Published:Updated:

வாட்டிய வறுமையை விரட்டிய வைராக்கியம்!

வாட்டிய வறுமையை விரட்டிய வைராக்கியம்!

வாட்டிய வறுமையை விரட்டிய வைராக்கியம்!

வாட்டிய வறுமையை விரட்டிய வைராக்கியம்!

Published:Updated:

தன்னம்பிக்கை
ஊரோடி
வாட்டிய வறுமையை விரட்டிய வைராக்கியம்!
வாட்டிய வறுமையை விரட்டிய வைராக்கியம்!

ஒட்டுமொத்த விகடனுக்கும் ஒரே ஷார்ட்கட்!

வாட்டிய வறுமையை விரட்டிய வைராக்கியம்!

அசத்தும் ஆட்டுக்கார அம்மணி

வாட்டிய வறுமையை விரட்டிய வைராக்கியம்!

'' 'எனக்கு மட்டும் ஏன் இப்படி எல்லா கஷ்டமும்'னு கேட்கற ஆளில்ல நான். எல்லாரையும் மாதிரிதான் எனக்கும் வாழ்க்கையில சில சோதனைங்க வந்துச்சு. ஆனா, 'இதுதான் என் விதி'னு சோர்ந்து போகாம, 'ஏதாச்சும் அதிசயம் நடக்காதா'னு காத்துக் கெடக்காம, உழைப்பையும் புத்தியையும் சேர்த்துப் போட்டு வழிகளைத் தேடினேன்... இப்போ எனக்கு விடிஞ்சுருக்கு!''

- அர்த்தம் பொதிந்த அனுபவ வார்த்தைகளுடன் ஆரம்பித்தார் வளர்மதி!

தேனி மாவட்டம், சிலமலை கிராமத்து மனுஷி வளர்மதி. கூட்டுக் குடும்பத்தைவிட்டு வெளியேற வேண்டிய சூழல் வந்தபோது, சுவர்களாக தகரமும், கூரையாக தென்னங்கீற்றும் தாங்கிய வீட்டில் கணவருடன் குடியேறிவர். தன் விடாமுயற்சியால் இன்று வளர்மதியின் கையில் ஐந்து தொழில்கள், வருமானங்கள்! குடிசைத் தொழிலாக 'அரம்' (Files) செய்கிறார்; தையல் வேலைகள் பார்க்கிறார்; கூலிக்கு மாவு அரைத்துக் கொடுக்கிறார்; ஆடுகள் வளர்க்கிறார்; ஐ.ஓ.பி. வங்கியின் 'வர்த்தக வசதி சேவை மைய' பொறுப்பாளராக இருக்கிறார்!

''நாலாவது வரைக்குமே படிச்ச நான், இன்னிக்கு மாசம் பத்தாயிரம்கிட்ட சம்பாதிக்கறேங்கறது, சாதனை இல்லைனாலும், சந்தோஷமான விஷயம்தானேங்க..?! மாசம் நாப்பதனாயிரம் சம்பாதிக்கறவங்களுக்கு நான் ஒரு செய்தியா இருக்கலாம். ஆனா, மாசம் நானூறு ரூவா சம்பாதிக்கறவங்களுக்கு நான் ஒரு நம்பிக்கையா இருப்பேங்க...'' - வளர்மதியின் வார்த்தைகளில் ததும்புகிறது உற்சாகம், நமக்கு பொங்குகிறது ஆச்சர்யம்!

வாட்டிய வறுமையை விரட்டிய வைராக்கியம்!

''எங்க ஊரு சிலமலையில எல்லாருமே குடிசைத் தொழிலா அரங்களை செய்வோம். நானும் செஞ்சேன். பத்தொம்பது வயசுல சொந்தத்துலயே என்னைய கலியாணம் செஞ்சு கொடுத்தாக. என் வீட்டுக்காரர் சத்தியமூர்த்திக்கு தச்சு வேலைதான் தொழிலு. ஆனா, அவரு கொண்டுட்டு வர்ற அஞ்சையும் பத்தையும் அம்மா கையில கொடுத்தாலும், அந்தக் கூட்டுக் குடும்பத்துல அவருக்குப் பெருசா மரியாதை கிடைக்கல. எனக்கு கல்யாணமான கொஞ்ச நாள்ல மாமியார் இறந்து போக, 'மருமக வந்த ராசி, மாமியாரைத் தின்னுட்டா'னு வேற என்னை நோகடிச்சாக.

ஒரு கட்டத்துல, 'வாங்க தனியா போயி பொழச்சுக்கலாம்'னு அவரைக் கூட்டிக்கிட்டு தனிக்குடித்தனம் வந்துட்டேன். தகர அடைப்பையே வீடா நெனச்சு, வெறுங்கையோட வாழ்க்கைய ஆரம்பிச்சோம்'' என்ற வளர்மதிக்கு, அந்தச் சூழல்தான் முன்னேற்றத்துக்கான கட்டாயத்தை ஏற்படுத்தியிருக்கிறது.

''கிடைக்கற தச்சு வேலைகளுக்கு அவரு போய்க்கிட்டிருந்தாரு. ஆனா, சாயங்காலம் வீடு வர்றவர்கிட்ட 'இன்னிக்கு கூலி எங்கங்க?'னு கேட்டா, 'பாவம்மா... அவுக வீட்டுலயே கஷ்டம். கொடுக்கும்போது கொடுங்கனு சொல்லிட்டு வந்துட்டேன்'னு சொல்றவர்கிட்ட, என்னத்தப் பேசுறது? 'இவரை நம்பினா வீட்டுல உலை கொதிக்காது'னு தெரிஞ்சது. மறுபடியும் அரம் வெட்ட ஆரம்பிச்சேன். தினம் அம்பது ரூவா வருமானம் உறுதியாச்சு. கூடவே, தையல் தொழில் தெரியுங்கறதால, சேமிச்ச காசுல ஒரு பழைய தையல் மெஷின வாங்கி, டவுனுக்குப் போயி காடாத்துணி வாங்கி உள்பாவாடை தைச்சு வித்தேன். அதுலயும் கொஞ்சம் காசு பார்க்க முடிஞ்சது'' என்பவருக்கு, பொருளாதாரத் தேவை ஓரளவு பூர்த்தியாகி இருக்கிறது.

வாட்டிய வறுமையை விரட்டிய வைராக்கியம்!

'' 'வயிறு நெரம்பிடுது, வேற என்ன வேணும்'னு உட்கார்ந்துடாம, ஒரு சின்ன கிரைண்டரு வாங்கி கூலிக்கு இட்லி மாவு அரைச்சுக் கொடுக்க ஆரம்பிச்-சேன். அந்தச் சமயத்துல மகளிர் சுயஉதவிக் குழுவில உறுப்பினரானேன். அப்போதான் வெளிய நாலு மனுஷ மக்களோட பழக முடிஞ்சுது... முன்னேற என்னவெல்லாம் வாய்ப்புங்க இருக்குனு தெரிஞ்சுக்க முடிஞ்சுது.

இராசிங்காபுரம் இந்தியன் ஓவர்சீஸ் பேங்க்ல, ஆடு வளர்க்க குழுவுக்கு கடன் கொடுத்தாக. துணிஞ்சு 34,000 ரூவா கடன் வாங்கி, பதினோரு ஆடுகள வாங்கினேன். ஆட்டுப் புழுக்கைய வித்து அந்தக் காசுல ஆடுகளுக்கு அகத்திக் கீரை வாங்கிப் போட்டேன். தட்டைப்பயறு சீஸனுல 'தட்டாம் பொட்டு' வாங்கி சாக்குல போட்டு பரணியில சேகரிச்சு வெச்சு, தீவனம் குறையறப்போ அதை மாற்றுத் தீவனமா கொடுத்தேன்'' என்று புழுக்கைகளை சேகரித்தபடியே அவர் சொல்லிக் கொண்டிருக்க... அவருடைய செல்போன் 'பீப்...' என அழைக்க... கை கழுவி வந்து எடுக் கிறார்.

'' 'விடியல்'ங்கற தொண்டு நிறுவனத்துல இருந்து எங்களுக்கு செல்போன் வாங்க பணமும், ஒரு இலவச சிம் கார்டும் கொடுத்தாக. தெனமும் அஞ்சு தடவ அதுல 'வாய்ஸ் மெயில்'ல வெவசாய டிப்ஸ் வரும். ஆடு வளர்ப்பு, எளியமுறை ஆடு வைத்தியக் குறிப்புகள் எல்லாம் கேட்டுக்குவேன்...'' என்று தகவல் சொல்லிவிட்டு, 'இன் பாக்ஸ்'-ல் அவர் 'வாய்ஸ் மெயில்' ஓபன் செய்து கேட்டபோது, விழிகள் விரிந்தது நமக்கு.

ஐ.ஓ.பி-யின் மூலம் வளர்மதிக்கு கிடைத்திருக்கும் இன்னொரு வாய்ப்பு, 'வர்த்தக வசதி சேவை மையம்'. சுற்று வட்டாரப் பகுதிகளில் வங்கிகளே இல்லாத கிராமங்களுக்கு, இந்த மையம் கை கொடுக்கிறது. குறிப்பிட்ட இந்த மையத்துக்கு வளர்மதிதான் பொறுப்பாளர். வளர்மதி வீட்டி-லேயே கையடக்கமாக ஒரு மெஷின் இருக்கிறது, ஏ.டி.எம். போல. மையத்தில் கணக்கு வைத்திருப்-பவர்கள், இந்த மெஷினில் தங்களின் கை ரேகையை பதிந்துவிட்டு, பணம் எடுக்கலாம், செலுத்தலாம். ஒவ்வொரு டிரான்ஸாக்ஷனுக்கும் ரசீது வரும். பேங்குக்கு செல்லும்போது பாஸ் புக்கில் என்ட்ரி போட்டுக் கொள்ளலாம். இதை கண்காணிக்கும் வளர்மதிக்கு மாத ஊதியம் ரூபாய் 1,000. நூறு வாடிக்கையாளர் சேர்ந்துவிட்டால் சிறப்பு ஊதியம் ரூபாய் 3,000, ஆக நான்காயிரம் தனி வருமானம்!

இப்படி ஐந்து விதமான தொழில் செய்யும் வளர்மதியின் இன்றைய மாத வருமானம் சுமார் பத்தாயிரம் ரூபாய்! தன் மூன்று குழந்தைகளுடன் தலை நிமிர்ந்து தன்னம்பிக்கையுடன் நிற்கிறார்.

வாட்டிய வறுமையை விரட்டிய வைராக்கியம்!

''என் ரெண்டாவது குழந்தை பிறந்த அஞ்சாவது நாள் ஊர்ல சீனிவாச பெருமாள் கோயில் திருவிழா நேரம். எனக்கும் அரம் வெட்ட முடியல; வீட்டுக்காரருக்கும் வேலையேதும் கிடைக்கல. பணம் இல்லாம பட்ட கஷ்டம் கொஞ்சநஞ்சமில்ல. திருவிழா-வுக்கு இட்லி மாவு அரைக்க ஆளுங்க வந்தாங்க. பச்சப்புள்ளய பாயில படுக்க போட்டுட்டு, நாள் பூரா மாவு ஆட்டி நான் சம்பாதிச்ச காசு, அம்பது ரூவா. அன்னிக்கு எடுத்த வைராக்கியம்-தான்... இன்னிக்கு வரைக்கும் நிக்கமா இப்படி ஓட வைக்குது'' என்றவர்,

''காலையில எந்திரிச்சு ஆட்டு கொட்டம் கூட்டி, தண்ணி வெச்சு, பிள்ளைகளுக்குச் சமைச்சு பள்ளிக்கூடம் அனுப்பிட்டு, ஆட்டுக்கு தீவனம் போட்டுட்டு வந்து உட்கார்ந்தா, சாயங்காலம் வரைக்கும் ஃபைலு வெட்டுவேன். நடுவுல, பேங்க்ல பணம் போட, எடுக்க வர்ற ஆளுங்களையும் பார்த்துக்குவேன். அப்புறம் கிரைண்டர்ல மாவு அரைச்சுட்டே ராத்திரி சமையலை முடிச்சு, பிள்ளைகளுக்கு பசியமத்தி தூங்க வெச்சுட்டு, மெஷின்ல உக்காந்து, டி.வி. பாத்துகிட்டே ரெண்டு மணி நேரம் தைப்பேன். ஆட்டுக்கு கொஞ்சம் தீவனம் போட்டுட்டு, கடைசியா தூக்கம். காலையில கோழி கூவ, வேல ஆரம்பிக்கும்!'' என்று தன் உழைப்பால் நிறைந்த தன் தினசரி 'ஷெட்யூல்' சொல்லும் வளர்மதி, சிலமலை கிராம அளவிலான ஏழு மகளிர் குழு கூட்டமைப்பின் தலைவி, பஞ்சாயத்து அளவிலான பதினான்கு மகளிர் கூட்டமைப்பின் பொருளாளர், 'விடி வெள்ளி' மகளிர் அமைப்பின் நிர்வாக உறுப்பினர், மகளிர் சுயஉதவிக் குழுக்களின் தீவிர ஆர்வலர்.

''வேற என்னங்க... மனசிருந்தா மார்க்கமிருக்கும்!'' - உழைக்க காத்திருப்பவர்களுக்கு தான் ஒரு எடுத்துக்காட்டு என்பதை, இப்படி எளிய வார்த்தைகளில் சொன்னார் வளர்மதி!

வாட்டிய வறுமையை விரட்டிய வைராக்கியம்!
-படங்கள் சி.பாலசுப்பிரமணியன்
வாட்டிய வறுமையை விரட்டிய வைராக்கியம்!
வாட்டிய வறுமையை விரட்டிய வைராக்கியம்!
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism