Published:Updated:

அது ஒரு ஆனந்த அனுபவம்...

அது ஒரு ஆனந்த அனுபவம்...

அது ஒரு ஆனந்த அனுபவம்...

அது ஒரு ஆனந்த அனுபவம்...

Published:Updated:
அது ஒரு ஆனந்த அனுபவம்...
எஸ்.ஷக்தி, வீ.கே.ரமேஷ்
அது ஒரு ஆனந்த அனுபவம்...

ஒட்டுமொத்த விகடனுக்கும் ஒரே ஷார்ட்கட்!

அது ஒரு ஆனந்த அனுபவம்...
"அது ஒரு ஆனந்த அனுபவம்.."
ஈரோட்டைக் கலக்கிய 100% ஜாலி டே!

ன்று செமத்தியான 'சுபமுகூர்த்த' நாள்தான். ஆனாலும் 'ஜாலி டே' திருவிழாவுக்காக ஆர்வத்துடன் படைதிரண்டு வந்த நம் ஈரோடு தோழிகளுக்கு நெஞ்சம் நிறைந்து, நெகிழ்ந்து வெல்கம் சொன்னது 'அவள்' அண்ட் 'விவெல்' டீம்!

'அவள் விகட'னுடன் 'விவெல்' நிறுவனம் கைகோத்து ஈரோட்டில் நடத்திய 'ஜாலி டே' கொண்டாட்டம் ஆகஸ்ட் 28 மற்றும் 29 தேதிகளில், திண்டல் பகுதியில் இருக்கும் வேளாளர் மகளிர் கல்லூரியில் நடந்தது.

'செலக்ஷன் ரவுண்ட்'டுக்காக முதல் நாள் காலையில் கல்லூரிக்கு வந்தவர்கள் 'முன்பதிவை' முடித்துவிட்டு, ப்ரிப்பரேஷனில் பிஸியானார்கள். "ஏனுங்கோ... ரங்கோலிக்கு எடுத்து வச்ச கோலப்பொடியை வூட்ல வச்சுப்போட்டு வந்துட்டேன். சீக்கிரமா எடுத்துட்டு வாங்க" என்று கணவருக்கு போனில் கட்டளை போட்டுக் கொண்டிருந்தார் ஒரு கொங்கு அம்மணி.

நடுவர்கள் வந்து சேர, 'யுவர் டைம் ஸ்டார்ட்ஸ்' என்று சிக்னல் கிடைத்ததுதான் தாமதம். வினாடி-வினா, பாட்டுக்குப் பாட்டு, கவிதை என்று ரகரகமாக அத்தனை போட்டியிலும் களமிறங்கி பின்னியெடுக்க ஆரம்பித்தார்கள் தோழிகள்.

அது ஒரு ஆனந்த அனுபவம்...

'நகைச்சுவை நேரம்' பகுதியில் மொக்கை போட்டுவிட்டு நகர்ந்த ஒரு போட்டியாளரை "ஏதோ ஜோக் சொல்றேன்னு சொன்னீங்களே... கடைசி வரைக்கும் ஒண்ணுமே சொல்லலை?!" என்று நடுவர்கள் கலாய்த்தனர். இன்னொரு பக்கம், 'பாட்டுக்கு பாட்டு' அறையில் போட்டி முடிந்ததும் "ஏனுங்க மேடம்... நீங்களும்தான் ரெண்டு வரியை பாடிக் காண்பிங்களேன். உங்க இசைங்கிற இன்ப மழையில நாங்களும் நனைஞ்சுக்கிறோம்" என்று நடுவர்களையே கலாய்த்தனர் போட்டியாளர்கள். இப்படியாக 100% ஜாலியாக முதல் நாள் அனுபவங்கள் நிகழ்ந்து கரைந்தன.

மறுநாள் உச்சகட்ட கொண்டாட்டமான 'ஜாலி டே'க்காக காலையிலேயே வரிசை கட்டினார்கள் தோழிகள். அன்று ஞாயிற்றுக்கிழமை என்பதால், வேளாளர் கல்லூரியின் விடுதி மாணவிகளும் இந்த ஜோதியில் ஐக்கியமாக, நொடிக்கு நொடி தூள் பறக்க ஆரம்பித்தது விழாவில்.

"ஈரோடு அம்மணிகளுக்கு வணக்கமுங்க" என்று கலகலவென என்ட்ரியானார் நிகழ்ச்சித் தொகுப்பாளர் அபீக்ஷா பட். வாசகிகள் குத்துவிளக்கேற்ற, படு பாங்காக துவங்கியது திருவிழா. ரகளையான வெல்கம் டான்ஸை தொடர்ந்து... நகைச்சுவை நேரம், ஜஸ்ட் எ மினிட் என்று வரிசை கட்ட ஆரம்பித்தன போட்டிகள்.

அது ஒரு ஆனந்த அனுபவம்...

வாசகியர் வழக்காடு மன்றத்தில் 'நகைச்சுவை உணர்வு மிகுதியானவர்கள் ஆண்களே' என்ற தலைப்பில் வாதாடியவர்களை, "ஹலோ... பொண்ணுங்களுக்கு துரோகம் பண்ணாதீங்கப்பா. பிய்ச்சுடுவோம் பிய்ச்சு" என்று பொய்க் கோபம் காட்டினார்கள் ஆடியன்ஸ். 'பாரதியார் பாடல்' போட்டியில் கலந்து கொண்ட அந்த சீனியர் சிட்டிசன் தனது டைம் முடிந்த பிறகும் கண்களை மூடி பாடலில் தானும் கரைந்து, மற்றவர்களையும் கரைத்தது செம சென்டிமென்ட் டச்.

போட்டிகளுக்கு இடையில் அபீக்ஷாவும் "பிங்க் கலர் புடவை கட்டினவங்களுக்கு ஒரு பரிசு", "கலர்டு பூ வச்சிருக்கிறவங்களுக்கு ஒரு பரிசு", "இன்னிக்கு பர்த் டே கொண்டாடுறவங்களுக்கு தனி பரிசு" என்று பார்வையாளர்களை பரிசு மழையில் திக்குமுக்காட வைத்தார்.

இதனைத் தொடர்ந்து அழகுக் குறிப்பு அபர்ணாவும் மேடையில் தோன்றி "ஆரோக்கியமான உடல், ஆரோக்கியமான மனம் மாதிரி ஆரோக்கியமான கூந்தலும் அவசியம்" என்று ஆரம்பித்து பளிச் டிப்ஸ்களை அள்ளிவிட்டு நகர்ந்தார்.

அது ஒரு ஆனந்த அனுபவம்...

வினாடி-வினா போட்டியில் ஒரு பள்ளியின் தலைமை ஆசிரியரும், ஒரு ஆசிரியரும் ஒரே அணியாக அமர்ந்திருந்தனர். அவர்கள் 'சினிமா ரவுண்டை' தேர்ந்தெடுத்தபோது "ஓஹோ... மிஸ்ஸெல்லாம் இப்போ ரொம்ப சினிமா பார்க்குறீங்களா, உங்க ஸ்டூடன்ட்ஸ்கிட்ட போட்டுக் கொடுக்கிறேன்" என்று கலாய்த்து காலி பண்ணினார் அபீக்ஷா.

ஒவ்வொரு ஒரு மணி நேரத்துக்கும் இடையில் செமத்தியான ஹிட் ஹாட் குத்துப்பாட்டு ஒன்றை இசைக்க சொல்லி ஆடி அடங்கினார்கள் ஆடியன்ஸ். இதையெல்லாம் முன்வரிசையில் உட்கார்ந்து பொறாமையோடு பார்த்துக் கொண்டிருந்த நடுவர் கூட்டமும் ஒரு கட்டத்தில் 'பொறுத்தது போதும் பொங்கி எழு' என்றபடி களத்தில் குதித்து ரகளையாக ஸ்டெப்ஸ் போட்டு அசத்த, அது 1000% ஆனந்த அனுபவமாக மாறியது.

இப்படி செவிக்கும், கண்களுக்குமான ஜாலி விருந்தில் திளைத்திருந்த வாசகிகளுக்கு பகல் இடைவேளையில் டீ மற்றும் ஸ்நாக்ஸ், லஞ்ச் டைமில் ஹெல்தியான, டேஸ்டியான சாப்பாடு, மீண்டும் மாலையில் டீ, ஸ்நாக்ஸ் என்று அவர்களின் வயிற்றுக்கு விருந்திடலும் இனிதே நிகழ்ந்தது.

இறுதிப் போட்டியான 'பாட்டுக்கு பாட்டு' முடிந்ததும் அத்தனை பேரும் ஆவலோடு எதிர்பார்த்துக் கொண்டிருந்த பரிசு வழங்கும் வைபவம். முதல் பரிசாக கிரைண்டர், இரண்டாம் பரிசாக மிக்ஸி, மூன்றாம் பரிசாக குக்கர் மற்றும் ஆறுதல் பரிசுகள் என்று தோழிகள் கூட்டம் பரிசுகளை அள்ளியது. அடுத்து, 'பம்பர் பரிசு'க்கான அதிர்ஷ்டப் பெண்மணியை தேர்ந்தெடுக்கும் நிகழ்வு வந்தது. நம்பர் அறிவிக்கப்பட்டதும் 'ஹேய்' என்று உற்சாகக் குரல் கொடுத்தபடி மேடை நோக்கி ஓடிவந்த உமாமகேஸ்வரி பம்பர் பரிசை தட்டிச் சென்றார்.

அது ஒரு ஆனந்த அனுபவம்...

நாள் முழுவதும் உற்சாகம் பொங்கி வழிந்த அந்த அரங்கத்தை விட்டு பரிசுகள் கனத்த கைகளுடன் மெள்ள மெள்ள நகர ஆரம்பித்தார்கள் தோழிகள். நிகழ்ச்சிக்கு வந்திருந்த அனைவருக்கும்கூட பரிசுதான். ஆம்... விவெல் நிறுவனத்தின் கிஃப்ட் ஹேம்பர், ஒவ்வொருவருக்கும் வழங்கப்பட்டது.

'மீண்டும் சந்திப்போம்' என்ற குரல் மீண்டும் அவர்களுக்கு புத்துணர்வு தந்தது.

நமக்கும்!

அது ஒரு ஆனந்த அனுபவம்...
-படங்கள் ஜா.ஜாக்சன், எம்.விஜயகுமார்.
அது ஒரு ஆனந்த அனுபவம்...
அது ஒரு ஆனந்த அனுபவம்...
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism