Published:Updated:

போட்டோ அனுப்புங்க.. சேதி சொல்லுங்க!

போட்டோ அனுப்புங்க.. சேதி சொல்லுங்க!

போட்டோ அனுப்புங்க.. சேதி சொல்லுங்க!

போட்டோ அனுப்புங்க.. சேதி சொல்லுங்க!

Published:Updated:

வாசகிகள் பக்கம்
ஒவ்வொன்றுக்கும் பரிசு ரூ.100
போட்டோ அனுப்புங்க.. சேதி சொல்லுங்க!
போட்டோ அனுப்புங்க.. சேதி சொல்லுங்க!

ஒட்டுமொத்த விகடனுக்கும் ஒரே ஷார்ட்கட்!

போட்டோ அனுப்புங்க... சேதி சொல்லுங்க!

'வாரான் வாரான் பூச்சாண்டி... ரயிலு வண்டியிலே!'

போட்டோ அனுப்புங்க.. சேதி சொல்லுங்க!

பள்ளியில் படித்துக் கொண்டிருக்கும்போது கோவலன்- கண்ணகி நாடகம் போட்டோம். அது சிறப்பாக அமைய வேண்டுமென்று 'சதுக்க பூதம்' வரும் காட்சிகளைத் தேர்ந்தெடுத்தோம். பூதம் மேடையில் தோன்றியதும், கரகோஷம் காதைப் பிளந்து, எங்களின் முயற்சிக்கு அங்கீகாரத்தைப் பெற்றுத் தந்ததோடு... முதல் பரிசையும் கொண்டு வந்தது.

பூதமாக என் தோழி சாலினியும், கோவலனாக நானும், என் தோழனாக கீதாவும் நடித்த அந்தக் காட்சிக்கு மறக்க முடியாத சாட்சிதான் இந்த போட்டோ!

- மைதிலி சிவகுமார், விழுப்புரம்

'அழகான கொண்டைதான்... அதுக்கேத்த மண்டைதான்!'

போட்டோ அனுப்புங்க.. சேதி சொல்லுங்க!

என் திருமணம் 1966-ல் ஆடம்பரமில்லாமல், வீட்டிலேயே நடந்தது. எனக்குப் பின்புறம் இரண்டாவது அக்கா நின்றிருந்தார். கல்யாண போட்டோக்கள் கைக்கு வந்தபோது எல்லோருக்கும் ஆச்சர்யம்... என் இரண்டாவது அக்காவின் கொண்டையைப் பார்த்துதான்! 'ஏது இத்தனை பிரமாண்ட கொண்டை?' என்று தேடினால், அவருக்குப் பின்னால் நின்றிருந்த என்னுடைய முதல் அக்காவின் உதவிதான் இது என்று புரிந்தது. பின்னால் நின்றவரின் முகம் முழுக்க மறைந்து, கொண்டை மட்டும் இரண்டாவது அக்காவின் தலையோடு இணைந்து மிரட்டும் காட்சி இது!

- மைதிலி வரதராஜன், பெங்களூரு

'வாள மீனுக்கும் விலாங்கு மீனுக்கும் கல்யாணம்!'

போட்டோ அனுப்புங்க.. சேதி சொல்லுங்க!

குடும்பத்துடன் கோவை டூர் சென்றபோது, வழியில் இருந்த ஓர் ஓடையைப் பார்த்ததும், அனைவரும் இறங்கி துள்ளிக் குதித்து விளையாடி மீன் பிடித்தோம். என் தங்கை போட்டோ எடுக்க எத்தனிக்க, மற்றொரு தங்கை ரூபி. "ஐயோ, போட்டோ எடுக்காதே. என் முட்டி தெரியுது" என்று அதிர்ந்தபடியே கைகளை விரிக்கும்போது, 'கிளிக்'கியது.

என் தங்கையின் அருகில் நிற்பவள், அண்ணன் மகள் ஷர்மி. போட்டோ எடுக்கிறார்கள் என்று தெரிந்தும் ஒரு அம்மா ஆசையாக ஓடி வந்து நின்றுவிட்டார். தங்கையின் காலுக்கும், அந்த அம்மாவின் காலுக்கும் இங்கே 'மை' அடித்து மறைத்துவிட்டேன்... எப்பூடி?

- ஜி.எஸ்தர் ராஜாத்தி, மதுரை-16

'டேய்... பாராளும் வம்சம் இது... சாமீ!'

போட்டோ அனுப்புங்க.. சேதி சொல்லுங்க!

என்னுடைய அக்கா பேத்தியின் புண்ணியாஜனத்தின் போது, ஐந்து தலைமுறையும் ஆரத்தழுவி, கொஞ்சி மகிழ்ந்ததைப் பார்க்கவே பரவசமாக இருந்தது. உடனே, அனைவரையும் உட்கார வைத்து எடுத்த போட்டோ இது.

என் பாட்டி, அவருடைய மகள் (எங்கள் அம்மா), என் அக்கா, அவருடைய மகள், மடியில் ஐந்தாவது தலைமுறை நாயகி என்று வரிசையாக அமர்ந்திருக்கின்றனர்.இவர்கள் அனைவருமே வீட்டின் மூத்த பெண்கள் என்பது ஸ்பெஷல் ஹைலைட்!

- கே.ராமநாதன், ஈரோடு

'மூழ்காத ஷிப்பே... ஃப்ரெண்ட்ஷிப்தான்!'

பள்ளிப் பருவத்தில் தொடங்கிய எங்களுடைய 58 வருட நட்பு, இன்று வரை நீடிக்கிறது. முதலில், மாம்பலம், சாரதா வித்யாலயா மகளிர் பள்ளியில் எஸ்.எஸ்.எல்.சி. வரை படித்து, 1961-ல் எஸ்.ஐ.ஈ.டி மகளிர் கல்லூரியில் பி.எஸ்சி. (விலங்கியல் பிரிவு) முடித்தோம். களங்கமில்லாத நட்புக்கு சாட்சியாக சியாமளா, சீதா, நான் (கலா), லட்சுமி.

போட்டோ அனுப்புங்க.. சேதி சொல்லுங்க!

நால்வரும் திருமணமாகி வெவ்வேறு ஊருக்குச் சென்றுவிட்டதால், நேரில் சந்திப்பது என்பது அபூர்வம். முன்பு, கடித பரிமாற்றம். தற்போது இ-மெயில்தான் எங்கள் உயிர் சிநேகிதத்துக்கு உறவுப் 'பாலம்' போட்டுக் கொண்டிருக்கிறது.

போட்டோ அனுப்புங்க.. சேதி சொல்லுங்க!

பல ஆண்டுகளுக்குப் பிறகு, 2005-ல் சென்னையில் நாங்கள் நால்வரும் சந்தித்தபோது எடுத்த வண்ணப் படத்தைப் பாருங்களேன்... கள்ளங்கபடமில்லாத நட்பு நால்வரின் (சீதா, சியாமளா, நான், லட்சுமி) முகங்களிலும் இன்னும் கூடுதல் மினுமினுப்போடு இருப்பதை!

- கலா, சென்னை-61

சுவாரஸ்யமான சம்பவங்களை நினைவுபடுத்தும் புகைப்படங்கள் உங்கள் வீட்டுப் பரணிலும் இருக்கிறதா? எடுங்கள் அவற்றை. சம்பவங்களோடு எங்களுக்கு எழுதி அனுப்புங்கள். (குறிப்பு கடிதத்தில் உங்களின் முழு முகவரி, தொலைபேசி எண்ணை குறிப்பிட வேண்டியது அவசியம். புகைப்படங்களை கண்டிப்பாகத் திருப்பி அனுப்ப இயலாது). முகவரி 'போட்டோ அனுப்புங்க... சேதி சொல்லுங்க!' அவள் விகடன், 757, அண்ணாசாலை, சென்னை-600 002

போட்டோ அனுப்புங்க.. சேதி சொல்லுங்க!
-
போட்டோ அனுப்புங்க.. சேதி சொல்லுங்க!
போட்டோ அனுப்புங்க.. சேதி சொல்லுங்க!
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism