Published:Updated:

கொஸ்டீன் ஹவர்

கொஸ்டீன் ஹவர்

கொஸ்டீன் ஹவர்

கொஸ்டீன் ஹவர்

Published:Updated:

கொஸ்டீன் ஹவர்
கொஸ்டீன் ஹவர்
கொஸ்டீன் ஹவர்

ஒட்டுமொத்த விகடனுக்கும் ஒரே ஷார்ட்கட்!

கொஸ்டீன் ஹவர்
'எதையும் ஒரு முறை...'
'விட்டில் பூச்சி'யாக்கும் விசித்திர பாலிஸி!

கொஸ்டீன் ஹவர்

"இன்ஜினீயரிங் கல்லூரி மாணவி நான். எங்கள் நண்பர்கள் குழுவிலிருக்கும் ஒருவன், என்னிடம் மட்டும் அதிக அக்கறை எடுத்து நெருங்கினான். வாழ்க்கையை அவன் எதிர்கொள்ளும் ஒவ்வொரு அம்சத்திலும் நானும் ஈர்க்கப்பட்டேன். அந்த வரிசையில் அவன் அறிமுகப்படுத்தியதுதான், 'எதையும் ஒரு முறை...' என்ற விசித்திர பாலிஸி.

ஆரம்பத்தில் உணவு, விளையாட்டு, அவுட்டிங் என த்ரில் கூட்டியவன்... ஒரு கட்டத்தில், 'உடல் ரீதியாகவும் அதைப் பரிசோதித்துப் பார்ப்போமே' என்றான். அதனால் அவனைத் தவிர்த்தேன். ஆனாலும், 'இந்த வயசுல இதெல்லாம் சகஜம். எதையும் ஒரு தடவை அளவோட அனுமதிக்கறதால பிரச்னயில்ல...' என்பதையே பலவிதங்களில் பாலிஷாக பேசி தடுமாறச் செய்கிறான். நானும் தடம் மாறிவிடாமல், அவனையும் நல் வழிபடுத்துவது எப்படி?" என்று நீண்ட கடிதம் எழுதியிருக்கும் திருச்சியைச் சேர்ந்த ஒரு மாணவிக்காக பதில் தருகிறார் ஸ்ரீபெரும்புதூர் 'யூத் அண்ட் ஃபேமிலி கவுன்சலர்' வே.சிவகுமார்.

"எந்த நவீன உலகத்திலும் எல்லை தாண்டுவதை யாரும் நியாயப்படுத்த மாட்டார்கள். எனவே, முதல் காரியமாக அவனை நண்பன் என்ற வட்டத்திலிருந்து விலக்கி வையுங்கள். முடியாது போனால் விலகியிருங்கள். நீங்கள் சொல்வதுபோல் அவன் செய்வது விளையாட்டுத்தனமல்ல... அத்தனையும் விஷமத்தனம்... விஷத்தனம்!

அவனை நல்வழிப்படுத்த உங்களால் முடியாது. அப்படியும் முயன்றால் மறுபடியும் உங்களை வீழ்த்த முயல்வான்... ஜாக்கிரதை. ஏனெனில், அவனது வியூகம் மிகவும் குயுக்தியானது. தன்னுடைய இச்சைகளை தீர்த்துக்கொள்ள, 'நட்பு' என்கிற அஸ்திரத்தைப் பயன்படுத்தி, லகுவான பெண்களை வீழ்த்துவது அவனது இலக்காக இருக்கக்கூடும். அல்லது மிகையான மனநல பிறழ்ச்சியில் சிக்கி, தனது புத்திசாலித்தனத்தை அந்த நோக்கிலேயே விரயம் செய்பவனாக இருக்கலாம்.

ஆண்கள் தடுமாறி விழுந்தாலும், சுதாரித்து எழுந்தாலும் பெரிய பாதிப்புகளை சந்திப்பதில்லை. ஆனால், பெண்ணுக்கு அது அழியாத கறையாகிவிடும். எப்படியானாலும் அவனைப் பற்றிய பரிவான சிந்தனைகளை முதலில் கை கழுவுங்கள். உங்களை விடுவித்துக்கொள்ளும் வழியைப் பாருங்கள்... ஒரு சில சுயபரிசோதனைகள் மூலம்.

கொஸ்டீன் ஹவர்

அதாவது, உங்களுடைய நடவடிக்கைகளை, உங்களது தங்கையின் செயல்பாடுகளாக பாவித்து உணருங்கள், உங்கள் பெற்றோரின் வேதனை புரியும். பிரியத்துக்குரிய பெற்றோர் சஞ்சலப்படும் கணத்தை கற்பனை செய்து பார்த்தால்... பருவ வயது தடுமாற்றங்கள் எல்லாம் பனிபோல விலகிவிடும்.

இந்த வயதில் தடுமாற்றங்கள் சகஜமானவையே; எவரும் வெளியே பகிர்ந்து கொள்வதில்லையே தவிர, எல்லோரும் கடந்து வரக்கூடிய இடர்பாடுகள்தான் இவை. ஒருவகையில் நம்மை செதுக்கும் அனுபவங்களில் இதுவும் ஒன்று என்பதாக முதிர்ச்சி கொள்ளுங்கள்.

விழித்துக் கொண்டால் மட்டும் போதாது. முழுமையாக விடுபட சில நடவடிக்கைகளை மேற்கொள்ள வேண்டும். மீண்டும் இடறாதிருக்க... மன உறுதி அவசியம். நல்ல நண்பர்கள், புத்தகங்கள், இசை, விளையாட்டு, படிப்பு, குடும்பத்தினருடம் நேரம் செலவழிப்பது, ஹாபி என்று திட்டமிட்டு உங்களை நீங்களே மடை மாற்றுங்கள். பாஸிட்டிவ் எனர்ஜிக்கு இறைவழிபாடு, யோகா, தியானம் போன்றவற்றில் ஈடுபடலாம். உள் மனஅழுத்தம், தனிமையில் தவறான நினைவுகளால் குழப்பம், படிப்பு, பழக்க வழக்கங்களில் தடுமாற்றம் இவை தொடர்ந்தால்... உடனடியாக கவுன்சலிங் எடுத்துக் கொள்ளவேண்டியது அவசியம். தற்போது பெரும்பாலான கல்லூரிகளிலும் இதற்கென தனிப் பொறுப்பில் ஒரு கவுன்சலர் உள்ளார். அவரது உதவியையோ உங்களுக்கு நெருக்கமான ஆசிரியை உதவியையோ நாடலாம். எந்த வகையிலும் தனிமையை சிறிது காலத்துக்குத் தவிர்க்க முயலுங்கள்.

அவனை தவிர்க்க முயல்வதை வெளிப்படையாகக் காட்டிகொள்ள வேண்டாம். அவன் பலப்பிரயோக நடவடிக்கையில் இறங்காத வரையில் எதிரியாக பாவிக்கவும் வேண்டாம். ஏனெனில். இம்மாதிரி பேர்வழிகள் கெஞ்சலில் மசியாவிட்டால், மிஞ்சப் பார்ப்பார்கள். பிளாக்மெயில் அஸ்திரத்தை பிரயோகிக்கப் பார்ப்பார்கள். சந்திக்கத் தயாராக இருங்கள்.

எல்லாவற்றையும்விட, சில விஷயங்களில் எடுத்த எடுப்பிலேயே 'நோ' சொல்வதை பழகிக்கமாக்கிக் கொள்ள வேண்டும். அடுத்தவர் வருத்தப்படலாம், நட்புக்கு இடையூறாகலாம் என்று நாம் தயங்கினால்... அதையே வசதியாக்கி நம்மை சிக்கலில் மாட்டிவிடுவார்கள். எனவே, வெற்றிகரமான வாழ்க்கைக்கு... சொல்ல வேண்டிய இடத்தில் 'நோ' சொல்வதும், கற்றுகொள்ள வேண்டிய முக்கிய கலையே!''

டிப்பு, வேலை வாய்ப்பு, கன்சல்டன்ஸி நம்பகத்தன்மை, நேர்காணல்கள், நுழைவுத் தேர்வுகள், அரசுப் போட்டித் தேர்வுகள், பகுதி நேர வேலை விவரங்கள், மாடலிங் வாய்ப்புகள், 'பியூட்டி கொர்ரி'க்கள், மனவியல் குழப்பங்கள், காதல் சிக்கல்கள், நட்பு துரோகங்கள், இணைய தளம் மூலமாக வரும் பிரச்னைகள்... என்று மாணவ சமுதாயத்தின் மனதில் எழும் எல்லா கேள்விகளுக்கும், குழப்பங்களுக்கும் விடை தருகிறோம் இங்கே... விளக்கமாக! கேளுங்கள்... காத்திருக்கிறோம்!

 

கொஸ்டீன் ஹவர்
-
கொஸ்டீன் ஹவர்
கொஸ்டீன் ஹவர்
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism