Published:Updated:

வாய்க்கவில்லை வாய்மொழி... வசமானது தூரிமை மொழி!

வாய்க்கவில்லை வாய்மொழி... வசமானது தூரிமை மொழி!

வாய்க்கவில்லை வாய்மொழி... வசமானது தூரிமை மொழி!

வாய்க்கவில்லை வாய்மொழி... வசமானது தூரிமை மொழி!

Published:Updated:

ஓவியப் பாவைகள்...
வாய்க்கவில்லை வாய்மொழி... வசமானது தூரிமை மொழி!
வாய்க்கவில்லை வாய்மொழி... வசமானது தூரிமை மொழி!

ஒட்டுமொத்த விகடனுக்கும் ஒரே ஷார்ட்கட்!

வாய்க்கவில்லை வாய்மொழி... வசமானது தூரிகைமொழி!

வாய்க்கவில்லை வாய்மொழி... வசமானது தூரிமை மொழி!

'ஒரு கதவு மூடப்பட்டால்... இன்னொரு கதவை கடவுள் திறப்பார்' என்பது மனிதனின் நம்பிக்கை. ஆனால், திறக்கப்பட்டது ஜன்னல்தான். என்றாலும், அந்தச் சிறு வெளிச்சத்தைக் கொண்டு சாதனை படைக்கத் துடிக்கும் இரண்டு இளம் மாணவிகள் இவர்கள்!

பிறவியிலேயே கேட்கும் திறனும், பேசும் திறனும் இழந்தவர்கள் இந்த இருவரும். இவர்களின் உடல் சவால் குறித்த உண்மை, நம்மை கவலையில் ஆழ்த்துவதற்கு முன்னரே... ஓவியத் திறமை மூக்கின் மேல் விரல் வைக்கச் செய்கிறது!

சென்னை, பெருங்குடியைச் சேர்ந்த சுவேதா... கண்களில் மொழி பேசும் தூரிகைப் பெண்! படிப்பது... சென்னை, எழும்பூரிலுள்ள அரசு கவின் கலைக் கல்லூரியில் இரண்டாமாண்டு ஓவியம். சிறுவயது முதல் ஓவியத்தில் ஆர்வம் கொண்ட சுவேதா, இப்போது சிறுவர், சிறுமியருக்கு ஓவியம் கற்றுத் தரும் அளவுக்கு தேர்ச்சி பெற்றுள்ளார்.

சுவேதாவுக்காக தன் வீட்டு மாடியில் தனியாக ஓவியக் கூடம் ஒன்றை அமைத்துக் கொடுத்திருக்கும் அவருடைய தந்தை கணேசன், "நானாக அவளுக்கு எந்தத் திறமையையும் புகட்டவில்லை. ஓவியம் வரைவது அவளுக்கு பிறவிலேயே கை வந்த கலை. அது எக்காரணம் கொண்டும் வற்றாமல் பார்த்துக் கொண்டது மட்டுமே என் பங்கு. என் ஆசையெல்லாம், அவள் வாழ்க்கை முழுக்க யாரையும் சாராமல் சுதந்திரமாக இயங்க வேண்டும் என்பதுதான்" என்று கண்களில் பெருமிதம் பொங்கச் சொன்னவர், சுவேதாவின் செய்கை மொழியை நமக்காக வார்த்தை மொழியாக்கினார்.

வாய்க்கவில்லை வாய்மொழி... வசமானது தூரிமை மொழி!

"இதை வெறும் ஹாபியாக மட்டும் நினைக்காமல், ஒரு தவம் போல் நினைத்துச் செய்கிறேன். என் வாழ்வாதாரத்தை பெருக்கும்விதமாக, என் பெயின்ட்டிங்குகளை லட்சம் ரூபாய்க்கு மேல் விற்றிருக்கிறேன். என் குரு ராமசுரேஷூக்கு நன்றி சொல்லக் கடமைப்பட்டிருக்கிறேன்" எனும் சுவேதா, 'போர்ட்ரைட்' எனப்படும் மனித உருவங்களை வரைவதில் கில்லாடி. பாடகர் உன்னிகிருஷ்ணனை தத்ரூபமாக வரைந்து அவருக்கு பரிசாக அளித்து அசத்தியுள்ளார்.

இவரிடம் விருதுகளுக்கும் பஞ்சமில்லை. 2007-ம் ஆண்டுக்கான யுவகலாபாரதி விருது உட்பட ஏராளமான விருதுகளை வாங்கிக் குவித்துள்ளார். தனது படைப்புகளையெல்லாம் தனி கண்காட்சியாக வைக்கும் முயற்சியில் இருக்கும் சுவேதாவை நாமும் வாழ்த்துவோம்!

வித்யார்த்தி... ஒன்றரை வயதில் தன் பாட்டியின் வாக்கிங் ஸ்டிக்கை பார்த்து வரைந்ததுதான் இவரின் முதல் ஓவியம்! ஓவியத்துக்காக இவர் முதல் முறையாக பரிசு பெற்றது மூன்றாம் வகுப்பில். வங்கியில் பணிபுரியும் வித்யார்த்தியின் அம்மா உமா மகேஸ்வரிதான் ஒலியற்ற அவர் உலகத்தின் இசை. வரைய ஊக்குவித்தது, அவர் உலகத்தை பென்சில்களாலும், பெயின்ட்டுகளாலும் நிறையச் செய்தது, ஓவியப் போட்டிகளுக்கு அழைத்துச் சென்றது... என அக்கறை காட்டிய அவருடைய அம்மாதான்... இன்று வித்யார்த்தி ஒரு தேர்ந்த ஓவியர் ஆகி இருப்பதற்கான முதல் துணை!

சென்னை ஓவியக் கல்லூரியில், வர்ணக்கலை இறுதியாண்டு பயின்று வரும் வித்தியார்த்தி, இதுவரை ரூ. 3 லட்சத்துக்கு தன்னுடைய ஓவியங்களை விற்பனை செய்துள்ளார். அதிகபட்சமாக, ரூ.47,500 வரை விற்பனையானது ஒரு ஓவியம். காமன்வெல்த் ஓவியப் போட்டி, தேசிய ஒவியப் போட்டி ஆகியவற்றில் விருதுகளைப் பெற்றிருக்கிறார்.

வாய்க்கவில்லை வாய்மொழி... வசமானது தூரிமை மொழி!

வித்யார்த்தியின் செய்கை மொழியை இங்கே நமக்காக வார்த்தை மொழியாக்குகிறார் அவர் அம்மா...

"எனக்கு அப்பா இல்லை. எல்லாமே அம்மாதான். இனி வரும் காலங்களில் என் ஓவியங்கள் மூலம் கிடைக்கும் வருமானத்தை என் அப்பா பெயரில் ஒரு அறக்கட்டளை தொடங்கி, என்னைப் போன்ற மாற்றுத் திறனுள்ள குழந்தைகளை ஊக்குவிப்பதற்காக செலவிடுவேன்'' என்று சொல்லி நிமிர்ந்து பார்க்க வைக்கும் வித்தியார்த்தியின் இன்னொரு கனவு...

''மேல் படிப்பை லண்டனில் படிக்க ஆசை. அரசு உதவி செய்தால் அது நனவாகும்!" என்கிறார் கண்களின் வேண்டுகோளுடன்!

வாழ்த்துக்கள்!

வாய்க்கவில்லை வாய்மொழி... வசமானது தூரிமை மொழி!
- மோ.அருண் ரூப பிரசாந்த், ச.இரா.ஸ்ரீதர்
படம் அ.ரஞ்சித்
வாய்க்கவில்லை வாய்மொழி... வசமானது தூரிமை மொழி!
வாய்க்கவில்லை வாய்மொழி... வசமானது தூரிமை மொழி!
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism