Published:Updated:

காலேஜ் ஸ்டார்!

காலேஜ் ஸ்டார்!

காலேஜ் ஸ்டார்!

காலேஜ் ஸ்டார்!

Published:Updated:

காலேஜ் ஸ்டார்
காலேஜ் ஸ்டார்!
காலேஜ் ஸ்டார்!

ஒட்டுமொத்த விகடனுக்கும் ஒரே ஷார்ட்கட்!

படிக்கிற காலத்திலேயே பிற துறைகளிலும் ஜொலிக்கிற கல்லூரி மாணவிகளின் அணிவகுப்பு...

காலேஜ் ஸ்டார்!

"ஒவ்வொருத்தரோட வெற்றிக்குப் பின்னாலயும், ஒரு ஆணோ, இல்ல ஒரு பெண்ணோ இருப்பாங்க. ஆனா, என்னோட வெற்றிக்கு பின்னால ஒரு ஆண், ஒரு பெண் ரெண்டு பேருமே இருக்காங்க. அது, என் பெற்றோர்! அவங்களோட அன்பும், அக்கறையும், ஊக்குவிப்பும்தான் என்னைச் சாதனைப் பாதையில தன்னம்பிக்கை தந்து செலுத்திட்டு இருக்கு!"

- தெளிவான வார்த்தைகள்ல ஆரம்பிச்ச உதயா என்கிற கோமதி ஆர்த்தி, பெரியகுளம் ஜெயராஜ் செல்லத்துரை கல்லூரியில மூன்றாம் ஆண்டு பி.எஸ்சி. ஐடி ஸ்டூடன்ட்!

கட்டுரை, கவிதை, பேச்சுப் போட்டியில ஷீல்டு வாங்கறது, ஸ்கிட், மைம் போட்டிகளுக்கு ஸ்கிரிப்ட் எழுதறதுனு எழுத்தையும் பேச்சையும் வச்சே கலக்கிட்டு இருக்கற உதயாவோட ஹைலைட்... அவர் எழுதி வெளியிட்டிருக்கற கட்டுரைப் புத்தகங்கள்!

"சின்ன வயசுல இருந்தே வாசிப்பு பழக்கத்தை கத்துக் கொடுத்தாங்க எங்க அப்பாவும், அம்மாவும். செய்தித்தாள், சிறுவர் பத்திரிகைகள்னு படிக்க ஆரம்பிச்சு, அப்புறம் எழுத்தாளர்களோட புத்தகங்கள் படிக்கற அளவுக்கு என்னை செதுக்கினாங்க. ஸ்கூல்ல கட்டுரை, கவிதைப் போட்டிக்கு எல்லாம் பெயர் கொடுத்துட்டு வருவேன். அப்பாதான் என்னை தயார் பண்ணுவாரு.

காலேஜ் ஸ்டார்!

ஒரு கட்டத்துல, 'இதுவரைக்கும் சரி... இனி நீதான் உன் சொந்த முயற்சியில களத்துல இறங்கணும்"னு அவர் சொல்ல... எழுத்து, மொழி, கலை, அறிவியல்னு எல்லாத் துறைகள்லயும் என்னோட பார்வை பதிஞ்சுச்சு. கல்லூரி வந்ததுக்கு அப்புறம் அது இன்னும் விசாலமாச்சு!"னு சொல்ற உதயா... எழுத்து, பேச்சுக்காகவே இன்ட்ரா காலேஜ், இன்டர் காலேஜ், டிஸ்ட்ரிக்ட், ஸ்டேட், நேஷனல் லெவல் போட்டிகள்ல பரிசுகள் வாங்கியிருக்காங்க. ஆங்கிலப் பத்திரிகைகள் நேஷனல் லெவல்ல நடத்தின பொதுஅறிவு தேர்வுல 'ரேங்க் அவார்டு' வாங்கியிருக்காங்க.

இதுவரை எழுதியிருக்கற 90 கட்டுரைகள்ல 75 கட்டுரைகள் பரிசு வாங்கியிருக்கு. அதுல 35 கட்டுரைகள் மதுரை, காமராஜ் பல்கலைக்கழகம்; காரைக்குடி, அழகப்பா பல்கலைக்கழகம், திருச்சி, பாரதிதாசன் பல்கலைக்கழகம்னு சில பல்கலைக்கழகங்களோட பிரத்யேக புத்தகங்கள்ல இடம்பிடிச்சிருக்கு. டாக்டர் பட்டம் வாங்கினவங்களோட தொகுப்புகள் மட்டுமே இடம்பிடிக்கற புத்தகம் அதுங்கறதுதான் குறிப்பிட வேண்டிய விஷயம்.

''இலக்கியம், ஆன்மிகம், உளவியல், ஆய்வு கட்டுரைனு எல்லா துறைகள்லயும் நான் எழுதற கட்டுரைகள் மூலமா 'பல்கலை ஆர்வலர் விருது', 'சாதனை பெண்மணி விருது'னு எனக்கு நிறைய கௌரவம் கிடைச்சிருக்கு!" என்று சொல்லும் உதயா...

"கட்டுரைகள் வெளிவர்றதுல பல செஞ்சுரிகள் அடிக்கணும்ங்கிறதுதான் என்னோட லட்சியம். அதைத்தான் என் பேனாகிட்ட எப்பவுமே சொல்லிட்டே இருக்கேன்!"

- புன்னகைக்கிறார் உதயா!

காலேஜ் ஸ்டார்!
-தி.முத்துராஜ் படம் இரா.முத்துநாகு
காலேஜ் ஸ்டார்!
காலேஜ் ஸ்டார்!
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism