Published:Updated:

பூஜ்யத்திலிருந்து ராஜ்ஜியத்துக்கு...

பூஜ்யத்திலிருந்து ராஜ்ஜியத்துக்கு...

பூஜ்யத்திலிருந்து ராஜ்ஜியத்துக்கு...

பூஜ்யத்திலிருந்து ராஜ்ஜியத்துக்கு...

Published:Updated:

தாமரை ஜோதி
பூஜ்யத்திலிருந்து ராஜ்ஜியத்துக்கு...
பூஜ்யத்திலிருந்து ராஜ்ஜியத்துக்கு...

ஒட்டுமொத்த விகடனுக்கும் ஒரே ஷார்ட்கட்!

பூஜ்யத்திலிருந்து ராஜ்ஜியத்துக்கு...

சாமான்ய பெண்களின் சாதனை கதை

சில்லென்று ஏ.சி-யின் குளிர் மென்மையாகப் பரவிஇருக்க, திருவனந்தபுரத்திலுள்ள அந்த நட்சத்திர ஹோட்டலின் அரங்கம் முழுவதும் வி.ஐ.பி-க்களால் நிரம்பிஇருக்கிறது. வாழைநாரிலிருந்து பொருட்கள் தயாரிப்பதில் தேசிய அளவில் சிறந்து விளங்கும் தொழில் முனைவோருக்கான விருது வழங்கும் விழா அது.

பூஜ்யத்திலிருந்து ராஜ்ஜியத்துக்கு...

'திஸ் இயர் அவார்ட் கோஸ் டு மிஸஸ் ஆண்டாள்...' என்ற அறிவிப்பைத் தொடர்ந்து விருதை கையில் வாங்கிய பின், மேடையிலேயே கண்ணீர் ததும்ப உணர்ச்சிப் பெருக்காக நிற்கிறார் அந்தப் பெண்மணி.

திருச்சி பக்கமிருக்கும் குழுமணி என்கிற சின்னஞ்சிறு கிராமத்தில், ஒரு நடுத்தரக் குடும்பத்தின் தலைவியாக சராசரி வாழ்க்கை வாழ்ந்து கொண்டிருந்த ஆண்டாள், இப்போது ஒரு சிறந்த தொழில் முனைவோர். வாழைநாரிலிருந்து பொருட்கள் தயாரிக்கும் ஒரு தொழிற்கூடத்தை தொடங்கி, கடின உழைப்பால் கிடுகிடுவென உயர்த்து நிற்பவர். திருவனந்தபுரம், கவுஹாத்தி, டெல்லி, சென்னை என இந்தியாவின் பல ஊர்களிலும் வாழைநாரில்இருந்து பொருட்கள் தயாரிப்பதில் சிறந்த தொழில் முனைவோர் விருதுகளை வாங்கி ஜெயித்து நிற்பவர். ஓயாமல் துரத்திய துயரங்களை எல்லாம் வென்றெடுத்திருக்கும் விருதுப் பெண்மணி.

நம் சமூகத்தில் இந்த ஒரு ஆண்டாள் மட்டுமல்ல... துன்பங்களாலும், துயரங்களாலும் சூழப்பட்டிருக்கும் வாழ்க்கையை வென்றெடுக்கும் எத்தனையோ வீராங்கனைகள் இருக்கத்தான் செய்கிறார்கள். அப்படி வானத்தை வசமாக்கிய அந்த வெற்றித் திருமகள்கள், தங்களின் வெற்றிப் பயணத்தில் மேற்கொண்ட வித்தைகளை எல்லோருக்கும் கற்றுக்கொடுக்கத்தான் இந்தத் தொடர். அதற்கு நமக்கு கிடைத்திருக்கும் ஜன்னல்... 'ஸ்டெட்' (STED-The National Science - Technology Entrepreneurship Development Board). மத்திய அரசின் அறிவியல் மற்றும்

பூஜ்யத்திலிருந்து ராஜ்ஜியத்துக்கு...

தொழில்நுட்ப அமைச்சகத்தின் கீழ் செயல்படுகின்ற 'டிபார்ட்மென்ட் ஆஃப் சயின்ஸ் அண்டு டெக்னாலஜி' துறை, ஒவ்வொரு நான்கு வருடங்களுக்கு ஒருமுறையும் உருவாக்கும் புராஜெக்ட்தான், 'விஞ்ஞானம் தொழில்நுட்பம் தொழில் முனைவோர் மேம்பாடு' எனப்படும் 'ஸ்டெட்'. இந்த அமைப்பின் நோக்கமே நாடு முழுவதும் சாமான்ய மனிதர்களாக இருப்பவர்களைச் சாதிக்க வைக்கும் தொழில் முனைவோர்களாக மாற்றுவதுதான். திருச்சி, தஞ்சாவூர், புதுக்கோட்டை போன்ற மாவட்டங்களை உள்ளடக்கிய தமிழகத்தின் மத்தியப் பகுதியில், 'விதியே' என வாழ்க்கையை நொந்து கொண்டு வேதனையில் வாடிய பெண்களில் பலரையும் இப்படி தொழில் முனைவோர்களாக மாற்றியிருக்கிறது இந்த அமைப்பு.

வார்த்தைகளில் உற்சாகம் தெறிக்கப் பேசினார் 'ஸ்டெட்' அமைப்பின் திருச்சி பகுதி திட்ட இயக்குநராக பணியாற்றிய ராமசாமி தேசாய்...

" 'தன்னம்பிக்கையுள்ள நூறு இளைஞர்களை கொடுங்கள், நாட்டையே மாற்றிக் காட்டுகிறேன்'னு சொன்னார் விவேகானந்தர். அதையே, 'தன்னம்பிக்கையுள்ள நூறு பெண்களைக் கொடுங்கள், நாட்டையே மாற்றிக் காட்டுகிறோம்'னு சொல்றதுதான் 'ஸ்டெட்' திட்டம். படிப்பு வேண்டாம், பணம் வேண்டாம்... வெறும் தன்னம்பிக்கைங்கற நெருப்பை மட்டும் நெஞ்சுக்குள் நிரப்பி வெச்சிருக்கற பெண்கள்தான் எங்க இலக்கு. முன்னுக்கு வரணும்கிற வெறியோடயும், ஜெயிச்சே ஆகணும்கிற வேகத்தோடயும் எங்ககிட்ட வர்ற பெண்களோட உழைப்பை, சரியான திசையில செலுத்தி தொழிலதிபர்களா உருவாக்கறோம்'' என்றவர்,

"ஒவ்வொரு மாநிலத்திலும் அந்தந்த ஏரியாவைச் சேர்ந்த உள்ளூர் அமைப்புகளிடம்தான் இந்தத் திட்டத்தை நிறைவேத்தற பொறுப்பு கொடுக்கப்பட்டிருக்கு. அந்த வகையில திருச்சியில இந்த திட்டத்தை செயல்படுத்தற பொறுப்பை, திருச்சி மாவட்ட குறுதொழில் கழகமான 'டிடீட்சியா'கிட்ட (TIDISSIA-Trichi District Tiny and Small Scale Industries Association) கொடுக்கப்பட்டிருந்துது.

மற்ற மாநிலங்கள்ல எல்லாம், ஆண் தொழில் முனைவோர்களைத்தான் இந்தத் திட்டத்துல அதிகமா உருவாக்கியிருக்காங்க. தமிழகத்தைப் பொறுத்த வரைக்கும் ஆண்களைவிட, பெண்கள்தான் சொந்தக்கால்ல நிக்கறதுல ஆர்வமா இருக்காங்க. அதனால, இந்த நாலு வருட காலத்துல (2006-10) நாங்க உருவாக்கின 261 தொழில் முனைவோர்கள்ல, 161 பேர் பெண் தொழில் முனைவோர்கள்!'' என்றார் பெருமையாக ராமசாமி தேசாய்.

பூஜ்யத்திலிருந்து ராஜ்ஜியத்துக்கு...

'ஸ்டெட்'-ன் திருச்சி பகுதி திட்ட காலமான நான்கு ஆண்டுகள் முடிந்துவிட்டது. ஆனால், அதன் பிறகும்கூட, தொழில் வாய்ப்புகளை தேடி நாள்தோறும் எண்ணற்ற பெண்கள், ஆர்வத்தோடு படையெடுத்து வருகின்றனர். அவர்கள் அனைவரையும் ஏமாறச் செய்துவிடக் கூடாது என்பதற்காக, இந்தத் திட்டத்தை 'டிடீட்சியா'வின் மூலம் தணியாத ஆர்வத்தோடு செயல்படுத்தி வரும் ராமசாமி தேசாய், "இன்னும் நாலஞ்சு வருஷத்துக்குள்ள கிட்டத்தட்ட 1,000 பெண் தொழில் முனைவோர்கள உருவாக்கி, பெண்களுக்கும் பொருளாதார சமநிலையை ஏற்படுத்துவோம்!'' என்று உறுதியேற்கிறார்.

கார்மென்ட்ஸ், கவரிங் நகை தயாரிப்பு, பி.பீ.ஓ., உணவு பதப்படுத்துதல், மெஷின் ஷாப்ஸ், தோல் பொருட்கள் உற்பத்தி உள்ளிட்ட பல துறைகளிலும் ஜொலித்து ஜெயித்திருக்கும் இந்த 161 பெண்களுமே வறுமைக்கு வாக்கப்பட்டவர்கள்தான். தங்களை சுற்றியிருந்த தடைகளை உடைத்து சாதனைப் பெண்களாக தலைநிமிர்ந்திருக்கும் இந்த ஒவ்வொரு பெண்ணின் வாழ்க்கையிலுமே ஒளிந்திருந்திருக்கிறது ஒரு சோகம். 'தடைகளைத் தாண்டுவோம், படிகளில் ஏறுவோம், வானம் வசப்படும் தூரம்தான்' என சாதித்திருக்கும் இந்த சாதனைப் பெண்களில் சிலரின் அணிவகுப்பு வரும் வாரங்களில்!

பூஜ்யத்திலிருந்து ராஜ்ஜியத்துக்கு...
- சாதனைகள் தொடரும்...
பூஜ்யத்திலிருந்து ராஜ்ஜியத்துக்கு...
பூஜ்யத்திலிருந்து ராஜ்ஜியத்துக்கு...
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism