Published:Updated:

ஃப்ளாஷ்பேக்!

ஃப்ளாஷ்பேக்!

ஃப்ளாஷ்பேக்!

ஃப்ளாஷ்பேக்!

Published:Updated:

ஃப்ளாஷ்பேக்
ஒவ்வொன்றுக்கும் பரிசு ரூ.150
ஃப்ளாஷ்பேக்!
ஃப்ளாஷ்பேக்!

ஒட்டுமொத்த விகடனுக்கும் ஒரே ஷார்ட்கட்!

இல்லத்தரசிகளும் அசத்துகிறார்கள் காலேஜ் கேம்பஸில்!

'பிராப்ள' புரொபசர்!

ஃப்ளாஷ்பேக்!

நான் இயற்பியல் மூன்றாம் ஆண்டு படித்துக் கொண்டிருந்தபோது, புதிதாக வந்து சேர்ந்தார் அந்த புரொபசர். டிபார்ட்மென்ட்டில் யாராவது ஆசிரியர்கள் வரவில்லை என்றால், அந்த கிளாசுக்கு அவரை அனுப்பிவிடுவார் ஹெச்.ஓ.டி. அவரும் சளைக்காமல் வந்து சேர்வதோடு, தியரி எதுவும் எடுக்காமல், பிராப்ளம் (கணக்குகள்) கொடுத்து போடச் சொல்லுவார். செம்ம்ம்ம போராக செல்லும் அந்த வகுப்புகள் என்பதால், கடுப்பில் அவருக்கு 'பிராப்ளம்' என்று பட்டப் பெயர் சூட்டிவிட்டோம் நாங்கள்.

அன்று எங்களை டிபார்ட்மென்ட்டுக்கு அழைத்த ஒரு பேரா சிரியர், "இந்த கிளாசுக்கு என்னால வரமுடியாது. ஆபீஸ் வொர்க் இருக்கு. அந்த புது புரொபசர் வருவார்" என்று கூற, ஆசிரியர்கள் அறையிலிருந்து வெளியேறும்போதே 'இன்னிக்கு ஃபர்ஸ்ட் ஹவரே பிராப்ளம்தான்..." என்று சலித்துக்கொண்டோம் நாங்கள் - சற்று சத்தமாக! எதிர்பாராதவிதமாக எங்களுக்குப் பின்னால் வந்துகொண்டிருந்த அந்த புது புரொபசர் இதைக் கேட்டுவிட்டு, "என்ன பிராப்ளம்?" என்று கேட்க, எங்கள் நாக்கு டைப் அடிக்க, ஏதேதோ சொல்லிச் சமாளித்துவிட்டு வகுப்புக்கு ஓடி வந்துவிட்டோம்! ஆனாலும், பின்னாலயே வந்து சேர்ந்தது 'பிராப்ள'மும்!

- கே.உமா, மேற்குவங்காளம்

பேராசிரியரை பெஞ்சில் ஏற்றிய பிங்க் குட்டிகள்!

ஃப்ளாஷ்பேக்!

அன்று எங்களுக்கு விலங்கியல் பிராக்டிகல்ஸ். எலியின் வயிற்றைக் 'கட்' செய்து, ஜீரண உறுப்புகளை எடுத்து ஒட்ட வேண்டும். எனக்கு கொடுக்கப்பட்ட எலியின் வயிறு மிகவும் பெரியதாக இருக்க, நான் அதன் உட்புறத் தோலை கட் செய்ததுதான் மிச்சம்... வெளிவந்து விழுந்தன... அந்த எலியின் வயிற்றில்இருந்த இரண்டு குட்டிகள். சட்டென்று அவை நகரப் பார்க்க..., பதற்றத்தில் நான் பெஞ்ச் மேல் ஏறிவிட்டேன். என்னைப் பார்த்த பேராசிரியர், "என்ன இது..? இறங்கு கீழ..." என்று அதட்ட, பதற்றத்துடனே நான் அவரிடம் விஷயத்தைச் சொன்னேன். அதற்குள் பிங்க் நிறத்தில் இருந்த எலிக்குட்டிகள் அவர் கால்களை நெருங்க... இப்போது அவரும் ஏறிவிட்டார் பெஞ்ச்சில். பிறகு, பியூன் வந்து அவற்றை அப்புறப்படுத்தி, எங்களைக் காப்பாற்றினார்!

எங்கள் பேராசிரியரையும் பெஞ்ச் மேல் நிற்க வைத்த அந்த பிங்க் நிற எலிக்குட்டிகள், இப்போதும் கண்களிலிருந்து மறையவில்லை!

- லலிதா ராமன், மகாராஷ்ட்ரா

ராவணனின் சிதை!

ஃப்ளாஷ்பேக்!

நான் கல்லூரியில் முதலாமாண்டு படித்த போது, அன்று எங்கள் தமிழ் ஆசிரியை மாணவிகளின் திருத்திய விடைத்தாள்களை வகுப்பில் விநியோகித்து, அவரவர் செய்த பிழைகளைச் சுட்டிக் காட்டி, அதைத் தவிர்க்க வேண்டிய வழிகளை சொல்லிக் கொண்டிருந்தார். ஒரு மாணவி, 'இராவணன் சிதையைத் தூக்கிச் சென்றான்' என்று எழுதியதைச் சுட்டிக்காட்டிய அவர், "சிதை என்பது எழுத்துப்பிழை என்றாலும், ஒரு வகையில் அதுவும் சரியே! ஏனெனில் இராவணன், சீதையைத் தூக்கிச் சென்றதன் மூலம் தனக்கான சிதையை (நெருப்பை), தானே சுமந்து சென் றான் என்றும் பொருள் கொள்ளலாம்!" என்று கூறி சுவாரஸ்யப்படுத்தினார். இத்தனை நாட்களாக 'அறுவை' என்று நாங்கள் நினைத்திருந்த தமிழ் வகுப்புகள், அன்றிலிருந்தே அறுசுவை வகுப்புகள் ஆனதை சொல்லவும் வேண்டுமோ?!

- கே.ஆர்.லட்சுமிராணி, மதுரை

இந்தப் பகுதிக்கு உங்கள் கல்லூரி அனுபவங்களை எழுதி அனுப்பலாம்.
முகவரி 'ஃப்ளாஷ்பேக்',
அவள் விகடன், 757, அண்ணாசாலை,
சென்னை-600 002


ஃப்ளாஷ்பேக்!
-
ஃப்ளாஷ்பேக்!
ஃப்ளாஷ்பேக்!
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism