Published:Updated:

கனவுகளை நனவாக்கும் கடவுள் தரிசனம்

கனவுகளை நனவாக்கும் கடவுள் தரிசனம்

கனவுகளை நனவாக்கும் கடவுள் தரிசனம்

கனவுகளை நனவாக்கும் கடவுள் தரிசனம்

Published:Updated:

கனவுகளை நனவாக்கும் கடவுள் தரிசனம்
கரு.முத்து
கனவுகளை நனவாக்கும் கடவுள் தரிசனம்
கனவுகளை நனவாக்கும் கடவுள் தரிசனம்

ஒட்டுமொத்த விகடனுக்கும் ஒரே ஷார்ட்கட்!

பிரிந்த தம்பதிகளை சேர்த்து வைக்கும் வாழை!

கனவுகளை நனவாக்கும் கடவுள் தரிசனம்

சையுடனும், அன்புடனும் மணமுடித்த துணையை சில அற்ப காரணங்களுக்காக பிரிந்திருக்க வேண்டிய துர்பாக்கிய நிலை, இன்றைய சமூகத்தில் பலருக்கும் சாபம். இப்படி சபிக்கப்பட்டவர்களின் எண்ணிக்கை பெருகியபடியேதான் இருக்கிறது. அதேபோல தவறான சில பழக்க வழக்கங்களாலும், தற்போதைய உணவு முறைகளாலும் வாழ்க்கையின் அரிய பேறாக கருதுகிற குழந்தைப்பேறு கிட்டாமல் போகும் தம்பதிகளின் எண்ணிக்கையும் அதிகரித்துக் கொண்டேதான் போகிறது.

இந்த இரண்டு வகையினருக்கும் ஏற்றதொரு தீர்வைத் தருகிறார் திருக்களம்பூர் கதலிவனேஸ்வரர். வரம் தரும் தெய்வமாக இருப்பதுடன் வருகிற பக்தர்களின் நோய்களையும் தீர்க்கும் வைத்தியநாதராகவும் விளங்குகிறார்.

புதுக்கோட்டை மாவட்டம், பொன்னமராவதி அருகில் இருக்கிறது இந்த திருக்களம்பூர். ஊரின் மையமாக அமைந்திருக்கிறது 12-ம் நூற்றாண்டைச் சேர்ந்த கோயில். எதிரே பாழடைந்த நிலையில் இருக்கிறது இன்னுமொரு சிவாலயம். 'எதற்கு ஒரே இடத்தில் இரண்டு சிவலாயங்கள்?' என்ற கேள்விக்கு விடையாக, கொஞ்சம் வரலாற்றை புரட்டுவோம்.

மதுரையை ஆண்ட பாண்டிய மன்னன், குதிரையில் காட்டுவழியாக வந்து கொண்டிருந்தபோது, ஓரிடத்தில் அழகிய பிள்ளையார் கோயிலும், அதை ஒட்டி அழகிய வாழைத்தோப்பும் இருந்ததைக் கண்டு அதிசயித்திருக்கிறார். 'இந்த அடர்ந்த காட்டில் இவ்வளவு நேர்த்தியாக இதைப் பராமரிப்பவர் யார்?' என்று தெரிந்து கொள்ள வாழைத் தோப்புக்குள் குதிரையைச் செலுத்தினான் மன்னன். அப்போது ஓரிடத்தில் குதிரை குளம்பு பட்டதும் பெரும் சத்தம் கேட்கவே, இறங்கிப் பார்த்தான். சிவலிங்கம் ஒன்று தலையில் காயம்பட்டு ரத்தம் வடிந்த நிலையில் இருந்தது. இதைக் கண்ட மறுகணமே அவனுடைய பார்வை பறிபோனது. தவறை உணர்ந்த மன்னன் மனமுருக மன்னிப்பு கோரி நிற்க, முதியவர் வடிவில் வந்து மூலிகை பிழிந்து, பார்வை கிடைக்கச் செய்தார் இறைவன்.

கனவுகளை நனவாக்கும் கடவுள் தரிசனம்

தலைநகர் திரும்பிய மன்னன், அமைச்சரை அழைத்து இந்த விவரங்களைச் சொல்லி, சிவலிங்கம் காணப்பட்ட இடத்தில் கோயில் கட்ட உத்தரவிட்டான். அங்கே சென்ற அமைச்சருக்கோ... சிவலிங்கம் இருந்த இடம் சரிவர தெரியவில்லை. குழம்பிப்போனவர், தானே ஓரிடத்தைத் தேர்வு செய்து, கோயிலையும் எழுப்பினார். குடமுழுக்கு விழாவுக்கு வந்தபோது, கோயில் இடம் மாறிக் கட்டப்பட்டிருப்பதை உணர்ந்த மன்னன், உடனே அந்த இடத்திலும் புதிதாக கோயிலைக் கட்டினான். அதுதான் கதலிவனேஸ்வர் கோயில். எதிரே பாழடைந்த நிலையில் இருப்பது... அமைச்சர் கட்டிய கோயில்.

குதிரையின் குளம்புப் பட்டு சிவலிங்கம் வெளிப்பட்டதால், இதை 'திருக்குளம்பூர்' என்று அழைத்திருக்கிறார்கள். அது நாளடைவில் திருக்களம்பூர் என்று மருவியிருக்கிறது என்று கூறப்படுகிறது.

கனவுகளை நனவாக்கும் கடவுள் தரிசனம்

இறைவன் கைங்கர்யத்தில் தன்னை அர்ப்பணித்துக் கொண்டிருக்கும் அதே ஊரைச் சேர்ந்த சண்முகம், "சீதாதேவியை ராமன் காட்டுக்கு அனுப்பினப்போ, வால்மீகி முனிவர் ஆதரவுல சீதா தங்கியிருந்ததும்... லவ, குச சகோதரர்கள் வளர்ந்ததும் இந்தக் காட்டுலதான். அசுவமேத யாகம் செய்ய ராமர் அனுப்பின குதிரையைப் பிடிச்சு, இங்கேதான் வாழை மரத்துல கட்டி வச்சிருந்தாங்களாம் லவ, குசர் ரெண்டு பேரும். குதிரையைத் தேடி ராமர் இங்க வந்தப்போ, அவருக்கும் குழந்தைகளுக்கும் சண்டை நடந்ததும் இங்கதான்.

இங்கயிருக்கற ஈஸ்வரன் அருளால சீதாதேவி, ராமர், லவ, குசர்னு எல்லாரும் ஒண்ணா சேர்ந்தாங்க. அந்த சிறப்புக்குரிய இடம் இது. இன்னிவரைக்கும் பிரிவால வாடற தம்பதிகள சேர்த்து வைக்கிறார்ங்கறது, பக்தர்களோட அனுபவ உண்மை. கூடவே, புத்திரதோஷத்தால வாடுற வங்களுக்கும் அனுக்கிரகம் செய்றார்" என்று புராணத்தைச் சுட்டிக்காட்டி கோயிலின் பெருமை சொன்னார் சண்முகம்.

"என்னோட ஊர் பள்ளத் தூர். சுத்துப்பட்டு ஊர்கள்ல பிரிஞ்சு போன தம்பதிங்க, நோயுற்றவங்கனு இந்த ஈசனால அனுக்கிரகம் பெற்ற வங்க ஏராளம். இப்போகூட... எங்க ஊர்ல பிரிஞ்சிருந்த தம்பதியை, அவங்க வேண்டு தலுக்கு மனமிரங்கி இறைவன் சேர்த்து வச்சுருக்கார். அதுக்கான நன்றிக் கடனுக்காக, அந்தத் தம்பதி கொடுத்தனுப்பி வச்ச காணிக்கையோடதான் இங்கே வந்திருக் கிறேன்!" என்றார் சரஸ்வதி நாகராஜன்.

கனவுகளை நனவாக்கும் கடவுள் தரிசனம்

இங்கே அம்பாளுக்கு தனி சந்நிதி. அம்பாளின் பெயர் சௌந்தரநாயகி. இச்சந்நிதி உருவாகக் காரணம் ஆதிசங்கரர் என்பதால், அம்பாளுக்கு 'காமகோடீஸ்வரி' என்றும் பெயர் உண்டு.

புத்திரதோஷம் நீங்க இங்கே சிறப்புப் பரிகாரம் செய்யப்படுகிறது. தம்பதியர் இரண்டு வாழைக் காய்களை வாங்கி வந்து சுவாமியிடம் படைத்து, ஹோமம் செய்து, கோயிலுக்கு வெளியே அவற்றை வெட்டி பலி கொடுத்தால், மூன்று மாத காலத்தில் பலன் கிடைக்கும் என்பது நம்பிக்கை.

வெளிநாட்டில் (மஸ்கட்) வேலையிலிருக்கும் தங்கள் மகனுக்கு பிள்ளைப் பேறு வேண்டி சிதம்பரத்தில் இருந்து வந்திருந்தார்கள் இந்திரா-லெட்சுமணன் தம்பதி.

"பாண்டிய மன்னனோட பார்வையை திருப்பித் தந்த வைத்தியர் இவர்ங்கறதால, இவரை வேண்டித்தான் மருந்து வணிகத்துல நாங்க ஈடுபட்டிருக்கோம். எல்லாம் நல்லா போயிட்டிருக்கு. தொழில் மட்டுமில்ல, குடும்ப விஷயங்களைக்கூட இவர்கிட்டதான் ஒப்படைப்போம். என் மகனுக்கும், மருமகளுக்கும் குழந்தை பாக்கியம் தள்ளிப் போய்க்கிட்டே இருக்கு. 'எங்களுக்கு பேரனோ, பேத்தியோ தாப்பா...'னு கேட்க வந்திருக்கோம். நிச்சயம் அதையும் கொடுப்பார்!" என்று நம்பிக்கையுடன் பேசினார் இந்திரா.

கனவுகளை நனவாக்கும் கடவுள் தரிசனம்
கனவுகளை நனவாக்கும் கடவுள் தரிசனம்

கதலி என்றால் வாழையைக் குறிக்கும். அந்த வனத்தில் இருப்பதால்தான் கதலிவனேஸ்வரர். சந்நிதியைச் சுற்றியுள்ள பிராகாரம் முழுக்க வாழை மரங்கள் நெடிது நிற்கின்றன. அவற்றுக்கு இடையே புகுந்து புகுந்துதான் பிராகார வலம் வரமுடியும். இங்குள்ள வாழையை வேறு இடத்தில் கொண்டுபோய் வைத்தாலோ... அல்லது வேறிடத்தில் உள்ள வாழையை இங்கே வைத்தாலோ... வளராதாம்.

"பிரிந்திருக்கற தம்பதிகள்ல யாராவது ஒருத்தர் இங்க வியாழக்கிழமை வந்து சுவாமியை வேண்டிட்டு, 108 முறை பிராகார வலம் வந்தா, முப்பது நாள்ல தம்பதிகள் சேர்வாங்க. உடல் வியாதியால வாடுறவங்க, இங்க பூஜை செய்து தர்ற எண்ணெயை வாங்கித் தடவிட்டா வியாதி நீங்கும். இதெல்லாம் காலகாலமா நடந்து வர்ற அற்புதம்!" என்று நெகிழ்ந்தார் ஆலய ஸ்தானிகர்களில் ஒருவரான வைத்தியநாத குருக்கள்.

எப்படிச் செல்வது..?

பொன்னமராவதி, சிங்கம்புணரியிலிருந்து திருக்களம்பூர் செல்ல நகரப் பேருந்து வசதி உள்ளது. பூஜை, பரிகாரப் பொருட்கள் சந்நிதியிலேயே கிடைக்கும். கோயில் திறந்திருக்கும் நேரம் காலை 6 - 12 மணி, மாலை 4 - 8 மணி.

கனவுகளை நனவாக்கும் கடவுள் தரிசனம்
-படங்கள் கே.குணசீலன்
கனவுகளை நனவாக்கும் கடவுள் தரிசனம்
கனவுகளை நனவாக்கும் கடவுள் தரிசனம்
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism