Published:Updated:

டூர் கிளம்பறீங்களா...இந்த இன்ஷுரன்ஸை மறந்துடாதீங்க !

டூர் கிளம்பறீங்களா...இந்த இன்ஷுரன்ஸை மறந்துடாதீங்க !

டூர் கிளம்பறீங்களா...இந்த இன்ஷுரன்ஸை மறந்துடாதீங்க !

டூர் கிளம்பறீங்களா...இந்த இன்ஷுரன்ஸை மறந்துடாதீங்க !

Published:Updated:

 
சி.சரவணன்
டூர் கிளம்பறீங்களா...இந்த இன்ஷுரன்ஸை மறந்துடாதீங்க !
டூர் கிளம்பறீங்களா...இந்த இன்ஷுரன்ஸை மறந்துடாதீங்க !

ஒட்டுமொத்த விகடனுக்கும் ஒரே ஷார்ட்கட்!

டூர் கிளம்பறீங்களா...இந்த இன்ஷுரன்ஸை மறந்துடாதீங்க !
டூர் கிளம்பறீங்களா...இந்த இன்ஷுரன்ஸை மறந்துடாதீங்க !

பிள்ளைகளுக்கு லீவு விட்டாயிற்று. பயண ஏற்பாடுகள் நடந்துகொண்டிருக்கும். ஆனால், விடுமுறை பயணங்களுக்கும், சுற்றுலாக்களுக்கும் டிக்கெட் புக்கிங், டிரெஸ் பேக்கிங், கேமரா வில் பேட்டரி லோடிங் என... இவை மட்டும் போதுமா?!

'வேறென்ன வேண்டும்...' என்று நீங்கள் புதிராகப் பார்ப்பது புரிகிறது. 'சுற்றுலா இன்ஷுரன்ஸ் பாலிசி!' பெரும்பாலானவர்களுக்கு இது அறிமுக வார்த்தையாக இருக்கலாம். ஆனால், நாம் தெரிந்துகொள்ள வேண்டிய அத்தியாவசிய பாலிசி திட்டம் இது!

"பில்டப் எல்லாம் சரி, அதான் போன தடவை 'சுற்றுலா சிறப்பிதழ்'னு போட்டீங்களே... அப்பவே இதையும் போட்டிருக்கலாமே"னு கேட்கறீங்கதானே?! எல்லாம் 'இடஒதுக்கீடு பிரச்னை'தாங்க. வேற என்ன பண்றது? இருந்தாலும், இதுவும் முக்கியமான மேட்டர்ங்கறதால... இந்தத் தடவை 'இடம் ஒதுக்கீடு' கொடுத்தாச்சு.. ஹி... ஹி!

பொதுத்துறை மற்றும் தனியார் துறை காப்பீடு நிறுவனங்கள் வழங்கும் இந்த பாலிசி பற்றி, காப்பீடு ஆலோசகரான க.நித்யகல்யாணி நம்மிடம் விளக்கினார்.

''அதிக செலவு செய்து சுற்றுலா செல்லும் பலரும், சின்ன செலவான இந்த பாலிசியை எடுக்காமல் விட்டுவிடுவார்கள். ஆனால், எதிர்பாராத பாதிப்புகளில் இருந்து நம்மைக் காக்கும் ஆபந்பாந்தவன் இந்த பாலிசி! சுற்றுலா செல்வது உள்நாடாக இருந்தால் 'டொமெஸ்டிக் டிராவல் பாலிசி', வெளிநாடாக இருந்தால் 'ஓவர்சீஸ் டிராவல் பாலிசி' எடுக்க வேண்டும். அமெரிக்கா மற்றும் கனடாவுக்கு சுற்றுலா சென்றால் அங்கு மருத்துவச் செலவு அதிகமென்பதால், பிரீமியம் அதிகமாக இருக்கும். மற்ற நாடுகளில் நடுத்தர அளவில் இருக்கும்.

ஒரு நாள் முதல் பயண காலத்துக்கு ஏற்ப பாலிசி காலத்தைத் தேர்ந்தெடுக்கலாம். இதற்கு ஏற்பவும் பிரீமியம் மாறும். 50 ஆயிரம் டாலர்கள் முதல் ஒரு லட்சம் டாலர் வரை காப்பீடு எடுத்துக் கொள்ளலாம். 45 வயதான குடும்பத் தலைவர், 40 வயது மனைவி, 18 வயது மகளுடன் இந்தியா உள்ளிட்ட ஆசிய நாடுகளுக்குச் சுற்றுலா செல்கிறார் என்று வைத்துக் கொள்வோம். அந்தக் குடும்பம் 3 நாட்களுக்கு 50 ஆயிரம் டாலருக்கு (சுமார் 23 லட்ச ரூபாய்) சுற்றுலா மெடிக்கிளெய்ம் பாலிசி எடுத்தால், அதற்கான பிரீமியம் சுமார் 1,000 ரூபாய்தான். இதுவே அமெரிக்காவுக்கு சுற்றுப்பயணம் மேற்கொள்வதாக இருந்தால் மொத்த பிரீமியம் சுமார் 2,300 ரூபாய். மற்ற நாடுகளுக்கு சுமார் 1,550 ரூபாய்தான். இந்தியா உள்ளிட்ட ஆசிய நாடுகளுக்கு இந்தக் குடும்பம் 25,000 டாலருக்கு (சுமார் 11.50 லட்ச ரூபாய்) பாலிசி எடுத்தால் பிரீமியம் சுமார் 650 ரூபாய். இந்த பிரீமியம் காப்பீடு நிறுவனங்களைப் பொறுத்து மாறுபடும்'' என்ற நித்யகல்யாணி,

"செல்லுமிடத்தில் ஒருவேளை மருத்துவமனையில் சேர்க்கப்பட்டால், இன்ஷுரன்ஸ் நிறுவனம் கொடுத்திருக்கும் அடையாள அட்டையைக் காட்டி சிகிச்சை மேற்கொள்ளலாம். செலவை காப்பீடு நிறுவனம் ஏற்றுக் கொள்ளும்" என்றும் சொன்னார்.

டூர் கிளம்பறீங்களா...இந்த இன்ஷுரன்ஸை மறந்துடாதீங்க !

சுற்றுலா எனும்போது ஒட்டுமொத்தக் குடும்பமும் வீட்டைப் பூட்டிவிட்டு கிளம்பிவிடும். அப்போது வீட்டைப் பாதுகாப்பது எப்படி? நேஷனல் இன்ஷுரன்ஸ் நிறுவனத்தின் டைடல் பார்க் கிளை மேலாளர் ஹேமலதா ஸ்ரீனிவாசன் அதைப் பற்றி விளக்கினார்.

''வீட்டுக்கான பாதுகாப்புக்கு கை கொடுப்பது... 'வீட்டு உரிமையாளர் பாலிசி' (House Holder Policy). இதற்கான பிரீமியம் ஒரு லட்ச ரூபாய்க்கு 300 ரூபாய்க்குள்தான். ஆனால், குறிப்பிட்ட நாட்களுக்கு மேல் குடும்பத்துடன் வீட்டில் இல்லை என்றால், அந்த நாட்களுக்கு கவரேஜ் கிடைக்காது! அதேசமயம், பிரீமியத்துடன் கூடுதலாக ஒரு தொகையை சேர்த்து வசூலித்துக் கொண்டு, வீட்டில் ஆள் இல்லாத நாட்களுக்கும் பாலிசியைக் கொடுக்கும் நிறுவனங்களும் இருக்கின்றன. அவற்றை நாடலாம். நம் வீடு பூட்டப்பட்டிருக்கும் நாட்கள் குறித்து அவர்களுக்குத் தகவல் தெரிவித்தால், நம் வீட்டுப் பாதுகாப்பு தொடர்பாக சில நடவடிக்கைகளை இன்ஷுரன்ஸ் நிறுவனத்தினர் மேற்கொள்வார்கள்'' என்றார்.

வீட்டு உரிமையாளர் பாலிசி எடுப்பவர்கள், அதனுடன் சுற்றுலா பயணம் ரத்தானால் (Cancellation of Vacation) இழப்பீடு பெற துணை (ரைடர்) பாலிசியாக 'கேன்சலேஷன்'&ஐயும் எடுத்துக் கொள்வது நல்லது.

டூர் கிளம்பறீங்களா...இந்த இன்ஷுரன்ஸை மறந்துடாதீங்க !

இதுகுறித்து காப்பீடு மற்றும் சட்ட ஆலோசகர் ஆர்.திருமலையிடம் கேட்டபோது, ''நியாயமான காரணங்களால் (மாமனார், மாமியார், சகோதரர், சகோதரி என்று முக்கிய குடும்ப உறவுகளுக்கு ஏதேனும் பாதிப்பு) சுற்றுலா பயணம் ரத்தாகி, பயண டிக்கெட் ரத்து, ஹோட்டல் ரூம் கேன்சலேஷன் என்று அதன் மூலம் ஏற்படும் அனைத்து நஷ்டங்களையும் இதில் இழப்பீடாக பெற முடியும். இந்த துணை பாலிசியை காப்பீடு நிறுவனங்களுக்கு இடையேயான கடும் போட்டி காரணமாக சுமார் 125 ரூபாய் பிரீமியம் முதல் எடுத்துக் கொள்ள முடியும்'' என்று சொன்னார்.

என்ன, 'டூர் பட்ஜெட்டில் கூடுதலாக 500, 1000 என்று இடிக்குமே' என்கிறீர்களா? ஆனால், முன்னெச்சரிக்கை என்பதைக் கவனித்தில் கொண்டால், இது ஒன்றும் பெரிதாக இடிக்காது என்றே தோன்றுகிறதல்லவா?

எதெற்கெல்லாம் இழப்பீடு உண்டு..?

விபத்து - உடல் நலக்குறைவு
லக்கேஜ் தொலைந்து போவது
அவசர தேவையான பல் சிகிச்சைகள்
நம்மால் மற்றவர்களுக்கு காயம்பட்டால், மற்றவர்களின் உடமைகளுக்கு சேதம் ஏற்பட்டால்
பணம் தொலைந்துவிட்டால்
ரெயில் - விமானத்தை தவறவிட்டால்

எதெற்கெல்லாம் இழப்பீடு இல்லை..?

ஏற்கெனவே உள்ள நோய்களுக்கான சிகிச்சை
தற்கொலை
தீவிரவாதம், சட்ட விரோத நடவடிக்கைகள் மூலம் ஏற்படும் பாதிப்பு, சேதம்
ஆபத்தான விளையாட்டுகளில் ஈடுபடுவது மூலம் ஏற்படும் பாதிப்பு

டூர் கிளம்பறீங்களா...இந்த இன்ஷுரன்ஸை மறந்துடாதீங்க !
-சி.சரவணன்
டூர் கிளம்பறீங்களா...இந்த இன்ஷுரன்ஸை மறந்துடாதீங்க !
டூர் கிளம்பறீங்களா...இந்த இன்ஷுரன்ஸை மறந்துடாதீங்க !
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism