Published:Updated:

அசத்தல் பெண்கள்!

அசத்தல் பெண்கள்!

அசத்தல் பெண்கள்!

அசத்தல் பெண்கள்!

Published:Updated:

அசத்தல் பெண்கள்!
வி.ஜெய்கிருஷ்ண கோகிலன்
அசத்தல் பெண்கள்!
அசத்தல் பெண்கள்!

ஒட்டுமொத்த விகடனுக்கும் ஒரே ஷார்ட்கட்!

திருநெல்வேலியில் ஒரு டெரர் பெர்ஃபார்மன்ஸ்!

'அவள் விகடன்' - 'சன்ஃபீஸ்ட் மாரிலைட்' இணைந்து நடத்திய 'அசத்தல் பெண்கள்' நிகழ்ச்சியை அதிரடி திருவிழாவைப் போல கொண்டாடி மகிழ்ந்தனர் திருநெல்வேலி வாசகிகள். ரம்ஜான், விநாயகர் சதுர்த்தி என மூன்று நாட்களுக்கு கிடைத்த தொடர் விடுமுறையில், ஊருக்குச் செல்லாமலும், ஆவணி மாதம் கடைசி முகூர்த்த திருமண நிகழ்ச்சிகளை தவிர்த்தும்... மாவட்டம் முழுவதிலும் மட்டுமின்றி, பக்கத்து மாவட்டத்திலிருந்தும் வந்து குவிந்த வாசகிகளுக்கு, வந்தனங்கள் பல!

அசத்தல் பெண்கள்!

வீடு, குடும்பம் என்ற வட்டத்துக்குள் சுற்றிக்கொண்டிருந்த நம் வாசகிகள், மியூசிக்கல் சேர், நடனம், ஸ்கிப் பிங், அந்தாக்ஷரி என அன்று பட்டாம்பூச்சியாக சிறகடித் துப் பறந்துவிடும் முடிவுடன்தான் வந்திருந்தனர்.

அசத்தல் பெண்கள்!

நிகழ்ச்சி நடைபெற்ற திருநெல்வேலி, ஃபிரான்சிஸ் சேவியர் பொறியியல் கல்லூரியின் டாக்டர் ஏ.பி.ஜே. அப்துல் கலாம் பிளாக்... டீன்கள், ஆன்ட்டிகள், பாட்டியம்மாக்கள் என்று குவிந்த அனைத்து வயதுப் பெண்களையும் ஆரவாரத்துடன் அடைக்கலப்படுத்திக்கொள்ள, தமிழ்த்தாய் வாழ்த்துடன் நிகழ்ச்சியை ஆரம்பித்தார் தொகுப்பாளினி சுமதி ராஜகோபால்.

மியூசிக்கல் சேர் போட்டியில் வெற்றி பெற வேண்டும் என்ற வேகத்தில் தூத்துக்குடி வாசகி ஆக்னஸ், இரண்டு முறை சேர்களை உடைத்ததும், சேரினை சுற்றி ஓடாமல் நடந்து சென்று கொண்டிருந்த வாசகிகளை 'ஓடி ஓடி விளையாடு...' என்ற திரைப்பாடலால் காலேஜ் பெண்கள் விரட்டியதும், இறுதியாக சந்திரபுஷ்பம் வெற்றி பெற்றதும் 'சூப்பரு... இது சூப்பரு...' என்று அதைக் கன்டினியூ பண்ணியதும், செம அதிரடி!

தொடர்ந்து யோகா கலை நிபுணர் மது, "சிம்ரன் போல கொடி இடை வேணுமா?" என்ற கேள்வியுடன் கோணாசனம் செய்யும் முறையை செய்து காட்டி, "15 நாட்கள் இதைத் தொடர்ந்து செஞ்சாலே... நல்ல பலன் கிடைக்கும்" என்றதுடன், ''முகம் என்றும் இளமையாகவும், பொலிவுடனும் இருக்க மூச்சுப் பயிற்சி அவசியம்'' என்றும் அறிவுறுத்தினார்.

அசத்தல் பெண்கள்!

ஸ்கிப்பிங் போட்டியில் இளசுகளுடன், பெரிசுகளும் புடவையை வரிந்து கட்டிக் கொண்டு களத்தில் குதிக்க, முதல் பரிசினைத் தட்டிச் சென்றார் திவ்யா. அதைத் தொடர்ந்த டீ பிரேக்கில் டீ, நொறுக்ஸை முடித்து புதுத் தெம்புடன் வந்தமர்ந்த வாசகிகளுக்கு, 'டயட்டீஷியன்' காயத்ரி, உடல் பருமனால் ஏற் படும் தொந்தரவுகளைப் பற்றி கூறினார்.

அசத்தல் பெண்கள்!

அடுத்தது, நடனப் போட்டி! நடுவராக, குற்றாலம் பராசக்தி கல்லூரி உதவிப் பேராசிரியை முனைவர் எஸ்.பார்வதி உற்சாகத்துடன் காத்திருக்க, மெலடியாக டியூன் வாசித்த இசைக்குழுவினரை, "திருநெல்வேலிக்கு வந்துட்டு டெரரா மியூஸிக் போட வேணாமா..?" என்று வாசகிகள் விசிலடித்து கலாய்த்தனர். உடனே வேகம் எடுத்த இசைக்குழு, அதிர அதிர குத்துப் பாட்டு டியூன்களைத் தட்டிவிட, 60 வயதைக் கடந்த பொன்னுலட்சுமி அம்மாள் ஆடிய ஆட்டம், ஹைலைட்!

அசத்தல் பெண்கள்!

பந்தைக் கையால் விடாமல் தட்டிக் கொண்டிருக்கும் போட்டியில் காயத்ரியும், தொலைவிலிருந்து பக்கெட்டுக்குள் பந்தைப் போடும் போட்டியில் முத்துலட்சுமியும் வெற்றி பெற, அடுத்ததாக அரங்கத்தையே உற்சாகமாக எழ வைத்தது அந்தாக்ஷரிப் போட்டி. "மிருகங்கள், பறவைகள் பெயர்ல ஆரம்பிக்கற பாடல்கள பாடுங்க..." என்று போட்டி ரூல் அறிவிக்கப்பட, 'புலி உறுமுது புலி உறுமுது...' என்று டெரர் பெர்ஃபார்மன்ஸ் கொடுத்து ஆரம்பித்த போட்டியாளர்கள், தொடர்ந்து ஒவ்வொரு பாடலிலும் அரங்கத்தின் ஆரவாரத்தை அதிகமாக்கினர்.

அதன்பின் ஒரு பாடலின் மெட்டும், வேறு பாடலின் ட்யூனுமாக தொகுப்பாளினி பாட, 'இந்த ரெண்டு பாடல்களையும் பிரிச்சு நீங்க சரியா பாடணும்...' என்றதும், இசை அன்னப் பறவையாய் மாறி பிரித்து பெடலெடுத்து விட்டனர் வாசகிகள்.

இறுதியாக, ஐ.டி.சி. நிறுவனத்தைச் சேர்ந்த பாலகிருஷ்ணன் போட்டிகளில் வென்ற வாசகிகளுக்கு பலத்த கை தட்டல்களுக்கு இடையே பரிசினை வழங்கினார். ஒரு லட்ச ரூபாய் மதிப்பிலான பல பரிசுப் பொருட்கள் வழங்கப்பட்டதுடன், நிகழ்ச்சியில் கலந்து கொண்ட அனைவருக்கும் 'சன்ஃபீஸ்ட் கிஃப்ட் பேக்'கும் வழங்கப்பட்டது!

"நாங்க எல்லாம் ரொம்ம்ம்ம்ம்ம்பவே ஹேப்பி!" என்ற ஒரு சுடிதார், "நம்ம அவள் விகடனுக்கு ஒரு 'ஓ' போடுங்க..." என்று மொத்தக் கூட்டத்தையும் அழைக்க, விண்ணதிர எழுந்த சத்தம் சொன்னது... வாசகிகளின் உற்சாகத்தை!



அசத்தல் பெண்கள்!
-படங்கள் ஏ.சிதம்பரம்
அசத்தல் பெண்கள்!
அசத்தல் பெண்கள்!
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism