"திரும்ப திரும்ப தப்பா சொல்ற பாரு. ராணிக்குதான் மகா எதிரி. அர்ச்சனாவுக்கு சுஜா செல்ல அக்கா மாதிரி"னு ஓவரா பாசம் படரவிட்ட அர்ச்சனாவை ஓரம் கட்டிட்டு, சுஜிதாகிட்ட ஆஜரானேன்.
"இது ரொம்ப ஜாலியான யூனிட் ரீட்டா. டைரக்டர், கேமராமேன்னு எல்லாருமே யூத்தான். அதனால ஏரியா எப்பவுமே சென்னை டிராஃபிக் மாதிரி சத்தமாவேதான் இருக்கும். அரட்டை கச்சேரி போர் அடிச்சாதான் ஷுட்டிங்கே நடக்கும்னா பாத்துக்கோயேன்!" உற்சாகமா சொன்னவங்ககிட்ட "சரி... 'விளக்கு வச்ச நேரத்துல' (கலைஞர் டி.வி.) எப்படி போயிட்டு இருக்குனு?"னு கேட்டேன்.
"பாக்கியராஜ் சாரோட 'முந்தானை முடிச்சு' படத்துல சின்ன குழந்தையா நடிச்ச எனக்கு, இப்போ மறுபடியும் அவரோட சீரியல்ல ஹீரோயின் சான்ஸ்! ரொம்ப சுவாரஸ்யமா கதை நகர்ந்துட்டு இருக்கு!"னு சொன்ன சுஜிதாவோட கணவர் தனுஷ், 'ஆரஞ்ச் ட்ரீ'ங்கற பேர்ல விளம்பரக் கம்பெனி நடத்தறார். சுஜிதா வர்ற விளம்பரங்கள் எல்லாம் மேட் பை தனுஷ்தான்!
மேட் ஃபார் ஈச் அதர்!
'மக்கள் அரங்கம்' விசு சார், இப்போ புதுசா 'சின்ன சின்ன ராகம்'னு (ஜெயா டி.வி.) ஒரு புரோகிராமோடவர்றார்.
வாழ்த்துகள் சொல்லப் போன ரீட்டாகிட்ட, அந்த கம்பீர குரலோட நிகழ்ச்சி பத்தி பேச ஆரம்பிச்சார் சார்.
"இது பள்ளி குழந்தைகளுக்கான சங்கீத நிகழ்ச்சி. ஒரு ஸ்கூல்ல இருந்து 12 பிள்ளைகள்னு, மொத்தம் 16 பள்ளிகள் கலந்துக்கப் போறாங்க. பல சுற்றுகள் கொண்ட இந்தப் போட்டியில, மொத்தம் எட்டு நடுவர்கள்! எல்லா சுற்றுகள்லயும் ஜெயிச்சு முதலாவதா வர்ற பள்ளிக் குழந்தைகளை தமிழ்நாடே கொண்டாடப் போகுது பாரு ரீட்டா!"னு சொன்ன விசு சார்கிட்ட,
"ஏற்கெனவே இங்க எல்லா சேனல்களும் குழந்தைகளுக்கான பாட்டு போட்டிகள்ல பிஸி. நீங்க புதுசா என்ன பண்ணப் போறீங்க..?"னு கேட்டா,
"இந்த கேள்வியைதான் எதிர்பார்த்தேன் ரீட்டா! இந்த நிகழ்ச்சியில... நாட்டுப்புறப் பாடல்கள், எழுச்சிப் பாடல்கள், கிராமிய பாடல்கள், சமூக மற்றும் சமுதாயப் பாடல்கள், மற்றும் ஆன்மிகப் பாடல்கள்னு வெரைட்டியா பாடுவாங்க குழந்தைங்க. முக்கியமான விஷயம்... சினிமாப் பாடல்கள் இங்க நாட் அலவ்ட்! பச்சப் புள்ளைங்கள எல்லாம் 'தூது வருமா தூது வருமா'னு ஹஸ்கி வாய்ஸ்ல பாடவிடற கொடுமையப் பார்த்து வருத்தப்பட்டவங்களுக்கு, இந்தக் குழந்தைங்க இப்படி ஆரோக்கியமான பாடல்களை மழலைக் குரல்ல பாடக் கேட்கறது ரொம்பவே ஆறுதலா, ஆனந்தமா இருக்கும்!"னு முடிச்சார்.
சீனியர் சொன்னா... சரிதான்!
'டம்டம்... டமடம... டம்டம்...
| 
