கின்றன.

"ஒங்க அம்மாகூட சேர்ந்துகிட்டு என்னைத் திட்டினீங்கனா... உள்ள வச்சுடுவேன்..." என்று தொட்டதற்கெல்லாம் கணவரை கூண்டில் ஏற்றிவிடுவதாக பயமுறுத்த பெண்களில் சிலர், அதன்படியே கணவரை 'உள்ளே' வைக்கவும் செய்தார்கள். அந்த 'சிலர்' இன்று 'பலர்' ஆகிவிட்டதுதான் வேதனை.

"ஆம்! இன்று பெண்கள் பதிவு செய்யும் புகார்களில் பாதிக்குப் பாதி குடும்ப வன்முறை வழக்குகள். அவற்றை விசாரித்தால், அற்ப காரணங்கள் என்பது தெரிகிறது. கேட்டால், 'ஒரு நாலு நாள் அவரை தூக்கி உள்ள வைங்க சார். அப்பதான் ஒரு பயம் இருக்கும்' என்கிற பெண்களை என்ன செய்வது என்று தெரியவில்லை" என்று வருத்தப்படும் தமிழக சமூகநல வாரியத்தின் தலைவி கவிஞர் சல்மா, அதற்காக கண்டறியப்பட்டுள்ள உருப்படியான தீர்வு, நன்றாகவே கைகொடுக்கிறது என்கிறார்.

"குடும்ப வன்முறைத் தடுப்பு சட்டத்தின்கீழ் புகார் கொடுக்க வரும் பெண்ணுக்கும், கணவருக்கும் கவுன்சிலிங் மூலம் தீர்வு ஏற்படுத்துவதுதான் அந்தத் தீர்வு. இதற்காக தமிழ்நாடு சமூகநல வாரியத்தின் சார்பாக அனைத்து மாவட்டங்களிலும் 66 குடும்பநல ஆலோசனை மையங்கள் ஏற்படுத்தப்பட்டுள்ளன. அதன் தொடர்ச்சியாக சென்னை, போலீஸ் கமிஷனர் அலுவலகத்திலேயே ஒரு மையத்தை ஆரம்பித்திருப்பது தனிச்சிறப்பு!

குடும்பச் சண்டைகளுக்கு குட்பை ...!

குடும்ப வன்முறைத் தடுப்புச் சட்டத்தின்கீழ் பெண்கள் கொடுக்கும் புகாரின் மீது நடவடிக்கை எடுக்கும் முன்பாக, சம்பந்தபட்ட பெண், அவரின் கணவர் இருவருக்கும் இந்த மையத்தில் உள்ள கவுன்சிலர்கள், கவுன்சிலிங் கொடுக்கிறார்கள். ஒரு தம்பதியைப் பிரித்து வைப்பதை நொடியில் செய்துவிடலாம். ஆனால், சேர்த்து வைப்பதில் தான் உண்மையான வெற்றி இருக்கிறது. அதற்கான சீரியஸ் முயற்சிதான் இந்த கவுன்சிலிங்.

" 'தண்டனை கொடுப்பதால் குடும்பப் பிரச்னைகள் தீராது. மேலும் சிக்கலாகத்தான் செய்யும். எனவே, உங்களுக்கு இடையே நிலவும் குறை, குற்றங்களை நீங்களே புரிந்துகொண்டு தீர்க்கலாம்' என்று இங்குள்ள ஆலோசகர்கள் நல்ல தீர்வைப் பேசுவார்கள். அதற்கு நல்ல பலன் கிடைக்கிறது" என்ற சல்மா, அங்கே பணியிலிருக்கும் ஆலோசகர்களைச் சுட்டினார்.

சுடச்சுட ஒரு கவுன்சிலிங்கை முடித்துவிட்டு நம்மிடம் பேசிய அருள்தங்கம், "கணவன், மனைவிக்குள் சண்டைகள் எழுவது சகஜம்தான். ஆனால், ஆழமில்லாத ஒரு பிரச்னைக்கு போலீஸ் ஸ்டேஷன் வரை சென்றால், பின் சூழ்நிலைகள் மாறி அந்தப் பெண்ணும் ஆணும் சேர்ந்து வாழ்ந்தாலும்கூட, போலீஸ் புகார் அந்த ஆணின் மனதில் உறுத்திக் கொண்டேதான் இருக்கும். இதையெல்லாம் அந்தப் பெண்ணிடம் எடுத்துச் சொல்கிறோம். கூடவே, அந்த அளவுக்கு துன்பங்களை அனுபவித்திப்பதால்தான் அந்தப் பெண் புகார் கொடுக்கும் அளவுக்கு முடிவெடுத்திருக்கிறார் என்பதை, கணவர் உணரும் வரை பேசுவோம். பல கேஸ்களில் இங்கு பாஸிட்டிவ் ரிசல்ட்தான்!" என்று சொன்னார்.

மற்றொரு ஆலோசகரான வனஜா கிளமென்ட், "வரும் தம்பதி, 'இவதான் அப்படி பண்ணினா...', 'இவர்தான் அப்படி சொன்னார்...' என்று ஒருவர் மேல் ஒருவர் குற்றங்களை அடுக்கிக்கொண்டே போவார்கள். ஆரம்பத்தில் யார் பக்கமிருப்பது நியாயமென்றே நமக்குப் புரியாது. ஆனால், எதிரில் இருப்பவர்களின் கண்களைப் பார்க்காமல் வேறு பக்கம் பார்த்து பேசுவது, முன்னுக்குப் பின் முரணாக பேசுவது போன்ற நடவடிக்கையிலேயே தவறு யாரிடம் என்று புரிந்துவிடும்" என்றவரைத் தொடர்ந்த இன்னொரு ஆலோசகர் மணிமேகலை,

குடும்பச் சண்டைகளுக்கு குட்பை ...!

"நாங்கள் பார்த்த வரை மிகப் பெரும்பாலான புகார்கள் அந்த நேர கோபத்தில் எடுக்கப்பட்ட முடிவாகத்தான் இருக்கின்றன. எனவே புகார், தண்டனை, குடும்பம் பிரிவது, ஆயுளுக்கும் ஆணுக்கு அந்த வெறுப்பு தொடர்வது போன்ற சங்கிலி நிகழ்வுகளை இந்த கவுன்சிலிங் மூலம் தடுக்கிறோம்.

கடந்த சில மாதங்களில் வந்த குடும்ப வன்முறை புகார்களில், தொண்ணூறு சதவிகிதம் இந்த கவுன்சிலிங் மூலமே தீர்க்கப்பட்டிருக்கிறது! விரைவில் அனைத்து காவல் நிலையங்களிலும் இதுபோன்ற ஆலோசனை மையம் அமைப்பதற்கான முயற்சிகளை காவல்துறையினர் பரிசீலித்து வருகின்றனர்!" என்றார்.

நல்ல விஷயம்!

குடும்பச் சண்டைகளுக்கு குட்பை ...!
 
குடும்பச் சண்டைகளுக்கு குட்பை ...!
குடும்பச் சண்டைகளுக்கு குட்பை ...!
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism