Published:Updated:

இனி, முதியோர் இல்லங்களுக்கு மூடுவிழா!

இனி, முதியோர் இல்லங்களுக்கு மூடுவிழா!

இனி, முதியோர் இல்லங்களுக்கு மூடுவிழா!

இனி, முதியோர் இல்லங்களுக்கு மூடுவிழா!

Published:Updated:

இனி முதியோர் இல்லங்களுக்கு மூடுவிழா!
இனி, முதியோர் இல்லங்களுக்கு மூடுவிழா!
இனி, முதியோர் இல்லங்களுக்கு மூடுவிழா!

ஒட்டுமொத்த விகடனுக்கும் ஒரே ஷார்ட்கட்!

பட்டையைக் கிளப்பும் பாட்டி-தாத்தா மாணவர் குழு!

யிர் கொடுத்து, உறவுகள் கொடுத்து, கல்வி, செல்வம், செல்லம் என்று உலகத்தில் உள்ள எல்லாம் கொடுத்து... வளர்க்கப்படும் பிள்ளைகளில் சிலர், பெற்றோர்களுக்குச் செய்யும் கருணையற்ற கைம்மாறு, அந்திம காலத்தில் தன் அம்மாவையும், அப்பாவையும் முதியோர் இல்லவாசி ஆக்குவது!

இனி, முதியோர் இல்லங்களுக்கு மூடுவிழா!

"முதியோர் இல்லங்கள்ல அந்த வயோதிக உடல்களும், உள்ளங்களும் படற வேதனைகள் ஒவ்வொண்ணும் கண்ணீர்க் கதைகள். கூடவே, நாளுக்கு நாள் அதிகமாயிட்டே வர்ற முதியோர் இல்லங்களோட எண்ணிக்கையும் வருத்தமான விஷயம். எதிர்காலத்துல அந்த எண்ணிக்கையைக் கட்டுப்படுத்த, சொல்லப்போனா... முதியோர் இல்லங்களே இல்லைங்கற நிலைமை உருவாக எங்க 'பாட்டி-தாத்தா மாணவர் குழு'வும் ஒரு காரணமா இருக்கும்!'' என்று உறுதி பொங்கச் சொல்கிறார், மதுரையில் இயங்கும் 'பாட்டி-தாத்தா மாணவர் குழு'-வை ஆரம்பித்தவரும், 'இந்திரம்' அறக்கட்டளையின் செயலாளரும், வழக்கறிஞருமான ராம்பிரபு!

தொடர்ந்தவர், ''முதியோர் இல்லவாசிகளுக்கு சேவைகள் செய்ய, மதுரை மாவட்டத்துக் கல்லூரிகள்ல இருந்து தேர்ந்தெடுக்கப்பட்ட தன்னார்வ மாணவர்கள்தான் இந்தக் குழுவோட உறுப்பினர்கள். சேவை செய்யற நேரங்கள்ல, அந்த வயோதிகர்களோட கஷ்டங்களை உணர்ற மாணவ சமுதாயம், எதிர்காலத்துல கண்டிப்பா தங்களோட அப்பா, அம்மாவை அப்படி ஒரு இல்லத்துல விட மாட்டாங்க அப்படிங்கற நோக்கத்துலதான் இந்தக் குழுவே உருவாச்சு!" என்றார்.

இனி, முதியோர் இல்லங்களுக்கு மூடுவிழா!

இந்தக் குழுவில் உறுப்பினர்களாக இருக்கும் மதுரையைச் சேர்ந்த சௌராஷ்ட்ரா மற்றும் மெஜுரா கல்லூரி மாணவிகள் நாகஜோதி, லோகேஸ்வரி மற்றும் ஹேமா ஆகியோர் நம்மிடம், " 'முதியோர் இல்லங்கள்ல வயசானவங்க எல்லாம் அவங்க வயசு ஆட்களோட சேர்ந்து இருக்கறதால, தனிமை தெரியாது'னு சிலர் சப்பைக் கட்டு கட்டுவாங்க. ஆனா, சில இல்லங்கள் தவிர்த்து பல இல்லங்கள் கண்ணீர் கூடாரமாத்தான் இருக்கு. புள்ளைகளால தனிமைப் படுத்தப்பட்ட பெத்தவங்களோட சோகம் ஒரு பக்கம்னா, மத ரீதியாவும், வெளிநாடுகள்லயிருந்து கிடைக்கற நிதிக்காகவும் இயங்குற இல்லங்கள் சிலதுல இருக்கற முதியவர்களோட நிலைமை, ரொம்பவே கவலைக்கிடம். கட்டண அடிப்படையில இயங்கற தனியார் இல்லங்கள் சிலதுல, வசதியான முதியோர்களின் ஆதிக்கம் மற்ற நலிந்த முதியோர்களை நசுக்கறதும் நடக்குது.

இந்தப் பிரச்னைகள் எல்லாம், இல்லங்களுக்கு சேவை செய்யப் போனப்ப எங்களுக்கு தெரியவந்து, அதிர்ச்சியும் அழுகையுமா சேர்ந்து எங்கள உலுக்கிடுச்சு..." என்று மனதார வருந்துகிறார்கள்

"பெரு நகரங்கள்ல மட்டுமில்ல, இப்போ சிறு நகரங்கள்லயும், கூட்டுக்குடும்ப வாழ்க்கைக்கு இலக்கணம் சொல்ற கிராமங்கள்லயும்கூட முதியோர் இல்லங்களோட எண்ணிக்கை பெருகிவர்றது, அதிர்ச்சியான உண்மை. இன்றைய இளைஞர்களுக்கு அந்த இல்லங்கள்ல இருக்கற முதியவர்களோட சிரமங்களைப் புரிய வைக்கறதுதான், நாளை அந்த இல்லங்கள் பெருகாம தடுக்கறதுக்கான தீர்வு. அதுக்காகத்தான் எங்க கல்லூரி என்.எஸ்.எஸ். மாணவிகளை 'பாட்டி-தாத்தா மாணவர் குழு' மூலமா அந்த இல்லங்களுக்கு அனுப்பி வச்சோம். நாளைக்கு அவங்கள சார்ந்திருக்கற முதியவர்களுக்கு, கண்டிப்பா அந்த நிலைமை வரக்கூடாதுங்கற கண்ணீர்ப் பாடத்தை இப்போ அவங்க கத்துக்கிட்டிருக்காங்க" என்று நம்பிக்கையோடு சொன்னார் மதுரை சௌராஷ்ட்ரா மகளிர் கல்லூரி நாட்டு நலப்பணித்திட்ட ஆசிரியர் உமாமகேஷ்வரி.

இனி, முதியோர் இல்லங்களுக்கு மூடுவிழா!

"பல கல்லூரிகள்லயும் இயங்கற எங்க 'தாத்தா-பாட்டி மாணவர் குழு', ஒவ்வொரு கல்லூரி சார்பாவும் ஒரு கிராமத்தை தத்தெடுப்பாங்க. 'இந்திரம்' அறக்கட்டளையோட உதவியோட அந்த கிராமத்துல பிள்ளைகளால தனித்து விடப்பட்டு கிடக்கற முதியோர்களுக்கு அவங்க பிள்ளைங்ககிட்ட இருந்து சட்டப்படி ஜீவனாம்சம் பெற வழிகாட்டறதோட, அவங்களோட உடல், மன நலத்துக்கான முயற்சிகளையும் மேற்கொள்வாங்க" என்று குழுவின் செயல் வீராங்கனைகளான தீபிகாவும் வினோதினியும் நிறுத்த...

இனி, முதியோர் இல்லங்களுக்கு மூடுவிழா!

'"கூடவே, அரசு மருத்துவமனைகள்ல முதியோர்களுக்கு தனி கவுன்ட்டர் வசதி, சிறைச்சாலைகள்ல தனி அறைகள், காவல் நிலையங்கள்ல அவங்க குறைகளை அலைக்கழிக்காம காதுகொடுத்துக் கேட்க ஒரு தனி அதிகாரினு மாவட்ட கலெக்டர் உதவியோட எங்க பணிகளை விரிவுபடுத்தியும் இருக்கோம்" என்று சந்தோஷம் பகிர்ந்தார்கள் மற்ற இரு செயல் வீராங்கனைகளான காயத்ரி, திவ்யா.

"செல்போன், கம்ப்யூட்டர் மேல காட்டுற அக்கறையகூட எங்க மேல காட்டாம எங்கள இல்லத்துல நிராதரவா விட்டுட்டுப் போயிட்டாங்க எங்க புள்ளைங்க. அவங்கள பெத்து, வளர்த்து, படிக்க வச்சு, கல்யாணம் பண்ணிக் கொடுக்க நாங்க பட்ட பாட்டை நெனச்சுட்டா, உயிரைப் புரட்டும். இப்ப காலேஜ் புள்ளைங்க எல்லாம் வந்து, 'நாங்க இருக்கோம்'னு நாலு வார்த்தை அக்கறையா பேசுறதுதான், இப்ப எங்களுக்கு இருக்கற ஒரே ஆறுதல்..!" என்று கண் கசிந்தனர் இல்லத்தில் இருக்கும் முதியோர்கள்!

நம்மிடம் பேசிய குழுவின் சீனியரும் மெஜுரா காலேஜ் மாணவியுமான செல்வராணி, "குழு சார்பா வருஷா வருஷம் இல்லங்கள்ல இருக்கற தாத்தா, பாட்டிகளுக்கு அறுபதாம் கல்யாணம் பண்ணி வைக்கறதும் நடக்கும். அப்போவெல்லாம் 'இத்தன பேரக் குழந்தைங்க முன்னால எங்களோட அறுபதாம் கல்யாணம் நடக்கறது, சந்தோஷமா இருக்கு'னு நெகிழ்வாங்க'' என்று சொல்லி தானும் நெகிழ்ந்தவர், நிறைவாக சொன்னது நெஞ்சில் நிற்கும் விஷயம். அது...

''ஒரு வருஷமா செயல்பட்டு வர்ற இந்தக் குழுவோட மொத்த உறுப்பினர்கள்ல 85% மாணவிகள்தாங்கறது பெருமைக்குரிய விஷயம். இப்படி ஒவ்வொரு வருஷமும் இதில் கல்லூரி மாணவிகளோட பங்களிப்பு அதிகமாயிட்டே வர்றதே, இந்தக் குழுவோட நோக்கம் பாதி வெற்றி அடைஞ்ச மாதிரிதான். ஏன்னா, பொறந்த வீடானாலும், புகுந்த வீடானாலும் பந்த பாசத்தை பலப்படுத்துறதும், வெட்டி விடறதும் பொண்ணுங்களான எங்க கையிலதானே இருக்கு?!"

இனி, முதியோர் இல்லங்களுக்கு மூடுவிழா!
-இரா.கோகுல்ரமணன்
படங்கள் ஜெ.தான்யராஜு
இனி, முதியோர் இல்லங்களுக்கு மூடுவிழா!
இனி, முதியோர் இல்லங்களுக்கு மூடுவிழா!
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism