Published:Updated:

ஃப்ளாஷ்பேக்!

ஃப்ளாஷ்பேக்!

ஃப்ளாஷ்பேக்!

ஃப்ளாஷ்பேக்!

Published:Updated:

காலேஜ் கேம்பஸில்!
ஒவ்வொன்றுக்கும் பரிசு ரூ.150
ஃப்ளாஷ்பேக்!
ஃப்ளாஷ்பேக்!

ஒட்டுமொத்த விகடனுக்கும் ஒரே ஷார்ட்கட்!

இல்லத்தரசிகளும் அசத்துகிறார்கள்

மூளை 'க்ளே'வை... பிரிச்சுப் பார்க்காதீங்க!

அன்று எங்கள் ஆங்கிலப் பேராசிரியர், 'டாய்ஸ்' (Toys) என்ற ஆங்கிலக் கவிதை பற்றி பாடம் நடத்திக் கொண்டிருந்தார். பொம்மையை உடைத்துவிட்ட குழந்தையை, அதன் தந்தை அடித்துவிடுகிறார். பிறகு அதற்காக வருந்துகிறார் என்பது பற்றிய கவிதை அது. வகுப்பை சீரியஸாக நடத்திக் கொண்டிருந்த பேராசிரியர், ''அது க்ளே (Clay) கொண்டு உருவாக்கப்பட்ட பொம்மை" என்று

ஃப்ளாஷ்பேக்!

சொன்னார். 'க்ளே' என்ற வார்த்தைக்கு அர்த்தம் புரியாததால், "அப்டீனா சார்..?" என்று 'ஞான' சந்தேகம் எழுப்பினேன். உடனே, "அதுதான்... உன் தலையில இருக்குமே..." என்றார் அவர் குறும்பாக. அர்த்தம் எனக்குப் புரிந்துபோக, "ஏன் சார் பிரிச்சுப் பார்க்கறீங்க..? நம்ம தலையிலனு சொல்லுங்க..!" என்று நான் கவுன்ட்டர் கொடுத்தேன். அவர் ஒரு ஜாலி பார்ட்டி என்பதால், அதை ரசித்துச் சிரிக்க, வகுப்பும் சிரித்துவிட்டது!

-கல்யாணி பாலு, திருநெல்வேலி

ஜுரம் வந்தா முக்கொம்பு மருந்து!

திருச்சியில் ஒரு கல்லூரியில் படித்துக் கொண்டிருந்தேன். ஒரு நாள் மதியம், வெவ்வேறு டிபார்ட்மென்ட்டை சேர்ந்த தோழிகள் நான்கு பேருடன் சேர்ந்து கொண்டு... காய்ச்சல், தலைவலி என்று ஆளுக்கு ஒரு காரணத்தை தத்தம் வகுப்புகளில் சொல்லி 'கட்' அடித்தோம். அப்படியே முக்கொம்பு புறப்பட்டு

ஃப்ளாஷ்பேக்!

போய் ஆட்டம் பாட்டத்துடன் பொழுதைக் கழித்தோம். மறுநாள் என் வகுப்புக்கு வந்த தமிழாசிரியை, "உங்களுக்கு யாருக்காவது காய்ச்சல் வந்தா டாக்டர்கிட்ட போக வேண்டாம்..." என்று சொல்லி நிறுத்த, மொத்த வகுப்பும் புரியாமல் நிமிர்ந்து பார்த்தோம். என்னைக் கூர்ந்து பார்த்தவர், "முக்கொம்பு போனா சரியாயிடும்... இல்லையா சந்திரா?" என்று கேட்க, வியர்த்து விறுவிறுத்து விட்டது எனக்கு. பிறகுதான் தெரிந்தது... முதல் நாள் உறவினர்களுடன் முக்கொம்பு வந்த தமிழாசிரியை, அந்த பூங்கா மற்றும் அணையைவிட, எங்கள் ஆட்டத்-தைத்தான் அதிகம் பார்த்திருக்கிறார் என்று!

- எஸ்.சந்திரா, புதுக்கோட்டை

நைட்டியில் வந்த வார்டன்!

ஃப்ளாஷ்பேக்!

கல்லூரியில் படித்த காலத்தில் தனியார் ஹாஸ்டலில் தங்கியிருந்தேன். அங்கே இரவு 9 மணியிலிருந்து 10.30 மணி வரைக்கும் 'ஸ்டடி ஹவர்'. மேல்தளம், கீழ்த்தளம் என்று அந்தந்த தளத்தில் இருக்கும் மாணவிகள் வராண்டாவில் அமர்ந்து படிக்க வேண்டும். தளம் மாறக் கூடாது. அன்று ஒரு நாள், கீழ்த்தளத்தில் இருந்த என் தோழிகள் சிலர், மேல்தளத்துக்கு வந்து எங்களுடன் அரட்டை அடித்துக் கொண்டிருந்தனர். அந்த நேரம் பார்த்து ரவுண்ட்ஸ் வந்த வார்டன் அதைப் பார்த்துவிட, அர்ச்சனை ஆரம்பமானது எங்களுக்கு. அப்போது, எங்கள் அறையில் இருந்து ஓடி வந்த கீழ்த்தள தோழி ஒருத்தி, "தள்ளு தள்ளு... வார்டன் ரவுண்ட்ஸ் வர்றாங்களாம். நான் பாத்ரூம்ல ஒளிஞ்சுக்கறேன்..." என்றபடியே நைட்டியில் இருந்த வார்டனை அடையாளம் தெரியா-மல் விலக்கிவிட்டு ஓட, நாங்கள் சிரிக்க, அவள் விழிக்க, வார்டன் முறைக்க... ஜோக்கோ ஜோக்குதான் போங்க!

அதன்பின் அர்ச்சனை டபுள் மடங்கானது தனிக்கதை!

- எழில், ஓசூர்

இந்தப் பகுதிக்கு உங்கள் கல்லூரி அனுபவங்களை எழுதி அனுப்பலாம்.

முகவரி 'ஃப்ளாஷ்பேக்', அவள் விகடன்,
757, அண்ணாசாலை,
சென்னை-600 002

ஃப்ளாஷ்பேக்!
-
ஃப்ளாஷ்பேக்!
ஃப்ளாஷ்பேக்!
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism