Published:Updated:

என் டைரி 234 - சிநேகிதிக்கு.. சிநேகிதிக்கு..

என் டைரி 234 - சிநேகிதிக்கு.. சிநேகிதிக்கு..

என் டைரி 234 - சிநேகிதிக்கு.. சிநேகிதிக்கு..

என் டைரி 234 - சிநேகிதிக்கு.. சிநேகிதிக்கு..

Published:Updated:

வாசகிகள் பக்கம்
சிநேகிதிக்கு...சிநேகிதிக்கு...
என் டைரி 234 -  சிநேகிதிக்கு.. சிநேகிதிக்கு..
என் டைரி 234 -  சிநேகிதிக்கு.. சிநேகிதிக்கு..

ஒட்டுமொத்த விகடனுக்கும் ஒரே ஷார்ட்கட்!

என் டைரி 233-amp;ன் சுருக்கம்...

"பெற்றோரை எதிர்த்து காதல் திருமணம் புரிந்து, இரண்டு பெண் குழந்தைகள் பிறந்த நிலையில், சாலை விபத்தில் கணவரைப் பறிகொடுத்தேன். உதவிக்கு யாருமில்லாத நிலையில் என் மீது பரிவு காட்டியவரை இரண்டாவதாக திருமணம் செய்து கொண்டேன்.

இந்நிலையில், இந்தத் திருமணம் பற்றி தற்போதுதான் தெரிந்து கொண்ட அவருடைய அப்பா, 'அவன் எனக்கு ஒரே மகன். என் குடும்பத்துக்கு வாரிசு வேணும். அது, உன்னால் முடியாது என்றால், அவனையாவது வேற வாழ்க்கை வாழ விடு' என்று என்னிடம் சண்டை போடுகிறார். இவரோ, 'உன் குழந்தைகள்தான் என் குழந்தைகள். வேறு குழந்தையே வேண்டாம்' என்று பிடிவாதமாக இருக்கிறார். வழி சொல்லுங்கள்..."

என் டைரி 234 -  சிநேகிதிக்கு.. சிநேகிதிக்கு..

என் டைரி 233-க்கான வாசகிகளின் ரியாக்ஷன்...

'மாமனாரின் மனதை மாற்று!'

உனக்கு எப்படி உன்னவர் தேவையோ... அதேபோல அவரின் தந்தைக்கும் சில எதிர்பார்ப்புகள் இருக்கத்தானே செய்யும். உன் கணவர் மூலமாகவே, பக்குவமாகப் பேசி புரியவைக்க முயற்சி செய். உன் குழந்தைகளையே அவருடைய பேரக் குழந்தைகளாக நினைக்கும் அளவுக்கு அவருடைய மனதை மாற்றும் வேலையில் இறங்கு. குழந்தைகளிடமும், தாத்தாவின் அருமை பெருமைகளை சொல்லி, அந்நியோன்யத்தை வளர்க்கும் வித்தையையும் பயன்படுத்து... நிச்சயம் உன் மாமனார் மனம் மாறுவார்.

- எஸ்.செல்வி ஸ்ரீனிவாசன், திருவண்ணாமலை

உன்னைக் குழந்தைகளுடன் ஏற்றுக் கொண்டு, விரும்பி மணந்தவர் உறுதுணையாக இருக்க, வீண் பயத்தை விட்டொழி. எது எப்படி இருந்தாலும், 'கைவிடமாட்டார் கணவர்' என்ற நம்பிக்கை உனக்கு இருந்தால், நீங்கள் இருவரும் உங்கள் முடிவில் உறுதியாக இருந்தால், எந்த மாமனாரும் எதுவும் செய்துவிட முடியாது. எல்லாப் பிரச்னைகளும் தன்னாலே விலகி ஓடிவிடும்.

- டி.எம்.பானுமதி, சென்னை-88

தங்களுக்கு என்று குழந்தைகள் பிறக்காத எத்தனையோ பேர்... அநாதைக் குழந்தைகளை தத்து எடுத்து வளர்க்கவில்லையா? அவற்றை சொந்த பேரன்/பேத்தியாகவே பாவித்து கொஞ்சி மகிழவில்லையா? இந்த விஷயங்களை, அக்கம் பக்கத்து உதாரணங்களோடு உன் மாமானருக்கு புரிய வைத்தால்... நிச்சயம் வெற்றிதான். ஆனால், இந்த வேலையை மறந்தும் நீ செய்துவிடக் கூடாது. அனைத்தையும் உன் கணவர் மூலமாகவே செய்ய வேண்டும். நிச்சயமாக கனி கனியும்!

- உஷா, சென்னை-4

'வேறு குழந்தைகள் வேண்டாம்' என்று உறுதியோடு இருக்கும் உன்னுடைய கணவர், இமயம் போல் உயர்ந்து நிற்கிறார். அப்படிப்பட்டவர் இருக்கும்போது எதற்காக மாமனாரைப் பார்த்து பயப்பட வேண்டும். உலகப் பணக்காரர்கள் பட்டியலில் இடம் வகிக்கின்ற டாடா, பிர்லா போன்றவர்களே வாரிசு பற்றி கவலைப்படாத நிலையில், இவர் வாரிசை நினைத்து வருந்துவதிலிருந்தே... வாழ்க்கையைப் பற்றிய தெளிவு இல்லாத நிலையில் இருக்கிறார் என்றே தெரிகிறது.

உன் திருமணம் சட்டப்பூர்வ அங்கீகாரம் பெற்றிருந்தால், யாராலும் ஒன்றும் செய்ய முடியாது. துணிச்சலோடு எதையும் எதிர்கொள்!

- ராதாமதி, பாபநாசம்


வாசகிகள் பக்கம்
என் டைரி- 234
நேற்று, அன்புக் காதலி... இன்று, அடிமை மனைவி!

ல்லூரிக் காலத்திலேயே காதல் திருமணம் செய்து கொண்டவள் நான். என் பெற்றோர்கள், இந்தத் துரோகத்தை தாங்கிக்கொள்ள முடியாமல் மனமுடைய, நானோ அதைப் பற்றி பெரிதாகக் கவலைப்படாமல், ப்ரியமுடன் என் கரம் பற்றிய கணவருடன் வாழ்க்கையைத் தொடங்கினேன். ஆனால், ஆறு மாதங்களுக்குள் வாழ்க்கையே வெறுத்துப் போய் இருக்கிறேன் நான். காரணம், என் புகுந்த வீட்டுச் சூழல்.

காதலித்தபோது 'எல்லாம் நீதான்' என்று உருகிய கணவருக்கு, இப்போது நான் ஒரு அடிமை மனைவி... அவ்வளவுதான். காலையில் அரக்கப்பரக்க கிளம்பி அலுவலகம் செல்பவர், இரவு வீட்டுக்கு வந்ததும் சாப்பிட்டுப் படுத்துவிடுகிறார். கேட்டால், "வேலைக்கு போற மனுஷனுக்கு ஆயிரம் டென்ஷன். உனக்கு என்ன தெரியும்..." என்று என்னைத் திட்டுகிறார்.

என் டைரி 234 -  சிநேகிதிக்கு.. சிநேகிதிக்கு..

அவருடைய பணி அழுத்தம் எனக்கும் புரியாமலில்லை. அதற்காக... அவர் என்னிடம் சுத்தமாக பேசாமலே இருப்பதுதான் வேதனையைக் கூட்டுகிறது. அலுவலகம் கிளம்பும்போது "போயிட்டு வர்றேன்" என்று சொல்லிச் செல்வது, அலுவலக நேரத்தில் இடையில் ஒரே ஒருமுறை எனக்கு போன் செய்வது, இரவு அவருக்காகக் காத்திருந்து சாப்பாடு பரிமாறும் என்னிடம், "நீ சாப்பிட்டியா?" கேட்பது... இப்படி சில வார்த்தைகள் போதும் எனக்கு. ஆனால், அதுகூட இல்லாமல் அவரின் வெறுப்பை மட்டுமே சந்தித்துக் கழிகிறது என் பொழுது.

என் மாமியாராவது அனுசரணையாக இருப்பார் என்று பார்த்தால், 'நகை, வரதட்சணை, சீர்' என்று வரும் ஒரு மருமகளுக்காக காத்திருந்த அவரின் ஆசையை நிராசை ஆக்கிய என்னைக் கொஞ்சமும் அவருக்குப் பிடிக்க வில்லை. அதனாலேயே என்னிடம் பேசுவதுகூட இல்லை.

இந்த வீட்டில் எனக்கு ஒரே ஆறுதல், என் மாமனார்தான். ஆனால், என் மாமியார் ஒருமுறை பக்கத்து வீட்டுப் பெண்ணிடம், "என் புருஷனையும் அவ பக்கம் இழுத்துடுவா போல..." என்று நாராசமாகப் பேசியதிலிருந்து, மாமனாரிடமும் பேசுவதில்லை.

ஆக, ஒரு வார்த்தை... ஒரே ஒரு வார்த்தை பேசக்கூட சந்தர்ப்பம் வாய்க்காமல், காலையில் இருந்து இரவு வரை மௌனியாகவே இருக்கிறேன் நான். உள்ளுக்குள் அழுகிறேன்.

இந்த நேரத்தில்தான் என் பிறந்த வீட்டைத் தேடியது மனம். என் அம்மாவிடம் போனில் பேச ஆரம்பித்தேன். என் நிலைமையைக் கேட்டு பதறிய என் அம்மா, "ஆயுள் முழுக்க அந்த மனுஷங்ககிட்ட மாட்டி சாகாம, புள்ள குட்டி ஜனிக்கறதுக்குள்ள எங்ககிட்ட வந்து சேர்ந்துடுடி..." என்கிறார் அழுகையுடன்.

'அழகா வாழ்வோம்' என்று ஆசையாக நான் செய்துகொண்ட திருமணத்தைத் துறந்து செல்லும் துணிவில்லை எனக்கு. ஆனால், என் நிலைமை இப்படியே தொடர்ந்தால் அது நடந்துவிடுமோ என்று பயமாக இருக்கிறது.

என்ன செய்ய தோழிகளே..?!

- ஊர், பெயர் வெளியிட விரும்பாத வாசகி

 

என் டைரி 234 -  சிநேகிதிக்கு.. சிநேகிதிக்கு..
-
என் டைரி 234 -  சிநேகிதிக்கு.. சிநேகிதிக்கு..
என் டைரி 234 -  சிநேகிதிக்கு.. சிநேகிதிக்கு..
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism