Published:Updated:

கனவுகளை நனவாக்கும் கடவுள் தரிசனம்!

கனவுகளை நனவாக்கும் கடவுள் தரிசனம்!

கனவுகளை நனவாக்கும் கடவுள் தரிசனம்!

கனவுகளை நனவாக்கும் கடவுள் தரிசனம்!

Published:Updated:

'பிள்ளையைத் தத்துக் கொடுத்தால் தொல்லையைத் துரத்தலாம் !'
கனவுகளை நனவாக்கும் கடவுள் தரிசனம்!
கனவுகளை நனவாக்கும் கடவுள் தரிசனம்!

ஒட்டுமொத்த விகடனுக்கும் ஒரே ஷார்ட்கட்!

இது திருவரங்குளத்து மகிமை ....

கனவுகளை நனவாக்கும் கடவுள் தரிசனம்

உமையவளை மானுடப் பிறவி எடுக்க வைத்து, மீண்டும் அவளை இறைவன் திருமணம் செய்துகொண்ட சிறப்பினை உடைய தலங்கள், இந்தப் புண்ணிய பூமியில் நிரம்ப உண்டு. ஆனால், அவ்வாறு உமையை மணந்த இடத்திலேயே, தன்மேல் பக்தியும் காதலும் கொண்டு வாழ்ந்த வேறொரு மானுட மங்கையையும் தன்னுடையவளாக ஆக்கிய சிறப்பினைக் கொண்ட இடங்கள் மிக அபூர்வமே.

கனவுகளை நனவாக்கும் கடவுள் தரிசனம்!

அத்தகைய சிறப்பினைக் கொண்டவரும், வல்லநாட்டு செட்டியார்களின் மருமகப்பிள்ளையுமான புதுக்கோட்டை மாவட்டம், திருவரங்குளம் அரங்குளநாதரை, பெரியநாயகி அம்பாளோடு தரிசனம் செய்யலாம் வாருங்கள்!

முகூர்த்த தேதி என்றாலே... இந்தக் கோயிலிலும், வாசலில் உள்ள மண்டபங்களிலும் திருமணங்கள் நடந்துகொண்டே இருக்கின்றன. அதேபோல ஒவ்வொரு நாளும் சில தம்பதிகள் வந்து தாங்கள் பெற்றெடுத்த குழந்தையை அம்பாளிடம் தத்துக் கொடுத்துவிட்டுச் செல்கிறார்கள். அத்தகுச் சிறப்பு வாய்ந்த இந்த ஆலயத்துக்குள் பிரவேசிப்பதற்கு முன், அதன் தலவரலாற்றுக்குள் போவோமா?!

புஷ்பகந்தன் எனும் சிவபக்தன், தன் கடமையில் இருந்து தவறியதால் அவனை பூலோகத்தில் மரமாக சாபமிட்டார் சிவபெருமான். சாபவிமோசனமாக தன் நெற்றி வியர்வையில் ஒரு துளியை தெளித்து ‘ஹரதீர்த்தம்' என்ற பெயரில் ஒரு தீர்த்தத்தை உருவாக்கி, அதன் கரையில் அவனை வேப்பமரமாக ஆக்கினார். அந்த மரத்தடியில் புஷ்பகந்தன் வேண்டுதலின்படி அவரே லிங்கமாகவும் எழுந்தருளினார். அந்த ஹரதீர்த்தம் தான் ஹரன்குளமாகி இப்போது அரங்குளம்!

கனவுகளை நனவாக்கும் கடவுள் தரிசனம்!

சரி... அம்பாள் பெரியநாயகி இங்கு வந்து இறைவனை கைப்பிடித்த கதை என்ன? நிம்பாரன்யர் - சுயம்பிரபை என்ற சிவபக்த தம்பதிக்கு நீண்ட காலமாக குழந்தை வரம் கிடைக்காததால், அரங்குளநாதரை சரணடைந்தார்கள். அவரும், "உமையவளே உங்கள் மகளாக பிறப்பாள். அவளை உரிய காலத்தில் நான் மணமுடிப்பேன்" என்று அருள, அவ்வாறே நிகழ்ந்தது. நிம்பாரன்யரின் மகளான பெரியநாயகியை மணமுடித்து, நிம்பாரன்யேஸ்வரராகவும் பெயர் பெற்றார்.

சரி, மானுட மங்கையை கைபிடித்த திருவிளையாடல் என்ன? அதை பக்தியுடன் பகிர்ந்துகொண்டார் அரங்குளநாதரின் சந்நிதியில் கணவர் மோகனுடன் மெய்மறந்து பிரார்த்தித்துக் கொண்டிருந்த ராஜகுமாரி. "நான் வல்லநாட்டு செட்டியார் சமூகத்தை சேர்ந்தவ. இந்த ஊர்லதான் வாக்கப்பட்டிருக்கேன். எங்க சமூகத்து மாப்பிள்ளதான் இந்த அரங்குளநாதர். சிவதத்தன்ங்கற மன்னனோட ஆட்சிக் காலத்துல வாழ்ந்த எங்க குலத்தை சேர்ந்த கட்டுடையான் செட்டியாரோட மகளா பிறந்தவ புண்ணியசீலை. இவர்மேல காதலாகி அவ கசிந்துருக, அவள மணம் செஞ்சுகிட்டார் இறைவன். இது தெரியாம, புண்ணியசீலையைக் காணோம்னு மக்கள் தேடி அலைய... பிறகு, அசரீரியா தானே இந்தச் செய்தியைச் சொல்லிஇருக்கார் இறைவன்.

கனவுகளை நனவாக்கும் கடவுள் தரிசனம்!

அரங்குளநாதர் எங்க ஊர் பெண்ணை கருணையோட ஏத்துக்கிட்டதால, நாங்களும் அதே நம்பிக்கையோட, பக்தியோட, உரிமையோட அவர்கிட்ட எங்க பிரார்த்தனைகளை எல்லாம் சொல்லி, அவரோட அருளை வாங்கிக்கறோம்!" என்று இறைவனின் பால் தங்களுக்கிருக்கும் பக்தியை விளக்கினார் ராஜகுமாரி!

கிழக்கு பார்த்திருக்கும் கோயிலின் ராஜகோபுரத்தைத் தாண்டி உள்ளே சென்றால் நம்மை வரவேற்கிறார் அரங்குளநாதர். சுயம்புவாக தோன்றிய இவருக்கு கோயில் கட்டியவன் துவாபர யுகத்தில் வாழ்ந்த சோழமன்னன் கல்மாஷபாதன். அதற்கும் ஒரு புராணக் கதை இருக்கிறது.

மன்னனுக்குக் குழந்தை இல்லாத குறை நீங்க, இங்கிருக்கும் இந்த லிங்கத்தை கண்டுபிடித்து வழிபடுமாறு சொன்னார் அகத்தியர். இங்கு வந்து சேர்ந்த மன்னன், பல இடங்களிலும் தேடியும் சிவலிங்கத்தை கண்டுபிடிக்க முடியவில்லை. அப்போது வழியில் ஒரு பொன்பனையைப் பார்த்த மன்னன், அதன் அழகில் மயங்கி அங்கேயே தங்கி ‘வல்லம்' என்ற ஒரு நகரையும் நிர்மாணித்துக் கொண்டான். அவனுக்குரிய உணவுப் பொருட்களை பல்வேறு இடங்களிலும் இருந்தும் சேகரித்து அனுப்பினார்கள் மந்திரி பிரதானிகள். வழியில் ஓரிடத்தில் மட்டும் அந்த உணவுப் பொருட்கள் ஒரு கல் மீது கொட்டிவிடுவது அன்றாட வாடிக்கையானது. ஆத்திரப்பட்ட மன்னன், வாளால் அந்தக் கல்லை வெட்டினான். காயம்பட்ட கல்லில் இருந்து ரத்தம் ஆறாக பெருக்கெடுத்தது. அதற்குப் பிறகுதான்தான் வெகுநாட்களாக தான் தேடிவந்த லிங்கம் அதுவே என்பதை உணர்ந்தான் மன்னன். இறைவனின் தரிசனத்தில் மகிழ்ந்த மன்னன், கட்டியதுதான் இந்தக் கோயில்.

சாமி தரிசனம் செய்துவிட்டு முன்மண்டபத்தில் அமர்ந்திருந்தார்கள் அறந்தாங்கி, மறமடக்கி கிராமத்தில் இருந்து வந்திருந்த தனஸ்ரீ- வெங்கடாசலம் தம்பதி. "பிள்ளைங்க பிறந்த நேரம் சரியில்லைனா பல தோஷங்கள் உருவாகும்னு சொல்வாங்க. அப்படிப்பட்ட தோஷங்கள் நீங்கவும், நோய்நொடிகள் எதுவும் புள்ளைகள அண்டாம இருக்கவும், இங்க வந்து குழந்தைய பெரியநாயகிகிட்ட

கனவுகளை நனவாக்கும் கடவுள் தரிசனம்!

கிடத்தி ‘அம்மா இது இனி உன் புள்ள, அதை நோய் நொடி இல்லாம பாத்துக்க வேண்டியது உன் கடமை'னு சொல்லி அவளுக்கு தத்துக் கொடுத்தா, தொல்லையெல்லாம் தூர விலகிடும்கறது எங்க பக்கத்து ஜனங்களோட நம்பிக்கை. இவரையே (கணவரை) அப்படித்தான் தத்துக் கொடுத்திருக்காங்க. இப்ப எங்க பிள்ளையையும் தத்து கொடுத்திருக்கோம்" என்ற தனஸ்ரீ,

"நாங்க நினைச்சப்பல்லாம் இங்க வந்துடுவோம். ஏதோ தாய் வீட்டுக்கு வந்துட்டு போனமாதிரி இருக்கும்!" என்று நெக்குருகினார்.

மனநலம் சரியில்லாதவர்கள்கூட இங்கே வந்து தங்கியிருந்து குணமாகிப் போகிறார்கள். இதைப் பற்றி பேசிய விருதபுரீஸ்வரர் குருக்கள், "தன்மேல் அன்பு வைத்த புண்ணியசீலையை ஆட்கொண்டவர் என்பதாலும், மனைவி பெரியநாயகியை இங்கே மீண்டும் மணம் கொண்டவர் என்பதாலும் இரட்டிப்பு மகிழ்சியில் இருக்கிறார் ஈசன். அதனால் தன்னை நாடிவரும் அனைவருக்கும் அவரவர் வேண்டியதனை அப்படியே நிறைவேற்றி வைக்கிறார்" என்றவர்,

"திருமணம் ஆகாமல் இருப்பது, குழந்தை இல்லாமல் இருப்பது, மனக்குழப்பம், சித்தபிரமை ஆகியவற்றுக்கு இங்கே உடனடி பலன்தான்!" என்றார் பெருமையோடு!

கனவுகளை நனவாக்கும் கடவுள் தரிசனம்!
 
கனவுகளை நனவாக்கும் கடவுள் தரிசனம்!
கனவுகளை நனவாக்கும் கடவுள் தரிசனம்!
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism